Tag: سیکریٹری دفاع

راولپنڈی: سیکریٹری دفاع لیفٹننٹ جنرل (ر) اکرام الحق نے کہا ہے کہ پاکستان نے دہشت گردی کے خلاف جنگ میں کثیرالجہتی حکمت عملی اختیار کرتے ہوئے بڑی کام یابیاں حاصل کیں۔

تفصیلات کے مطابق راولپنڈی میں منعقدہ ماسکو کانفرنس سے خطاب کرتے ہوئے سیکریٹری دفاع نے کہا کہ دہشت گردی کے خلاف پاکستان نے کثیر الجہتی حکمت عملی اپنائی اور کام یابیاں حاصل کیں۔

ماسکو کانفرنس کا موضوع ’جدید دنیا میں سلامتی، علاقائی عالمی عوامل اور جہتیں‘ تھا، کانفرنس سے خطاب میں سیکریٹری دفاع کا کہنا تھا کہ عالمی اور علاقائی افق پر تیز تر تبدیلیاں رونما ہو رہی ہیں۔

انھوں نے کہا کہ مجموعی اقتصادیات کے گہرے اثرات مرتب ہو رہے ہیں، دنیا عالمگیریت سے علاقائیت کی جانب منتقل ہو رہی ہے، دوسری طرف دنیا کو تجارتی اور ہائبرڈ جنگوں اور خلا میں فوجی کشمکش کا سامنا ہے، دہشت گردی بڑا چیلنج ہے، جس کی وجہ سے سائبر اور بحری سلامتی کو خطرات درپیش ہیں۔

یہ بھی پڑھیں:  وزیرا عظم عمران خان کاافغانستان کے اندرونی تنازعات میں فریق نہ بننےکااعلان

سیکریٹری دفاع کا کہنا تھا کہ خطے میں اقتصادی تعاون اور سی پیک کے طرز پر روابط نا گزیر ہو چکے ہیں، چائنا پاکستان اکانومک کوریڈور جیسے منصوبے خطوں کے لیے اقتصادی فوائد کا منبع ہیں۔

دریں اثنا، سیکریٹری دفاع اکرام الحق نے روسی افواج کے چیف آف جنرل اسٹاف سے بھی ملاقات کی، ترجمان وزارت دفاع کے مطابق سیکریٹری دفاع نے ان کے ساتھ دفاعی تعاون میں وسعت پر گفتگو کی۔

سیکریٹری دفاع آصف یاسین ملک کا کہنا ہے کہ پرویز مشرف کیس عدالت میں زیر سماعت ہے، فوج کا اس سے کوئی تعلق نہیں۔

پرویز مشرف کیس کے متعلق حکومت کیجانب سے پہلا باقاعدہ بیان سیکریٹری دفاع آصف یسین ملک کی جانب سے سامنے آیا، سیکریٹری دفاع نے کہا کہ فوج کا پرویز مشرف کیس سے کوئی تعلق نہیں، آرٹیکل سکس کا مقدمہ عدالت میں زیر سماعت ہے۔

انہوں نے یہ انکشاف بھی کیا کہ آرمی ایکٹ کے تحت مشرف کے ٹرائل کی کسی درخواست کا انہیں علم نہیں، یہ موقف اس وقت سامنے آیا جب مشرف آرمی کے ایک ہسپتال میں زیر علاج ہیں، مشرف اور ان کے وکلا بار ہا اس بات کا اظہار کرچکے ہیں کہ مشرف کا مقدمہ آرمی ایکٹ کے تحت فوجی عدالت میں چلایا جا ئے۔

پرویز مشرف نے چند روز قبل یہ بھی کہا تھا کہ دیکھنا یہ ہے نئے آرمی چیف راحیل شریف ان کیلئے کہاں تک جاسکتے ہیں، اس معاملے پر فوجی ادارے آئی ایس پی آر کیجانب سے کسی قسم کا رد عمل سامنے نہیں آیا۔