Tag: سیلاب

  • زرداری کی زیرصدارت ہنگامی اجلاس، حکام کی چھٹیاں منسوخ

    زرداری کی زیرصدارت ہنگامی اجلاس، حکام کی چھٹیاں منسوخ

    کراچی: سندھ میں ممکنہ سیلاب کے پیش نظر آصف علی زرداری کی زیرصدارت بلاول ہاؤس میں ہنگامی اجلاس ہوا ،صوبےکےتمام ڈپٹی کمشنرزاوردیگر حکام کی چھٹیاں منسوخ کردی گئی۔

    سندھ میں ممکنہ سیلاب کے پیش نظر سابق صدر آصف زرداری کے زیر صدارت ہنگامی اجلاس ہوا، جس میں وزیراعلیٰ سندھ نے ممکنہ سیلاب کے خطرات سے متعلق تفصیلی طور پر آگاہ کیا، وزیر اعلیٰ نے بریفنگ کے دوران بتایاکہ صوبےکےتمام ڈپٹی کمشنرزاورپی ڈی ایم اےحکام کی چھٹیاں منسوخ کردی گئی ہیں اور پی ڈی ایم اے سمیت دیگر متعلقہ محکموں کو بھی الرٹ رہنے کا حکم دیا گیا ہے۔

    سابق صدر نے وزراء کو فوری طور پر اپنے اضلاع میں پہنچ کر نالوں اور حفاظتی بندوں کا دورہ کرنے کا حکم دیا ہے، اس موقع پر آصف علی زرداری کا کہنا تھا کہ سیلاب کے حوالے سے کوئی کوتاہی برداشت نہیں کی جائے گی، محکمہ موسمیات نے سات سے آٹھ لاکھ کیوسک کاسیلابی ریلا دریائے سندھ میں گڈو بیراج کے مقام پر تیرہ اور چودہ ستمبرجبکہ سکھر بیراج کے مقام پر چودہ اور پندرہ ستمبر کوپہنچنے کی پیش گوئی کی ہے۔جس کے باعث اونچے درجے کے سیلاب کاامکان ہے۔

  • شدید سیلاب کے بعد پنجاب میں ہنگامی حالت نافذ

    شدید سیلاب کے بعد پنجاب میں ہنگامی حالت نافذ

    لاہور: پنجاب حکومت نے سیلاب کے باعث صوبے میں ہنگامی حالت نافذ کردی ہے۔

    وزیراعلٰی پنجاب شہباز شریف نے بھی نارووال کے سیلاب سے متاثرہ علاقوں ظفروال اور تیرہ کا دورہ کیا، متاثرین سے گفتگو کرتے ہوئے وزیراعلٰی پنجاب کا کہنا تھا کہ متاثرہ علاقوں کو آفت زدہ قرار دیکر نقصانات کا ازالہ کیا جائے گا۔

    شہباز شریف کشتی میں بیٹھ کر سیلاب میں گھرے ہوئے علاقوں کا دورہ بھی کیا،ان کے ساتھ وفاقی وزیر احسن اقبال بھی تھے، وزیراعلٰی شہباز شریف نے خانکی ہیڈ ورکس اور گجرات کا بھی دورہ کیا، امدادی سرگرمیوں میں مصروف فوجی جوانوں کی کارکردگی کو سراہا۔

  • سیلاب زدہ علاقوں میں پاک فوج کا ریسکیو آپریشن جاری

    سیلاب زدہ علاقوں میں پاک فوج کا ریسکیو آپریشن جاری

     چینیوٹ: پاکستان نیوی کا سیلاب سے متاثرہ علاقوں میں ریسکیوآپریشن تیزی سے جاری ہے۔ اے آر وائی کی نشاندہی پر پاک فوج کے جوان چینیوٹ میں محصور لوگوں کو نکالنے کے لیے روانہ ہوئے۔ پاک فوج اور پاک بحریہ کی سیلاب سے متاثرہ علاقوں میں امدادی کاروائیاں جاری ہیں۔

    ترجمان پاک بحریہ کےمطابق ریسکیو ٹیمیں کھنہ پل کے علاقے میں پہنچ گئی ہیں ۔ جہاں سیلاب سے متاثرہ افراد کو ریسکیو کیا جا رہا ہے ۔پاک بحریہ کے جوان برساتی نالوں میں پھنسے افراد کو ہیلی کاپٹر اور کشتیوں کے ذریعے نکال رہے ہیں ۔

    ترجمان کا کہنا ہے کہ پاک بحریہ کی سرچ اینڈ ریسیکیو ٹیمیں ضروری سازوسامان سے لیس ہیں۔اور ماہر غوطہ خور بھی ریسکیو ٹیموں کا حصہ ہیں، سیلاب سے متاثرہ لوگوں کی مدد کے لیے پاک بحریہ کی ریسکیو ٹیموں کے ساتھ میڈیکل ٹیمیں بھی متاثرہ علاقوں میں پہنچ گئی ہیں۔

  • دھرنے والے متاثرینِ سیلاب کی امداد کیلئےحکومت کاساتھ دیں،وزیراعظم

    دھرنے والے متاثرینِ سیلاب کی امداد کیلئےحکومت کاساتھ دیں،وزیراعظم

    سیالکوٹ :وزیراعظم نوازشریف نے کہا ہے کہ دھرنا دینے والے متاثرینِ سیلاب کی امداد کیلئےحکومت کاساتھ دیں،وزیراعظم نے سیالکوٹ میں سیلابی صورتحال کا جائزہ لیااورامدادی سرگرمیوں کامعائنہ کیا۔،

    بھارت کی آبی جارحیت اور شدیدبارشوں سے پیدا ہونے والی سیلابی صورتحال  کا جائزہ لینے کے لئےوزیراعظم میاں محمد نواز شریف متاثرہ علاقوں میں پہنچ گئے۔ وزیراعظم سیالکوٹ پہنچے تو وزیردفاع خواجہ آصف بھی ان کے ہمراہ تھے۔وزیراعظم کے متاثرہ علاقوں کے دورہ کے دوران خواجہ آصف گاڑی ڈرائیو کرررہے تھے۔

    وزیراعظم متاثرہ علاقوں میں شہریوں سے ملے اور ان کی مشکلات دریافت کیں اس موقع پر وزیراعظم نے دھرنا دینے والوں سے اپیل کی کہ وہ مشکل کی اس گھڑی میں متاثرین سیلاب کا ساتھ دیں۔ وزیراعظم نے سیالکوٹ اور نارووال سمیت متاثرہ علاقوں کا فضائی جائزہ بھی لیا۔وزیراعظم کے دورے کے موقع پر سیکیورٹی ہائی الرٹ تھی۔

  • سیلاب کی تباہ کاریاں: کئی دیہات صفحہ ہستی سے مٹ گئے

    سیلاب کی تباہ کاریاں: کئی دیہات صفحہ ہستی سے مٹ گئے

    گجرانوالہ :بھارت سےآنےوالےسیلابی ریلوں نےپنجاب کےبالائی علاقوں میں تباہی مچا دی۔جہلم، چناب اور راوی میں آنے والی طغیانی نےسیکڑوں دیہات ڈبو دیئے،چنیوٹ میں تئیس دیہات صفحہ ہستی سے مٹ گئے گجرانوالہ میں خانکی کے مقام پر دریائے چناب میں انتہائی اونچے درجےکا سیلاب ریکارڈ کیا جارہا ہے۔سیلابی پانی آبادی کی جانب بڑھنا شروع ہوگیا ہے۔

    چناب کی بپھرتی موجوں نے کئی دیہات غرق آب کردیئے،دریائے چناب اور دریائے جہلم کا سیلابی ریلا جھنگ میں داخل ہوا تو درجنوں دیہات ڈبو گیا اور کسانوں کی محنت کو پانی میں ملا دیا۔آٹھ ہزار کیوسک کی گنجائش رکھنے والے نالہ ڈیک سے اس وقت چوالیس ہزار کیوسک پانی گزر رہاہے۔

    دریائے راوی میں ہیڈ بلوکےمقام پر اونچے درجے کا سیلاب ہے جبکہ شاہدرہ کے مقام پریہ سیلاب درمیانے درجے کاہے۔طغیانی کے باعث پانی آبادیوں میں داخل ہوگیاہے۔ پنجاب میں گرجتےبادلوں کےبرسنےسے منہ زور برساتی پانی نےسیلابی صورت اختیارکی توبھارت نےبھی دریائے چناب پرقائم بگلیہار ڈیم کےاسپل ویز کھول کرپاکستان میں بدترین سیلاب کاسامان کیا۔

    جہلم چناب راوی اور ستلج میں طغیانی نے سیکڑوں دیہات پانی میں ڈبو دئیے اور کھڑی فصلیں تباہ کردیں۔۔سیلاب کےباعث متعدددیہات میں مکیں اپنے آشیانوں سےمحروم ہوگئےاورنقل مکانی پر مجبورہوئے۔بھارت کی جانب سے گنجائش سےزائد چھوڑے گئے سیلابی ریلوں کےباعث سیالکوٹ شہر کا بیشترعلاقہ زیرآب ہے اور سیالکوٹ کاپسرور سے زمینی رابطہ بھی منقطع ہوگیا ہے۔

  • دریائے چناب اورجہلم میں انتہائی اونچے درجے کا سیلاب

    دریائے چناب اورجہلم میں انتہائی اونچے درجے کا سیلاب

    لاہور: پنجاب میں دریائے چناب اور جہلم میں انتہائی اونچے درجے کا سیلاب ہے، جس سے ہزاروں ایکڑ زرعی اراضی زیرآب آ گئی ہے۔

    دریائے چناب میں ہیڈ خانکی کے مقام پر پانی کی سطح ساڑھے 6 لاکھ کیوسک سے تجاوز کر گئی ہے جبکہ قادر آباد کے مقام پر 6 لاکھ70 ہزار کیوسک کا ریلا گزررہا ہے جو آج شام چنیوٹ کی حدود میں داخل ہو گا۔ جس سے بڑے پیمانے پر تباہی کا خدشہ ہے۔

    دریائے جہلم میں ہیڈ رسول کے مقام پر 4 لاکھ کیوسک کا ریلا گزر رہا ہے، جس سے منڈی بہاؤ الدین، سرگودھا اور خوشاب کے دیہات بری طرح متاثر ہوں گے۔ 7 لاکھ کیوسک کا سیلابی ریلا کل شام کسی بھی وقت جھنگ میں ہیڈ تریموں کے مقام پر پہنچے گا۔

    حکومت نے جھنگ، چنیوٹ، حافظ آباد، منڈی بہاؤالدین، سرگودھا، خوشاب اور شورکوٹ میں ہائی الرٹ کر دیا ہے اور دریاؤں کے کناروں پر آباد لوگوں کو منتقل ہونے کی ہدایت کر دی ہے۔ دریائے راوی میں شاہدرہ کے مقام سے 55 ہزار کیوسک کا ریلا گزر رہا ہے اور درمیانے درجے کا سیلاب ہے، جس سے آبادیوں کو کوئی خطرہ نہیں ہے