اسلام آباد: سیکریٹری جنرل اقوام متحدہ بان کی مون نے وزیراعظم نوازشریف کوٹیلی فون رابطہ کرکےوزیر اعظم نواز شریف سے سانحہ پشاور پر تعزیت کی ہے۔
سیکریٹری جنرل اقوام متحدہ کا ٹیلیفون پر نواز شریف سے سانحہ پشاور میں ایک سو چونتیس بچوں کی شہادت پر شدی افسوس کا اظہار کیا، ان کا کہنا تھا کہ پوری عالمی برادری سفاکانہ واقعہ کی مذمت کرتی ہے اور مشکل کی گھڑی میں عالمی برادری پاکستان کےساتھ ہے، بان کی مون یقین دہانی کرائی کہ دہشت گردی کے خلاف جنگ میں پاکستان کو عالمی برادری اکیلا نہیں چھوڑے گی۔
نیویارک: اقوام متحدہ کے سیکریٹری جنرل بان کی مون نے غزہ میں اسرائیلی حارجیت سے ہوئی تباہی کو شرمناک قرار دیتے ہوئے اسرائیل پر زور دیا ہے کہ وہ مزید بستیوں کی تعمیر سے باز رہے۔
غزہ کے دورے میں اسرائیلی حملوں کے متاثرین سے ملاقات کے بعد میڈیا سے گفتگو میں اقوام متحدہ کےسیکریٹری جنرل بان کی مون نے کہا کہ غزہ میں جو تباہی ہوئی وہ پہلے نہیں دیکھی، اسرائیلی جارحیت سے ہوئے نقصان کا اندازہ سلامتی کونسل کے اجلاسوں اور بریفنگز میں نہیں لگایا جا سکتا۔
بان کی مون نے کہا ہے کہ غزہ میں اقوام متحدہ کے اسکول پراسرائیلی بمباری کی آزادانہ تحقیقات کرائی جائیں۔
انہوں نے کہا کہ دو ہزار فلسطینوں کی موت اور سیکڑوں عمارتوں کی تباہی شرمناک ہے، انسانی حقوق کی دھجیاں بکھیرنے والوں کو انصاف کے کٹہرے میں لانا چاہئیے، اسرائیل مقبوضہ علاقے میں مزید بستیوں کی تعمیر سے گریز کرے۔
دوسری جانب برطانوی پارلیمان کی فلسطینی ریاست کو تسلیم کرنے کی قرارد کو اسرائیل نے امن کے لئے خطرہ قرار دیا ہے۔
نیویارک : اقوام متحدہ کے سیکریٹری جنرل بان کی مون نے پاکستان اور بھارت کے درمیان کشیدگی پر تشویش کا اظہار کرتے ہوئے دونوں ملکوں پر زور دیا ہے کہ کشمیر سمیت تمام مسائل مذاکرات کے ذریعے حل کریں۔
اقوامِ متحدہ کے سیکرٹری جنرل بان کی مون کی جانب سے جاری بیان میں کہا گیا ہے کہ پاکستان اوربھارت کے درمیان کشیدگی تشویشناک ہے، دونوں ملک مثبت مذاکرات کے ذریعے کشمیر میں امن اوراستحکام کے لئے طویل المدتی حل تلاش کریں۔
انہوں نے کہا کہ لائن آف کنٹرول پر ہونے والی ہلاکتیں اور لوگوں کی اپنے گھروں سے نقل مکانی افسوسناک ہے۔
دوسری جانب امریکا نے بھی پاکستان اور بھارت کے درمیان بڑھتی ہوئی کشیدگی پر تشویش کا اظہارکرتے ہوئے دونوں ملکوں سے کہا ہے کہ کشمیر سمیت تمام مسائل کا حل مذاکرات سے نکالا جائے، مذاکرات کے لئے امریکا پاکستان اور بھارت کی حوصلہ افزائی جاری رکھے گا۔
عراق : اقوام متحدہ کے سیکریٹری جنرل بان کی مون کا کہنا ہے کہ عراق شدت پسندوں کے خلاف جنگ جاری رکھے ۔
بانکی مون نے عراق کے دورے میں مذہبی و سیاسی رہنما آیت اللہ علی سیستانی سے ملاقات کی، ملاقات میں بان کی مون نے آیت اللہ علی سیستانی سے ملک میں جاری سیاسی بحران پر قابو پانے کے لیے اپنا کردار ادا کرنے پر زور دیا۔
ملاقات کے بعد بان کی مون نے میڈیا سے بات چیت کرتے ہوئے کہا کہ عراق شدت پسند گروپ داعش کے خلاف کارروائیاں جاری رکھے جبکہ ملک کی تما م سیاسی شخصیات پر زور دیا کہ وہ متحد ہوکر مکک میں جاری کشیدگی پر قابو پانے کی کوشش کریں۔