اسلام آباد: عام انتخابات سے قبل سیکریٹری الیکشن کمیشن عمر حمید نے استعفیٰ دے دیا۔
ذرائع کے مطابق سیکریٹری الیکشن کمیشن عمر حمید نے خراب صحت کے باعث عہدے سے استعفیٰ دے دیا ہے، انھوں نے اپنے استعفے میں مؤقف اختیار کیا ہے کہ ان صحت کام کرنے کی اجازت نہیں دیتی۔
ذرائع کا کہنا ہے کہ سیکریٹری الیکشن کمیشن عمر حمید خان کچھ دن تک اسپتال میں زیر علاج رہے ہیں، اور اب گھر پر ان کا علاج جاری ہے۔ دوسری طرف چیف الیکشن کمشنر نے تاحال سیکریٹری الیکشن کمیشن کا استعفیٰ قبول نہیں کیا ہے۔
وفاقی سیکریٹری الیکشن کمیشن عمر حمید خان نے کہا کہ صوبائی حکومتیں ہمیشہ بلدیاتی الیکشن میں رکاوٹ بنتی ہیں۔
کراچی میں پریس کانفرنس کرتے ہوئے انہوں نے کہا کہ انتخابات وقت پر ہو رہے ہیں، جو خدشات بتائے گئے تھے ان کا مکمل جائزہ لیا ہے، یہ انتخابات پہلے ہی 3 دفعہ ملتوی ہوئے تھے۔
سیکریٹری الیکشن کمیشن نے کہا کہ الیکشن کمیشن انتخابات کرانے میں اپنا آئینی حق استعمال کر رہا ہے، سندھ حکومت کا اپنا اختیار ہے ، ہم ان پر تنقید نہیں کر سکتے۔
انہوں نے کہا کہ شام تک سارے پولنگ اسٹیشنز پر سامان پہنچ جائے گا، آئی جی سندھ سے ابھی ہماری میٹنگ ہے، ایف سی کوبھی ہم پولنگ ڈیوٹی کیلئے استعمال میں لائیں گے۔
عمر حمید خان نے کہا کہ ادارے کچھ لکھتے ہیں تو الیکشن کمیشن ان کا جائزہ لیتا ہے، صوبائی حکومت ہمیشہ بلدیاتی الیکشن میں رکاوٹ بنتی ہیں، اسلام آباد میں بھی بلدیاتی الیکشن ہونگے۔
سیکریٹری الیکشن کمیشن کا کہنا تھا کہ الیکشن کمیشن ہمیشہ مفاد عامہ میں فیصلہ کرتی ہے، امن وامان کاقیام صوبائی حکومت کی ذمہ داری ہے۔
وفاقی سیکریٹری الیکشن کمیشن عمر حمید خان نے کہا کہ ووٹرز خوف کے بغیر الیکشن کیلئے باہر نکلیں، 500 پولنگ اسٹیشن پر رینجرز فرائص انجام دیں گے، فرنٹیئر کانسٹیبلری بھی استعمال ہوسکتی ہے۔
انکا مزید کہنا تھا کہ بلدیاتی الیکشن کیلئے صوبائی حکومت کبھی رضامند نہیں ہوتی، کوئی آرڈیننس آیا تو جب دیکھا جائےگا، ابھی الیکشن ہونے جار ہے ہیں۔
کراچی: بلدیاتی انتخابات کے حوالے سے سیکریٹری الیکشن کمیشن نے کراچی اور حیدرآباد کی عوام کو پیغام دیا ہے۔
اے آر وائی نیوز کے مطابق سیکریٹری الیکشن کمیشن عمر حمید کا کہنا ہے کہ الیکشن کی تیاری کریں سب کچھ ٹھیک ہوگا، سیکیورٹی پر بریفنگ لی گئی ہے پولیس، رینجرز کی خاطر خواہ نفری ہوگی۔
انہوں نے کہا کہ کوئی گھبرانے کی بات نہیں ہے تھریٹ الرٹ کا بتایا گیا ہے لیکن کوئی سنجیدہ چیز نہیں ہے۔
دوسری جانب ذرائع کا کہنا ہے کہ بلدیاتی الیکشن کے لیے سامان کی ترسیل کا کام شروع کردیا گیا ہے، ڈی سی آفس ایسٹ کے باہر ٹرک میں سامان لایا جانے لگا ہے۔
علاوہ ازیں انتخابات کے سامان کی ترسیل کے موقع پر پولیس کی بھاری نفری بھی موجود ہے۔
مزید پڑھیں: بلدیاتی انتخابات میں دہشتگردی کا خطرہ، ہائی الرٹ جاری
قبل ازیں بلدیاتی انتخابات کے حوالے سے الیکشن کمیشن کا اہم اجلاس ہوا جس میں قانون نافذ کرنے والے ادارے اور پولیس حکام شریک ہوئےتھے ۔
بریفنگ میں بتایا گیا تھا کہ کالعدم جماعت کی جانب سےدھماکوں کا تھریٹ آیا ہے جس پر الیکشن کمیشن حکام کا کہنا ہے کہ انتہائی حساس پولنگ اسٹیشن پر فوج اور رینجرز کی تعیناتی ناگزیر ہے۔
چیف سیکریٹری سندھ کا کہنا تھا کہ انتظامات کرنے کو تیار ہیں لیکن سیکیورٹی رسک ہے۔ پولیس حکام نے کہا کہ صوبے میں امن و امان کےمسائل ہیں کراچی اور حیدرآباد میں 63 ہزار پولیس اہلکار درکار ہیں نفری کی پولنگ میں تعیناتی سےشہروں میں نقص امن کاخدشہ ہے۔
علاوہ ازیں کراچی اور حیدرآباد میں 15 جنوری کو شیڈول بلدیاتی انتخابات میں دہشت گردی کا خطرہ ظاہر کیا گیا ہے۔ذرائع کا بتانا ہے کہ کالعدم ٹی ٹی پی اور بی ایل اے بلدیاتی انتخابات میں دہشت گردی کر سکتے ہیں۔
اسلام آباد: سیکریٹری الیکشن کمیشن بابریعقوب کا کہنا ہے کہ سوا کروڑ خواتین رجسٹرڈ ہی نہیں ہوں گی تو شفاف الیکشن کیسے ہوگا، سیاسی جماعتوں کی ذمہ داری ہے خواتین ووٹرز کی رجسٹریشن یقینی بنائیں۔
تفصیلات کے مطابق سیکریٹری الیکشن کمیشن بابریعقوب نے انتخابی اصلاحات کانفرنس سے خطاب کرتے ہوئے کہا کہ الیکشن کمیشن فافن کی آبزرویشن، تنقید پراسے اپنا پارٹنرسمجھتا ہے، فافن کی سفارشات پر باقاعدہ ورکنگ گروپ تشکیل دیا ہے۔
انہوں نے کہا کہ آبادی کے تناسب کے حوالے سے نمائندگی پرغور کرنا چاہیے، کینیڈا، آسٹریلیا میں مقبول جماعتیں حکومت میں نہیں آ سکیں، سیاسی جماعتوں سے درخواست کروں گا ہم سے تعاون کریں۔
سیکریٹری الیکشن کمیشن نے کہا کہ سوا کروڑ خواتین رجسٹرڈ ہی نہیں ہوں گی تو شفاف الیکشن کیسے ہوگا، سیاسی جماعتوں کی ذمہ داری ہے خواتین ووٹرز کی رجسٹریشن یقینی بنائیں۔
بابر یعقوب نے کہا کہ الیکشن 2018 سے پہلے 43 لاکھ خواتین ووٹرز کو رجسٹر کیا گیا، خدشہ ہےغیر رجسٹرڈ خواتین ووٹرز کی تعداد بڑھ نہ جائے۔ انہوں نے مزید کہا کہ خواتین ووٹرز کی رجسٹریشن کے لیے نادرا سے مل کر کام کر رہے ہیں، سیاسی جماعتوں کی جانب سے خواتین ووٹرز پرتعاون کا فقدان ہے۔
اسلام آباد: سیکریٹری الیکشن کمیشن بابر یعقوب نے کہا ہے کہ دنیا بھر میں نتائج میں تاخیر ہوتی ہے، الیکشن کمیشن کو اب تک تحریری طور پر کوئی شکایت نہیں ملی، ملک بھر سے دھاندلی کی کوئی شکایت نہیں ملی ہے۔
ان خیالات کا اظہار انہوں نے نیوز کانفرنس کرتے ہوئے کیا، سیکریٹری الیکشن کمیشن بابر یعقوب نے کہا کہ ملک بھر میں پرامن انتخابات ہوئے، عملے کی سست روی، میڈیا کو داخلے کی اجازت نہ دینے کی شکایات ملیں، نتائج میں تاخیر پر معذرت کرتا ہوں۔
انہوں نے کہا کہ پولنگ ایجنٹوں کو فارم 45 کی کاپیاں دی گئی ہیں، الیکشن کمیشن کو الیکشن کے دن 675 شکایات موصول ہوئیں، 2008 کے الیکشن کے نتائج کے اعلان میں 50 گھنٹے لگے تھے، اس الیکشن کے نتائج 24 گھنٹے میں ایشو کردیں گے۔
بابر یعقوب نے کہا کہ دھاندلی کی ایک دو فوٹیجز میں نے دیکھی ہیں جو پرانے الیکشن کی ہیں، فوٹیج میں نظر آنے والے بیلٹ پیپر کا رنگ مختلف ہے، اس مرتبہ بیلٹ پیپر کا رنگ گرین تھا، گزشتہ انتخابات میں کالی مہر استعمال کی گئی اس مرتبہ ٹرانسپرنٹ تھی۔
سیکریٹری الیکشن کمیشن نے کہا کہ جہاں بھی 45 فارم کی ضرورت ہوگی وہاں فراہم کی اجائے گا، کل صبح ووٹرز ٹرن آؤٹ شیئر کریں گے، خواتین ووٹرز سے متعلق بھی مطمئن رہے، فوج کے جوانوں کا پولنگ اسٹیشنز میں رویہ مثالی رہا شکر گزار ہیں، سیکیورٹی کے بہترین انتظامات تھے، مشکور ہیں۔
انہوں نے کہا کہ ہمارے پاس 82 فیصد نتائج آچکے ہیں، ریٹرننگ افسران کی جانب سے 90 فیصد نتائج کا اعلان کیا جاچکا ہے، پنجاب کے قومی اسمبلی کے 120 حلقوں کا نتیجہ مل چکا ہے، پنجاب اسمبلی کے 265 حلقوں کا نتیجہ مل چکا ہے، کے پی میں 35 نیشنل اور 86 صوبائی نشستوں کے رزلٹ بھی مل چکے ہیں۔
بابر یعقوب کے مطابق بلوچستان میں 7 قومی اور 35 صوبائی نشستوں کا نتیجہ مل چکا ہے، سندھ میں قومی 42 اور 105 صوبائی نشستوں کا نتیجہ بھی مل چکا ہے، الیکشن کمیشن کی ویب سائٹ پر نتائج جاری کردئیے ہیں، ووٹرز کا ٹرن آؤٹ 55 فیصد رہا ہے۔
سیکریٹری الیکشن کمیشن نے کہا کہ الیکشن میں بغیر ٹیسٹ کیے ٹیکنالوجی استعمال کرنا درست نہیں ہے، آر ایم ایس پر گزشتہ الیکشن میں بہت دشواری ہوئی تھی، اس مرتبہ آر ایم ایس سے کوئی دشواری نہیں ہوئی ہے البتہ آر ٹی ایس سے جس طرح امید کررہے تھے ویسا کام نہیں ہوا ہے۔
اسلام آباد: سیکریٹری الیکشن کمیشن بابریعقوب نے مختلف سیاسی جماعتوں کی جانب سے تحفظات کو رد کر دیا.
تفصیلات کے مطابق سیکریٹری الیکشن کمیشن نے پریس کانفرنس کرتے ہوئے کہا کہ فارم 45 کےبغیرالیکشن نتائج فراہم نہیں کیے جا رہے.
ان کا کہنا تھا کہ کچھ جگہوں سےالزامات لگائے جارہے ہیں، فارم45کی کوئی کمی نہیں ہے،ایجنٹس کوفراہم کیاجارہا ہے.
بابر یعقوب کا کہنا تھا کہ مریم اورنگزیب کے الزامات پرتحقیقات کیں، ڈی آراولاہورنےکہا ہے کہ الزامات کےثبوت پیش کریں.
سیکریٹری الیکشن کمیشن کا کہنا تھا کہ ڈی آراولاہورنے مریم اورنگزیب کےالزامات کی تردید کی، ڈی آراوراولپنڈی نےبھی مریم اورنگزیب کےالزامات کی تردید کی.
بابریعقوب نے مزید کہا کہ کسی بھی حلقے میں شکایات ہیں، توبراہ راست رابطہ کیا جائے.
انھوں نے تمام الزامات کو رد کرتے ہوئے کہا کہ مختلف جماعتوں کےپولنگ ایجنٹس ناکامی پربغیرفارم لیے جا رہے ہیں، پولنگ ایجنٹس خود ہی فارم45 نہیں لے رہے تو ہم کیا کریں.
واضح رہے کہ پولنگ مکمل ہونے کے بعد ایم کیو ایم، پی ایس پی اور ن لیگ کی جانب سے فارم 45 سے متعلق تحفظات کا اظہار کیا گیا تھا.
اسلام آباد : الیکشن کمیشن کے سیکریٹری بابر یعقوب نے کہا ہے کہ الیکشن کمیشن کا عملہ ذمہ دار ہے، الیکشن سے متعلق جو شکایات ہوگی کمیشن اسے حل کرے گا۔
تفصیلات کے مطابق پاکستان الیکشن کمیشن کے سیکریٹری بابر یعقوب نے انتخابات کے دوران پیش آنے والے مسائل کے حل کے لیے قائم کمپلینٹ سیل کا دورہ کرتے ہوئے کہا ہے کہ الیکشن کمیشن کا عملہ ذمہ دار ہے.
سیکریٹری الیکشن کمیشن کا کہنا ہے کہ فخر ہے کہ الیکشن کمیشن کا حصہ ہوں، الیکشن سے متعلق جو شکایات ہو کمپلینٹ سیل اس کو حل کرے گا، جہاں کمیشن کی رہنمائی یا فیصلہ چاہیے ہوگا، کمیشن دے گا.
بابر یعقوب کا نے میڈیا سے گفتگو کرتے ہوئے کہا ہے کہ الیکشن کمیشن کے عملے نے مثالی کام کیا ہے، الیکشن کمیشن ذمے دار اور خود مختار ادارہ ہے۔
الیکشن کمیشن حکام کا کہنا ہے کہ الیکشن سنہ 2018 کے پریذائیڈنگ افسر کو مجسٹریٹ درجہ کے اختیارات حاصل ہیں، پولنگ میں رکاوٹ پر الیکشن ایکٹ کے تحت کارروائی کی جائے گی۔
الیکشن کمیشن حکام کا کہنا تھا کہ پریذائیڈنگ افسر سیکشن 174 کے تحت سزا سنائے گا، خلاف ورزی پر3 سال قید، ایک لاکھ جرمانہ یا دونوں سزائیں ہوسکتی ہیں۔
یاد رہے کہ گذشتہ روز چیف الیکشن کمشنر سردار محمد رضا پولنگ کے دن کے حوالے سے ووٹرز کے لئے خصوصی پیغام جاری کیا تھا، سردار محمد رضا نے اپنے پیغام میں عوام سے گزارش کی تھی کہ 25 جولائی کو گھروں سے نکلیں اور ووٹ کا صحیح استعمال کرکے قومی ذمہ داری نبھائیں۔
واضح رہے کہ پاکستان کے گیارہویں عام انتخابات کے لیے ملک بھر میں پولنگ کا آغاز ہوچکا ہے جو شام 6 بجے تک جاری رہے گا، جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
اسلام آباد: سیکریٹری الیکشن کمیشن بابر یعقوب نے کہا ہے کہ طرح طرح کے تھریٹس موصول ہورہی ہیں، امن و امان کے چیلنجز ہیں، پر امن الیکشن دیکھنا چاہتے ہیں۔
ان خیالات کا اظہار انہوں نے اسلام آباد میں پریس کانفرنس کرتے ہوئے کیا، سیکریٹری الیکشن کمیشن بابر یعقوب نے کہا کہ ووٹ قیمتی ہے، عوام حق رائے دہی ضرور استعمال کریں، پولنگ بوتھ میں موبائل اور خواتین کے بیگ لے جانے پر پابندی ہوگی۔
بابر یعقوب نے کہا کہ 17 ہزار حساس پولنگ اسٹیشن پر کیمرے نصب کردئیے گئے ہیں،95 سیاسی جماعتیں انتخابات میں حصہ لے رہی ہیں، 11 ہزار 678 امیدوار مجموعی طور پر انتخابات میں حصہ لے رہے ہیں، ملک بھر میں 16 لاکھ کے قریب انتخابی عملہ خدمات انجام دے رہا ہے، ساڑھے 3 لاکھ فوج، ساڑھے 4 لاکھ پولیس کے جوان تعینات ہوں گے۔
انہوں نے کہا کہ الیکشن نہ ہونے کے تمام مفروضے دم توڑ چکے ہیں، قوم کل جمہوریت کا جشن منائے گی، امید ہے کل ٹرن آؤٹ ماضی کی نسبت بہترین ہوگا، 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔
سیکریٹری الیکشن کمیشن نے کہا کہ قومی اور صوبائی اسمبلی کے 9 حلقوں پر انتخابات نہیں ہوں گے، الیکشن میں 1623 امیدوار آزاد حیثیت سے الیکشن لڑ رہے ہیں، پولنگ عملے کو رزلٹ مینجمنٹ سسٹم سے ہی نتائج دئیے ہیں، این اے 60 پر الیکشن ملتوی کردئیے گئے ہیں، این اے 103 فیصل آباد پی کے 78 میں الیکشن نہیں ہوں گے۔
بابر یعقوب کے مطابق پی کے 99، پی پی 87 میانوالی میں بھی الیکشن ملتوی کیے گئے، ملک بھر میں 80 فیصد پولنگ کے سامان کی ترسیل مکمل ہوچکی ہے، پولنگ کا وقت شام چھ بجے تک ہے، 7 بجے تک نتائج نہیں دئیے جاسکتے ہیں۔
لاہور کے نالے سے برآمد ہونے والے شناختی کارڈ کے حوالے سے سیکریٹری الیکشن کمیشن کا کہنا تھا کہ لاہور میں ملنے والے تمام شناختی کارڈز زائد المیعاد تھے، چیئرمین نادرا نے یقین دہانی کرائی ہے کارڈز ملنے کی تحقیقات ہوں گی، ایک ہی جگہ سے شناختی کارڈز ملنے کی تحقیقات ہوں گی۔
اسلام آباد: سیکریٹری الیکشن کمیشن بابر یعقوب نے کہا ہے کہ میری ذاتی رائے ہے کہ عالمی سطح پر پاکستان میں انتخابات کو سبوتاژ کرنے کی کوشش کی جائے گی۔
ان خیالات کا اظہار انھوں نے انتخابات کے لیے سیکورٹی پلان پر قائمہ کمیٹی کو بریفنگ دیتے ہوئے کیا، ان کا کہنا تھا کہ اس معاملے پر وہ اِن کیمرا بریفنگ بھی دے سکتے ہیں۔
سیکریٹری الیکشن کمیشن نے قائمہ کمیٹی کو بتایا کہ انتخابات میں فوج کی تعیناتی کا مطالبہ سامنے آ رہا ہے، اس سلسلے میں ہمیں دیکھنا ہوگا کہ فوج کو بڑے پیمانے پر کس طرح سرحدوں سے لایا جائے۔
بابر یعقوب نے پولنگ اسٹیشنز پر فوج کی تعیناتی کے سلسلے میں کہا کہ دو قسم کی رائے آرہی ہے، ایک یہ کہ 20 ہزارحساس اسٹیشنز پر فوج تعینات کی جائے جب کہ دوسری رائے ہے کہ تمام پولنگ اسٹیشنز پر فوج کو تعینات کیا جائے۔
ان کا کہنا تھا کہ ہمیں یہ یقین دہانی مل گئی ہے کہ 20 ہزار حساس اسٹیشنز پر سیکورٹی کیمرے لگیں گے، اسٹیشنز پر کیمرے لگانے کے سلسلے میں کمیٹی تجویز دے سکتی ہے، اس سے ووٹرز کا خفیہ ووٹ ڈالنے کا حق متاثر نہیں ہوگا۔
سیکریٹری الیکشن کمیشن نے بتایا کہ اتنی بڑی تعداد میں کیمرے کرائے پر حاصل کیے جائیں گے، کیمروں کولائیو دیکھنے میں ہیکنگ کے مسائل ہوسکتے ہیں۔
سیکریٹری الیکشن کمیشن بابر یعقوب کا کہنا تھا کہ لازمی ووٹنگ کے لیے ہمارے پاس کوئی قانون موجود نہیں ہے، جب کہ دنیا کے اکثر ممالک میں ووٹنگ لازمی ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
الیکشن کمیشن نے وزارت داخلہ کا خط میڈیا کو جاری کردیا، ساتھ ہی یہ بھی کہا کہ انگوٹھوں کی تصدیق ہمارا کام نہیں۔
وزیر داخلہ نے گزشتہ روز قومی اسمبلی میں کہا تھا کہ انہوں نے الیکشن کمیشن کو نادرا کا کنٹرول سنبھالنے کے لئے خط نہیں لکھا اس پر الیکشن کمیشن نے پہلے تو اس خط کی نقل میڈیا کو جاری کی پھر اپنے جواب میں بھی نادرا کا کنٹرول سنبھالنے سے انکار کر دیا۔
سیکریٹری الیکشن کمیشن کا کہنا ہے کہ انگوٹھوں کی تصدیق کرنا الیکشن کمیشن کا کام نہیں ہے نہ اسے یہ اختیار ہے کہ وہ کسی ادارے کا کنٹرول سنبھالے، وزارت داخلہ نے الیکشن کمیشن کو نادرا کا کنٹرول سنبھال کر انگوٹھوں کی تصدیق کی ہدایت کی تھی۔