Tag: سیف علی خان

  • ‘میں کوئی لاش نہیں جو کام نہیں کر سکتی’

    ‘میں کوئی لاش نہیں جو کام نہیں کر سکتی’

    ممبئی: بالی ووڈ اداکارہ کرینہ کپور امید سے ہیں اور چند ہفتے قبل ہی کرینہ اور ان کے شوہر سیف علی خان نے اس بات کی تصدیق کی جس کے بعد میڈیا میں طوفان آگیا۔ تاہم میڈیا میں کرینہ کے حوالے سے کیے جانے والے تبصروں اور خبروں نے کرینہ کپور کو غصہ دلا دیا اور ایک انٹرویو میں انہوں نے میڈیا کی ٹھیک ٹھاک کلاس لے ڈالی۔

    کرینہ کے حاملہ ہونے کی خبر کے بعد سب سے پہلا سوال یہ اٹھا کہ کیا وہ اپنی آنے والی فلم ’ویرے دی ویڈنگ‘ کی شوٹنگ جاری رکھ پائیں گی یا نہیں۔ ایک بھارتی اخبار کو انٹرویو دیتے ہوئے کرینہ کپور میڈیا پر برس اٹھیں، ’میں حاملہ ہوں، کوئی لاش نہیں جو کام نہیں کر سکتی‘۔

    k1

    میڈیا میں اس بات پر بھی بحث کی جانے لگی کہ کیا کرینہ فلم کی شوٹنگ میں ڈھیلے ڈھالے لباس استعمال کریں گی، ان کے کام کرنے کے اوقات کیا ہوں گے، اس کے بعد ان کے مستقبل کے کیا منصوبے ہوں گے اور کیا وہ اپنا کیریئر جاری رکھ پائیں گی۔

    کوریا کی بسوں میں حاملہ خواتین کے لیے خصوصی الارم نصب *

    کرینہ نے تمام سوالوں کا جواب دیتے ہوئے کہا کہ ماں بننا ایک عام بات ہے اور میڈیا کو اسے ہوا بنانے کی ضرورت نہیں۔ ’براہ مہربانی میڈیا مجھ سے کسی خلائی مخلوق جیسا سلوک کرنا بند کردے‘۔

    k2

    انہوں نے کرارا جواب دیتے ہوئے کہا کہ وہ اپنا کام جاری رکھیں گی۔ ’اگر کسی کو میرے ساتھ کام کرنے میں مسئلہ ہے تو وہ میرے ساتھ کام نہ کرے۔ میں اپنا کام نہیں چھوڑوں گی‘۔

    مودی کی حاملہ خواتین کے مفت علاج کی ہدایت *

    کرینہ نے کہا کہ یہ 2016 ہے کوئی اٹھارویں صدی نہیں۔ ’میرا خیال ہے اس دور میں بھی چیزوں کو اس طرح نہیں دیکھا جاتا ہوگا جیسے آج دیکھا جاتا ہے۔ اس وقت لوگوں میں تمیز اور تہذیب زیادہ تھی‘۔

    k3

    کرینہ کپور کی فلم ’ویرے دی ویڈنگ‘ ایکتا کپور اور سونم کپور کی بہن ریحا کپور کی ہدایت کاری میں بن رہی ہے جبکہ سونم کپور بھی فلم میں ایک اہم کردار ادا کر رہی ہیں۔

  • بالی ووڈ کے 10 ایسے ستارے جو جیل کی ہوا کھا چکے ہیں

    بالی ووڈ کے 10 ایسے ستارے جو جیل کی ہوا کھا چکے ہیں

    شہرت اور پُرتعیش زندگی کو ہضم ہر کسی کے بس کی بات نہیں، یہی وجہ ہے جب کوئی مشہور اور انتہائی دولت مند ہوتا ہے تو اصل رنگ دکھانے لگتا ہے۔ کچھ ایسے ہی بالی ووڈ کے 10متنازعہ سٹار ز کے بارے میں آپ کے بتاتے ہیں جنہیں جیل کی ہوا کھانی پڑی ۔

    اکشے کمار

    Bollywood

    بالی ووڈ سپر سٹار اکشتے کمار کو مارچ 2009 میں ایک تقریب کے دوران بیہودہ حرکات کرنے پر گرفتار کیا گیا تھا ۔مارچ 2009 میں لکمی فیشن ویک کے دوران سر عام اکشے کمار کی بیوی ٹونکل اپنے شوہر کی پینٹ کے بٹن کھو ل رہی تھی جس فوٹو گرافرز اور مووی میکرز نے کیپچر کر لیا تھا ۔ اس بیہودگی پر اکشے کو گرفتاری دینا پڑی تھی ۔
    سونالی بندرے

    Bollywood

    سونالی بندرے کو ایک میگزین کے لئے نامناسب پوز دے کر ہندوﺅں کے مذہبی جذبات کو ٹھیس پہنچانے پر جیل جانا پڑا تھا ۔

    فردین خان
    Bollywood

    اوم جے جگدیش اور جنگل سمیت متعدد بالی ووڈ فلموں میں بطور ہیرو اداکاری کرنے والے فرید خان کو کوکین رکھنے کے جرم میں گرفتار کیا گیا ۔ فردین خان کو کوکین برآمد ہونے پر کچھ عرصہ علاج بھی کروانا پڑا ۔

    جان ابراہیم
    Bollywood

    ہیوی بائیک کے شوقین جان ابراہیم کو 2010میں بری ڈرائیونگ اور دو لوگوں کو زخمی کرنے کے جرم میں سزا کا سامنا کرنا پڑا۔ جان کو پندرہ روز جیل میں بیتانے کے بعد ضمانت پر رہائی مل گئی تھی ۔

    شانی اہوجا

    Bollywood
    فلم ’گینگسٹر‘ کے اداکار کو اپنی ملازمہ سے زیادتی کرنے کے جرم میں 7سات قید کی سزا ہوئی ہے ۔ اس گھناﺅنے جرم نے اس ادکار کا سارا کیریئر بھی تباہ کر دیا۔

    سلمان خان

    Bollywood
    بھارتی ریاست راجستھان میں ایک فلم کی شوٹنگ کے دونوں کے دوران دبنگ خان نے ہرنوں کا شکار کیا جس کے نتیجے میں انہیں جیل کی یاترا کرنا پڑی ۔

    سنجے دت

    Bollywood
    1993 میں ممبئی سلسلہ وار بم دھماکوں کے کیس میں سنجے دت کو سزا ہوئی ۔ بالی ووڈ کے کھل نائیک پر ممبئی بم دھماکوں میں استعمال ہونے والا اسلحہ خرید نے کا الزام تھا۔

    سیف علی خان

    Bollywood
    بالی ووڈ کے نواب کو ایک پوش ریسٹونٹ میں کھانے کے دوران ایک شخص کو مکا مارنے پر حراست میں لیا گیا تھا ۔ سیف اس وقت کرینہ کپور اور اس کی بہن کرشمہ کپور کے ساتھ ڈنر کر رہا تھا جب یہ ناگوشگوار واقعہ رونما ہوا۔

    مدوبالا

    Bollywood
    انڈین فلم انڈسٹری کی سب سے خوبرو اداکارہ مدو بالا کو 1957 میں ایک فلم میں اداکاری کا معاہدہ کرنے کے بعد اس میں کام سے انکار پر سزا کا سامنا ہوا ۔ دلیپ کمار بھی اس وقت مدو بالا کے خلاف ہو گئے تھے اور ان میں ان بن چل رہی تھی جس کا فائدہ یہ ہوا کہ دلیپ کمار نے بھی عدالت میں فلم ڈائریکٹر کے حق میں بیان دیا ۔

    مونیکا بیدی

    Bollywood
    90کی دہائی کی اداکارہ مونیکا بیدی کو 2006 میں فرضی نام سے پاسپورٹ بنانے کے جرم میں گرفتار کیا گیا ۔ نومبر 2010 میں بھارتی عدالت عظمیٰ نے فیصلہ برقرار رکھا تاہم سزا میں کمی کر دی کیونکہ اداکارہ پہلے ہی جیل کاٹ رہی تھی ۔

  • نئی بھارتی فلم فینٹوم کا ٹریلر ریلیز کردیا گیا

    نئی بھارتی فلم فینٹوم کا ٹریلر ریلیز کردیا گیا

    ممبئی: بھارتی فلموں  کے سپر اسٹار سیف علی خان اور کترینہ کیف کی نئی آنے والی فلم فینٹوم کا ٹریلر ریلیز کردیا گیا، مذکورہ فلم میں سیف علی خان اور کترینہ کیف نے مرکزی کردار ادا کیا ہے۔ دیگر کرداروں میں سبھاشی چکرورتی اور محمد زیشان ایوب شامل ہیں۔

    مذکورہ فلم کی کہانی 2008 میں ممبئی میں ہونے والی دہشت گردی کے واقعے پر مبنی ہے، اس سے قبل فلم فینٹوم کا پوسٹر چند روز پہلے جاری کیا گیا تھا، اور آج اس کا ٹریلر بھی ریلیز کردیا گیا ہے۔

    ٹریلر کے اجرا کے موقع پر سیف علی خان کا کہنا تھا کہ مجھے اس فلم میں کام کرنا بہت اچھا لگا اور میری خواہش ہے کہ میں اس طرح کی مزید فلموں میں بھی کام کروں۔

    مذکورہ فلم کے پروڈیوسرساجد ناڈیاڈ والا ہیں، ساجد ناڈیاڈ والا نے اس سے پہلے ایک سپرہٹ فلم بے بی بھی بنائی تھی جسے عوام میں بے حد پذیرائی ملی۔

    فلم فینٹوم آئندہ ماہ 28 اگست کو بھارت کے سنیماؤں میں نمائش کیلئے پیش کردی جائے گی۔

  • کرینہ سے شادی کرنے پر مسائل کا سامنا کرنا پڑا ، سیف علی

    کرینہ سے شادی کرنے پر مسائل کا سامنا کرنا پڑا ، سیف علی

    ممبئی: بالی ووڈ اداکار سیف علی خان نے انکشاف کیا ہے کہ جس طرح اس کے باپ کو شادی کرنے پر دھمکیاں دی گئی تھیں ، اس کو بھی کرینہ سے شادی کی کوششوں میں دھمکیوں کا سامنا کرنا پڑا۔
    سیف نے کہا ہے کہ اس کے والد منصور علی خان پٹوڈی اور والدہ شرمیلا ٹیگور نے شادی کا فیصلہ کیا تو مختلف مذہب رکھنے کی وجہ سے انہیں بہت جدوجہد کرنا پڑی ، اور مختلف عناصر کی جانب سے دھمکیاں دی گئیں۔ پھر جب میں نے کرینہ سے شادی کا فیصلہ کیا تو مجھے بھی ایسی ہی صورت حال کا سامنا کرنا پڑا تھا۔
    kareena-kapoor
    بھارتی میڈیا کے مطابق حالانکہ سیف کو اس کی سیکولر سوچ کی وجہ سے بھارت میں پسند کیا جاتا ہے، اس کے باوجود کرینہ کپور سے شادی میں مسائل کا سامنا ہے۔