Tag: سیلاب

کراچی:  پپلزپارٹی کے چئیرمین بلاول بھٹو زرداری کاکہناہےکارکنوں کے گلےشکوےدورکئےجائینگے، ایک وقت آئیگایہ نعرہ بھی ہوگا، مرسوں مرسوں پنجاب نہ ڈےسوں۔

بلاول ہاوس میں پیپلز پارٹی کی اعلی قیادت سے ملاقات میں چیرمین بلاول بھٹو زرداری نے بتایا انکا حالیہ دورہ پنجاب صوبے میں سیلاب زدگان کے ساتھ اظہار یکجہتی کیلئے ہے جس میں سیاست کا عنصر شامل نہیں، ان کا کہنا تھا کہ اس بات سے کوئی فرق نہیں پڑتا کہ گزشتہ انتخابات میں دھاندلی کے باعث پیپلز پارٹی کو پنجاب سے کتنی صوبائی و قومی اسمبلی کی نشستیں ملیں مگر وہ اپنے سیاسی مخالفین پر واضح کردینا چاہتے ہیں کہ پی پی پی کو کسی صورت پنجاب کی سیاست سے باہر نہیں نکالا جاسکتا۔

بلاول بھٹو زرداری نے پارٹی رہنماﺅں کو ہدایت کی کہ وہ ناراض ساتھیوں سے رابطہ کریں اور انہیں قومی سیاسی دھارے میں دوبارہ شامل کریں، بلاول بھٹو نے اس موقع پر پارٹی رہنماﺅں کو سیلاب سے متاثرہ علاقوں میں امدادی سرگرمیوں میں تیزی لانے کی ہدایت بھی کی۔

سکھر: پاکستان پیپلز پارٹی کے سرپرست اعلی بلاول بھٹو زرداری نے پارٹی رہنماوں، وزراءاور اراکین اسمبلی کو متنازعہ بیان بازی سے روک دیا ہے۔

ملک میں دھرنوں اور بیانات کی گھن گرج سے ملک کی سیاسی فضا گرم ہونے لگی، پاکستان پیپلز پارٹی کے سرپرست اعلی بلاول بھٹو نے سیاسی گرما گرمی کی فضا کو نارمل رکھنے کے لیے اپنی پارٹی کے رہنماوں ، وزراءاور اراکین اسمبلی سے کہا ہے کہ وہ متنازع بیان بازی فوری طور پر روک دیں ،بلاول بھٹو زرداری کا کہنا ہے تمام اراکین اسمبلی اور وزراء اپنی توجہ صوبہ میں سیلاب کی صورتحال پر دیں۔

بلاول بھٹو زرداری نے وزیر اعلی سندھ سید قائم علی شاہ کو بھی ہدایت کی ہے کہ وہ اپنی پوری توجہ سیلاب سے متاثرہ علاقوں اور متاثرین سیلاب کی بحالی پر رکھیں، بلاول بھٹو کا کہنا ہے یہ وقت سیاست کرنے ،دھرنوں اور جلسوں کا نہیں بلکہ مصیبت زدہ افراد کی مدد کرنے کا ہے۔

اس سے قبل بلاول بھٹو زرداری سیلابی صورتحال کا جائزہ لینے سکھر پہنچے، وزیر اعلیٰ سندھ کے ہمراہ انہوں نے سکھر بیراج کا معائنہ کیا انہیں سیلاب سے متعلق بریفنگ بھی دی گئی،بلاول بھٹو زرداری کے آمد پر سکھر میں سیکیورٹی کے سخت انتظامات کئے گئے تھے، پی پی چیئر مین سکھر کی صورتحال کا جائزہ لینے کے بعد پنجاب کیلئے روانہ ہوگئے تھے۔