اسلام آباد: سینیٹر فرحت اللہ بابر نے کہا ہے کہ ہماری بین الاقوامی تجارت باالخصوص یورپین یونین سے تجارت کا انحصار ہماری انسانی حقوق کی صورت حال پر ہے.
وہ میڈیا سے گفتگو کر رہے تھے، سینیٹر فرحت اللہ بابر نے بتایا کہ جینوا میں پیر کے روز تمام رکن ممالک سے انسانی حقوق کی رپورٹوں پر سوال و جواب کرے گی اور اگر اس حوالے سے اگر ہم اپنی پوزیشن کلیئر نہیں کرسکے تو مشکلات کا سامنا رہے گا.
انہوں نے کہا کہ ممکنہ طور پر اقوام متحدہ کی انسانی حقوق سے متعلق کونسل اجلاس میں ہم سے مختلف اقدامات اٹھانے کے لئے جو وعدے کیے تھے اُن پر کیا پیش رفت ہوئی اور ہمیں اپنا موقف ٹھوس شواہد اور فیکٹس اینڈ فیگر کے ساتھ پیش کرنا ہوگا.
سینیٹر فرحت اللہ بابر نے کہا کہ اس وقت پاکستان میں کچھ جگہوں سے انسانی حقوق کی خلاف ورزی سے متعلق شکایات موصول ہو رہی ہیں جس پر ریاست کو ایکشن لینے کی ضرورت ہے.
پی پی پی سے تعلق رکھنے والے سینیٹر فرحت بابر نے مزید بتایا کہ پیر کے روز وزیر خارجہ خواجہ آصف کی سربراہی میں وزارت انسانی حقوق کا ایک وفد پاکستان کی نمائندگی کرے گا.
انہوں نے کہا کہ یہ بات بھی ذہن میں رکھنی چاہیے کہ گزشتہ نظرثانی میں پاکستان اس بات پر راضی ہوگیا تھا کہ زبردستی غائب ہونے والے افراد کے مقدمات کو مجرمانہ فعل قرار دیا جائے گا لیکن اس مرتبہ کی رپورٹ میں اس معاملے پر مکمل خاموشی ہے.
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں.
