اسلام آباد : پاکستان تحریک انصاف (پی ٹی آئی) نے قومی اسمبلی کے ضمنی انتخابات کے بعد سینیٹ کے الیکشن کے بائیکاٹ کا اعلان کردیا۔

تفصیلات کے مطابق پاکستان تحریک انصاف (پی ٹی آئی) نے پارٹی کے بانی اور جیل میں قید چیئرمین عمران خان کی ہدایت پر آئندہ تمام ضمنی انتخابات کے بائیکاٹ کا اعلان کر دیا ہے، تاہم میاں اظہر کی خالی نشست پر انتخاب میں حصہ لیا جائے گا۔

تحریک انصاف نے واضح کیا کہ سینیٹ میں اعجاز چوہدری کی خالی نشست کے انتخاب کا بھی بائیکاٹ کیا جائے گا، بانی نے کہا ہے کہ نو مئی کیسزمیں پی ٹی آئی ارکان کوناحق سزادی گئی، بنیادی حقوق پامال کیے گئے، یہ انتقامی کارروائی کی بدترین مثال ہے۔

تحریک انصاف نے سینیٹ انتخابات کے بائیکاٹ کا اعلان کیا، عمران خان کی ہدایت پر اعجاز چوہدری کی نشست کے لیے ان کی اہلیہ سلمیٰ اعجاز کو نامزد کیا گیا تھا۔

سلمیٰ اعجاز نے کہا جعلی انتخابات کا حصہ نہیں بنوں گی، پی ٹی آئی کا یہ فیصلہ دوٹوک پیغام ہے، پارٹی غیر منصفانہ انتخابی عمل کو تسلیم نہیں کرے گی۔

مزید پڑھیں : پی ٹی آئی کے 18 ارکان قومی اسمبلی کی قائمہ کمیٹیوں سے مستعفی

پارٹی کی جانب سے بیان میں کہا گیا کہ عمران خان اور پی ٹی آئی اس فیصلے کے ذریعے یہ واضح پیغام دینا چاہتے ہیں کہ وہ کسی بھی غیر منصفانہ انتخابی عمل کو قبول نہیں کریں گے۔

دوسری جانب انسداد دہشت گردی کی عدالت (اے ٹی سی) نے عمران خان کی سات مقدمات میں بعد از گرفتاری ضمانت کی درخواستیں سماعت کے لیے منظور کر لی ہیں، یہ مقدمات تشدد، جلاؤ گھیراؤ، قتل کی سازش اور اشتعال انگیزی سے متعلق ہیں جو گزشتہ سال ستمبر اور نومبر میں مختلف تھانوں میں درج کیے گئے تھے۔

وہ اس وقت اڈیالہ جیل میں جوڈیشل ریمانڈ پر ہیں، عدالت نے تمام فریقین کو نوٹس جاری کر دیے ہیں جبکہ ان درخواستوں پر سماعت یکم ستمبر کو راولپنڈی کی انسداد دہشت گردی عدالت میں ہوگی۔

پشاور (17 جولائی 2025): پی ٹی آئی پارلیمنٹیرینز اور عوامی نیشنل پارٹی (اے این پی) نے سینیٹ الیکشن میں پاکستان پیپلز پارٹی کی حمایت کا اعلان کر دیا۔

چیئرمین پی ٹی آئی پارلیمنٹیرینز محمود خان نے اعلان کیا کہ ہماری جماعت سینیٹ الیکشن میں پاکستان پیپلز پارٹی کے امیدوار طلحہ محمود کو ووٹ دے گی۔

سابق وزیر اعلیٰ خیبر پختونخوا محمود خان نے بتایا کہ آج الیکشن کمیشن سے ملاقات کروں گا، ہمیں ایک سیٹ سے محروم کیا گیا اس پر بات ہوگی، ایم پی ایز سے ملاقات کے بعد باقی امیدواروں کو ووٹ دینے یا نہ دینے کا فیصلہ ہوگا۔

یہ بھی پڑھیں: خیبرپختونخوا میں سینیٹ الیکشن بلامقابلہ ہونے کی راہ ہموار

واضح رہے کہ مخصوص نشستیں ملنے سے خیبر پختونخوا اسمبلی میں پی ٹی آئی پارلیمنٹیرینز کی تعداد 3 ہو جائے گی جبکہ اے این پی کے اراکین کی تعداد بھی 3 ہو جائے گی۔

دو روز قبل اے آر وائی نیوز کو ذرائع نے بتایا کہ پاکستان پیپلز پارٹی نے اپوزیشن جماعتوں کو سینیٹ الیکشن میں سولو فلائٹ سے گریز کا مشورہ دیا اور کہا کہ (ن) لیگ، جے یو آئی (ف)، اے این پی اور پی ٹی آئی پارلیمنٹیرینز مل کر الیکشن لڑیں۔

ذرائع نے بتایا کہ پیپلزپارٹی نے کہا اپوزیشن جماعتوں کے انفرادی فیصلوں کا اجتماعی نقصان ہوگا، اتحاد نہ بننے پر کے پی سے ایک سینیٹ سیٹ ضائع ہونے کا خدشہ ہے تاہم صدر پی پی خیبرپختونخوا محمد علی شاہ باچہ کے اپوزیشن پارٹیز سے رابطے میں ہے، اپوزیشن جماعتوں نے مثبت رسپانس کا یقین دلایا۔

ذرائع کے مطابق پی پی صوبائی اسمبلی کے آزاد اراکین اور تمام جماعتوں سے ووٹ مانگے گی تو متحدہ اپوزیشن کے خیبر پختونخوا سے سینیٹ کی 5 سیٹیں جیتنے کا امکان ہے۔

اسلام آباد : پیپلز پارٹی نے اپوزیشن جماعتوں کو سینیٹ الیکشن میں سولو فلائٹ سے گریز کا مشورہ دیا اور کہا ن لیگ، جے یو آئی، اے این پی، پی ٹی آئی پی ملکر الیکشن لڑیں۔

تفصیلات کے مطابق اپوزیشن جماعتوں میں کے پی سینیٹ الیکشن پر فارمولہ طے نہ پاسکا، ذرائع نے بتایا کہ پیپلز پارٹی نے اپوزیشن جماعتوں کو سینیٹ الیکشن ملکر لڑنے کا مشورہ دے دیا.

پی پی نے اپوزیشن جماعتوں کو سینیٹ الیکشن میں سولو فلائٹ سے گریز کا مشورہ دیا اور کہا ن لیگ، جے یو آئی، اے این پی، پی ٹی آئی پی ملکرالیکشن لڑیں۔

پی پی ذرائع کا کہنا تھا کہ پیپلزپارٹی نے کہا اپوزیشن جماعتوں کے انفرادی فیصلوں کا اجتماعی نقصان ہو گا۔

ذرائع نے کہا ہے کہ اپوزیشن اتحاد نہ بننے پر کے پی سے ایک سینیٹ سیٹ ضائع ہونے کا خدشہ ہے تاہم صدر پی پی خیبرپختونخوا محمد علی شاہ باچہ کے اپوزیشن پارٹیز سے رابطے میں ہے ، اپوزیشن جماعتوں نےمثبت رسپانس کا یقین دلایا۔

ذرائع کے مطابق پی پی کے پی اسمبلی کے آزاد اراکین اورتمام جماعتوں سے ووٹ مانگے گی تو متحدہ اپوزیشن کے خیبرپختونخوا سے سینیٹ کی 5 سیٹیں جیتنے کا امکان ہے۔

اسلام آباد : پی ٹی آئی کارکن صنم جاوید اور رہنما زلفی بخاری نے سینیٹ کے کاغذات مسترد کرنےکافیصلہ الیکشن ٹریبونل میں چیلنج کر دیا۔

تفصیلات کے مطابق پاکستان تحریک انصاف کی رکن صنم جاوید نےسینیٹ کے کاغذات مسترد کرنےکافیصلہ الیکشن ٹریبونل میں چیلنج کر دیا۔

درخواست میں مؤقف اختیار کیا گیا کہ الیکشن کمیشن نےصنم جاوید کے کاغذات حقائق کے برعکس مسترد کیے، صنم جاویدپر اعتراض عائد کیا گیا کہ کاغذات میں پلاٹ ظاہر نہیں کیا۔

درخواست میں کہنا تھا کہ صنم جاوید کےپاس ایسا کوئی پلاٹ نہیں ہے، استدعا ہے کہ ایپلیٹ ٹریبونل صنم جاوید کے کاغذات نامزدگی منظور کرنےکا حکم دے۔

دوسری جانب زلفی بخاری نے سینیٹ کیلئےکاغذات مسترد کرنےکا فیصلہ الیکشن ٹربیونل میں چیلنج کردیا۔

جس مین کہا کہ الیکشن کمیشن نے زلفی بخاری نے حقائق کے برعکس مسترد کیے، زلفی بخاری دہری شہریت چھوڑ چکے ہیں اور زلفی بخاری قانون اور آئین پر یقین رکھتے ہیں۔

درخواست میں استدعا کی گئی کہ زلفی بخاری کے کاغذات نامزدگی کو منظور کیا جائے۔

اسلام آباد : سینیٹ کی 48 نشستوں پر انتخابات کے سلسلے میں بلوچستان سے سابق وزیراعظم انوار الحق کاکڑ نے کاغذات نامزدگی جمع کرادیئے۔

تفصیلات کے مطابق سینیٹ انتخابات کیلئےکاغذاتِ نامزدگی جمع کرانےکاآج آخری دن ہے، سابق وزیراعظم انوار الحق کاکڑ کے کاغذات نامزدگی جمع کرادیئے گئے۔

ٹیکنوکریٹ کیلئے ایڈووکیٹ امان اللہ کنرانی کے کاغذات جمع کرائے جبکہ ایم کیوایم کےعامرچشتی ،ابوبکر،نجیب ہارون ،رؤف صدیقی کے کاغذات جمع کرائے گئے۔

اس سے قبل اسلام آباد سے ٹیکنوکریٹ کی نشست پروزیرخارجہ اسحاق ڈار کے کاغذاتِ نامزدگی جمع کرائے گئے، ذرائع کے مطابق ن لیگ نے پرویز رشید،ناصر بٹ اورطلال چوہدری کو بھی سینیٹ کےلیے کاغذاتِ نامزدگی جمع کرانے کی ہدایت کی ہے۔

الیکشن کمیشن کے مطابق خیبرپختونخوا میں سینیٹ کی گیارہ خالی نشستوں پر نواسی سے زائد امیدواروں نے کاغذات جمع کروائے ، جس میں فیصل جاوید، اعظم سواتی، طلحہٰ محمود شامل ہیں۔

سندھ میں سینیٹ کی بارہ نشستوں پرانتخاب ہوگا، جس کے لئے ایم کیوایم کے عامر چشتی ، ابوبکر،نجیب ہارون اور رؤف صدیقی کاغذاتِ نامزدگی جمع کرائے جبکہ فیصل واوڈا نے آزاد حیثیت سے کاغذاتِ جمع کروا دیئے ہیں۔