ARYNews.tv | Urdu – Har Lamha Bakhabar

Tag: سیکورٹی فورسز

  • دیامر میں اسکولوں کو آگ لگانے والے دہشت گردوں کے خلاف آپریشن، اہل کار شہید

    دیامر میں اسکولوں کو آگ لگانے والے دہشت گردوں کے خلاف آپریشن، اہل کار شہید

    گلگت: دیامر میں اسکولوں کو آگ لگانے والے دہشت گردوں کے خلاف تانگیر میں سیکورٹی فورسز کے  آپریشن میں دہشت گردوں کی فائرنگ سے ایک سیکورٹی اہل کار شہید اور تین زخمی ہوگئے۔

    تفصیلات کے مطابق دیامر میں اسکول جلانے والے دہشت گردوں کی تلاش کے لیے آج سیکورٹی فورسز نے مختلف مقامات پرسرچ آپریشن کیا، آپریشن کے دوران ایک دہشت گرد گرفتار کر لیا گیا۔

    گلگت بلتستان کے ضلع دیامر میں اسکول جلانے والوں کی تلاش کے لیے مختلف علاقوں میں سیکورٹی فورسز کا سرچ آپریشن جاری ہے، آپریشن کے دوران اب تک 10 مشتبہ افراد کو گرفتار کیا جا چکا ہے۔

    دیامر میں اسکولز جلانے والے دہشت گردوں کی تلاش کیلئے سرچ آپریشن، 10 مشتبہ افراد گرفتار

    دوسری جانب چیف جسٹس آف پاکستان نے دیامر میں اسکولوں کو جلانے کے واقعے کا از خود نوٹس لیتے ہوئے سیکریٹری داخلہ اور سیکریٹری گلگت بلتستان سے 48 گھنٹے میں رپورٹ طلب کرلی ہے۔

    چیف جسٹس کا چلاس میں اسکولوں کی آتشزدگی پرازخود نوٹس

    نگراں وزیراعظم ناصر الملک نے بھی کہا کہ بچوں کو تعلیم کی سہولت سے محروم کرنا اور اسکولوں کو نذرِ آتش کرنا کسی طور قبول نہیں، ملوث افراد کے خلاف قانون کے تحت سخت کارروائی کی جائے۔

    بچوں کوتعلیم سے محروم کرنا اور اسکولوں کو نذرآتش کرنا کسی طور قابل قبول نہیں،وزیراعظم

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی سیکورٹی فورسز نےشاہی محل کےقریب مشتبہ ڈرون مارگرایا

    سعودی سیکورٹی فورسز نےشاہی محل کےقریب مشتبہ ڈرون مارگرایا

    ریاض: سعودی عرب کے دارالحکومت ریاض میں سیکورٹی فورسز نے شاہی محل کے قریب اڑنے والے مشتبہ ڈرون کو مارگرایا۔

    تفصیلات کے مطابق سعودی عرب کے دارالحکومت ریاض میں شاہی محل کے قریب بلا اجازت اڑنے والے مشتبہ ڈرون کو سیکورٹی فورسز نے مار گرایا۔

    ریاض پولیس کے ترجمان کے مطابق شب سات بجکر پچاس منٹ پرریاض میں خزامہ کے قریب بغیر کسی اجازت کے سیکورٹی پوائنٹ پر ڈرون کواڑتے ہوئے دیکھا گیا۔

    ترجمان کا مزید کہنا تھا کہ سیکورٹی اہلکاروں نے خود کو دیے جانے والے احکامات اور ہدایات کے مطابق اپنا فرض ادا کیا۔

    غیرملکی خبررساں ادارے کے مطابق سعودی افسر نے بتایا کہ اس واقعے کے وقت شاہ سلمان اپنے محل میں نہیں بلکہ دیریا میں واقع اپنے فارم میں تھے۔

    سعودی عرب میں چیک پوسٹ پرفائرنگ‘ 4 اہلکار جاں بحق

    خیال رہے کہ دوروز قبل سعودی عرب کے صوبہ عسیر میں چیک پوسٹ پرفائرنگ کے نتیجے میں 4 سیکورٹی اہلکار جاں بحق جبکہ 4 زخمی ہوگئے تھے۔

    یاد رہے کہ گزشتہ سال نومبر میں سعودی ولی عہد شہزادہ محمد بن سلمان نے دہشت گردی کے خلاف 40 اسلامی ممالک کے اتحادی کے پہلے اجلاس سے خطاب کرتے ہوئے کہا تھا کہ اس وقت تک دہشت گردوں کا پیچھا کریں گے جب تک ان کا دنیا سے صفایا نہیں ہوجاتا۔

    سعودی عرب میں شاہی محل کے باہرفائرنگ‘ 2 رائل گارڈز جاں بحق

    واضح رہے کہ گزشتہ سال 8 اکتوبرکو جدہ میں شاہی محل کے گیٹ پرحملے میں رائل گارڈز کے 2 اہلکار جاں بحق اور 3 زخمی ہوگئے تھے جبکہ جوابی کارروائی میں حملہ آور بھی مارا گیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کوئٹہ میں سیکورٹی فورسز کی گاڑی پر خود کش حملہ،5 اہلکارزخمی

    کوئٹہ میں سیکورٹی فورسز کی گاڑی پر خود کش حملہ،5 اہلکارزخمی

    کوئٹہ : بلوچستان کے شہر کوئٹہ میں سیکیورٹی فورسز کی گاڑی پر خودکش حملے کے نتیجے میں پانچ اہلکار زخمی اور گاڑی مکمل طور پر تباہ ہوگئی،دو زخمیوں کی حلات تشویشناک بتائی جارہی ہے۔

    تفصیلات کے مططابق سیکورٹی حکام نے بتایا ہے کہ شہر کے داخلی علاقے بلیلی میں غزہ بند روڈ پر سیکورٹی فورسز کی گاڑی اہلکاروں کو لیکر جارہی تھی کہ اسے دھماکے کا نشانہ بنایا گیا۔

    دھماکے کےنتیجے میں پانچ اہلکار شدید زخمی ہوگئے جنہیں فوری طور پر سی ایم ایچ کوئٹہ منتقل کردیا گیا ،زخمیوں میں سے دو کی حالت تشویشناک بتائی گئی ہے۔

    مزید پڑھیں: کوئٹہ، خود کش دھماکے میں 4 ایف سی اہلکار شہید، 8 زخمی

    بم ڈسپوزل اسکواڈ اورمحکمہ شہری دفاع کے ذرائع کے مطابق دھماکہ خودکش تھا اور بیس سے بائیس سال کی عمر کے حملہ آور نے آٹھ سے دس کلو گرام بارود پر مشتمل جیکٹ پہن رکھی تھی۔

    مزید پڑھیں: کوئٹہ: ڈی ایس پی کی گاڑی پر فائرنگ، 2 پولیس اہلکار شہید

    دھماکہ کے نتیجے میں گاڑی مکمل طور پر تباہ ہوگئی، دھماکہ کے بعد قانون نافذ کرنے والے اداروں کے اہلکاروں نے جائے وقوعہ کو دونوں اطراف سے سیل کردیا اور رات گئے تک شواہد اکھٹے کرنے کا کام جاری رہا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • گورنربلوچستان پرحملے کی کوشش ناکام‘ 2 دہشت گرد گرفتار‘ وزیرداخلہ بلوچستان

    گورنربلوچستان پرحملے کی کوشش ناکام‘ 2 دہشت گرد گرفتار‘ وزیرداخلہ بلوچستان

    کوئٹہ : صوبہ بلوچستان میں سیکورٹی فورسز نے کارروائی کرتے ہوئے گورنر بلوچستان محمد خان اچکزئی پرحملے کی کوشش ناکام بناتے ہوئے دو دہشت گردوں کو گرفتار کرلیا۔

    تفصیلات کے مطابق کوئٹہ میں ڈی آئی جی کوئٹہ کے ہمراہ وزیرداخلہ بلوچستان سرفراز بگٹی نے پریس کانفرنس کرتے ہوئے کہا کہ سیکورٹی فورسز نے بروقت کارروائی کرتے ہوئے گورنر بلوچستان پرحملے کی کوشش ناکام بنادی۔

    وزیرداخلہ بلوچستان نے کہا کہ سیکورٹی فورسز نے گلستان کے علاقے سے 2 دہشت گردوں محمد بشیر اور منور احمد کو گرفتار کرکے ان کے قبضے سے خودکش جیکٹس اور گولہ بارود برآمد کرلیا۔

    سرفراز بگٹی نے کہا کہ افسران، سیاست دانوں کی فول پروف سیکورٹی کے لیے بلٹ پروف گاڑیاں حاصل کررہے ہیں۔

    انہوں نے بتایا کہ گرفتار دہشت گردوں کا تعلق اسی گروہ سے ہے جس نے اگست 2015 میں پنجاب کے وزیرداخلہ شجاح خانزادہ کو خودکش حملے میں نشانہ بنایا تھا۔

    کوئٹہ میں مسلسل دوسرے روز دہشت گردی کا منصوبہ ناکام

    وزیرداخلہ بلوچستان نے کہا کہ نادرا سے کوئٹہ چرچ حملہ آوروں کی تصدیق نہیں ہوسکی جس کا مطلب ہے کہ حملہ آور غیرملکی تھے۔

    سرفراز بگٹی نے کہا کہ کوئٹہ چرچ پر حملہ کرنے والوں کو جلد گرفتار کرلیں گے۔

    اس موقع پر ڈی آئی جی کوئٹہ عبدالرزاق چیمہ نے میڈیا سے گفتگو کرتے ہوئےکہا کہ گزشتہ روز صوبے کے چرچ نمائندگان سے میٹنگ کرکے انہیں سیکورٹی فراہم کرنے کی یقین دہانی کروائی ہے۔

    کوئٹہ : چرچ میں دھماکہ اور فائرنگ‘ 9 افراد جاں بحق‘ 35 زخمی

    یاد رہے کہ 17 دسمبر کو کوئٹہ میں زرغون روڈ پر چرچ میں خودکش دھماکے اور فائرنگ کے نتیجے میں 9 افراد جاں بحق جبکہ 35 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی وزیرستان حملہ : وزیراعظم سمیت سیاسی رہنماؤں کی مذمت

    شمالی وزیرستان حملہ : وزیراعظم سمیت سیاسی رہنماؤں کی مذمت

    اسلام آباد : وزیراعظم شاہدخاقان عباسی سمیت سیاسی رہنماؤں نے شمالی وزیرستان میں سیکورٹی فورسز پر حملے کی شدید مذمت کی ہے۔

    تفصیلات کے مطابق وزیراعظم شاہدخاقان عباسی نے شمالی وزیرستان میں سیکیورٹی فورسزپرحملےکی مذمت کرتے ہوئے شہدا کے درجات کی بلندی کے لیے دعا کی ہے۔

    وزیراعظم پاکستان نے غمزدہ خاندانوں سے تعزیت کرتے ہوئے کہا کہ شہدانے وطن کے لیے سب سے قیمتی اثاثے کی قربانی دی۔

    انہوں نے کہا کہ دشمن عناصرکے خلاف بہادر افواج کی خدمات قوم کبھی نہیں بھلاسکتی، پاکستان نے دہشت گردی کے ناسور کو شکست دی ہے۔

    شمالی وزیرستان حملہ: وزیراعلیٰ پنجاب کی مذمت

    وزیراعلیٰ پنجاب شہبازشریف نے شمالی وزیرستان میں سیکیورٹی فورسزپرحملےکی مذمت کرتے ہوئے شہدا کے لواحقین سے دلی ہمدردی اوراظہار تعزیت کی۔

    شہبازشریف نے کہا کہ قوم کوشہید عبدالمعید اورشہید بشارت کی بہادری پرفخرہے، پوری قوم شہدا کی عظیم قربانیوں کو سلیوٹ کرتی ہے۔

    شمالی وزیرستان حملہ: وزیردفاع کی مذمت

    وزیردفاع نے بھی شمالی وزیرستان میں سیکورٹی فورسزکی گاڑی پرحملےکی مذمت کرتے ہوئے شہدا کی بہادری اورجرت کوسلام اورلواحقین سے اظہارتعزیت کی۔

    خرم دستگیر نے کہا کہ دہشت گردوں کو مذموم مقاصد میں کامیاب نہیں ہونےدیں گے جبکہ بزدلانہ کارروائیاں بہادرجوانوں کےعزم کومتزلزل نہیں کرسکتیں۔

    وزیردفاع خرم دستگیر نے کہا کہ قوم دہشت گردی کے خلاف پاک فوج کے ساتھ ہے۔

    شمالی وزیرستان حملہ: وزیراعلیٰ بلوچستان کی مذمت

    وزیراعلیٰ بلوچستان ثنااللہ زہری نے شمالی وزیرستان میں فورسزپرحملے کی مذمت کرتے ہوئے جوانوں کی شہادت پرافسوس کا اظہاراورشہداکے خاندانوں سے تعزیت کی ہے۔

    وزیراعلیٰ ثنااللہ زہری نے کہا کہ ہمارےشہید ہماری قوم کے ہیرو ہیں۔

    شمالی وزیرستان حملہ: آصف علی زرداری کی مذمت

    سابق صدرآصف علی زرداری نے سیکیورٹی فورسزپرحملے کی مذمت کرتے ہوئے شہید اہلکاروں کے لواحقین سے اظہارا فسوس کیا۔

    آصف علی زرداری نے کہا کہ دہشت گردی کے منصوبہ سازوں کونشانہ عبرت بنایا جائے۔

    شمالی وزیرستان حملہ: گورنر بلوچستان کی مذمت

    گورنر بلوچستان محمد خان اچکزئی نے شمالی وزیرستان میں فورسزپرحملے کی مذمت کرتے ہوئے کہا کہ بہادرجوانوں کی قربانیاں رائیگاں نہیں جائیں گی۔

    شمالی وزیرستان حملہ: وزیرداخلہ سندھ کی مذمت

    وزیرداخلہ سندھ سہیل انورسیال نےشمالی وزیرستان میں فورسزپرحملےکی مذمت کرتے ہوئے کہا کہ افسران وجوانوں کی قربانیاں رائیگاں نہیں جائیں گی۔

    سہیل انور سیال نے کہا کہ شہداکے ورثا کےغم میں قوم برابرکی شریک ہے۔

    شمالی وزیرستان: دہشتگردوں کی فائرنگ

    واضح رہے کہ شمالی وزیرستان میں فورسز کی گاڑی پر دہشت گردوں کی فائرنگ کے نتیجے میں 21سالہ سیکنڈ لیفٹیننٹ عبدالمعیداور سپاہی بشارت شہید ہوگئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بلوچستان میں دہشت گردی کا بڑا منصوبہ ناکام

    بلوچستان میں دہشت گردی کا بڑا منصوبہ ناکام

    کوہلو: صوبہ بلوچستان کے علاقے سوراب میں سیکورٹی فورسز نے دہشت گردی کا بڑا منصوبہ ناکام بناتے ہوئے زیرزمین چھپایا ہوا اسلحہ اور گولہ بارود برآمد کرلیا۔

    تفصیلات کے مطابق سیکورٹی فورسز نے خفیہ اطلاع پر بلوچستان کے علاقے سوراب میں کارروائی کے دوران زیرزمین چھپایا ہوا اسلحہ اور گولہ بارود برآمد کرلیا۔

    ڈپٹی کمشنر کے مطابق اسلحہ وگولہ بارود بلوچستان میں تخریب کاری کے لیے استعمال ہونا تھا۔

    ڈی سی او کوہلوآغا نبیل کا کہنا ہے سیکورٹی فورسز کی کارروائی میں آرپی جی سیون کے 181 گولے، 172 فیوز، ایم ایم آرڈی ایس 80 سمیت ایم ایم آر1 گن اور 80 راؤنڈ برآمد ہوئے۔

    سیکورٹی فورسز نے علاقے کو گھیرے میں لے کرسرچ آپریشن شروع کردیا۔

    خیال رہے کہ رواں سال 9 ستمبرکو صوبہ خیبر پختونخواہ اوربلوچستان میں سیکورٹی فورسز نے کارروائیوں کے دوران بھاری مقدار میں اسلحہ وگولہ بارود برآمد کیا تھا۔

    بلوچستان، کالعدم تنظیم کے دوکمانڈرز سمیت 12 دہشت گرد گرفتار

    یاد رہے کہ گزشتہ ماہ بلوچستان میں سیکیورٹی فورسز نے کامیاب آپریشن کے دوران کالعدم تنظیموں کے دو اہم کمانڈرز سمیت 12 دہشت گردوں کو حراست میں لے کر بھاری مقدا میں اسلحہ برآمد کرلیا تھا۔

  • ایف سی نےبلوچستان میں دہشت گردی کا بڑا منصوبہ ناکام بنادیا

    ایف سی نےبلوچستان میں دہشت گردی کا بڑا منصوبہ ناکام بنادیا

    روالپنڈی: صوبہ بلوچستان کے مختلف علاقوں میں ایف سی نے کارروائیوں کے دوران 1300 کلو گرام دھماکہ خیز مواد اوربھاری مقدار میں اسلحہ برآمد کرلیا۔

    پاک فوج کے شعبہ تعلقات عامہ آئی ایس پی آر کے مطابق ایف سی نے بلوچستان میں کوہلو، اوچ، نصیرآباد، راضی نلہ، گرندانی میں آپریشن کے دوران 1300 کلو گرام دھماکہ خیز مواد تحویل میں لے لیا۔

    آئی ایس پی آر کا کہنا ہے کہ ایف سی کی جانب سے کیے گئے آپریشن میں مختلف نوعیت کے ہتھیار، گولیاں، راکٹس سمیت نقشے اور مواصلاتی آلات بھی برآمد کرلیے گئے۔

    خیبرپختونخواہ اور بلوچستان میں سیکورٹی فورسز کی کارروائیاں‘اسلحہ وگولہ بارود برآمد

    خیال رہے کہ گزشتہ ماہ 9 ستمبر کو سیکورٹی فورسز نےآتوخیل مہمند ایجنسی اور اپردیر میں کارروائیوں کے دوران بھاری مقدار میں اسلحہ، راکٹ لانچر، دستی بم برآمد کیے تھے۔

    بلوچستان: کالعدم تنظیم کے ٹھکانے پر چھاپہ، بھاری تعداد میں اسلحہ برآمد

    یاد رہے کہ 15 جون کو ایف سی نے خفیہ اطلاع پر ژوب کے علاقے سمبازہ میں کالعدم تنظیم کے ٹھکانے پر چھاپہ مار کر بڑی تعداد میں اسلحہ اور گولہ بارود برآمد کیا تھا۔

    آئی ایس پی آر کے مطابق برآمد اسلحے میں 49 آر پی جی سیون راکٹ،6 مائنز ، 5 آئی ای ڈیز، اینٹی ایئر کرافٹ گن،49 فیوز،95 بکس اینٹی ایئر کرافٹ گن راؤنڈز شامل تھے۔

    باجوڑایجنسی میں دہشت گردی کا منصوبہ ناکام بنادیا گیا، آئی ایس پی آر

    واضح رہے کہ دو ماہ قبل سیکورٹی فورسز نے باجوڑایجنسی میں دہشت گردی کا منصوبہ ناکام بناتے ہوئے بھاری تعداد میں گولہ بارود، آر پی جی اور ایس ایم جی ، خودکش جیکٹس، ریموٹ کنٹرول بم، دستی بم ،بال بیئرنگ کے گیارہ باکس برآمد کیے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ڈی آئی خان میں چیک پوسٹ پرحملہ ناکام ‘ 3 دہشت گرد ہلاک

    ڈی آئی خان میں چیک پوسٹ پرحملہ ناکام ‘ 3 دہشت گرد ہلاک

    ڈیرہ اسماعیل خان : ڈی آئی خان میں چیک پوسٹ پر دہشت گردوں کے حملے کو ناکام بناتے ہوئے سیکورٹی فورسز نے 3 دہشت گردوں کو ہلاک کردیا۔

    تفصیلات کے مطابق خیبرپختونخواہ میں ڈیرہ اسماعیل خان کے علاقے درابن میں دہشت گردوں نے چیک پوسٹ پر حملہ کیا تاہم سیکورٹی فورسز کی جوابی کارروائی میں تینوں دہشت گرد مارے گئے۔

    سیکورٹی فورسز نے چیک پوسٹ پر حملے کے بعد علاقے کو گھیرے میں لے کر سرچ آپریشن شروع کردیا۔

    پاک فوج کے شعبہ تعلقات عامہ آئی ایس پی آر کے مطابق ہلاک دہشت گردوں میں اقبال، وحید اورماجد شامل ہیں۔

    آئی ایس پی آر کے مطابق ہلاک دہشت گرد اقبال کے سرکی قیمت 10لاکھ مقرر تھی۔

    راجگال : دہشت گردوں کی فائرنگ‘ پاک فوج کےآفیسرکمانڈنگ شہید

    یاد رہے کہ گزشتہ روز وفاق کے زیرانتظام خیبرایجنسی میں پاکستانی چیک پوسٹ پرسرحد پار سے دہشت گردوں کی فائرنگ کے نتیجے میں پاک فوج کے آفیسر کمانڈنگ لیفٹیننٹ ارسلان عالم شہید ہوگئے تھے۔

    پاک فوج کے آفیسر لیفٹیننٹ ارسلان عالم والدین کے اکلوتے بیٹے اور3 بہنوں کے بھائی تھے۔

    سی ٹی ڈی کی ملتان میں کارروائی‘2 دہشت گرد ہلاک

    واضح رہے کہ گزشتہ ہفتے ملتان کے علاقے جلال پورپیر والامیں سی ٹی ڈی کی خفیہ اطلاع پر کارروائی میں 2 دہشت گرد ہلاک ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بلوچستان کےعلاقے مستونگ سے 2 افراد کی لاشیں برآمد

    بلوچستان کےعلاقے مستونگ سے 2 افراد کی لاشیں برآمد

    کوئٹہ: صوبہ بلوچستان کےعلاقے مستونگ میں سیکورٹی فورسز کو سرچنگ کے دوران 2 افراد کی لاشیں ملی ہیں۔

    صوبہ بلوچستان کے ضلع مستونگ میں پہاڑی علاقے کابوکے سے 2 افراد کی لاشیں ملی ہیں۔ سیکورٹی فورسزکولاشیں علاقے میں سرچنگ کے دوران ملی ہیں۔

    ذرائع کا کہنا ہے کہ لاشیں کئی ہفتے پرانی ہونے کے باعث ڈھانچہ بن چکی ہیں۔ لاشوں کو شناخت کے لیے سی ایم ایچ منتقل کردیا گیا ہے۔

    بلوچستان میں سیکورٹی فورسز کی کارروائی‘ 10 دہشت گرد ہلاک

    خیال رہے کہ سیکورٹی فورسز نے بلوچستان کے ضلع ہرنائی کے قریب زندہ پیر کےعلاقے میں کارروائی کے دوران 10 دہشت گردوں کو ہلاک کردیا تھا۔

    بلوچستان : سیکیورٹی فورسزکے قافلے پرحملہ، کرنل سمیت تین اہلکارشہید

    یاد رہے کہ تین روز قبل دہشت گردوں نے سیکیورٹی فورسز کے قافلے پر حملہ کر کے ایف سی کے کرنل سمیت تین اہلکارشہید تین کو زخمی کردیا تھا۔

    بلوچستان، کالعدم تنظیم کے دوکمانڈرز سمیت 12 دہشت گرد گرفتار

    واضح رہے کہ گزشتہ ماہ بلوچستان میں سیکیورٹی فورسز نے کامیاب آپریشن کے دوران کالعدم تنظیموں کے دو اہم کمانڈرز سمیت 12 دہشت گردوں کو حراست میں لے کر بھاری مقدا میں اسلحہ برآمد کرلیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بغداد کے پاور پلانٹ میں خودکش حملہ‘ 7 افراد ہلاک

    بغداد کے پاور پلانٹ میں خودکش حملہ‘ 7 افراد ہلاک

    بغداد : عراق کے دارالحکومت بغداد میں واقع پاور پلانٹ میں خودکش حملے کے نتیجے میں 7 افراد ہلاک جبکہ 12 زخمی ہوگئے۔

    تفصیلات کے مطابق عراقی دارالحکومت بغداد کے شمال میں واقع پاور پلانٹ میں تین حملہ آور داخل ہوئے جنہوں نے خودکش جیکٹس پہن رکھی تھیں۔

    خودکش حملہ آوروں نے پلانٹ کے اندر داخل ہوتے ہی اندھا دھند فائرنگ شروع کر دی جس کے بعد ایک حملہ آور نے خود کو دھماکے سے اڑا لیا۔

    خودکش حملے کے نتیجے میں 7 افراد ہلاک جبکہ 12 زخمی ہوئے اور دو حملہ آور سیکورٹی فورسز سے فائرنگ کے تبادلے میں مارے گئے۔

    سیکورٹی فورسز نے دھماکے کے بعد پاور پلانٹ کے ملازمین کو محفوظ مقام پر منتقل کردیا تاہم اس حملے کی ذمہ داری کسی تنظیم نے قبول نہیں کی۔

    خیال رہے کہ دہشت گرد تنطیم داعش نے 2014 میں عراق کے کئی علاقوں پر قبضہ کرلیا تھا۔

    بغداد میں کار بم دھماکہ ‘ 11 افراد ہلاک

    واضح رہے کہ چار روز قبل بغداد کے شمال مشرقی علاقے کی مارکیٹ میں کاربم دھماکے کے نتیجے میں 11 افراد جان کی بازی ہار گئے جبکہ متعدد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔