بہلوال : سیلابی صورتحال کے پیش نظر تعلیمی اداروں میں7 روزہ تعطیل کااعلان کردیا گیا اور اس حوالے سے نوٹیفکیشن بھی جاری کردیا گیا۔
تفصیلات کے مطابق دریائے چناب میں سیلابی صورتحال کے پیش نظر اسسٹنٹ کمشنر نے کوٹ مومن کے تعلیمی اداروں میں 7 روز کی تعطیل کا اعلان کردیا۔
سیلاب سے متعلق تمام اپڈیٹس
اسسٹنٹ کمشنر کی جانب سے جاری نوٹیفکیشن میں کہا گیا کہ کوٹ مومن میں 2 ستمبر تک تعلیمی اداروں بند رہیں گے۔
انتظامیہ کا کہنا ہے کہ دریائے چناب کے کنارے واقع علاقوں میں سیلابی خطرات کے باعث طلبہ کی جان و مال کے تحفظ کو مدنظر رکھتے ہوئے یہ فیصلہ کیا گیا ہے۔
خیال رہے پنجاب کے دریاوں میں اونچے درجے کا سیلاب برقرار ہے، دریائے راوی، چناب اور ستلج میں سیلابی صورتحال سے کئی اضلاع شدید متاثر ہوئے ہیں۔
پانی دیہات اور بستیوں میں داخل ہوگیا جبکہ شہر بھی زیرآب آگئے، پنجاب میں تاریخ کا بد ترین سیلاب پچیس جانیں گیجس کے پیش نظر وزیراعلیٰ پنجاب نے صوبے بھر کے اسپتالوں میں ایمرجنسی نافذ کر دی اور عملےکی چھٹیاں منسوخ کردی گئیں ہیں۔
وزیراعلیٰ پنجاب نے تمام اسپتالوں میں عملے کو 24 گھنٹےالرٹ رہنے کا حکم جاری کیا ہے۔