ARYNews.tv | Urdu – Har Lamha Bakhabar

Tag: سینیٹر شبلی فراز

  • قائد حزب اختلاف سینیٹ شبلی فراز کا چیف جسٹس کو خط

    قائد حزب اختلاف سینیٹ شبلی فراز کا چیف جسٹس کو خط

    اسلام آباد(30 جولائی 2025): قائد حزب اختلاف سینیٹ شبلی فراز نے سپریم کورٹ کے چیف جسٹس یحییٰ آفریدی کو خط لکھ دیا۔

    تفصیلات کے مطابق اپوزیشن لیڈر عمر ایوب کے بعد قائد حزب اختلاف سینیٹ شبلی فراز نے بھی چیف جسٹس کو خط لکھا ہے جس میں انہوں نے 9 مئی کے مقدمات میں عدالتی کارروائیوں پر سنگین تحفظات کا اظہار کیا۔

    خط میں شبلی فرازنے لکھا 9 مئی کے مقدمات میں فئیر ٹرائل اور بنیادی انسانی حقوق پامال ہوئے، بنیادی انسانی حقوق کے تحفظ کیلئے عدلیہ کا کردار سب سے اہم ہے، چیف جسٹس سے درخواست ہے کہ اپنا آئینی کردار ادا کریں۔

    سینیٹر شبلی فراز نے اپیل کی ہے کہ پولیس اور پراسیکیوشن کی جانبداری کی غیر جانبدار تحقیقات کرائی جائے اور 9مئی کے تمام کیسز کا آئینی اصولوں کے مطابق جائزہ لیا جائے۔

    انہوں نے خط میں مشکوک مقدمات کو دوبارہ کھولنے کی اپیل کرتے ہوئے کہا ہے کہ انصاف اورجمہوریت کا تحفظ عدلیہ کی ذمہ داری ہے۔

  • اِدھر اُدھر سے قرض لے کر زرمبادلہ زخائر کو بڑھایا گیا، شبلی فراز

    اِدھر اُدھر سے قرض لے کر زرمبادلہ زخائر کو بڑھایا گیا، شبلی فراز

    پاکستان تحریک انصاف کے رہنما سینیٹر شبلی فراز نےکہا ہے کہ ادھر ادھر سے قرض لے کر زرمبادلہ زخائر کو بڑھایا گیا، قرضے لیکر ترقی اور معاشی اشارے دکھانا جعل سازی ہے۔

    تفصیلات کے مطابق سینیٹ اجلاس کے دوران قائد حزب اختلاف اور پاکستان تحریک انصاف کے رہنما شبلی فراز نے کہا کہ ادھر ادھر سے قرض لے کر زرمبادلہ  زخائر کو بڑھایا گیا، پچھلے سال بھی مارکیٹ سے 5 ارب ڈالر خریدے گئے۔

    شبلی فراز کا کہنا تھا کہ کاروباری افراد کی ایل سیز نہیں کھل رہیں، قرضے لیکر ترقی اور معاشی اشارے دکھانا جعل سازی ہے، ہمارے دور میں 7 فیصد گروتھ تھی۔

    انہوں نے کہا کہ بجٹ پیدائشی طور پر ہی متنازع ہوگیا ہے، بجٹ اعدادوشمار کی ہیرا پھیری ہے، حکومت اس مضمون میں فیل ہوگئی۔

    شبلی فراز کہتے ہیں ترقی کے بغیر ملک میں استحکام نہیں آسکتا، ترقی ہوگی تو لوگوں کو روزگار بھی ملےگا معیشت کا پھیلاؤ ہوگا اور ملک میں خوشحالی آئے گی۔

    سینیٹر شبلی فراز نے ایران پر اسرائیلی حملے کی مذمت بھی کی ہے، بلا جواز حملہ ہے، یہ ایسا ہی ہے جیسا بھارت نے پاکستان پر کیا تھا، اسرائیلی حملے سے دنیا اور علاقے میں اثرات پڑیں گے۔

    واضح رہے کہ قومی اسمبلی کی قائمہ کمیٹی خزانہ کو بریفنگ میں وزیر خزانہ نے بتایا کہ 2 سال میں ترسیلاتِ زر میں 10 ارب ڈالر کا ریکارڈ اضافہ ہوا ہے۔

    وفاقی وزیر خزانہ محمد اورنگزیب نے کہا کہ 30 جون تک اسٹیٹ بینک کے مالی ذخائر 14 ارب ڈالر تک پہنچ جائیں گے اور ترسیلاتِ زر اس سال 38 ارب ڈالر تک ہوں گی۔

  • ہم اقتدار میں آ کر بدلہ نہیں بلکہ ملک کو آگے لے کر جائیں گے: شبلی فراز

    ہم اقتدار میں آ کر بدلہ نہیں بلکہ ملک کو آگے لے کر جائیں گے: شبلی فراز

    راولپنڈی: سینیٹر شبلی فراز نے کہا ہے کہ ہم اقتدار میں آ کر بدلہ نہیں بلکہ ملک کو آگے لے کر جائیں گے۔

    پاکستان تحریک انصاف (پی ٹی آئی) کے مرکزی رہنما اور سینیٹر شبلی فراز نے انسداد دہشت گردی عدالت کے باہر میڈیا سے گفتگو کرتے ہوئے کہا کہ کل ہائیکورٹ کی ہدایت پر ہماری ملاقات طے تھی لیکن ملاقات نہیں کرائی گئی، ملک کی خوشحالی اور ترقی کے لیے ہماری جدوجہد جاری ہے۔

    انہوں نے کہا کہ جو لوگ انفرادی طور پر قانون سازی کر رہے ہیں ہم اس کا حصہ نہیں بنیں گے، لوگ آتے جاتے ہیں لیکن ہمارا نام لے کر قوانین بنائے جارہے ہیں، جو ہمارے ساتھ ہو رہا ہے ہم اقتدار میں آکر ایسا نہیں کرینگے ملک آگے لیکر جائینگے۔

    شبلی فراز کا کہنا تھا کہ منی بجٹ لانے کی تیاریاں کی جارہی ہیں، حکومت امپورٹ ڈیوٹی مزید بڑھانے کی تیاریاں کر رہی ہے، ملک میں کاروبار بالکل نہیں ہے، لوگ ملک چھوڑ کر جارہے ہیں، عدم استحکام کی کیفیت ہے۔

    انہوں نے کہا کہ پارلیمنٹ ایک نمائشی چیزبن چکی جو حالات بنے ہیں یہ مارشل لا میں بھی نہیں دیکھے، آج ہم پر سختیاں ہیں لیکن یہ وقت بھی گزر جائے گا۔

  • ’’الیکشن کمیشن کے کردار پر افسوس ہے‘‘

    ’’الیکشن کمیشن کے کردار پر افسوس ہے‘‘

    سینیٹر شبلی فراز نے کہا ہے کہ سپریم کورٹ کا فیصلہ واضح ہے، الیکشن کمیشن کے کردار پر افسوس ہے آئینی ترمیم کو بھی چھپایا جارہا ہے۔

    پاکستان تحریک انصاف کے مرکزی رہنما اور سینیٹر شبلی فراز نے میڈیا سے گفتگو کرتے ہوئے کہا کہ جو چیزپی ٹی آئی کے خلاف ہو اس میں الیکشن کمیشن پھرتی دکھاتا ہے، جو چیز پی ٹی آئی کے حق میں ہو اس پر الیکشن کمیشن غفلت کی نیند کرتا ہے۔

    شبلی فراز نے کہا کہ امید ہے الیکشن کمیشن فوری طور پر سپریم کورٹ فیصلے پرعمل کرے گا، حکومتی ترامیم بدنیتی پر مبنی ہیں، اتحادیوں کو بھی اعتماد میں نہیں لیا گیا، آئینی ترمیم کو اپوزیشن سے چھپایا جارہا ہے۔

    انھوں نے کہا کہ سپریم کورٹ فیصلے میں واضح کہا گیا الیکشن کمیشن وقت ضائع کررہا ہے، سپریم کورٹ نے الیکشن کمیشن پر چارج شیٹ بھی لگائی ہے۔

    شبلی فراز کا کہنا تھا کہ یہ 41 پاکستان تحریک انصاف کے امیدوار تھے، رحیم یار خان میں انتخاب ہوا اور آج صبح ہی ان کو نوٹیفائی کردیا گیا۔

    رہنما پاکستان تحریک انصاف نے کہا کہ الیکشن کمیشن کا کام صاف و شفاف انتخابات کرانا ہے، الیکشن کمیشن ہی ملکی تاریخ کا متنازع الیکشن کراتا ہے، الیکشن کمیشن صاف و شفاف انتخابات کرانے میں بری طرح ناکام ہوا۔

    انھوں نے کہا کہ ملک میں غیریقینی کی صورتحال کا ذمہ دار الیکشن کمیشن ہی ہے، اس طرح کی چیزیں ہوں تو پارلیمان اپنی اہمیت کھو دیتا ہے۔

  • سینیٹر شبلی فراز نے وفاقی وزیر کے عہدے کا حلف اٹھالیا

    سینیٹر شبلی فراز نے وفاقی وزیر کے عہدے کا حلف اٹھالیا

    اسلام آباد: سینیٹر شبلی فراز نے وفاقی وزیر کے عہدے کا حلف اٹھالیا ، شبلی فراز کو وفاقی وزیراطلاعات ونشریات کا قلم دان دیا گیا ہے۔

    تفصیلات کے مطابق ایوان صدر میں سینیٹر شبلی فراز کی بطور وفاقی وزیر تقریب حلف برداری ہوئی، جس میں شبلی فراز نے بطور وفاقی وزیر حلف اٹھا لیا، صدر مملکت ڈاکٹر عارف علوی نے ان سے عہدے کا حلف لیا، شبلی فراز کو وفاقی وزیراطلاعات ونشریات کا قلم دان دیا گیا ہے۔

    یاد رہے گذشتہ روز وفاقی حکومت نے وزیر اطلاعات فردوس عاشق اعوان کوڈی نوٹیفائی کرکے شبلی فراز کو وفاقی وزیراطلاعات تعینات کیا تھا جبکہ عاصم سلیم باجوہ وزیراعظم کے معاون خصوصی اطلاعات مقرر کیے گئے تھے۔

    وفاقی وزیر برائے سائنس اینڈ ٹیکنالوجی فواد چوہدری نے سینیٹر شبلی فراز کو وفاقی وزیر اطلاعات اور عاصم سلیم باجوہ کو وزیراعظم کا معاون خصوصی برائے اطلاعات تعینات کرنے پر مبارکباد دی اور کہا تھا کہ شبلی فراز عزت دار اور ایماندار شخص ہیں جبکہ عاصم سلیم باجوہ محنتی انسان ہیں۔

    بعد ازاں معاون خصوصی برائے اطلاعات فردوس عاشق اعوان کو عہدے سے ہٹانے کی اندرونی کہانی سامنے آئی تھی ، جس کے مطابق فردوس عاشق اعوان نے حکومتی اشتہاری بجٹ سے 10 فیصد کمیشن لینے کی کوشش کی اور سرکاری ٹی وی کے کوٹے پر ضرورت سے زائد ملازم رکھے، انہوں نے بغیر اجازت دو سیکیورٹی گارڈز سمیت 9 ملازم رکھے ہوئے تھے۔

    خیال رہے چند روز قبل ایم کیو ایم کے ممبر قومی اسمبلی امین الحق نے بطور وفاقی وزیر حلف اٹھایا تھا، امین الحق کو انفارمیشن ٹیکنالوجی کا قلمدان دیا گیا تھا ۔

  • دھرنے کیلئے ناموس رسالتؐ کے نام پر چندہ جمع کیا جارہا ہے، سینیٹر شبلی فراز

    دھرنے کیلئے ناموس رسالتؐ کے نام پر چندہ جمع کیا جارہا ہے، سینیٹر شبلی فراز

    پی ٹی آئی کے سینیٹر شبلی فراز نے کہا ہے کہ دھرنے کیلئے ناموس رسالتؐ کے نام پر چندہ جمع کیا جارہا ہے، فضل الرحمان کو اقتدار کی چاہت ایسی ہے جیسے مچھلی پانی سے باہر ہو۔

    یہ بات انہوں نے اے آر وائی نیوز کے پروگرام سوال یہ ہے میں میزبان ماریہ میمن کے سوالات کا جواب دیتے ہوئے کہی، شبلی فراز کا کہنا تھا کہ آج مولانا فضل الرحمان اقتدار سے دور ہیں اور وہ اسی لیے اسلام آباد پر لشکر انداز ہورہے ہیں۔

    دھرنے کیلئےناموس رسالتؐ کے نام پر چندہ جمع کیا جارہا ہے، وہ پچھلے10سال تک اقتدارمیں رہے، اب پہلی بار باہر ہیں، ان کے اقتدارکی چاہت ایسی ہے جیسےمچھلی پانی سے باہر ہو، ہمیں کوئی پرواہ نہیں مولانا فضل الرحمان خود کو سیاسی طور پر ایکٹو کرنا چاہ رہے ہیں۔

    ایک سوال کے جواب میں شبلی فراز کا کہنا تھا کہ ن لیگ،پی پی اور مولانا فضل الرحمان نے ایک دوسرے کو کاندھا دیا، بنیادی طور پر یہ تینوں ایک پارٹنر ہیں۔

    آج یہ لوگ نیب کی زد پرہیں، انہوں نے ملک کو ناقابل تلافی نقصان پہنچایا، ملک میں افراتفری اورمہنگائی ان ہی کی وجہ سے ہے، یہ لوگ اب این آر او مانگ رہے ہیں مگر ہم کسی کو این آر او دیں گے نہیں۔

    پی ٹی آئی سینیٹر کا مزید کہنا تھا کہ بنیادی طور پر یہ سب اس سسٹم کے بینیفشری ہیں، آج یہ تینوں جماعتیں حکومت گرانے کی باتیں کررہی ہیں، یہ لوگ چاہتے ہیں ان کیخلاف کیسز کو ختم کردیا جائے، لیکن ایسا ہرگز نہیں ہوگا۔