Tag: سیلاب

اسکوپیے : مقدونیہ کے دارالحکومت اسکوپیے میں آنے والی آندھی اور سیلاب کے نتیجے میں کم از کم 21 افراد جان کی بازی ہار گئے.

تفصیلات کے مطابق مقدونیہ میں آندھی اور طوفان میں مرنے والوں کی لاشیں اتوار کی صبح مل گئی تھیں،تاہم ابھی بھی چھ افراد لاپتہ ہیں،
اطلاعات کے مطابق ہلاک ہونے والوں میں سے کچھ لوگ اس وقت سیلابی ریلے کی زد میں آ گئے جب وہ اپنی کاروں پر سفر کر رہے تھے.

سیلابی ریلے کے نتیجے میں شہر کی سڑکوں کو نقصان پہنچا ہے جبکہ کچھ کاریں پانی میں بہہ کر قریبی کھیتوں میں جا پہنچیں.

مقدونیہ کے دارالحکومت میں آنے والے اس طوفان کے دوران نو سینٹی میٹر سے زیادہ بارش ریکارڈ کی گئی ہے.

اسکوپیے کے میئر نے طوفان کے بارے میں بات کرتے ہوئے کہا ہے کہ ’یہ ایک آفت تھی اور آج سے پہلے ہم نے کبھی ایسی کوئی چیز نہیں دیکھی۔‘

مقامی ذرائع ابلاغ کے مطابق اسکوپیے میں آنے والے اس طوفان کے نتیجے میں زخمی ہونے والے تقریباً 20 افراد کو اسپتال میں طبی امداد دی گئی ہے.

طوفان کے بعد شہر بھر سے امدادی اداروں کو مدد کے لیے کالز موصول ہوئی تھیں جس کے بعد مدد کے لیے فوج کو بھی طلب کیا گیا تھا.

ممبئی : بھارتی ریاست مہاراشٹر میں شدید بارش کے نتیجےمیں ممبئی گواہائی وے پر پل بہہ گیا اور 22افراد لاپتہ ہو گئے،جن کی تلاش کا کام جاری ہے.

تفصیلات کے مطابق مہاراشٹر میں بارش سے دریائے ساوتری میں سیلاب کی صورت حال پیدا ہو گئی،جس سے ممبئی گواہائی وے پر قائم ایک رابطہ پل بہہ گیا ہے پل بہہ جانے سے دو کاریں بھی دریائے ساوتری میں بہہ گئی ہیں جبکہ دو سرکاری بسیں بھی لاپتا ہیں.

حکام کا کہنا ہے کہ لاپتہ ہونے والی کاریں اور بسیں حادثے کے وقت پل سے ہی گزر رہی تھیں

پل بہہ جانے سے اب تک کی اطلاعات کے مطابق 22افراد لاپتہ ہیں جن کی تلاش کےلیے امدادی ٹیمیں روانہ کر دی گئی ہیں.ریسکیو آپریشن جاری ہے تاہم ابھی تک ان افراد اور گاڑیوں کا کوئی پتہ نہیں چل سکا.

*نئی دہلی : مدھیہ پردیش میں سیلاب سے 12 افراد ہلاک

یاد رہے کہ اس سے قبل گزشتہ ماہ بھارت کی وسطیٰ ریاست مدھیہ پردیش میں سیلاب کے باعث بارہ افراد جان کی بازی ہار گئے تھے.

واقعے کے بعد اس پل پر سے گزرنے والی ٹریفک کو ساتھ ہی واقع پل کی جانب موڑ دیا گیا ہے.

نئی دہلی: بھارت اور نیپال میں طوفان اور لینڈ سلائیڈنگ سے 90 سے زائد افراد ہلاک جبکہ بیس لاکھ بے گھر ہوگئے ہیں.

تفصیلات کے مطابق نیپال میں مون سون کی موسلا دھار بارشوں نے زیادہ تباہی مچائی،جہاں سیکڑوں مکانات اور پُل تباہ ہوگئےرواں ہفتےمیں اب تک ملک میں طوفان اور تودے گرنے سے 73 افراد ہلاک ہوچکے ہیں.

ریسکیو ٹیمیں متاثرہ علاقوں سے لوگوں کو نکالنے اور انہیں محفوظ مقامات پر منتقل کرنے کے لیے مسلسل کام کر رہی ہیں.

حالیہ طوفان اور بارشوں سے سب سے زیادہ کٹھمنڈو سے 250 کلو میٹر مغرب میں واقع ضلع پیوتھان متاثر ہوا،جہاں درجنوں مکانات تباہ ہوگئے.

*نئی دہلی : مدھیہ پردیش میں سیلاب سے 12 افراد ہلاک

دوسری جانب طوفان نے ہندوستان کے دور دراز شمال مشرقی ریاست آسام کو بھی متاثر کیا،جہاں دریا کا پانی آبادیوں میں داخل ہونے کے باعث اب تک 19 افراد ہلاک ہوچکے ہیں.

آسام کے وزیر اعلیٰ سربنَندا سنووال نے متاثرہ علاقوں کے دورے کے دوران صحافیوں کو بتایا کہ حالیہ طوفان نے تین ہزار گاؤں اور 21 اضلاع کو متاثر کیا،جس کے نتیجے میں تقریباً 20 لاکھ افراد بے گھر ہوئے.

حکام کا کہنا ہے کہ طوفان سے متاثرہ افراد کو ریلیف کیمپس میں منتقل کردیا گیا ہے.

ہندوستان اور نیپال میں ہر سال مون سون کی بارشوں کے دوران طوفان اور تودے گرنے سے متعدد افراد ہلاک ہوجاتے ہیں.

*نیپال میں زلزلہ: ہلاکتوں کی تعداد نو ہزار ہوگئی

واضح رہے کہ نیپال میں گزشتہ سال آنے والے تباہ کن زلزلے میں تقریباً نو ہزار افراد جان کی بازی ہار گئے تھے.