Tag: سیمی فائنل

پاکستان ہاکی ٹیم کو اولمپک ہاکی کوالیفائر کے سیمی فائنل میں جرمنی نے شکست دے دی، قومی ٹیم ایک بھی گول نہ کرپائی۔

پاکستان کا فائنل میں پہنچنے کا خواب چکنا چور ہوگیا، جرمنی نے اسے پوری طرح آؤٹ کلاس کرتے ہوئے صفر کے مقابلے میں چار گولوں سے عبرتناک شکست دی۔

قومی ہاکی ٹیم اولمپک ہاکی کوالیفائر کے فائنل فور مقابلے میں شکست کے بعد اب تیسری پوزیشن کا میچ کھیلے گی۔

اب پاکستان کے پاس آخری موقع ہے، اگر قومی ہاکی ٹیم تیسری پویشن کا میچ جیتنے میں کامیاب رہتی ہے تو پھر پیرس اولمپکس کیلئے کوالیفائی کرسکتی ہے۔

سیمی فائنل میں جرمنیہ نے پہلے اور دوسرے کوارٹر میں ایک، ایک جبکہ تیسرے کوارٹر میں دو گول اسکور کیے۔ یورپین ٹیم کے خلاف پاکستان ہاکی ٹیم کا کھیل انتہائی مایوس کن تھا۔

جرمنی کی جانب سے نیکلس ویلین نے شاندار کھیل کا مظاہرہ کرتے ہوئے دو بار گیند کو جال کا راستہ دکھایا اور مین آف دی میچ کے حقدار ٹھہرے۔

چوتھے کوارٹر میں قومی ٹیم نے کچھ بہتر کھیل پیش کیا اور مخالف جرمن ٹیم کو گول اسکور کرنے سے روکے رکھا تاہم خود بھی کوئی گول نہ کرسکی۔

بھارتی کرکٹ ٹیم کے کھلاڑی دنیش کارتک محسوس کرتے ہیں کہ ان کی ٹیم کے لیے اصل رکاوٹ سیمی فائنل ہے۔

تجربہ کار وکٹ کیپر بیٹر کا اپنے خیالات کا اظہا کرتے ہوئے کہنا تھا کہ اگر بھارتی ٹیم آئی سی سی ایونٹ کے فائنل میں پہنچی تو وہ ورلڈکپ ٹرافی اٹھانے میں کامیاب ہوجائے گی۔

دنیش کارتک سمجھتے ہیں کہ اگر بھارت ورلڈ کپ 2023 کے سیمی فائنل میں نیوزی لینڈ کو شکست دیتا ہے تو وہ یقینی طور پر آئی سی سی ایونٹ جیتنے کا اعزاز اپنے نام کرے گا۔ کارتک کے مطابق قطع نظر اسکے مخالف کون ہے، روہت شرما کی ٹیم جیتنے کی بھرپور صلاحیت رکھتی ہے۔

ان کا کہنا تھا کہ اگر بھارت نیوزی لینڈ کے خلاف فتح حاصل کرتا ہے، تو پھر آگے آسٹریلیا ہو یا جنوبی افریقہ، میں آپ کو یقین دلا سکتا ہوں کہ بھارت اس ورلڈ کپ کو جیتے گا۔ میرے خیال میں بڑی رکاوٹ سیمی فائنل ہے۔

کارتک نے کہا کہ بھارت کو سیمی فائنل میں پہلے بیٹنگ کرنی چاہیے اور اسکور بورڈ پر بڑا مجموعہ ترتیب دینا چاہیے۔

انھوں نے نشاندہی کرتے ہوئے کہا کہ بھارت کے پاس ایک طاقتور بولنگ اٹیک ہے جو اہم ناک آؤٹ میچز میں ہدف کا دفاع کرسکتا ہے۔

دنیش کارتک نے کہا کہ یہ ایک بہت بڑا میچ ہے۔ مبئی میں ٹیم انڈیا کو پہلے بیٹنگ کرنی چاہیے اور بڑا ٹوٹل بنانا چاہیے۔ مجھے یقین ہے کہ وہ اس کا دفاع کرلیں گے کیونکہ اس میں کوئی شک نہیں کہ بھارتی بولنگ ٹورنامنٹ میں اب تک بہترین رہی ہے۔

واضح رہے کہ بھارت اور نیوزی لینڈ 2023 ورلڈ کپ کے پہلے سیمی فائنل میں بدھ 15 نومبر کو ممبئی کے وانکھیڈے اسٹیڈیم میں مدمقابل ہوں گے۔

آئی سی سی کرکٹ ورلڈ کپ میں اپنے اہم میچ کے لیے پاکستان کرکٹ ٹیم آج مقامی وقت کے مطابق 6 بجے ٹریننگ کا آغاز کریگی۔

آئی سی سی کرکٹ ورلڈ کپ میں اپنے آخری گروپ میچ کے لیے قومی کرکٹ ٹیم آج شام کولکتہ میں ٹریننگ کا آغاز کرے گی، 3 گھنٹے کے ٹریننگ سیشن میں تمام کھلاڑی شریک ہوں گے۔

 تمام کوچز کھلاڑیوں کے ساتھ ٹریننگ سیشن کے دوران کام کریں گے، اس کے علاوہ قومی آل راؤنڈر شاداب خان مکمل فٹ ہوگئے جب کہ فاسٹ بولر حارث رؤف نےبھی بھرپور ٹریننگ شروع کردی۔

 شاداب خان نے گزشتہ روز آپشنل ٹریننگ سیشن کے دوران بولنگ اور بیٹنگ کی  پریکٹس کی جبکہ فاسٹ بولر حارث رؤف نے بھی نیٹس میں بھرپور ٹریننگ کی تھی۔

واضح رہے کہ پاکستان اور انگلینڈ کے درمیان میچ 11 نومبر کو ایڈن گارڈنز کولکتہ میں شیڈول ہے۔

عالمی جونیئر اسکواش چیمپئین شپ کے ناک آؤٹ مرحلے میں کامیابی سمیٹ کر پاکستان نے 15 سال بعد فائنل کیلئے کوالیفائی کرلیا۔

تفصیلات کے مطابق پاکستان آرمی سے تعلق رکھنے والے حمزہ خان پاکستان کی نمائندگی کررہے ہیں، عالمی جونیئر اسکواش چیمپئن شپ  آسٹریلیا کے شہر میلبورن میں کھیلی جارہی ہے۔

حمزہ خان کوارٹر فائنل میں ملائشین حریف کو شکست دیکر سیمی فائنل میں پہنچے ، سیمی فائنل میں حمزہ خان کا مقابلہ فرنچ حریف میل وِل شانی ایمانکیو سے ہوا، حمزہ نے حریف کو واضح مارجن سے شکست دی اور فائنل تک رسائی حاصل کی۔

واضح رہے کہ حمزہ خان قومی سطح پر آرمی کی نمائندگی کرتے ہوئے متعدد ٹائٹلز اپنے نام کر چکے ہیں، وہ اس وقت جونیئر عالمی رینکنگ میں تیسری پوزیشن پر براجمان ہیں۔

جونیئر ہاکی ایشیا کپ میں آج پاکستان اور ملائیشیا کی ٹیمیں عمان میں سیمی فائنل میں ٹکرائیں گی۔

صلالہ عمان میں آج پاکستان اور ملائیشیا کے درمیان آج سیمی فائنل کھیلا جائے گا جیتنے والی ٹیم فائنل میں ٹرافی اٹھانے سے صرف ایک قدم دور ہے۔

دوسرے سیمی فائنل میں بھارت اور جنوبی کوریا کی ٹیمیں مد مقابل ہونگی۔

جونیئر ایشیا ہاکی کپ : پاکستان نے جاپان کو ہرا کر ورلڈ کپ کیلئے کوالیفائی کرلیا

پاکستانی ٹیم کے کنسلٹنٹ رولمنٹ آلٹمنس نے کہا ہے کہ کھلاڑیوں نے ایونٹ میں شان دار پر فارمنس دی ہے، ورلڈ کپ کے لئے رسائی سے کھلاڑیوں کے حوصلے بہت بلند ہوئے ہیں ۔

واضح رہے کہ صلالہ عمان میں جاری ایونٹ میں قومی ٹیم نے گزشتہ میچ میں جاپان کو شکست دی تھی جبکہ ٹیم نے رواں برس شیڈول ورلڈکپ کیلئے بھی کوالیفائی کرلیا۔