Tag: سیف علی خان

ممبئی: بالی ووڈ کے چھوٹے نواب سیف علی خان بھی پاکستانی فنکاروں کے بھارت میں کام کرنے کے حوالے سے ہندو انتہا پسندوں کے خلاف بول پڑے ہیں،ان کا کہنا ہے کہ بالی ووڈ سرحد پار ٹیلنٹ کے لیے کھلی ہے۔

سیف علی خان بھی اب ہندو انتہا پسندوں کی جانب سے پاکستانی فنکاروں کو ملنے والی دھمکیوں کے خلاف سامنے آگئے ہیں، ان کا کہنا ہے کہ بالی ووڈ سرحد پار ٹیلنٹ کے لیے بھی کھلی ہے جب کہ سرحد پارٹیلنٹ کےلیے کام کی اجازت دینے کا فیصلہ صرف بھارتی حکومت کو کرنا چاہیے۔

سیف علی خان نے کہا کہ ہم آرٹسٹ ہیں صرف محبت اور امن کی بات کریں گے، پاکستانی فنکار امن کا پیغام دے رہے ہیں جب کہ پاکستانی اداکاروں کے بھارتی فلموں میں کام کرنے سے جو ثقافت دکھتی ہے اسے پروان بھی چڑھنا چاہیئے جب کہ کام کرنے کی اجازت کس کو دینی ہے کس کو نہیں یہ فیصلہ حکومت کو قانون کے تحت کرنا چاہیے۔

دوسری جانب بالی ووڈ اداکار اوم پوری نے کہا کہ پاکستانی فنکاروں کو بھارت سے نکالنے کا کسی کو حق نہیں ہے، کسی کو یہ حق حاصل نہیں کہ وہ کہے اس کو نکال دو اور اس کو نکال دو،پاکستانی فنکاروں کوبھارت میں کوئی خطرہ نہیں ہے۔

ممبئی: معروف بھارتی اداکار سیف علی خان نے اپنی 46 ویں سالگرہ اپنی اہلیہ اور خاندان کے لوگوں کے ساتھ منائی ۔

تفصیلات کے مطابق بالی ووڈ اداکار نے اپنا جنم دن اپنی اہلیہ اور خاندان کے افراد کے ساتھ منایا ، سیف علی خان کی سالگرہ کے موقع پر منقعد نجی تقریب میں ان کی والدہ شرمیلا ٹیگور ، ان کے بیٹے ابراہیم خان، ان کی اہلیہ کرینہ کپور کی بہن کرشمہ کپور ، ان کی بہن سوہا علی خان اور بہنوئی کونال کھیمو نے شرکت کی ۔

بالی ووڈ اداکار سیف علی خان 16 اگست 1970 کو نئی دہلی میں پیدا ہوئے اور فلمی کیریئر کا آغاز 1992 میں فلم ’پرم پرا‘ سے کیا، ابتدا میں فلاپ پر فلاپ فلمیں دینے والے سیف علی خان کو بالآخر 2001 میں کامیابی ملی جب فرحان اختر کی فلم ’دل چاہتا ہے‘ سپر ہٹ ہوئی جس نے نواب پٹودی اور شرمیلا ٹیگور کے صاحبزادے سیف کو شہرت کی بلندیوں پر پہنچا دیا۔

بالی ووڈ فلم ’کل ہو نا ہو‘، ’ہم تم‘، ’سلام نمستے‘، ’ریس‘،’پری نیتا‘، ’اومکارہ‘، ’کاک ٹیل‘ اور ’ریس ٹو‘ کا شمار سیف علی خان کی ہٹ فلموں میں ہوتا ہے اور جن کے باعث انہوں نے کئی ایوارڈز بھی اپنے نام کیے، سیف نے بطور پروڈیوسر فلم ’لؤ آج کل‘ بنائی جو ہٹ ہوئی لیکن بگ بجٹ فلم ’ایجنٹ وینود‘ کو بری طرح ناکامی کا سامنا کرنا پڑا۔

سیف علی خان نے پہلی شادی 1991 میں اداکارہ امرتا سنگھ سے کی جن سے ان کے 2 بچے بھی ہیں لیکن یہ شادی زیادہ عرصہ چل نہ پائی اور طویل عرصے تک میڈیا میں کرینہ کپور سے شادی کے چرچے رہنے کے بعد بلآخر اکتوبر 2012 میں سیف اور کرینہ شادی کے بندھن میں بندھ گئے۔

بالی ووڈ کی فلموں میں بچوں کے کردار میں نظر آنے والے بہت سے چائلڈ اداکار اور اداکارائیں اب بالکل مختلف نظر آتے ہیں۔

بالی ووڈ کی مشہور فلم تارا رم پم میں اداکار سیف علی خان اور رانی مکھرجی کی بیٹی کے کردار میں نظر آنے والی انجیلین ادنانی (پریا سنگھ) اب ایک مختلف روپ میں نظر آتی ہیں۔

چھوٹی سی بچی کے کردار میں نظر آنے والی انجیلین گزرتے وقت کے ساتھ ساتھ اب ایک دلکش اور خوبرو نوجوان لڑکی کی روپ میں دکھائی دیتی ہیں ، فلم تارا رم پم میں انجلین کو منتخب کرنے کے لیے چار مرتبہ ان کا آڈیشن لیا گیا تھا۔

بالی ووڈ کی اسی فلم میں اداکار سیف علی خان اور رانی مکھرجی کے بیٹے کے کردار میں نظر آنے والا علی حاجی (چیم ) بھی اب ایک نوعمر نوجوان کا روپ دھار چکے ہیں جس کے بعد انہیں پہچاننا نہ صرف مشکل بلکہ نا ممکن بھی ہے۔