سینے میں جلن، الٹی یا ابکائی جیسی کیفیت اگر زیادہ محسوس ہونے لگے تو صحت پر توجہ دینے کی اشد ضرورت ہے کیوں کہ آپ ایسیڈیٹی یعنی تیزابیت کا شکار ہیں۔
ویسے تو بازاروں میں تیزابیت دور کرنے والی اینٹی ایسڈ ادویات دستیاب ہیں لیکن ان کے بے شمار مضر اثرات (سائیڈ ایفکٹس) بھی ہیں۔ اس لیے ان پر مکمل دارومدار بھی نقصان دہ ہے۔
ماہرین صحت کے مطابق اِن شکایات سے چھٹکارہ حاصل کرنے کے لیے اگر یومیہ خوراک میں تھوڑی سی تبدیلی کرلی جائے تو اس مسئلے سے نجات مل سکتی ہے۔
صحت مند طرز زندگی کے حصول کے لئے بہترغذا کا استعمال بہت ضروری ہے۔ ایسی غذائیں جن میں ایسڈ کی مقدار زیادہ ہوتی ہے انہیں کھانے کے بعد ایسڈٹی کی شکایت ہونے کا اندیشہ رہتاہے۔
عموماً وہ افراد جن کی غذائی نالی کمزور یعنی عضلاتی نالی جوحلق سے پیٹ تک جاتی ہے۔ اس میں مقعد کوبند کرنے والاپٹھا ہوتاہے جس کے سکڑنے سے غذائی نالی کا خارجی راستہ بند ہوجاتاہے۔ اس سے ایسڈٹی کی شکایت ہوتی ہے جس کے باعث گیسٹرو کا مرض لاحق ہونے کا خطرہ رہتا ہے۔
کچھ غذائیں ایسی ہیں جن کے استعمال سے تیزابیت کی شکایت کو کم کیا جاسکتا ہے۔ گیسٹرک ایسڈ سے بچنے کے لئے ان غذاؤں کاروزمرہ استعمال مفید رہتا ہے۔
ادرک :
تیزابیت میں ادرک کااستعمال بہترین ہے اس میں اینٹی آکسیڈنٹ اوراینٹی انفلیمنٹری خصوصیات پائی جاتی ہیں۔ تیزابیت کے ساتھ یہ سینے کی جلن ،بدہضمی اورپیٹ کے دیگرامراض میں بھی مفید ہے۔ ادرک کا قہوہ بنا کر پی لیں، تازہ ادرک کا چھوٹا ٹکڑا سمودھی ،سیریل اور دیگرغذاؤں کے ساتھ بھی لیا جاسکتا ہے۔
ہری سبزیاں :
ہرے پتوں کی سبزیاں جیسے پالک ، پودینا، دھنیا، میتھی، بند گوبھی وغیرہ کو اگراپنی روزمرہ غذا کا حصہ بنا لیاجائے تو تیزابیت کی شکایت سے چھٹکارا پایا جاسکتا ہے۔ ؎[
دہی :
جب بھی سینے میں جلن اور ایسڈٹی کی شکایت ہو تو ایک پیالہ ٹھنڈا دہی استعمال کریں، دہی کھانے کے بعد آپ خود حیران رہ جائیں گے کہ کتنی جلدی آپ کی طبیعت میں بہتری آتی ہے۔ دہی میں کیلا یا خربوزہ شامل کرکے آپ اس کی افادیت میں مزید اضافہ کرسکتے ہیں۔
کیلا :
کیلے میں الکلائن موجود ہوتا ہے اسی لئے یہ ایسڈٹی میں کارآمد رہتا ہے، آپ ایک سے دو کیلے کھاسکتے ہیں۔
جو کا دلیہ
ناشتے میں جوکادلیہ تیزابیت کاشکارافراد کے لئے بہترین آپشن ہے۔اسمیں موجود فائبر اپھارہ اورواٹرریٹنشن کوکنٹرول کرنے میں مدد کرتاہے۔یہ پیٹ میں موجود اضافی ایسڈ کوجذب کرنے کی صلاحیت بھی رکھتاہے۔
خربوزہ :
خربوزہ ایک الکلائن پھل ہے۔ایسڈٹی کی شکایت میں آپ اسے ڈائریکٹ ٹھنڈاکرکے یااسمودھی کے طورپربھی لے سکتے ہیں۔ یہ پیٹ کے لئے نہایت مفید پھل ہے۔اس کے استعمال سے منٹوں میں آرام آتاہے۔
