Tag: سیلز ٹیکس کی شرح

اسلام آباد : جی ڈی اے رکن قومی اسمبلی سائرہ بانو نے مالیاتی ترمیمی بل کی مخالفت کا فیصلہ کرتے ہوئے مطالبہ کیا کہ سیلز ٹیکس کی شرح 18 فیصد کرنے کافیصلہ واپس لیا جائے۔

تفصیلات کے مطابق جی ڈی اے رکن قومی اسمبلی سائرہ بانو نے مالیاتی ترمیمی بل کی مخالفت کا فیصلہ کرتے ہوئے ترامیم قومی اسمبلی سیکرٹریٹ میں جمع کرادیں۔

ترمیم میں کہا ہے کہ سیلز ٹیکس کی شرح 16 سے 18 فیصد کرنے کافیصلہ واپس لیا جائے اور مشروبات اور سیمنٹ پر ڈیوٹی بڑھانے کا فیصلہ بھی واپس لیا جائے۔

سائرہ بانو کا کہنا تھا کہ جی ایس ٹی بڑھانے سے مہنگائی بڑھے گی کوئلے ، موبائل فونز اور شادی بیاہ کی تقریبات پر بھی ٹیکس بڑھا دیا گیا ، ٹیکس لگانے کی بجائے ایس آر اوز کے ذریعے ٹیکس لگانا غیر قانونی ہے۔

ترمیم میں مزید کہا کہ بعض اشیاء پر جی ایس ٹی کی شرح 15 فیصد برقرار رکھی جائے ، اسٹاک ایکسچینج پر ٹیکس لگانے سے منفی اثرات مرتب ہوں گے۔

اسلام آباد : حکومت نے تمام اشیا پر سیلز ٹیکس کی شرح 17سے بڑھا کر 18 فیصد کردی، جس کے بعد ملک میں مہنگائی کا نیا طوفان آگیا۔

تفصیلات کے مطابق حکومت نے تمام اشیا پرسیلزٹیکس کی شرح سترہ سےبڑھاکر اٹھارہ فیصد کرنے کا نوٹی فکیشن جاری کردیا۔

سیلزٹیکس میں ایک فیصد اضافے سے عوام پر تقریبا 55 ارب روپے کا اضافی بوجھ پڑے گا۔

نوٹیفکیشن میں کہا گیا ہے کہ ڈبے میں بند تمام اشیا پر سیلز ٹیکس بڑھا دیا گیا ہے، جس کے بعد خوردنی تیل، بسکٹ، جام، جیلی، نوڈلز مہنگے ہوگئے۔

بچوں کےکھلونے، چاکلیٹ، ٹافیاں اور میک اپ کے سامان پر بھی سیلزٹیکس اٹھارہ فیصد کردیا گیا۔

اس کے علاوہ شیمپو، کریم، لوشن، صابن اور ٹوتھ پیسٹ، ہیئرکلر، ہیئر جیل اور ہیئر سیرم پر سیلز ٹیکس میں ایک فیصد اضافہ ہوگیا۔۔

شیونگ فوم، شیونگ جیل، شیونگ کریم اور شیونگ بلیڈز پر بھی ایک فیصد مزید مہنگی ہوگئی جبکہ کمپیوٹرز، لیپ ٹاپ، موبائل، اسمارٹ فونز،آئی پوڈز۔۔ اور گیجٹس بھی مہنگے ہوں گے۔

الیکٹرانکس آئٹمز ٹی وی، ایل ای ڈی، ایل سی ڈی پر بھی سیلز ٹیکس ایک فیصد بڑھ گیا جبکہ جوسر،بلینڈرز، شیکرزاور دیگرالیکٹرانکس اشیاء بھی مہنگی ہوں گی۔

حکومت نے پرفیوم اور برانڈڈ عطرپربھی سیلز ٹیکس کو سترہ فیصد سے بڑھا کر اٹھارہ فیصد کردیا ہے۔