Tag: سینیٹ انتخابات

اسلام آباد : سینیٹ انتخابات میں ووٹنگ کے حوالے سے  ممبران قومی اسمبلی کے لیے ہدایت نامہ جاری کردیا گیا ، جس ووٹنگ کا طریقہ بتایا گیا ہے۔

تفصیلات کے مطابق سینیٹ انتخابات سے متعلق ممبران قومی اسمبلی کے لیے الیکشن کمیشن نے ہدایت نامہ جاری کردیا، جس میں کہا ہے کہبال پوائنٹ کے ذریعے بیلٹ پیپرزپرترجیحات درج کرنا ہوں گی۔

ترجیح امیدوارکے نام کے سامنے 1 اور دوسرے امیدوار کے سامنے 2 لکھنا ہوگا ، ترجیح صرف انگریزی یا اردو میں درج کرنا ہوگی، اردو اور انگریزی کو ملا کر لکھنے سے ووٹ مسترد ہوگا۔

ترجیحات کے خانے کے اندر ہندسہ درج نہ ہو، ہندسہ1 ایک سےزائدناموں کے سامنے درج ہونے سے ووٹ مسترد ہوگا، کسی امیدوار کے نام کے سامنے ہندسہ 1 کے ساتھ کوئی دوسرا ہندسہ درج نہ ہو۔

خیال رہے سینیٹ کی 30 نشستوں پر انتخابات کیلئے پولنگ کا آغاز ہوگیا ہے، سندھ ،خیبرپختونخوا،پنجاب اور قومی اسمبلی کےارکان حق رائے دہی استعمال کریں گے، پولنگ صبح 9 سے 4 بجےتک جاری رہے گی۔

سینیٹ کی 30 نشستوں پر59 امیدوارمقابل ہیں، وفاقی دارالحکومت کی ایک جنرل اور ایک ٹیکنوکریٹ نشست پر انتخاب ہوگا ، اسلام آباد سے رانا محمودالحسن اور فرزند حسین شاہ امیدوار ہیں جبکہ ٹیکنوکریٹ کی نشست کیلئے اسحاق ڈار اور راجہ انصر محمود مقابل ہیں۔

پنجاب کی 2 خواتین اور 2 ٹیکنوکریٹ اور ایک غیرمسلم نشست پر ، سندھ اور خیبرپختونخوا کی 7،7 جنرل نشستوں پر انتخاب ہوگا۔

اس کے علاوہ سندھ اور خیبرپختونخوا کی دو،دو خواتین،دو،دو ٹیکنوکریٹ کی نشستوں پرانتخابات ہوں گے ، سندھ کی ایک غیرمسلم نشست پر بھی انتخاب ہوگا۔

18 امیدوار بلامقابلہ منتخب ہوچکے ہیں، پنجاب اور بلوچستان کی 7،7 جنرل نشستوں پرامیدوار بلامقابلہ کامیاب ہوگئے ہیں جبکہ خواتین کی 2 اور ٹیکنوکریٹ کی 2 نشستوں پربھی امیدوار بلامقابلہ کامیاب ہوئے۔

اسلام آباد : پنجاب میں سینیٹ انتخابات کے لئے امیدواروں کی حتمی فہرست جاری کردی گئی، پنجاب سے سینیٹ کے سولہ امیدوار میدان میں ہیں۔

تفصیلات کے مطابق سینیٹ انتخابات کے لیے الیکشن کمیشن نے امیدواروں کی حتمی فہرست جاری کردی ، حتمی فہرست میں پنجاب سےسینیٹ کے16امیدوارمیدان میں ہیں۔

الیکشن کمیشن نے7 جنرل نشستوں پر 7 امیدواروں کو حتمی قرار دے دیا ہے جبکہ 2ٹیکنوکریٹ نشستوں پر 3امیدوار اور خواتین کی 2 نشستوں پر 4 امیدوار میدان میں ہیں جبکہ پنجاب سے اقلیت کی ایک نشست کیلئے2 امیدوار میدان میں ہیں۔

الیکشن کمیشن کا کہنا ہے کہ 7جنرل نشستوں پر ن لیگ سب سےزیادہ4 نشستیں لینےمیں کامیاب ہوئی جبکہ ایم ڈبلیوایم کے علامہ راجہ ناصر عباس اور سنی اتحاد کونسل کے حامد خان بھی بلا مقابلہ جیت گئے، اس کے علاوہ ن لیگ کےپرویز رشید، طلال چوہدری ، ناصر محمود،احد چیمہ بلا مقابلہ کامیاب ہوگئے ہیں۔

خواتین کی 2 نشستوں کیلئے ن لیگ کی انوشہ رحمان اور بشریٰ انجم بٹ ، پیپلز پارٹی کی فائزہ ملک اور سنی اتحاد کونسل کی صنم جاوید میدان میں ہیں جبکہ اقلیتوں کی نشست پرن لیگ کےخلیل طاہر سندھو اور سنی اتحاد کونسل کے آصف عاشق شامل ہیں۔

الیکشن کمیشن نے کہا کہ سینیٹ انتخابات کیلئے 2 اپریل کو پنجاب اسمبلی میں ووٹنگ ہوگی۔

اسلام آباد : سینیٹ انتخابات میں کئی بڑے نام ٹکٹ حاصل کرنےمیں ناکام رہے ، جن میں پی پی کے رضا ربانی، مولا بخش ،رخسانہ زبیری اور ن لیگ کے مشاہد حسین سید اور آصف کرمانی شامل ہیں۔

تفصیلات کے مطابق سینیٹ کے امیدواروں میں کئی نئے اور پرانے نام تو سامنے آگئے مگر بڑی جماعتوں میں کئی بڑے نام ٹکٹ حاصل کرنے میں ناکام رہے۔

مسلم لیگ ن سے مشاہد حسین سید، آصف کرمانی اورحافظ عبدالکریم ٹکٹ سے محروم رہ گئے جبکہ پیپلزپارٹی سے رضا ربانی، مولابخش چانڈیو اور رخسانہ زبیری ٹکٹ کی ریس سے باہر ہوگئیں۔

پاکستان تحریکِ انصاف کے سینیٹ میں پارلیمانی لیڈر شہزاد وسیم بھی ٹکٹ حاصل نہ کرسکے اور ولید اقبال بھی آؤٹ ہوگئے۔

وزیرداخلہ محسن نقوی ، سابق نگراں وزیراعظم انوارالحق کاکڑاور فیصل واوڈا آزاد حیثیت سے میدان میں ہیں۔

وزیرخزانہ محمد اورنگزیب مسلم لیگ ن سے سینیٹ کا الیکشن لڑیں گے جبکہ اے این پی کےایمل ولی خان بلوچستان سے سینیٹ کی نشست کےامیدوار ہیں۔

خیال رہے سینیٹ کی اڑتالیس نشستوں پرانتخابات دواپریل کو ہوں گے، امیداروں کے کاغزات نامزدگی جمع ہوچکے ہیں۔