Tag: سینیٹ چیئرمین

لاہور: سینیٹ چیئرمین کے لیے انتخاب ہارنے پر پاکستان مسلم لیگ ن کے رہنما طلال چوہدری نے ایک ٹویٹ میں پیپلز پارٹی کے چیئرمین کو طنز کا نشانہ بنا دیا۔

اے آر وائی نیوز کے مطابق ایوان بالا میں آج سینیٹ چیئرمین کے لیے یوسف رضا گیلانی اور صادق سنجرانی کے درمیان کانٹے کا مقابلہ ہوا، تاہم ووٹنگ کے بعد جیسے ہی نتیجہ سامنے آیا، طلال چوہدری کا حیرت انگیز ٹویٹ بھی چند لمحوں میں سامنے آیا۔

طلال چوہدری نے اپنے طنزیہ ٹویٹ میں لکھا ’بلاول بھٹو صاحب! ’نیوٹرل‘ کا مزہ آیا۔‘

بلاول بھٹو صاحب! “ نیوٹرل” کا مزہ آیا#BitterTruth #ShameElectionChairmanSenate

— Tallal Chaudry (@Tallal_MNA) March 12, 2021

اس ٹویٹ کے بعد یہ سوال اٹھ رہا ہے کہ کیا یوسف رضا گیلانی کی شکست نے پی ڈی ایم رہنماؤں کے اتحاد کی شکستگی کو آشکار کیا ہے۔

بیٹے کی چال باپ کے خلاف پڑ گئی

دوسری طرف پی پی چیئرمین بلاول بھٹو زرداری نے بھی پریس کانفرنس کرتے ہوئے طلال چوہدری پر جوابی وار کیا، انھوں نے کہا سینیٹ الیکشن کوئی تنظیم سازی نہیں تھی، ہم جمہوری جدوجہد لڑ رہے ہیں، نیوٹرل کی کامیابی صرف پی پی کی نہیں ہے۔

واضح رہے کہ گزشتہ برس ستمبر میں فیصل آباد میں طلال چوہدری کو ایم این اے عائشہ رجب بلوچ کے بھائیوں نے ہراسگی کے الزام میں رات ڈھائی بجے تشدد کا نشانہ بنایا تھا، جس انھوں نے کہا تھا کہ خواتین نے مجھے خود تنظیم سازی کے لیے فون کر کے بلایا تھا۔

بلاول نے کہا میں طلال کی طرح پہلی بار الیکشن نہیں لڑ رہا، غیر جانب داری کے حصول کے لیے قربانیاں دینی پڑتی ہیں، جانیں تک قربان کرنی پڑ جاتی ہیں، پی ڈی ایم متحد نہ ہوتی تو کامیابی کبھی نہ ملتی۔

اسلام آباد: چیئرمین سینیٹ صادق سنجرانی نے آزاد اراکین کو ہدایت کی ہے کہ وہ 7 دن کے اندر کسی بھی جماعت میں شمولیت سے آگاہ کریں۔

اے آر وائی نیوز کے مطابق چیئر مین سینیٹ نے الیکشن کے بعد سینیٹ کا اجلاس غیر معینہ مدت کے لیے ملتوی کر دیا اور کہا کہ آزاد اراکین 7 دن کے اندر کسی بھی جماعت میں شمولیت سے آگاہ کر دیں۔

چیئر مین سینیٹ کا کہنا تھا کہ آزاد اراکین پارٹی شمولیت سے متعلق سینیٹ سیکریٹریٹ کو آگاہ کریں، کیوں کہ سینیٹ میں قائد ایون اور قائد حزب اختلاف نامزد کیے جائیں گے۔

چیئرمین نے کہا آزاد حیثیت کے باعث فاٹا ارکان قائد ایوان اور حزب اختلاف کے لیے امیدوار نہیں ہو سکتے، انھوں نے یہ بھی ہدایت کی کہ قائد ایوان اور حزب اختلاف کے لیے نام سینیٹ سیکریٹریٹ میں جمع کرائے جائیں۔

پیپلز پارٹی نے چیئرمین سینیٹ الیکشن چیلنج کرنے کا فیصلہ کر لیا

واضح رہے کہ ایوان بالا میں حکومت کا بول بالا ہو گیا ہے، حکومتی اتحاد کی بڑی جیت ہوئی، چیئرمین اور ڈپٹی چیئرمین دونوں انتخاب میں فاتح رہے، اور صادق سنجرانی چیئرمین، جب کہ مرزا آفریدی ڈپٹی چیئرمین سینیٹ منتخب ہو گئے۔

حکومتی امیدوار صادق سنجرانی 48، اور مرزا آفریدی 54 ووٹ لے کر کامیاب ہوئے، یوسف رضا گیلانی کو 42، جب کہ عبدالغفور حیدری کو 44 ووٹ کے ساتھ شکست ہوئی، چیئرمین اور ڈپٹی چیئرمین سینیٹ کے انتخاب میں 98 ووٹ کاسٹ ہوئے۔

چیئرمین سینیٹ الیکشن میں 8 ووٹ مسترد ہوئے جب کہ ڈپٹی کے انتخاب میں تمام 98 ووٹ پڑے، گیلانی کے 7 ووٹ مسترد ہوئے، اور ایک بیلٹ پیپر پر دونوں امیدواروں پر مہر لگی تھی۔

اسلام آباد: اپوزیشن کی ریکوزیشن پر بلایا گیا سینیٹ کا اجلاس کل سہ پہر 3 بجے ہوگا، اجلاس کی صدارت چیئرمین سینٹ صادق سنجرانی کریں گے۔

تفصیلات کے مطابق سینیٹ اجلاس کل تین بجے دن میں ہوگا، یہ اجلاس اپوزیشن کی جانب سے ریکوزیشن پر بلایا گیا ہے، سینیٹ سیکریٹری نے کل کے اجلاس کا ایجنڈا بھی جاری کر دیا ہے۔

سینیٹ اجلاس کے لیے جاری یک نکاتی ایجنڈے کے مطابق اجلاس میں اپوزیشن کی چیئرمین سینیٹ کو ہٹانے کی قرارداد پر بحث کی جائے گی۔

خیال رہے کہ متحدہ اپوزیشن کی رہبر کمیٹی نے چئیرمین سینیٹ صادق سنجرانی کو عہدے سے ہٹانے کا حتمی فیصلہ کرلیا ہے۔ جس کے مطابق میر حاصل بزنجو کا نام چیئرمین سینٹ کیلیے منظور کیا گیا ہے۔

یہ بھی پڑھیں:  چیئرمین سینیٹ کیخلاف تحریک عدم اعتماد کو ہرصورت ناکام بنائیں گے، جام کمال

ادھر گزشتہ روز تحریک انصاف کے سینئر رہنما جہانگیر ترین نے عندیہ دیا ہے کہ اپوزیشن کی تحریک عدم اعتماد ناکام ہوگی اور صادق سنجرانی ہی سینیٹ کے چیئرمین رہیں گے۔

آج وزیر اعلیٰ بلوچستان جام کمال خان نے کہا ہے کہ چیئرمین سینیٹ کے خلاف اپوزیشن کی تحریکِ عدم اعتماد کو ہر صورت ناکام بنائیں گے، صادق سنجرانی ایوان کو بہت اچھے طریقے سےچلا رہے ہیں۔

یاد رہے کہ یہ بھی انکشاف کیا گیا تھا کہ اپوزیشن کو چیئرمین سینیٹ کو ہٹانے کے لیے نمبر گیم میں کمی کا سامنا ہو سکتا ہے۔