Tag: سینیٹر فیصل جاوید

اسلام آباد : سینیٹر فیصل جاوید کا کہنا ہے کہ آٹھویں سےدسویں تک سیرت النبیﷺپڑھائی جائے گی، طلباجیسے سیرت طیبہﷺ کا مطالعہ کریں گے انہیں شعور آتا جائے گا۔

‌تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ آٹھویں سےدسویں تک سیرت النبیﷺپڑھائی جائے گی ، وزیراعظم نےاس سلسلے میں وزارت تعلیم کو جلد از جلد کام مکمل کرنیکی ہدایت کردی، عمران خان نے کہا تھا کہ جو کچھ حضور ﷺ نے کیا وہ دنیا میں نہ کسی نے کیا نہ کرسکتا ہے ، جتنا ہم انکی زندگی کے بارے میں پڑھیں گے،ہمیں معلوم ہوگا کہ انکا کتنا بڑا مقام ہے۔

آٹھویں سےدسویں تک سیرت النبی ﷺ پڑھائی جائیگی-وزیراعظم نےوزارت تعلیم کواس سلسلے میں جلد از جلد کام مکمل کرنیکی ہدایت دے دی-عمران خان نے کہا کہ جو کچھ حضور ﷺ نے کیا وہ دنیا میں نہ کسی نے کیا نہ کرسکتا ہے-جتنا ہم انکی زندگی کےبارےمیں پڑھیں گے،ہمیں معلوم ہوگا کہ انکاکتنابڑامقام ہے

— Faisal Javed Khan (@FaisalJavedKhan) August 17, 2021

فیصل جاوید کا کہنا تھا کہ طلباجیسے سیرت طیبہﷺ کا مطالعہ کریں گے انہیں شعور آتا جائے گا، جو کامیابیاں نبی کریم ﷺکو ملیں دنیا میں وہ کسی اور انسان کو نہیں ملیں، سیرت النبی ﷺ کو پڑھانے سے ہمارے بچے نبیٔ آخر الزماں ﷺ کی زندگی سے سیکھ سکیں گے۔

طلباء جیسے جیسے سیرت کا مطالعہ کریں گے انہیں شعور آتا جائے گا، جو کامیابیاں نبیٔ کریم حضرت محمد صلی اللّٰہ علیہ وسلم کو ملیں دنیا میں وہ کسی اور انسان کو نہیں ملیں، سیرت النبی ﷺ کو پڑھانے سے ہمارے بچے نبیٔ آخر الزماں ﷺ کی زندگی سے سیکھ سکیں گے

— Faisal Javed Khan (@FaisalJavedKhan) August 17, 2021

گذشتہ روز وزیر اعظم عمران نے یکساں قومی نصاب کا آغاز کیا تھا ، اس موقع پر اپنے خطاب میں وزیراعظم کا کہنا تھا کہ یکساں تعلیمی نصاب پہلا قدم ہے ، صرف اچھی تعلیم سیکھنا کافی نہیں اس راستے پر چلنابھی ضروری ہے، مشکلات کے باوجود یکساں تعلیمی نظام سے ہم ایک قوم بنائیں گے۔

عمران خان کا کہنا تھا کہ 10،9،8ویں جماعت میں سیرت نبیﷺ پڑھائی جائےگی اور 5سے6ماہ کےاندرسیرت نبیﷺ پڑھانے کیلئے اقدامات کریں، اللہ نے حکم دیا ہے کہ مسلمان نبیﷺ کی زندگی سےسیکھیں ، نبیﷺ کی زندگی سے سیکھیں گے تو اچھائی اور برائی کا پتہ چلے گا۔

اسلام آباد: سینیٹر فیصل جاوید کا کہنا ہے کہ کچھ گھنٹوں کے بعد فتح انصاف اور عمران خان کی ہوگی، انشاللہ حفیظ شیخ ہی جیتیں گے۔

تفصیلات کے مطابق سنتیس سینیٹرز کے انتخاب کے لیے ووٹنگ کا عمل جاری ہے،اس موقع پر سینیٹر فیصل جاوید نے میڈیا سے گفتگو کرتے ہوئے کہا اپوزیشن لین دین چاہتے تھے،اوپن بیلٹنگ کے خلاف تھے جبکہ عمران خان شفافیت اور کرپشن کا خاتمہ چاہتے ہیں۔

فیصل جاوید کا کہنا تھا کہ عمران خان نے پچھلے سینیٹ الیکشن میں 20ایم پی ایزکو فارغ کیا، جب کشمیر کاز عروج پر تھا تو انہوں نےمولاناکو آگےکردیا، کورونامیں بھی انہوں نےعمران خان کو بلیک میل کرنے کی کوشش کی۔

پی ٹی آئی رہنما نے کہا کہ اپوزیشن نے پی ڈی ایم نام کی کوئی چیزبنائی جو2020میں ہی ختم ہوگئی، انھوں نے ہر سطح پر عمران خان کوبلیک میل کرنے کی کوشش کی اور اقتدار میں آکر پاکستان میں اخلاقیات کو تباہ کیا تھا۔

سابق حکمرانوں کے حوالے سے ان کا مزید کہنا تھا کہ حکمرانوں نے پیسہ بنایا اور اربوں کی جائیدادیں بیرون ملک بنائیں، انھوں نے اپنے حالات بہتر کئے مگر عوام کےحالات کو خراب کیا۔

سینیٹر فیصل جاوید نے کہا سینیٹ الیکشن سے پہلے ویڈیوز سامنے آئیں، کرپشن چوری کو ختم کرنا عمران خان کی کوشش ہے ، کچھ گھنٹوں کے بعد فتح انصاف اور عمران خان کی ہوگی۔

اپوزیشن پر تنقید کرتے ہوئے رہنما پی ٹی آئی کا کہنا تھا کہ ان کے استعفے لطیفے بن گئے،عوام نےان کی کال کو مسترد کردیا، عوام چوری بچانےکیلئے نہیں نکلتے بلکہ چوری کیخلاف نکلتی ہے۔

انھوں نے مزید کہا اتحادی ساتھ ہیں ،انشاللہ حفیظ شیخ ہی جیتیں گے، پریشانی کی دوسری جانب انھیں کچھ سمجھ نہیں آ رہا، ضمیروں کے سودا گروں کو شکست ہو گی۔