اسلام آباد: وزیراعظم عمران خان کی سینیٹ سے واپسی پراپوزیشن نے احتجاج کرتے ہوئے واک آؤٹ کر دیا.
تفصیلات کے مطابق سینیٹ سے توہین آمیز خاکوں کے خلاف مذمتی قرار داد کی منظوری کے بعد وزیراعظم واپس لوٹ گئے، جس پر اپوزیشن کی جانب سے احتجاج کیا گیا.
اپوزیشن ارکان نے سوال اٹھایا کہ انھیں سنے بغیر وزیراعظم کیوں ایوان سے چلے گئے، انھیں رکنا چاہیے تھا.
اس موقع پر وزیر خارجہ شاہ محمود قریشی نے کہا کہ وزیراعظم نےنئی حکومت کے بعد پہلے اجلاس میں شرکت کی، اپوزیشن کووزیراعظم کی آمدکوسراہنا چاہیے تھا.
شاہ محمودقریشی کا کہنا تھا کہ ماضی میں وزیراعظم سینیٹ میں نہیں آتے تھے، ماضی میں وزیراعظم کو سینیٹ میں بلوانے کے لیے احتجاج کیا جاتے تھے.
مزید پڑھیں: توہین آمیز خاکوں کے خلاف سینیٹ میں مذمتی قرار داد منظور
انھوںنے مزید کہا کہ وزیراعظم عمران خان نے سینیٹ میں اپنانقطہ نظرپیش کیا، وفاقی کابینہ ایوان کوجواب دہ ہے.
اپوزیشن کے واک آؤٹ کے بعد کورم پورانہ ہونےپرسینیٹ کااجلاس کل تک کے لیے ملتوی کر دیا گیا.
یاد رہے کہ آج سینیٹ میں توہین آمیز خاکوں کے خلاف مذمتی قرار داد منظور کی گئی۔ اس موقع پر وزیراعظم عمران خان نے بھی متخصر خطاب کیا اور اس ضمن میں او آئی سی کو متحرک کرنے اور معاملہ اقوام متحدہ میں اٹھانے کا اعلان کیا۔
