اسلام آباد : چیئرمین سینیٹ اور وزیر اطلاعات کے درمیان معاملہ حل ہوگیا ہے، سینیٹ کا اجلاس ملتوی ہوتے ہی فواد چوہدری کے داخلے پر پابندی از خود ختم ہوگئی۔
تفصیلات کے مطابق وزیراعظم عمران خان اور سینیٹ کے چئیرمین کے درمیان بات چیت نے بڑا مسئلہ حل کردیا۔ وزیراعظم نے سینیٹ چئیرمین صادق سنجرانی سے فواد چوہدری پرسینیٹ میں پابندی کے معاملے پر تشویش کا اظہار کیا تھا۔
بات چیت میں وزیراعظم اورچیئرمین سینیٹ نے معاملات افہام تفہیم سےحل کرنے پراتفاق کیا، وزیراعظم نے چیئرمین سینیٹ کو ایوان چلانے کیلئے اپنے مکمل تعاون کی یقین دہانی کرائی۔
مزید پڑھیں : وزیراعظم کا صادق سنجرانی سے فواد چوہدری پر سینیٹ میں پابندی کے معاملے پر تشویش کااظہار
اس حوالے سے سینیٹ ذرائع کا کہنا ہے کہ سینیٹ کا اجلاس ملتوی ہوتے ہی فواد چوہدری کے داخلے پر پابندی ختم ہوگئی ہے، اجلاس ختم ہوتے ہی پابندی سے متعلق رولنگ بھی غیر موثر ہوگئی۔
ایوانوں میں کرپشن کی بات کرو تو مخالفین کے مزاج بگڑ جاتے ہیں، فواد چوہدری
فواد چوہدری اب بغیر معافی مانگے آئندہ اجلاس میں شرکت کرسکیں گے۔ واضح رہے کہ چیئرمین نے سینیٹ کے جاری اجلاس میں وزیراطلاعات کے داخلے پر پابندی عائد کی تھی۔