Tag: سیم آلٹ مین

مائیکروسافٹ کے چیئرمین اور سی ای او ستیہ نڈیلا کی جانب سے یہ اعلان سامنے آیا ہے کہ ان کی کمپنی اپنے ایڈوانس اے آئی ریسرچ کو آگے بڑھانے کے لیے اوپن اے آئی کے سابق سی ای او سیم آلٹ مین اور شریک بانی گریگ براکمین کو ملازمت پر رکھ رہی ہے۔

غیر ملکی ذرائع ابلاغ کے مطابق آلٹ مین، جنہیں گزشتہ ہفتے اوپن اے آئی نے سی ای او کے عہدہ سے فارغ کردیا تھا، کمپنی میں واپسی کو لے کر موضوعِ بحث تھے، لیکن چیٹ جی پی ٹی ڈیولپر نے سابق ٹوئچ سی ای او ایمیٹ شیئر کو عبوری سی ای او کی شکل میں مقرر کیا۔

ستیہ نڈیلا کا ’ایکس‘ پر ایک پوسٹ میں کہنا تھا کہ ”ہم اس خبر کو شیئر کرتے ہوئے خوشی محسوس کررہے ہیں کہ سیم آلٹ مین اور گریگ براکمین اپنے ساتھیوں کے ساتھ ایک نئی ایڈوانس اے آئی ریسرچ ٹیم کی قیادت کرنے کے لیے مائیکروسافٹ میں شامل ہوں گے۔“

اوپن اے آئی نے کمپنی کے سی ای او کو ہی گھر بھیج دیا

نڈیلا نے کہا کہ ”ہم ایمیٹ شیئر اور اوپن اے آئی کی نئی ٹیم کو جاننے اور ان کے ساتھ کام کرنے کے لیے پُرجوش ہیں۔“ اُن کا کہنا تھا کہ ”ہم ان کی کامیابی کے لیے ضروری وسائل فراہم کرنے کے لیے تیزی سے آگے بڑھنے کو پُرجوش ہیں۔“

واضح رہے کہ مائیکروسافٹ نے اوپن اے آئی میں 10 بلین ڈالر سے زیادہ کی سرمایہ کاری کر رکھی ہے۔

اس سال جنوری میں اس نے اے آئی کامیابیوں میں تیزی لانے کے لیے ملٹی ایئر، اربوں ڈالر کی سرمایہ کاری کے ذریعہ اوپن اے آئی کے ساتھ لانگ ٹرم پارٹنرشپ کے تیسرے فیز کا اعلان کیا۔

واشنگٹن: چیٹ جی پی ٹی بنانے والی کمپنی اوپن اے آئی کی جانب سے گزشتہ روز جاری کئے گئے اعلامیے میں کہا گیا ہے کہ انہوں نے سی ای او سیم آلٹ مین کو برطرف کر دیا ہے۔ کمپنی کا اپنی وضاحت دیتے ہوئے کہنا تھا کہ لگتا ہے کہ وہ اب مائیکرو سافٹ کی حمایت یافتہ فرم کی قیادت کرنے کے قابل نہیں ہیں۔

غیر ملکی ذرائع ابلاغ کے مطابق تقریباً ایک سال قبل چیٹ جی پی ٹی کو 38 سالہ آلٹ مین نے بنایا تھا، چیٹ جی پی ٹی چند لمحات میں وہ کام کر دیتا ہے جسے کرنے میں گھنٹوں کا وقت لگ سکتا ہے جو بے مثال صلاحیتوں والا مصنوعی ذہانت چیٹ بوٹ ہے۔

کمپنی کا اپنے جاری کردہ بیان میں کہنا تھا کہ آلٹ مین کو برطرف کرنے کا فیصلہ انتہائی غور و فکر کے ساتھ کیا گیا ہے۔ بہت غور و فکر کے بعد بورڈ اس نتیجے پر پہنچا کہ سیم آلٹ مین اپنے کام کے بارے میں واضح نہیں تھے۔

جس کی وجہ سے ان کے لیے اپنے کام کو انجام دینا مشکل ہو گیا تھا، کمپنی کے بیان کے مطابق بورڈ کو اب اوپن اے آئی کی قیادت جاری رکھنے کی ان کی صلاحیت پر اعتماد نہیں ہے۔

بیان کے مطابق آلٹ مین کی جگہ کمپنی کی چیف ٹیکنالوجی آفیسر میرا موراتی کو عبوری بنیادوں پر مقرر کیا جائے گا۔ بورڈ اوپن اے آئی کے قیام اور ترقی میں سیم کی بہت سی شراکتوں کے لیے ان کی مشکور ہے، ہم سمجھتے ہیں کہ آگے بڑھنے کے ساتھ نئی قیادت ضروری ہے۔

واضح رہے کہ گزشتہ سال ایپ کو جاری کرنے کے آلٹ مین کے فیصلے کے ایسے نتائج سامنے آئے جس کے بارے میں انہوں نے کبھی سوچا بھی نہ تھا ۔