ARYNews.tv | Urdu – Har Lamha Bakhabar

Tag: سیلاب سے متاثرہ علاقوں

  • سیلاب سے متاثرہ علاقوں میں درختوں پر مکڑیوں کے جالے، سڑک غار نما بن گئی

    سیلاب سے متاثرہ علاقوں میں درختوں پر مکڑیوں کے جالے، سڑک غار نما بن گئی

    پاکستان میں سیلاب سے انسانوں کے ساتھ ساتھ درخت بھی متاثر ہے، سیلاب سے متاثرہ علاقوں میں درختوں پر مکڑے کے جالے خوفناک منظر پیش کرنے لگے۔

    تفصیلات کے مطابق پاکستان میں سیلاب کے بعد غیر متوقع صورتحال دیکھنے میں آئی جب سیلاب زدہ علاقوں میں لاکھوں مکڑیوں نے پناہ کے لیے درختوں پر ڈیرے جمالئے۔

    اے آر وائی نیوز کے نمائندے نے بتایا کہ سیلاب سے مکڑیوں کی تعداد میں غیر معمولی اضافے سے تحصیل کیم شاہ کے درختوں نے مکڑی کے جالے کی چادر اوڑھ لی ہے۔

    گاؤں جاڑو پنہور کے لنک روڈ کے دونوں اطراف درختوں پر مکڑی کے جالے کی وجہ سے سڑک غار نما بن گئی ہے۔

    علاقہ مکین نے بتایا کہ گاؤں کا منظر اتنا خوفناک ہوگیا ہے کہ رات کو الگ بات دن میں بھی آتے ڈر لگتا ہے۔

    مکڑی کے جالوں سے سڑک خوبصورت ہونے کے ساتھ ساتھ خوفناک نظارے پیش کرنے لگی ہے، ایک اور علاقہ مکین نے کہا کہ دن بدن مکڑی کے جالے بڑھتے جارہے ہیں اور ایک خوفناک منظر ہے۔

    اے آر وائی نیوز کے نمائندے نے بتایا کہ محکمہ جنگلات کی عدم دلچسپی کے باعث سیلاب سے درختوں کو شدید نقصان پہنچنے کا خدشہ ہے۔

  • لیفٹیننٹ جنرل نگِارجوہر کا سیلاب سے متاثرہ علاقوں کا دورہ

    لیفٹیننٹ جنرل نگِارجوہر کا سیلاب سے متاثرہ علاقوں کا دورہ

    راولپنڈی : لیفٹیننٹ جنرل نگِارجوہر نے سیلاب سے متاثرہ علاقوں کا دورہ کرکے خوراک، طبی سہولتیں اورلیڈی ہیلتھ ہیلتھ ورکرز کی موجودگی یقینی بنانے کی ہدایت کردی۔

    تفصیلات کے مطابق لیفٹیننٹ جنرل نگِارجوہر سرجن جنرل پاکستان آرمی کا سندھ اور بلوچستان کے سیلاب سے متاثرہ علاقوں کا دورہ کیا۔

    سرجن جنرل نے بلوچستان میں نصیرآباداور ڈیرہ مراد جمالی میں آرمی کے مختلف فیلڈ میڈیکل کیمپس کا بھی دورہ کیا۔

    آئی ایس پی آر کا کہنا ہے نگار جوہر نے دادو،چھور،بدین اورحیدرآباد میں مختلف فیلڈ میڈیکل کیمپس کے دورے میں آرمی پیرامیڈکس اورڈاکٹرز سے ملاقات کی۔

    سرجن جنرل نگارجوہر نے کہا سیلاب سے نومولود اور خواتین شدید متاثر ہوئیں،انہیں خوراک،طبی سہولتیں اورلیڈی ہیلتھ ہیلتھ ورکرزکی موجودگی یقینی بنائی جائے۔

    سرجن جنرل نے ہیضہ اور ٹائیفائیڈ سے متاثرہ افراد کیلئے ویکسی نیشن کی ہدایت بھی کی۔

  • وزیراعظم کا دورہء سکھر منسوخ، کل آمد متوقع

    وزیراعظم کا دورہء سکھر منسوخ، کل آمد متوقع

    اسلام آباد: وزیرِاعظم نوازشریف نے آج سکھر میں سیلاب سے متاثرہ علاقوں کا دورہ منسوخ کر دیا ہے، وزیرِاعظم کل متاثرہ علاقوں کا دورہ کریں گے۔

    سیاسی رہنماء بھی سیلاب سے متاثرہ علاقوں کا دورہ کر رہے ہیں جبکہ متاثرین کی امداد کے لیے ہر ممکن اقدامات کیے جا رہے ہیں، وزیرِ اعظم نواز شریف بھی آج سکھر کے متاثرہ علاقوں کا دورہ کرنے والے تھے، جہاں انہیں سیلابی صورتحال کے حوالے سے بریفنگ دی جانی تھی۔

    وزیرِاعظم کو گھوٹکی سمیت سکھر میں کچے کے علاقوں کا فضائی دورہ اور متاثرہ علاقوں میں امدادی کاموں کا جائزہ لینا تھا تاہم دورہء پنجاب کی وجہ سے وزیرِاعظم کو سکھرکا دورہ منسوخ کرنا پڑا، وزیرِاعظم کا یہ دورہ کل متوقع ہے۔

    دوسری جانب پیپلز پارٹی کے چیئرمین بلاول بھٹو زرداری آج سکھر اور چنیوٹ میں سیلاب زدہ علاقوں کا دورہ کر رہے ہیں۔

  • سیلاب سے متاثرہ علاقوں میں فوج کا ریسکیو اور ریلیف آپریشن

    سیلاب سے متاثرہ علاقوں میں فوج کا ریسکیو اور ریلیف آپریشن

    پنجاب: سیلاب زدہ علاقوں میں امدادی کاروائیاں جاری ہیں، پاک فوج سمیت دیگر امدادی ٹیمیں متاثرین سیلاب کی دن رات مدد میں مصروف ہیں۔

    بالائی پنجاب کے بعد اب جنوبی پنجاب کے سیلاب سے گھرے علاقوں میں پاک فوج کے دستے امدادی کاموں میں مصروف ہیں، شجاع آباد نصیر والہ چوک اور خان پور قاضیہ سمیت کئی دیہات میں پانی آجانے سے لوگ محصور ہوگئے، جہاں پاک فوج نے امدادی کارروائی شروع کر دی ہیں جبکہ مختلف مقامات پر دو ہیلی پیڈ بنائے گئے ہیں۔

    پاک فوج نے اب تک سیلاب میں پھنسے انتیس ہزار سے زیادہ افراد کو محفوظ مقامات پر منتقل کیا ہے، جھنگ ، ملتان ، بہاولپور اور رحیم یار خان میں ہیلی کاپٹروں کے ذریعے راشن بھی تقسیم کیاجا رہا ہے۔

    اسی طرح پاک بحریہ بھی سرگرمِ عمل ہے، ریسکیو ڈبل ون ڈبل ٹو کے رضاکار بھی لوگوں کو محفوظ مقامات پر پہنچانے میں پاک فوج کے معاون ثابت ہورہے ہیں۔

  • پاک فوج اورنیوی کی سیلاب سے متاثرہ علاقوں میں امدادی سرگرمیاں

    پاک فوج اورنیوی کی سیلاب سے متاثرہ علاقوں میں امدادی سرگرمیاں

    لاہور/ پنجاب: سیلابی صورتحال سے نمٹنے اورمتاثرین کی امداد کے لیے پاک فوج اور پاکستان نیوی کے جوان بھرپورکردارادا کر رہے ہیں، سندھ میں متوقع سیلاب کے پیشِ نظر پاکستان نیوی نے ریسکیو ٹیمیوں کی تعداد میں اضافے کا فیصلہ کرلیا ہے۔

    سیلاب متاثرین کی امداد کے لیے پاک فوج اورپاکستان نیوی کےدستے بھرپوراقدامات کر رہے ہیں، امدادی سرگرمیوں کے دوران پاک فوج نے سیلاب میں پھنسے انتیس ہزارسے زائد افراد کو محفوظ مقامات پر منتقل کیا۔

    ترجمان آئی ایس پی آر کے مطابق جھنگ، ملتان، بہاولپور اور رحیم یار خان میں ہیلی کاپٹروں کے ذریعے راشن بھی تقسیم کیا گیا جبکہ مظفر گڑھ ، احمد پور شرقیہ ، پنجند اور ملتان میں سینکڑوں افراد کو محفوظ مقامات پر منتقل کیا گیا ہے، اس کے علاوہ سیلاب سے متاثرہ علاقوں میں آرمی ڈاکٹرز پر مشتمل میڈیکل یونٹس میں کام کررہے ہیں۔

    دوسری جانب پاکستان نیوی نے جھنگ اور چنیوٹ کے سیلاب متاثرین کے لئے فلڈ ریلیف آپریشن کا دائرہ مزید بڑھا دیا ہے، متاثرین کی امداد کے لیے پاکستان نیوی اپنے فضائی اوربحری اثاثوں کا بھر پور استعمال کر رہی ہے، سندھ میں متوقع سیلاب کے پیشِ نظر پاکستان نیوی کی جانب سے بالائی سندھ میں مزید ریسکیو ٹیمیں بھیجنے کی منصوبہ بندی بھی کر چکی ہے۔