Tag: سیلینا گومز

معروف کینیڈین گلوکار جسٹن بیبر کا ساتواں البم ریلیز ہونے کے بعد سیلینا گومز اور انکے منگیتر بینی بلانکو پہلی بار عوامی طور پر منظرعام پر آئے۔

پچھلے ہفتے پاپ آئیکون نے کافی عرصے بعد اپنا نیا البم ‘سویگ’ ریلیز کرکے موسیقی کی دنیا میں اپنی غیرموجودگی کے طویل وقفے کو ختم کیا تھا، البم کی ریلی کے بعد اتوار کی رات 13 جولائی کو سیلینا اور بینی کو کیلیفورنیا کے سانتا مونیکا میں اطالوی ریستوراں لطف اندوز ہوتے دیکھا گیا۔

اس ڈیٹ نائٹ کے لیے سیلینا نے ایک خوبصورت سیاہ لباس کا انتخاب کیا تھا جبکہ دوسری طرف، بینی نے 70 کی دہائی کا لک اپناتے ہوئے چوڑی پتلون اور شرٹ کا انتخاب کیا تھا۔

غزہ میں اسرائیلی جارحیت، سیلینا گومز نے کیا فیصلہ کیا؟

سیلینا گومز اور بینی بلانکو ایسے وقت میں ساتھ نظر آئے ہیں جب ہالی ووڈ نغمہ نگار نے پچھلے ہفتے اپنی شادی کے منصوبوں کے بارے میں اپ ڈیٹ دیا۔

بینی نے جیک شین کے پوڈ کاسٹ میں گفتگو کرتے ہوئے کہا تھا کہ سچ میں، میں واقعی تھوڑا سا وقفہ لینا چاہتا ہوں، میں بہت کام کر رہا ہوں۔ میں صرف بستر پر لیٹنا چاہتا ہوں اور یہ بھول جانا چاہتا ہوں کہ یہ کون سا دن ہے۔

ان کا کہنا تھا کہ عام طور پر میں سیلینا کے ساتھ ہوں تو میں یہ سارا دن اچھا گزارسکتا ہوں، وہ مجھے باہر گھومنے اور بہترین وقت گزارنے پر مجبور کرتی ہے۔

خیال رہے کہ بینی بلانکو اور سیلینا گومز نے 2023 میں ڈیٹنگ شروع کی تھی اور بعد میں دسمبر 2024 میں ان کی منگنی ہوئی تھی۔

https://urdu.arynews.tv/selena-gomez-loses-over-700000-instagram-followers/

غزہ کیلئے امداد جمع کرنے کی تقریب میں امریکی گلوکارہ ٹیلر سوئفٹ اور گلوکارہ سیلینا گومز نے شرکت کی ہے۔

غیر ملکی میڈیا رپورٹ کے مطابق معروف پاپ گلوکارہ ٹیلر سوئفٹ اور سیلینا گومز نے غزہ کے لیے فنڈ ریزنگ کی ایک تقریب میں شرکت کی، اس پروگرام کی میزبانی امریکی مصری مزاح نگار ریمی یوسف نے اپنے بروکلین کامیڈی کلب میں کی۔

ٹیلر سوئفٹ اور سیلینا گومز نے نیویارک میں عرب امریکی کامیڈین رامی یوسف کے کامیڈی کلب میں غزہ کے لیے فنڈ ریزنگ تقریب میں شریک ہوئیں۔

سیلینا، جی جی حدید نے غزہ میں جنگ بندی کے لیے امریکی صدر کو خط لکھ دیا

اس حوالے سے رامی یوسف کا کہنا ہے کہ تقریب کی آمدنی غزہ کے محصور علاقے میں امدادی سرگرمیوں کے لیے عطیہ کی جائے گی۔

ٹیلر سوئفٹ اور سلیلنا گومز کی تصاویر کو بڑے پیمانے میں آن لائن شیئر کی جارہی ہے، مبینہ طور پر یہ تصویر ایونٹ سے رخصت ہونے کی ہے۔

یاد رہے کہ امریکی گلوکارہ سیلینا گومز کو غزہ میں جاری جنگ کے بارے میں بات کرنے سے انکار  پر شدید ردعمل کا سامنا کرنا پڑا تھا انہوں نے  غزہ کی صورتحال پر دلبرداشتہ ہو کر سوشل میڈیا سے کچھ عرصے دور رہنے کا فیصلہ کیا تھا۔

غزہ میں اسرائیلی جارحیت، سیلینا گومز نے کیا فیصلہ کیا؟

اداکارہ سیلینا گومز  نے فوٹو اینڈ شیئرنگ ایپ انسٹاگرام پر پوسٹ میں کہا تھا کہ میں لوگوں کو ظلم اور تکلیف سے بچانے کے قابل نہیں ہوں، معصوم لوگوں کو قتل ہوتے دیکھ کر دل ٹوٹ گیا ہے، میری  خواہش ہے کہ  میں دنیا کو بدل سکوں لیکن ایک پوسٹ سے ایسا نہیں ہوگا۔

دوسری جانب فلسطین کے حامی امریکی وکلاء نے مشہور شخصیات پر زور دیا ہے کہ وہ غزہ میں انسانی بحران سے متعلق اپنے پلیٹ فارم پر آواز اٹھائیں۔

ہالی وڈ کی مشہور سپر ماڈل جی جی حدید اور نامور گلوکارہ سیلینا گومز نے خط لکھ کر امریکی صدر جوبائیڈن سےغزہ میں فوری جنگ بندی کا مطالبہ کردیا۔

بین الاقوامی میڈیا رپورٹس کے مطابق اپنی گائیکی سے ہالی وڈ میں منفرد پہچان بنانے والی سلینا گومز بھی ان امریکی اداکاروں میں شامل ہوگئی ہیں جو کھل کر غزہ کے لیے اپنی حمایت کا اظہاکررہے ہیں اور اسرائیلی جارحیت کو روکنے کے لیے اپنی آواز بلند کررہے ہیں۔

امریکی صدر جو بائیڈن کو خط میں ہالی ووڈ اسٹارز سیلینا گومز اور جی جی حدید نے لکھا، ’محترم صدر بائیڈن، ہم فنکار اس وقت بحیثیت انسان اسرائیل اور فلسطین میں معصوم جانوں کے ضیاع پر فکر مند ہیں۔

اداکاراؤں نے مزید اپنے جذبات کا اظہار کرتے ہوئے لکھا کہ ’ غزہ میں بربادی ہورہی ہے، بحیثیت امریکی صدر ہم آپ اور امریکی کانگریس سے غزہ اور اسرائیل کی صورتحال کی سنگینی کو کم کرنے اور مزید جانوں کے ضیاع سے قبل غزہ میں جاری جنگ کو روکنے کا مطالبہ کرتے ہیں۔‘

بائیڈن کو لکھے گئے خط میں یہ بھی کہا گیا ہے کہ ’ہمارا ماننا ہے کہ تمام جانیں قیمتی ہیں، چاہے وہ کسی بھی مذہب یا نسل سے ہو اور حالیہ دنوں میں ہزاروں بے گناہ لوگ مارے گئے ہیں۔‘

سیلینا گومز اور جی جی حدید نے خط میں فلسطینی اور اسرائیلی شہریوں کے قتل کی مذمت بھی کی، اس سے قبل سیلینا گومز نے غزہ کی صورتحال کے باعث کچھ عرصے کے لیے سوشل میڈیا سے دور رہنے کا اعلان کیا تھا۔

واضح رہے کہ 7 اکتوبر سے غزہ پر اسرائیلی ریاستی دہشت گردی جاری ہے جس کے باعث 3,900 بچوں اور 2,509 خواتین سمیت 9,500 کے قریب فلسطینی شہید ہو چکے ہیں جبکہ ہزاروں شدید زخمی ہیں۔

امریکی گلوکارہ و اداکارہ سیلینا گومز نے غزہ کی صورتحال پر دلبرداشتہ ہو کر سوشل میڈیا سے کچھ عرصے دور رہنے کا اعلان کردیا۔

امریکی گلوکارہ و اداکارہ سیلینا گومز نے انسٹاگرام اسٹوری پر لکھا کہ ’’میں سوشل میڈیا سے بریک لے رہی ہوں کیوں کہ میرا دل دنیا میں پھیلی ہوئی خوف، نفرت اور دہشت کو دیکھ کر ٹوٹ جاتا ہے‘‘۔

گلوکاراہ کا کہنا تھا کہ میں لوگوں کو ظلم اور تکلیف سے بچانے کے قابل نہیں ہوں، معصوم لوگوں کو قتل ہوتے دیکھ کر دل ٹوٹ گیا ہے، دہشتگردی کی مذمت کرتی ہوں۔

31 سالہ اداکارہ نے کہا کسی بھی طبقے یا گروہ سے نفرت کرنا، اسے تشدد اور دہشتگردی کا نشانہ بنانا اور قتل کرنا ہولناک ہے، ہمیں تمام لوگوں خصوصاً بچوں کو تشدد اور ظلم سے بچانے کی ضرورت ہے۔

گلوکارہ کا مزید کہنا تھا کہ میں معصوم لوگوں کے زخم برداشت نہیں کرسکتی، میں جانتی ہوں کہ میری پوسٹ سے کوئی دنیا کو کوئی فرق نہیں پڑے گا اور یہی بات میرے لیے پریشان کن ہے۔

انہوں نے کہا کہ اسی لیے میں نے فیصلہ کیا ہے کہ سوشل میڈیا سے کچھ عرصہ دور رہوں۔ کاش کے میں دنیا میں بہتری کے لیے کچھ کرسکتی۔