Tag: سیکریٹری جنرل

نیویارک : اقوام متحدہ کےسیکریٹری جنرل انتونیو گیٹریز کا کہنا ہےکہ جنگیں روکنے کےلیے بالکل نئی حکمت عملی اپنانا ہوگی۔

تفصیلات کےمطابق سلامتی کونسل کے مباحثے میں اظہار خیال کرتے ہوئےنومنتخب سیکرٹری جنرل انٹونیوگیٹریز نےشام میں جنگ بندی کے لیے ثالثی میں توسیع کا اعلان کرتے ہوئےکہا کہ امن کےلیےسفارتکاری کومزید بڑھاناہوگا۔

اقوام متحدہ کے سیکریٹری جنرل کا کہناتھاکہ دنیا میں قیام امن کے لیے سفارت کاری سے بڑا کوئی ہتھیار نہیں ہے۔شورش زدہ علاقوں میں مسائل کےحل اور امن کےلیے اقدامات کرناہوں گے۔

نومنتخب سیکرٹری جنرل انٹونیوگیٹریزکا کہناہےامن کےلیے لوگوں کو بھاری قیمت ادا کرنا پڑ رہی ہے۔

سیکریٹری جنرل کا مزیدکہناتھاکہ انٹرنیشنل آرڈر کے تحت بننے والے قوانین کو شدید خطرات کا سامنا ہے،مصیبت کے شکار لاکھوں لوگ مدد کے لیے اقوام متحدہ کی طرف دیکھتے ہیں۔

واضح رہےکہ انٹونیوگیٹریز نےکہا کہ اقوام متحدہ کو دنیا میں درپیش چیلنجز سےنمٹنے کےلیے کلیدی کردار ادا کرنا ہوگا۔

نیویارک: اقوام متحدہ کے نئے سیکریٹری جنرل انتونیوگوتریزنےحلف اٹھالیا،وہ یکم جنوری کوبان کی مون کی جگہ پانچ سال کےلیےعہدہ سنبھالیں گے۔

تفصیلات کےمطابق پرتگال کے سابق وزیراعظم انتونیوگوتریزاقوام متحدہ کےنویں سربراہ ہیں۔انہیں رواں سال اکتوبر میں اقوام متحدہ کاسیکریٹری جنرل منتخب کیا گیا تھا۔

اقوام متحدہ کے سیکریٹری جنرل کے عہدے کی مدت پانچ سال ہے اور کوئی بھی شخص زیادہ سے زیادہ دو مرتبہ اس منصب پر فائز رہ سکتا ہے۔

جنرل اسمبلی کے صدر جان ولیمز ایشے نے کہا کہ ‘ہمیں ان پر پورا بھروسہ ہے کہ وہ ایمانداری اور حکمت کے ساتھ ہمارے ادارے کی رہنمائی کریں گے’۔

مزید پڑھیں:انتونیوگوٹیرز اقوام متحدہ کے سیکریٹری جنرل منتخب

حلف برداری کے موقع پر جنرل اسمبلی کے 193 اراکین نے جنوبی کوریا سے تعلق رکھنے والے بان کی مون کو 5 سال کے دو ادوار مکمل کرنے پر کھڑے ہو کر خراج تحسین پیش کیا۔

تقریب میں اقوام متحدہ کی اعلیٰ قیادت اور میانمر کی نوبیل انعام یافتہ سیاست دان آنگ سان سوچی سمیت معززین بھی شریک تھے۔

واضح رہے کہ انٹونیوگوٹیرز نے جون 2005 سے دسمبر 2015 کے دوران ایک دہائی سے زائد عرصے تک اقوام متحدہ میں کمشنر برائے مہاجرین کے طور پر مہاجرین کے حقوق کے لیےفرائض انجام دے چکے ہیں۔

نیویارک : سابق پرتگالی وزیراعظم انتونیوگوٹیرزکو باضابطہ طور پر اقوام متحدہ کانیاسیکریٹری جنرل منتخب کرلیاگیا۔

تفصیلات کےمطابق گزشتہ روز نیویارک میں اقوام متحدہ کے نئے سیکریٹری جنرل کو منتخب کرنے کی تقریب ہوئی،جس میں 193 رکن ممالک نے قرارداد کے ذریعے پرتگال کے سابق وزیر اعظم انٹونیو گوٹیرز کو نیا سیکریٹری جنرل منتخب کرلیا۔

پرتگال کے سابق وزیراعظم 67 سالہ انٹونیو گوٹیرز کاانتخاب گزشتہ ہفتے تیرہ امیدواروں میں سے کیاگیاتھا۔وہ یکم جنوری دوہزارسترہ سے پانچ سال کےلیےسیکرٹری جنرل کی ذمہ داریاں سنبھالیں گے۔

Ban Ki-moon warmly congratulates Antonio Guterres on his election as the 9th Secretary-General of the United Nations. pic.twitter.com/x6yNRp3o0w

— UN Spokesperson (@UN_Spokesperson) October 13, 2016

خیال رہےکہ انٹونیوگوٹیرز نے جون 2005 سے دسمبر 2015 کے دوران ایک دہائی سے زائد عرصے تک اقوام متحدہ میں کمشنر برائے مہاجرین کے طور پر مہاجرین کے حقوق کے لیےفرائض انجام دیے۔

Ban Ki-moon welcomes #NextSG Antonio Guterres to 38th floor: this transition will be smooth & seamless. https://t.co/7uNZKv4Gze @UN_Photo pic.twitter.com/qe0SpmHMnQ

— UN Spokesperson (@UN_Spokesperson) October 13, 2016

یاد رہےکہ پرتگال کے سابق وزیر اعظم انتونیوگوٹیرز کو گزشتہ دنوں سلامتی کونسل کی جانب سے نامزد ہونے پر بان کی مون نے مبارکباد دی تھی۔

واضح رہے کہ بان کی مون کا کہنا تھا کہ مجھے امید ہے نئے منتخب ہونے والے سیکریٹری جنرل اپنی صلاحیتوں کو بروئے کار لاتے ہوئے دنیا کی خوشحالی اور اس کی ترقی میں اپنا کردار ادا کریں گے۔

نیویارک : اقوام متحدہ کے سفارت کاروں کا کہنا ہے کہ پرتگال کے سابق وزیر اعظم اینتونیو گتریز اقوام متحدہ کے اگلے سیکریٹری جنرل بننے جا رہے ہیں۔

تفصیلات کے مطابق سلامتی کونسل کے 15 ارکان نے بدھ کو دس امیدواروں کے لیے خفیہ ووٹ دیا اور کسی نے بھی اینتونیو گتریز کی مخالفت نہیں کی۔

پرتگال کے سابق وزیر اعظم اینتونیو گتریز کے حق میں 15 میں سے13ووٹ پڑے جبکہ دو ارکان نے کسی کے حق میں بھی ووٹ نہیں دیا اور اس طرح ان کے اقوام متحدہ کے اگلے سیکریٹری جنرل بننے کے امکانات روشن ہوگئے۔

اقوام متحدہ کی سلامتی کونسل میں جمعرات کو امیداوار کی تصدیق کرنے کے لیے باقاعدہ ووٹنگ ہوگی۔

اینتونیو گتریز نے جن نو امیدواروں کو شکست دی ان میں بلغاریہ سے تعلق رکھنے والی یورپی یونین کی بجٹ کمشنر کرسٹالینا جارجیوا بھی شامل ہیں۔

یاد رہے کہ پرتگال کے سابق وزیراعظم اینتونیو گتریز گذشتہ دس سالوں سے اقوام متحدہ کے ادارہ برائے پناہ گزین کی سبراہی کر رہے ہیں۔

واضح رہے کہ آئندہ سال جنوری میں بان کی مون دس سال بعد سیکریٹری جنرل کا عہدہ چھوڑ دیں گے۔