Tag: سیلاب سے متاثرہ

  • بجلی کے بلوں میں 70 فیصد تک کی چھوٹ ، بڑی خبر آگئی

    بجلی کے بلوں میں 70 فیصد تک کی چھوٹ ، بڑی خبر آگئی

    لاہور : وفاقی وزیرتوانائی اویس لغاری نے سیلاب سے متاثرہ پاکستانیوں کے بجلی بلوں میں توسیع اور ریلیف کا اعلان کردیا، بلوں میں 70 فیصد تک کی چھوٹ ملے گی۔

    تفصیلات کے مطابق وفاقی وزیر توانائی اویس لغاری نے لیسکو ہیڈکوارٹر لاہور میں میڈیا سے گفتگو کرتے ہوئے کہ سیلاب متاثرہ شہریوں کو بجلی بلوں میں بڑی رعایتیں دی جا رہی ہیں تاکہ مشکل حالات میں ریلیف فراہم کیا جا سکے۔

    اویس لغاری نے بتایا کہ سیلاب زدہ علاقوں کے رہائشیوں کو بجلی بل جمع کرانے کیلئے اضافی وقت دیا جا رہا ہے، جبکہ اگر مزید ریلیف کا اعلان ہوا تو ڈسکوز اضافی چارجز بھی معاف کریں گے۔

    وفاقی وزیر نے کہا کہ سیلابی پانی بڑھنے کے باعث بجلی بحالی کے کام میں تاخیر ہورہی ہے تاہم حالات بہتر ہوتے ہی مکمل سروس بحال کر دی جائے گی۔

    ان کا کہنا تھا کہ ملک بھر کے 3 کروڑ 30 لاکھ صارفین میں سے 1 کروڑ 80 لاکھ صارفین پہلے ہی 70 فیصد رعایت حاصل کر رہے ہیں۔

    وزیر توانائی نے مزید بتایا کہ لیسکو ملازمین نے وزیراعظم فلڈ ریلیف فنڈ میں اپنی ایک دن کی تنخواہ عطیہ کی ہے، جبکہ گھروں میں سولر سسٹم استعمال کرنے والے صارفین کے بجلی بل بھی کم ہو رہے ہیں۔

    انھوں نے کہا کہ حکومتی اقدامات کے باعث بجلی ٹیرف میں واضح کمی آئی ہے، تاہم نئے آئی پی پیز کی نیٹ میٹرنگ سے عوام پر فی یونٹ 4 روپے اضافی بوجھ پڑا ہے، جسے حکومت قابو کرنے کیلئے اقدامات کر رہی ہے۔

    مزید پڑھیں : ملک بھر کیلئے بجلی سستی ہونے کا امکان

    اس سے قبل نیپرا نے سہ ماہی ایڈجسٹمنٹس کے تحت فی یونٹ بجلی 1.89 روپے کمی کی منظوری دی تھی ، جس سے گھریلو صارفین کو 3 ماہ تک ریلیف ملے گا۔

    دوسری جانب، محکمہ موسمیات اور پی ڈی ایم اے کی رپورٹس کے مطابق ملک بھر میں سیلابی صورتحال سنگین شکل اختیار کر گئی ہے، ملتان میں دریائے چناب کے قریب ہیڈ محمد والا پر حفاظتی شگاف ڈال کر 3 لاکھ سے زائد افراد کو محفوظ مقامات پر منتقل کیا گیا، جبکہ جلالپور پیروالا اور دریائے ستلج کے کنارے واقع 140 سے زائد دیہات متاثر ہوئے ہیں۔

    راجن پور، بہاولپور، فیصل آباد اور چشتیاں سمیت کئی اضلاع میں درجنوں دیہات زیر آب آچکے ہیں۔ ہیڈ بلوکی پر دریائے راوی کا بہاؤ 1 لاکھ 99 ہزار کیوسک تک پہنچ گیا ہے جبکہ دیگر دریاؤں میں بھی پانی کی سطح خطرناک حد تک بلند ہے۔ حکام کے مطابق صورتحال نازک ہے اور مزید ہنگامی اقدامات کی ضرورت ہے۔

    Pakistan Floods 2025: LIVE Updates

  • عالمی بینک نے پاکستان کیلئے 20 کروڑ ڈالر کی منظوری دیدی

    عالمی بینک نے پاکستان کیلئے 20 کروڑ ڈالر کی منظوری دیدی

    اسلام آباد: معیشت کے لیے اچھی خبر ہے کہ عالمی بینک نے پاکستان کیلئے 20 کروڑ ڈالر کی منظوری دے دی۔

    عالمی بینک کی جانب سے جاری اعلامیے میں کہا گیا ہے کہ یہ رقم عالمی بینک کے ایگزیکٹو بورڈ کے اجلاس میں منظور کی گئی ہے۔

    اعلامیے میں کہا گیا ہے کہ رقم کے پی میں سیلاب سے متاثرہ علاقوں کے لیے استعمال ہوگی۔

    اعلامیے میں مزید کہا گیا ہے کہ رقم کی فراہمی کے بعد سیلاب سے تباہ انفراسٹرکچر کی تعمیر نو میں مدد ملےگی۔

  • آرمی چیف آج سیلاب  سے متاثرہ سندھ اور بلوچستان کےعلاقوں کا دورہ کریں گے

    آرمی چیف آج سیلاب سے متاثرہ سندھ اور بلوچستان کےعلاقوں کا دورہ کریں گے

    کراچی : آرمی چیف جنرل قمر جاوید باجوہ آج سیلاب سےمتاثرہ سندھ اوربلوچستان کےعلاقوں کادورہ کریں گے۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ آرمی چیف جنرل قمر جاوید باجوہ آج سیلاب سےمتاثرہ سندھ اوربلوچستان کےعلاقوں کادورہ کریں گے۔

    آئی ایس پی آر کا کہنا تھا کہ دورے کے دوران آرمی چیف سیلاب سےمتاثرہ علاقوں میں جاری سرگرمیوں کاجائزہ لیں گے اور متاثرہ علاقوں میں امدادی کاموں میں مصروف جوانوں سےملاقات کریں گے۔

    ترجمان پاک فوج نے بتایا کہ ملک بھرمیں فلڈریلیف کیمپ قائم کردیےگئے، فلڈ ریلیف کیمپوں میں ا مدادی سامان اکٹھا کر کے متاثرہ علاقوں کو پہنچایا جائے گا۔

    آئی ایس پی آر کے مطابق لاہور ڈویژن میں 10، ملتان میں 11، گوجرانوالہ میں 17 ، بہاولپورمیں7کیمپ قائم کئے گئے ہیں۔

    ترجمان کے مطابق پنجاب رینجرز نے لاہور، سیالکوٹ، بہاولپور،منڈی بہاالدین ،رحیم یارخان ،فیصل آباد ، سرگودھا ڈویژن میں 6 اور جہلم میں3 فلڈ ریلیف کیمپ قائم کئے۔

    آئی ایس پی آر نے مزید بتایا کہ خیبرپختونخوا میں ایبٹ آباد اور مانسہرہ میں جبکہ بلوچستان میں 41 آرمی فلڈ ریلیف کیمپ قائم کردیے گئے ہیں، جس میں ایف سی بلوچستان نارتھ کے 14 اور ایف سی بلوچستان ساؤتھ کے 3 ریلیف کیمپ قائم کئے۔

  • کراچی میں تعلیمی سرگرمیاں تین اگست سے بحال کردی جائیں گی

    کراچی میں تعلیمی سرگرمیاں تین اگست سے بحال کردی جائیں گی

    کراچی : کراچی کے اسکولوں میں تین اگست سے تعلیمی سرگرمیاں بحال کردی جائیں گی ، جبکہ صوبہ سندھ میں سیلاب سے متاثرہ اسکول دس اگست تک بند رہیں گے۔

    تفصیلات کے مطابق محکمہ تعلیم حکومت سندھ اور پرائیوٹ اسکولز ایسوسی ایشن کے درمیان معاہدہ طے پاگیا ہے, جس کے تحت سندھ بھر میں سیلاب سے متاثرہ اسکول دس اگست تک بند رہیں گے۔

    جبکہ کراچی میں تعلیمی سرگرمیاں تین اگست سے بحال کردی جائیں گی ، اس حوالے سے نیا نوٹی فکیشن بھی جاری کردیا گیا ہے۔

    پرائیوٹ اسکولز ایسوسی ایشن کی درخواست پر محکمہ تعلیم حکومت سندھ نے یہ اقدام اٹھایا ہے ، جبکہ سیکریٹری تعلیم فضل اللہ پیچوہو کے مطابق سیلاب سے متاثرہ علاقوں کے نجی و سرکاری اسکول گیارہ اگست کو کھولے جائیں گے۔

  • متاثرینِ سیلاب کیلئے5ٹرک پرمشتمل 40ٹن سامان روانہ کردیا گیا، آئی ایس پی آر

    متاثرینِ سیلاب کیلئے5ٹرک پرمشتمل 40ٹن سامان روانہ کردیا گیا، آئی ایس پی آر

    راولپنڈی: آئی ایس پی آرکے مطابق پاک فوج کی جانب سے متاثرینِ سیلاب کےلئے پانچ ٹرکوں پرمشتمل امدادی سامان روانہ کردیا گیا ہے۔

    پاک فوج کے بہادرجوان پنجاب کے متاثرینِ سیلاب کی خدمت میں دن رات مصروف ہیں، پاک فوج کی مختلف علاقوں میں امدادی سرگرمیاں زوروشورسےجاری ہیں، آئی ایس پی آرکی طرف سے جاری کئے گئے بیان میں بتایا گیا ہے کہ پانچ ٹرکوں میں چالیس ٹن کا امدادی سامان چی ایچ کیو سے روانہ کردیاگیاہے۔

    ترجمان کے مطابق مختلف شہروں میں انتیس ریلیف کلیکشن پوائنٹس بنائے گئے ہیں، جبکہ اسلام آباد میں بھی تین کلیکشن پوائنٹس بنائے گئے ہیں، پاک فوج کی جانب سے سیلابی علاقوں میں ریلیف کیمپس بھی قائم کئے گئے ہیں، جہاں متاثرینِ سیلاب کی ہرممکن مدد کی جارہی ہے۔

  • پاک بحریہ اور پاک نیوی کا متاثرین سیلاب کیلئے ریسکیو آپریشن جاری

    پاک بحریہ اور پاک نیوی کا متاثرین سیلاب کیلئے ریسکیو آپریشن جاری

    چنیوٹ :  پاک آرمی گوجرانوالہ اوره پاک بحریہ چنیوٹ کے متاثرین سیلاب کیلئے ریسکیو آپریشن میں مصروف ہیں، کارروائیوں میں ہیلی کاپٹرز، خصوصی کشتیاں اور ماہرغوطہ خور حصہ لے رہے ہیں، مسلح افواج کی طبی ٹیمیں مریضوں کا علاج معالجہ بھی کر رہی ہیں۔

    متاثرینِ سیلاب کے مشکل لمحات میں قوم کو تنہا نہ چھوڑنے کےعزم کے ساتھ مسلح افواج ہر امتحان میں کامیابی کے مراحل طے کررہی ہے، گوجرانوالہ ڈویژن کے متاثرہ علاقوں میں پاک آرمی کا ریسکیو آپریشن پانچویں روز بھی جاری ہے، آئی ایس پی آر کے مطابق سیلاب میں گھرے سولہ ہزار تین سو تیراسی افراد کو محفوظ مقامات پر منتقل کیا جا چکا ہے۔

    آرمی کےجوانوں نے اپنی بھوک پیاس بھول کر متاثرین میں پانچ ہزار پانچ سو چہتر کلوگرام خشک راشن تقسیم کیا، کورکمانڈر گوجرانوالہ لیفٹیننٹ جنرل سلیم نوازنےجلالپور، بھٹیاں اور پنڈی بھٹیاں کا دورہ کیا، جہاں آج ریسکیو کے دوران تین ہزار تین سو پچپن افراد کو کشتیوں اور ہیلی کاپٹروں کےذریعے محفوظ مقامات پر منتقل کیا گیا۔

    وزیرآباد اور ہیڈخانکی میں تین ہزار اور بجوات میں ایک ہزار فوڈ پیکٹ تقسیم کئےگئے، آرمی کے ریلیف کیمپوں میں چار سو افراد کو طبی امداد دی گئی ہے۔

     دوسری جانب چنیوٹ میں پاکستان بحریہ کا متاثرینِ سیلاب کیلئے ریسکیو آپریشن بھرپور اندازمیں جاری ہے، پاک نیوی نے چنیوٹ میں پنگوموڑ اور ہسرہ شیخ گاؤں سے سیکڑوں افراد کو محفوظ مقامات پر منتقل کیا، کارروائیوں میں خصوصی کشتیاں اور ماہرغوطہ خور حصہ لے رہے ہیں۔

    پاک بحریہ کی میڈیکل ٹیمیں علاج کی سہولت فراہم کررہی ہیں، اس کے علاوہ پاکستان نیوی نے چنیوٹ میں متاثرین کو صاف پانی اور کھانا بھی تقسیم کیا ہے۔