ARYNews.tv | Urdu – Har Lamha Bakhabar

Tag: سیکریٹری صحت

  • پاکستان فارمیسی کونسل میں کرپشن اور بے قاعدگی کی شکایات پر تحقیقات شروع

    پاکستان فارمیسی کونسل میں کرپشن اور بے قاعدگی کی شکایات پر تحقیقات شروع

    اسلام آباد (07 اگست 2025): وفاقی حکومت نے پاکستان فارمیسی کونسل کے حوالے سے تحقیقات کا فیصلہ کیا ہے، وزیر اعظم معائنہ کمیشن نے پاکستان فارمیسی کونسل سے متعلق تحقیقات کا آغاز کر دیا۔

    ذرائع کے مطابق وزیر اعظم شہباز شریف نے کرپشن کی شکایات موصول ہونے پر پاکستان فارمیسی کونسل سے متعلق تحقیقات کا حکم دے دیا ہے، گزشتہ روز وزارت صحت سے متعلق اجلاس میں وزیر اعظم نے سیکریٹری صحت کی کارکردگی پر عدم اطمینان کا اظہار کیا اور ان کے ہٹانے کے احکامات جاری کیے۔

    ذرائع کا کہنا ہے کہ وزیر اعظم نے وزارت صحت کے ماتحت اداروں میں کرپشن پر برہمی کا اظہار کیا ہے، اور فارمیسی کونسل میں خلاف ضابطہ تقرریوں کی تحقیقات کی جائیں گی، ملک میں فارمیسی کے تعلیمی اداروں کے قیام کی بھی تحقیقات ہوں گی۔

    جان بچانے والی غیر ملکی ادویات سے متعلق اہم فیصلہ

    ذرائع کے مطابق گزشتہ برسوں میں فارمیسی اسکولوں اور کالجز کی رجسٹریشن کی انکوائری ہوگی، اور صبغت منصور رانا کی اسسٹنٹ سیکریٹری فارمیسی کونسل تقرری کے خلاف انکوائری شروع کر دی گئی ہے۔

    وزیر اعظم معائنہ کمیشن نے وزارت صحت کو انکوائری کے لیے مراسلہ لکھ دیا ہے، جس میں اسے فارمیسی کونسل پر بریفنگ کی ہدایت کی گئی ہے، کمیشن نے فارمیسی کونسل کے سابق صدور کو بھی طلب کیا، ذرائع کے مطابق انکوائری ٹیم کا اجلاس 11 اگست کو ہوگا۔

  • کراچی کے مختلف اسپتالوں کے طبی عملے اور سیکریٹری صحت کے مذاکرات کامیاب

    کراچی کے مختلف اسپتالوں کے طبی عملے اور سیکریٹری صحت کے مذاکرات کامیاب

    کراچی : سیکریٹری صحت نے گرینڈ ہیلتھ الاؤنس اور لیڈی ہیلتھ ورکرز کو رسک الاؤنس دینے کی یقین دہانی کرادی۔

    تفصیلات کے مطابق کراچی کے مختلف اسپتالوں کے طبی عملے اور سیکریٹری صحت کے مذاکرات کامیاب ہوگئے۔

    مذاکرات میں لیڈی ہیلتھ ورکرز پاکستان کی صدربشریٰ آرائیں بھی شریک تھیں۔

    مذاکرات میں ایک سے 16 گریڈ کے ملازمین کو 17 ہزار جبکہ اس سے اوپر کے گریڈ کے ملازمین 30 ہزار رسک الاوٴنس دینے کا وعدہ کیا گیا۔

    لیڈی ہیلتھ ورکرز پاکستان کی صدر بشریٰ آرائیں نے بتایا کہ سیکریٹری صحت نے گرینڈ ہیلتھ الاوٴنس اور لیڈی ہیلتھ ورکرز کو یقین دہانی کرادی، ہم آج سے پولیو مہم میں کام کریں گے۔

    دوسری جانب گرینڈ ہیلتھ الانس کے مطابق مطالبات کا نوٹیفکیشن جاری ہونے تک ٹوکن ہڑتال جاری رہے گی۔

    یاد رہے سندھ بھر کے سرکاری اسپتالوں میں چار روز سے ہڑتال جاری ہے، گرینڈ ہیلتھ الائنس اورمحکمہ صحت سندھ میں مذاکرات کے 2 دورناکام ہوچکے ہیں۔

    طبی عملے نے ہیلتھ رسک الاؤنس کی بحالی تک احتجاج جاری رکھنے کا اعلان کیا تھا ، سندھ کے سرکاری اسپتالوں میں اب تک ہزاروں مریض اوپی ڈی سے محروم ہوچکے ہیں۔

  • پنجاب میں ڈینگی کے 4 ہزار سے زائد کیسز

    پنجاب میں ڈینگی کے 4 ہزار سے زائد کیسز

    لاہور: صوبہ پنجاب میں ڈینگی کے مریضوں کی تعداد میں اضافہ جاری ہے، صوبے میں اب تک ڈینگی کے 4 ہزار 876 کنفرم کیسز سامنے آچکے ہیں 12 اموات ہوچکی ہیں۔

    تفصیلات کے مطابق صوبہ پنجاب میں ڈینگی کے مریضوں کی تعداد میں اضافہ ہورہا ہے، گزشتہ 24 گھنٹوں کے دوران صوبہ بھر سے ڈینگی کے 325 کیسز رپورٹ ہوئے۔

    سیکریٹری ہیلتھ عمران سکندر کا کہنا ہے کہ صوبہ بھر کے اسپتالوں میں ڈینگی کے 13 سو 3 مریض داخل ہیں، لاہور کے اسپتالوں میں ڈینگی کے 658 مریض داخل ہیں۔

    انہوں نے کہا کہ رواں سال پورے صوبے سے اب تک ڈینگی کے 4 ہزار 876 کنفرم کیسز سامنے آئے ہیں جبکہ ڈینگی سے اب تک 12 اموات رپورٹ ہو چکی ہیں۔

    سیکریٹری صحت کا کہنا تھا کہ مون سون میں ڈینگی سے بچاؤ کی احتیاطی تدابیر ازحد ضروری ہیں، مون سون کے دوران شہری زیادہ ذمہ داری کا مظاہرہ کریں، خصوصاً بارش کا پانی رہائشی علاقوں میں جمع نہ ہونے دیں۔

    انہوں نے کہا کہ گزشتہ روز محکمہ صحت کی ٹیموں نے پنجاب بھر میں 4 لاکھ 49 ہزار 187 ان ڈور اور 96 ہزار 383 آؤٹ ڈور مقامات کو چیک کیا۔ گزشتہ روز 2 ہزار 376 مقامات سے لاروا تلف کیا گیا۔

  • لاہور ہائی کورٹ کا مریضوں کو بلا تعطل صحت کی سہولتیں فراہم کرنے کا حکم

    لاہور ہائی کورٹ کا مریضوں کو بلا تعطل صحت کی سہولتیں فراہم کرنے کا حکم

    لاہور: لاہور ہائی کورٹ نے ڈاکٹرز کی ہڑتال کے خلاف درخواست کی سماعت کے دوران مریضوں کو بلا تعطل صحت کی سہولتیں فراہم کرنے کا حکم دے دیا۔

    تفصیلات کے مطابق لاہور ہائی کورٹ میں ڈاکٹرز کی ہڑتال کے خلاف درخواست پر سماعت کے دوران درخواست گزار نے موقف اختیار کیا کہ ڈاکٹر ہڑتال کر کے حلف کی خلاف ورزی کر رہے ہیں۔

    درخواست گزار نے کہا کہ ضابطہ اخلاق کے تحت ڈاکٹرز کا پیشہ لازمی سروس میں آتا ہے، عدالت ہڑتال فوری ختم کرنے کے احکامات جاری کرے۔

    لاہور ہائی کورٹ نے مریضوں کو بلا تعطل صحت کی سہولتیں فراہم کرنے کا حکم دیتے ہوئے سیکریٹری صحت کو ریکارڈ سمیت ذاتی حیثیت میں طلب کرلیا۔ عدالت نے ریمارکس دیے کہ آئین کے تحت صحت کی سہولتیں ریاست کی اولین ذمہ داری ہے۔

    یاد رہے کہ گزشتہ ماہ صوبائی وزیر صحت ڈاکٹر یاسمین راشد کا کہنا تھا کہ سرکاری اسپتالوں کی نجکاری کا خدشہ بالکل جھوٹ اور گمراہی کا فسانہ ہے۔

    یاسمین راشد کا کہنا تھا کہ حکومت میڈیکل ٹیچنگ انسٹیٹیوشن ایکٹ کے تحت پنجاب کے کسی بھی سرکاری اسپتال کی نجکاری نہیں کر رہی بلکہ عوام کو صحت کے شعبے میں مزید سہولیات پیدا کرنے کے لیے انقلابی اقدامات اٹھا رہی ہے۔

  • لاہور میں دھرنا دینے والے 10ڈاکٹرز برطرف

    لاہور میں دھرنا دینے والے 10ڈاکٹرز برطرف

    لاہور: صوبہ پنجاب کے دارالحکومت لاہور میں دھرنا دینےوالے 10ڈاکٹرز کو سیکریٹری صحت پنجاب نے نوکری سے برطرف کردیا۔

    تفصیلات کےمطابق سیکریٹری صحت پنجاب نے اے آروائی نیوز کی خبر پر نوٹس لیتے ہوئے دھرنا دینے والے 10ڈاکٹرز کو برطرف کردیا گیا۔ڈاکٹرز کو گزشتہ روز شو کاز نوٹس جاری کیے گئے تھے اور ان کو جواب لکھنے کے لیے کہا گیا تھا لیکن ان کی جانب سےجواب جمع نہیں کرایا گیا۔

    سیکریٹری صحت کا مزید کہناتھاکہ ڈاکٹر اگر نوکری پرواپس نہیں آئیں گے اوران کی جانب سےجواب نہیں جمع کروایا گیا توڈاکٹروں اورنرسوں کو نوکری سے فارغ کردیا جائےگا جبکہ 21 نرسوں کو بھی شو کاز نوٹس جاری کردیے گئے ہیں۔

    ان کا مزید کہناتھا کہ 45 نئے ڈاکٹرز کی خدمات حاصل کی گئی ہیں جن میں 35 نئے ڈاکٹرز نے نوکری جوائن بھی کرلی ہے۔

    وزیراعلیٰ پنجاب کےمشیر صحت خواجہ سلمان رفیق نے کہا ہے کہ ڈاکٹرز سے کوئی مذاکرات نہیں کیے جائیں گے کیونکہ ان کے مطالبات درست نہیں ہیں اور اگر یہ نوکری پر واپس نہ آئے تو ان کو بھی برطرف کردیا جائے گا۔

    صوبہ پنجاب کے دارالحکومت لاہور میں ینگ ڈاکٹرز کا احتجاج تیسرے روز بھی جاری ہے جس کے باعث ایک اور بچی دم توڑ گئی جس کے بعد جاں بحق ہونے والوں کی تعداد 3ہوگئی۔

    لاہور میں ینگ ڈاکٹرز کے احتجاج کے باعث تیسرے روز بھی مریضوں کو شدید مشکلات کے سامنے کے ساتھ مال روڈ پرایک طرفہ ٹریفک بند ہونےسےشہریوں کوشدید مشکلات کا سامنا کرنا پڑ رہا ہے۔

    یاد رہے کہ میو اسپتال کے ینگ ڈاکٹرز مریض اور لواحقین پر مبینہ تشدد کرنے والے دو ڈاکٹرز اور ایک نرس کی بحالی کےلیےاحتجاج کر رہے ہیں۔ینگ ڈاکٹرز کا کہنا ہے کہ مطالبات کی منظوری تک احتجاج جاری رہےگا۔

    ہڑتال کے باعث اموات کی تحقیقات کےلیےسیکریٹری صحت نے کمیٹی بنا دی تھی جو تین دن میں تحقیقاتی رپورٹ سیکریٹری صحت کو پیش کرے گی۔

    واضح رہے کہ لاہور میں ینگ ڈاکٹرز کے احتجاج کے باعث آج صبح میو اسپتال میں علاج نہ ہونے سے ڈیڑھ سالہ ثنا زندگی کی بازی ہار گئی تھی۔

  • سندھ ہائی کورٹ نے تھر قحط سے متعلق صوبائی حکومت کی رپورٹ مسترد کردی

    سندھ ہائی کورٹ نے تھر قحط سے متعلق صوبائی حکومت کی رپورٹ مسترد کردی

    کراچی: سندھ ہائی کورٹ نے تھر میں قحط سے متعلق صوبائی حکومت کی رپورٹ مستردکری ہے۔ سیشن جج کی رپورٹ میں تھر میں دو سو سے زائد ڈاکٹرز کی اسامیاں خالی ہونے کا انکشاف کیا گیا ہے۔

    تھر ازخود نوٹس کیس کی سماعت میں چیف سیکریٹری، سیکریٹری صحت اور سیشن جج مٹھی نے اپنی رپورٹ عدالت میں جمع کرائی، سیشن جج مٹھی کی رپورٹ میں انکشاف کیا گیا ہے کہ تھرمیں چار سوایک ڈاکٹرز کی اسامیوں میں سے دو سو سترہ اسامیاں خالی ہیں۔ اسی طرح انتیس بنیادی ہیلتھ کے مراکز میں سے اٹھارہ غیر فعال ہیں۔

    چیف سیکریٹری کی رپورٹ میں کہا گیا ہے کہ قحط کے باعث دو سو دس اموات ہوئیں ہیں اور حکومت قحط سالی روکنے کیلئے ہر ممکن اقدامات کررہی ہے۔

    درخواست گزار کے وکیل فیصل صدیقی ایڈوکیٹ نے رپورٹ پر اعتراض اٹھاتے ہوئے موقف اپنایا ہے کہ جوڈیشل رپورٹ کے مطابق چار سو چھبیس افراد جاں بحق ہوئے ہیں۔

    عدالت نے وفاقی اور صوبائی حکومت کو چار دسمبر کو جواب جمع کرانے کا حکم دیا ہے اور ہدایت کی کہ تھر میں قحط سالی روکنے کیلئے سنجیدہ اقدامات کئے جائیں۔