Tag: سینیٹ کی قائمہ کمیٹی

اسلام آباد: سینیٹ کی قائمہ کمیٹی برائے داخلہ کے اجلاس میں سری لنکا میں مسلمانوں کے گھر جلانے اور چینی شہریوں کے معاملے پر بحث کی گئی۔

تفصیلات کے مطابق سینیٹ کی قائمہ کمیٹی برائے داخلہ میں سری لنکا میں مسلمانوں کے گھر جلائے جانے پر سخت تشویش کا اظہار کیا گیا۔

چیئرمین کمیٹی نے کہا کہ سری لنکا میں مسلمانوں کے گھر جلائے جا رہے ہیں، انھیں گرفتار کر کے تشدد کیا جا رہا ہے، حکومت سری لنکا سے اس معاملے پر بات چیت کرے۔

سینیٹ کمیٹی میں چینی شہریوں کی پاکستانی لڑکیوں سے جعلی شادیوں کا معاملہ بھی زیر بحث آیا، چیئرمین کمیٹی نے بتایا کہ گزشتہ سال 150 لڑکیوں کو شادی کر کے چین لے جایا گیا، ایک چینی خاتون نے لاہور میں 3 گھر کرائے پر لیے تھے۔

یہ بھی پڑھیں:  سری لنکا میں مسلمانوں پر حملوں کے بعد کرفیو نافذ

انھوں نے کہا کہ ایک میریج بیورو چین دوسرا پاکستان میں شادیاں کرا رہا تھا، چین کا عیسائی پاکستان میں سرٹیفیکیٹ کے بغیر شادی نہیں کر سکتا، پاکستان میں تین پادریوں کو بھی گرفتار کیا گیا ہے۔

یہ بھی پڑھیں:  شادی اسکینڈل: چینی ملزمان 14 روزہ جوڈیشل ریمانڈ پرجیل روانہ

چیئرمین کمیٹی کا کہنا تھا کہ حساس معاملات کو اِن کیمرا بریفنگ میں سامنے لایا جائے گا، چینی شہریوں کی شادیوں میں میریج بیوروز کا اہم کردار ہے، میریج بیوروز کے لیے بھی ایک ایکٹ ہونا چاہیے۔

اسلام آباد: سینیٹ کی قائمہ کمیٹی سیفران میں فاٹا (کے پی میں ضم شدہ قبائلی علاقہ جات) پر اراکین کو بریفنگ دی گئی، جس میں فاٹا کے عوام پر ٹیکسوں کا بوجھ لادے جانے پر تشویش کا اظہار کیا گیا۔

تفصیلات کے مطابق سینیٹ کی قائمہ کمیٹی سیفران کا تاج محمد آفریدی کی زیرِ صدارت اجلاس منعقد ہوا، چیئرمین کمیٹی نے اجلاس میں یاد دلایا کہ حکومت نے فاٹا اصلاحاتی عمل کے نام پر کچھ وعدے کیے تھے۔

چیئرمین کمیٹی تاج آفریدی نے کہا کہ فاٹا والوں سے جو وعدے کیے گئے ان پر عمل درآمد حکومتی ذمہ داری ہے، فاٹا کے بے حال عوام پر ٹیکسوں کی بوچھاڑ کر دی گئی ہے۔

اجلاس میں اراکین کو ایف بی آر اور ٹیسکو کی جانب سے فاٹا میں بجلی کے ٹیکس محصولات کے معاملے پر بریفنگ دی گئی۔

یہ بھی پڑھیں:  حکومت نے انضمام شدہ قبائلی علاقوں کی ترقی کے لیے 10 سالہ منصوبہ بندی کر لی

اراکین کا کہنا تھا کہ فاٹا اصلاحات کے نام پر 5 سال تک کوئی ٹیکس نہ لینے کا فیصلہ ہوا تھا، رکن کمیٹی اورنگ زیب اورکزئی نے کہا کہ فاٹا والوں سے بجلی پر ٹیکس وصولی نا انصافی ہے۔

دوسری جانب ٹیسکو حکام نے بریفنگ میں کہا کہ فاٹا کے ذمے 2 ارب روپے کے واجبات ہیں، بجلی کے بل نہ ملنے تک آگے نہیں بڑھ سکتے۔

دریں اثنا، سینیٹ کی قائمہ کمیٹی نے وزارت خزانہ، اسٹیٹ بینک اور زرعی ترقیاتی بینک کے حکام کو طلب کر لیا۔

یاد رہے کہ 17 اپریل کو وزیرِ اعظم عمران خان کی زیر صدارت اجلاس میں ضم شدہ قبائلی علاقہ جات کی تعمیر و ترقی میں پیش رفت کا جائزہ لیا گیا تھا، اور یہ کہا گیا تھا کہ حکومت نے خیبر پختون خوا میں ضم کیے گئے علاقوں کی تعمیر و ترقی کے لیے 10 سالہ منصوبہ بندی کر لی ہے۔

اسلام آباد: وزیر مملکت برائے آئی ٹی انوشہ رحمان کاکہناہے کہ 2020 تک پاکستان کی آئی ٹی ایکسپورٹس 6 ارب تک پہنچ جائیں گی جبکہ پاکستان میں رجسٹرڈ آئی ٹی کمپنیوں کی تعداد میں مسلسل اضافہ ہورہاہے ۔

اسلام آباد میں نیشنل انکوبیشن سینٹر کی افتتاحی تقریب سے خطاب میں انوشہ رحما ن کا کہنا تھا کہ وفاقی وزارتوں کی مرحلہ وار ای گورنمٹ نظام پر منتقلی کاکام جاری ہے وزارت آئی ٹی کو 100 فیصد ای گورنمنٹ نظام پر منتقل کیا جاچکا ہے ۔

انھوں نے کہاکہ نیشنل انکوبیشن سینٹر کے قیام سے نوجوان نسل کو اپنی صلاحیت نکھارنے کا موقع ملے گا، سیکرٹیر جنرل آئی ٹی یو ہولن ژاﺅ کا کہناتھاکہ انکوبیشن سنٹرزکامیاب اقتصادی ترقی کا اہم زریعہ ہیںآئی ٹی یو بھی آئی سی ٹی ایس ایم ایز کو خصوصی اہمیت دیتا ہے ۔

تقریب سے خطاب میں موبی لنک کے سی ای او عامر ابراہیم کا کہنا تھا کہ نیشنل انکوبیشن سینٹر کے قیام کا مقصد ڈیجیٹل پاکستان کے ویژن کو آگے بڑھانا ہے جبکہ اس انکوبیشن سنٹر کے قیام سے نوجوان انٹریپرینیورز کو مدد ملے گی اور انھیں ماہرین اور مشیروں تک رسائی حاصل ہو سکے گی۔

انھوں نے بتایاکہ موبی لنک اس نیشنل انکوبیٹر سنٹر کو اپنے سروس ڈیلیوری پارٹنر ٹیم اپ کے زریعے آپریٹ کرے گا اور انٹریپرنییورز کو ماہرین تک رسائی دے گا۔