Tag: سیلاب متاثرین

گھوٹکی: وزیراعلیٰ سندھ مراد علی نے کہا ہے کہ اگلے 30 سال بلاول بھٹو  وزیر اعظم بن کر عوام کی خدمت کرینگے۔

تفصیلات کے مطابق گھوٹکی میں سیلاب متاثرین کیلئے گھروں کی تعمیر کے آغاز کی افتتاحی تقریب میں خطاب کرتے ہوئے کہا کہ 2022 میں گھوٹکی سیلاب متاثرہ علاقوں میں سے ایک تھا، میں ہر سیلاب متاثرہ ضلع میں دو بار گیا۔

وزیراعلیٰ سندھ نے کہا کہ ہماری پہلی کوشش تھی کہ لوگوں کو ریسکیو کیا جائے، میں یہ نہیں کہتا کہ ہم نے سب کو ہر چیز  پہنچائی لیکن ہم ہر ایک شخص تک پہنچے، تھوڑا یا بہت ان کو ریلیف دیا۔

ان کا کہنا تھا کہ ہم نے کوشش کی کہ سیلابی پانی متاثرہ علاقوں سے نکالا جائے، سیلابی پانی کے باعث کاشت کاروں کو زیادہ نقصان ہوا جس کے بعد ہم نے گندم کی سپورٹ قیمت 4 ہزار روپے فی من مقرر کی اس وجہ سے کاشت کاروں نے زیادہ سے زیادہ گندم کاشت کیں۔

 مراد علی شاہ کا کہنا تھا کہ میں چاہتا ہوں سندھ حکومت ایسا کام کرکے جائے کہ انفرا اسٹرکچر بہتر ہو، ہم نے سڑکوں کی مرمت کے لئے پیسوں کا بندوبست کرلیا ہے، وفاق سے کچھ نہیں ملا، اسکولوں کیلئے بھی پیسوں کا بندوبست کرلیا۔

مراد علی شاہ ہم نے وہ سارے کام کئے جو لگتا تھا کہ ممکن نہیں، وزیرخارجہ کی کوششوں کی بدولت عالمی برادری نے سیلاب متاثرین کی مدد کی۔

ان کا کہنا تھا کہ پہلے بھی سیلاب آئے مگر 2022 میں سیلاب سب سے بڑا آیا، پچھلے سیلابوں میں کسی حکومت نے گھر نہیں بنا کر دئیے، چیئرمین بلاول بھٹو نےکہا میں دیکھ رہا ہوں لوگ گھر نہیں بنا سکیں گے اس کی ہدایت پر ہم نے گھر بنا کر دیں۔

وزیراعلیٰ سندھ مراد علی شاہ نے مزید کہا کہ سندھ میں جو کام ہوا اس کا باقی تین صوبوں سے موازنہ کرالیں، ہم نے اپنے لوگوں کی خدمت کی ہے اور اگلے 30 سال بلاول بھٹو  وزیر اعظم بن کر عوام کی خدمت کرینگے۔

کراچی: صوبہ سندھ میں سیلاب کے 7 ماہ گزر جانے کے بعد بھی شکارپور، میرپورخاص، جیکب آباد، ٹھٹھہ میں سیلاب متاثرین بےگھر ہیں۔

ذرائع کے مطابق سندھ بھر میں بے گھر سیلاب متاثرین کی تعداد 26 ہزار 203 ہے، ضلع ملیرکے فلڈ ٹینٹ سٹی میں 5132 متاثرین تاحال مقیم ہیں۔

ذرائع کا کہنا ہے کہ کے پی، بلوچستان، پنجاب میں سیلاب متاثرین کی گھروں کو واپسی ہوچکی ہے، لیکن انہیں ایک اور پریشانی نے آگھیر ہے بلوچستان کے سیلاب زدہ اضلاع میں ملیریا وبائی شکل اختیار کررہا ہے۔

ذرائع نے بتایا کہ سیلاب زدہ اضلاع میں یومیہ ملیریا کیسز کی شرح 5 سال کی بلند سطح پر ہے، کوہلو، نصیرآباد، صحبت پور، ژوب، پشین میں یومیہ ملیریا کیسز بڑھ رہے ہیں اس کے علاوہ ڈیرہ بگٹی،جھل مگسی، پنجگور، بولان میں بھی ملیریا کیسز  کی تعداد بڑھ رہی ہے۔

ذرائع کے مطابق بلوچستان کے سیلاب زدہ علاقوں میں پرائمری ہیلتھ سسٹم تباہ ہوچکا ہے، شدید غذائی قلت کا شکار بچوں تک رسائی چیلنج ہے، 7 ماہ گزر جانے کے بعد بھی بلوچستان کے سیلاب زدہ علاقوں میں بنیادی طبی سہولتوں کا فقدان ہے۔