Tag: سیلاب زدگان کی مدد

اسلام آباد : ایشیائی ترقیاتی بینک نے پاکستان کی بھرپور معاونت کا اعلان کرتے ہوئے سیلاب زدگان کی مدد کیلئے بڑے پیکج کی تیاری کا آغاز کردیا۔

تفصیلات کے مطابق ایشیائی ترقیاتی بینک نے پاکستان میں سیلاب زدگان کی مدد کیلئے بڑے پیکج کی تیاری شروع کردی۔

ایشیائی ترقیاتی بینک کی جانب سے اعلامیے میں کہا گیا ہے کہ پاکستان کی بھرپور معاونت کی جائے گی، سیلاب متاثرہ علاقوں میں ریلیف کیلئے فنڈ جاری کیے جائیں گے۔

بینک کا کہنا ہے کہ سیلاب میں غریب مستحق افراد، بیمار خواتین اور بچوں کی مدد کریں گے، بینک کاشت کاروں کی فصلوں کے نقصان کا ازالہ کرے گا۔

اعلامیے میں کہنا ہے کہ کسانوں کودوبارہ فصلیں اگانے، پاؤں پرکھڑا ہونے کیلئےمواقع فراہم دینگے۔

بینک سیلاب سےتباہ حال سڑکوں، پل، انفراسٹرکچر، تباہ حال گھر، اسکول، اسپتال اور دیگر عمارتوں کی تعمیر نوکیلئے بھی مدد کریں گے۔

اسلام آباد : چیئرمین تحریک انصاف عمران نے سیلاب زدگان کی مدد کیلئے امریکا ، یورپ، برطانیہ میں بسنے والے افراد سے خود رابطے کا فیصلہ کرلیا۔

تفصیلات کے مطابق سیلاب زدگان کی مدد کیلئے چیئرمین پی ٹی آئی عمران خان آج ٹیلی تھون پر اہم اجلاسوں کی صدارت کریں گے۔

چیئرمین پی ٹی آئی عمران خان نے پوری دنیا میں تحریک انصاف کو متحرک کر دیا ، امریکا ، یورپ، برطانیہ میں بسنے والے افراد سے عمران خان خود رابطے کریں گے۔

بڑے ڈونر کے ساتھ بھی چیئرمین پی ٹی آئی عمران خان نے خود رابطے کا فیصلہ کیا ہے۔

چیئرمین پی ٹی آئی کا کہنا ہے کہ مشکل کی گھڑی میں سیلاب زدگان کے ساتھ ہوں، کوشش ہے زیادہ سے زیادہ اوورسیز سیلاب زدگان کیلئے عطیات دیں۔

خیال رہے چیئرمین تحریک انصاف عمران خان آج رات سیلاب زدگان کے لیے ٹیلی تھون کریں گے۔

ٹیلی تھون میں شرکت کے لئے عمران خان نے تمام پاکستانیوں اوراوورسیز کو دعوت دیتے ہوئے کہ عمران خان نے سیلاب متاثرین کیلئے ٹیلی تھون سے متعلق خصوصی پیغام میں کہا تھا کہ اللہ نےہمیں بڑےامتحان میں ڈالا ہے، 2010 سے بھی بڑا سیلاب آج پاکستان میں آیا ہوا ہے۔

چیئرمین پی ٹی آئی کا کہنا تھا کہ ملک کے بہت سےعوام سیلاب سے شدید متاثر ہیں، سیلاب متاثرین کیلئےٹیلی تھون کے ذریعے پیسے اکٹھے کر رہا ہوں۔

عمران خان نے تمام پاکستانیوں اور اوورسیز کو ٹیلی تھون میں شرکت کی دعوت دیتے ہوئے کہا کہ جیسے جیسے پیسہ آئے گا سیلاب متاثرین میں تقسیم کریں گے۔

ان کا کہنا تھا کہ ٹیلی تھون سے جو فنڈز آئیں گے ان کو ثانیہ نشتر دیکھیں گی، ثانیہ نشتر کے ماتحت ایک کمیٹی میں تمام صوبوں کے لوگ شامل ہوں گے اور ٹیلی تھون سے جو پیسہ ملے گا وہ پورے پاکستان میں استعمال ہوگا۔