Tag: سینیٹ اور قومی اسمبلی

اسلام آباد حکومت کی آئینی ترمیم ایک ہی دن سینیٹ اور قومی اسمبلی سے منظور کرانے کی کوشش جاری ہے، قومی اسمبلی اور سینیٹ کے اجلاس کل طلب کر لئے گئے۔

تفصیلات کے مطابق صدر مملکت آصف علی زرداری نے قومی اسمبلی اور سینیٹ کے اجلاس کل طلب کر لیے، قومی اسمبلی اور سینیٹ کے اجلاس آئین کے آرٹیکل 54 (ایک) کے تحت طلب کیے گئے۔

قومی اسمبلی کا اجلاس کل شام چار بجے طلب کیا گیا ہے جبکہ سینٹ کا اجلاس کل سہ پہرتین بجے بلایا گیا ہے، سینیٹ اور قومی اسمبلی کے اجلاس میں 26ویں آئینی ترامیم منظور کی جائے گی۔

ذرایع کا کہنا ہے کہ آئینی ترمیم ایک ہی دن سینیٹ اور قومی اسمبلی سے منظور کرانے کی کوشش کی جائے گی تاہم آئینی ترامیم سینیٹ سے پہلے منظور کرانے پر غور کیا جارہا ہے۔

سینیٹ اور قومی اسمبلی میں پیش کیے جانے سے پہلے وفاقی کابینہ چھبیس ویں آئینی ترامیم کی منظوری دے گی جبکہ پارلیمنٹ کی خصوصی کمیٹی کا اجلاس سترہ کے بجائے کل ساڑھے بارہ بجے بلالیا گیا، اجلاس میں آئینی ترامیم کے مسودے کو حتمی شکل دی جائے گی۔

اسلام آباد : سینیٹ اور قومی اسمبلی کےکئی دفاترمیں اہم فائلیں چوہوں نے کترڈالیں ، چوہوں کوپکڑنےکیلئےخصوصی بلیوں کی خدمات حاصل کی جائیں گی۔

تفصیلات کے مطابق پارلیمنٹ ہاوس میں چوہوں کی بڑھتی تعداد اور شرارتوں نے سب کو حیران پریشان کردیا۔

چوہے ارکان کیلئے وبال جان بن گئے اور سینیٹ اور قومی اسمبلی کے مختلف شعبوں میں نقصان پہنچارہے ہیں جبکہ چوہوں نے پارلیمنٹ کے کئی دفاتر میں فائلیں بھی کتر دیں۔

سی ڈی اے نے صورتحال سے نمٹنےکیلئےٹینڈرجاری کردیا، جس میں کہا ہے کہ چوہوں کوپکڑنےکیلئےخصوصی بلیوں کی خدمات حاصل کی جائیں گی اور چوہوں کوتلف کرنےکیلئےسالانہ12لاکھ روپےخرچ ہوں گے۔

ٹینڈر میں کہنا ہے کہ چوہوں کوپکڑنے کے لیےدو ماہر ین کی خدمات بھی حاصل کی جائیں گی۔

ترجمان قومی اسمبلی کا کہنا ہے کہ چوہوں کے خاتمے کے لیے ذمہ داری سی ڈی اے کو دی گئی ہے، پارلیمنٹ میں چوہوں کا مسلہ نیا نہیں برسوں پرانا ہے، مارچ 2018 کو پیش رپورٹ کے مطابق پارلیمنٹ میں چوہوں کی تعداد پچاس ہزار سے زائد تھی۔

گیارہ اگست2011 کو اس وقت پیپلز پارٹی کی رکن قومی اسمبلی شاہدہ رحمانی کو پارلیمنٹ لاجز میں چوہے نے کاٹ لیا تھا۔

چوہوں کا یہ مسلہ بین الاقوامی سطح کا ہے، اسپین کی پارلیمنٹ میں اجلاس کے دوران چوہے نے انٹری دی ، جس سے ایوان میں ہلچل مچ گئی۔

برطانوی پارلیمنٹ بھی عرصہ دراز سے چوہوں کے مسلے سے پریشان ہے، اگست دوہزار انیس میں قومی خزانے سے ایک لاکھ گیارہ ہزار برطانوی پاونڈز خرچ کیے گئے لیکن اس کے باوجود پارلیمنٹ سے چوہے ختم نہ ہوسکے۔