ARYNews.tv | Urdu – Har Lamha Bakhabar

Tag: سیکورٹی فورسز

  • بلوچستان میں سیکورٹی فورسز کی کارروائی‘ 10 دہشت گرد ہلاک

    بلوچستان میں سیکورٹی فورسز کی کارروائی‘ 10 دہشت گرد ہلاک

    کوئٹہ : صوبہ بلوچستان کے ضلع ہرنائی میں سیکورٹی فورسز نے کارروائی کے دوران 10 دہشت گردوں کو ہلاک کردیا۔

    تفصیلات کے مطابق سیکورٹی فورسز نے بلوچستان کے ضلع ہرنائی کے قریب زندہ پیر کے علاقے میں کارروائی کے دوران 10 دہشت گردوں کو ہلاک کردیا۔

    لیویز ذرائع کے مطابق سیکورٹی فورسز نے کارروائی کے دوران دہشت گردوں کے متعدد ٹھکانے بھی تباہ کردیے۔

    بلوچستان، کالعدم تنظیم کے دوکمانڈرز سمیت 12 دہشت گرد گرفتار

    خیال رہے کہ دو روز قبل بلوچستان میں سیکیورٹی فورسز نے کامیاب آپریشن کے دوران کالعدم تنظیموں کے دو اہم کمانڈرز سمیت 12 دہشت گردوں کو حراست میں لے کر بھاری مقدا میں اسلحہ اور گولیاں قبضے میں لے لی تھیں۔

    پاک فوج کے تعلقات عامہ کے شعبے (آئی ایس پی آر) کا کہنا تھا کہ بلوچستان کے علاقوں کوہلو اور سوئی سے کالعدم تنظیموں کے 12 دہشت گرد گرفتار کیا گیا گرفتار ہونے والوں میں اہم کمانڈر ولی خان اور کرغنی بھی شامل ہیں جو ملک دشمن سرگرمیوں میں ملوث تھے۔

    واضح رہے کہ 30 اگست کو پنجاب رینجرز نے حساس اداروں کے ساتھ مل کر مشترکہ آپریشن میں مختلف علاقوں میں کارروائیاں کرتے ہوئے 39 مشتبہ افراد کو حراست میں لیا تھا جن میں 8 غیر قانونی مقیم افغان شہری بھی شامل تھے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • کوئٹہ پولیس پرفائرنگ‘جوابی کارروائی میں3دہشت گرد ہلاک

    کوئٹہ پولیس پرفائرنگ‘جوابی کارروائی میں3دہشت گرد ہلاک

    کوئٹہ: کوئٹہ میں پولیس اورسیکیورٹی فورسزسےفائرنگ کےتبادلے میں 3 دہشت گرد ہلاک ہوگئے۔

    تفصیلات کےمطابق کوئٹہ کےعلاقےعیسیٰ نگری میں مسلح افراد نےپولیس پیٹرولنگ پارٹی پرفائرنگ کردی۔پولیس کی جوابی کارروائی میں3 دہشت گرد ہلاک ہوئے۔

    پولیس نےدہشت گردوں سےملنےوالا اسلحہ بھی اپنےقبضےمیں لےلیا اوران کی لاشوں کوشناخت کےلیےسول اسپتال پہنچا دیا۔

    وزیراعلیٰ بلوچستان نےدہشت گردوں کےخلاف کارروائی پرپولیس کی کارکردگی پراطمینان کا اظہارکیا اورکہا کہ دہشت گردوں کی ہلاکت پولیس کی کارکردگی کا منہ بولتا ثبوت ہے۔

    نواب ثناء اللہ زہری کا کہنا تھا کہ دہشت گردوں کا آخری حد تک پیچھا کریں گےاورانہیں شکست دیں گے۔

    کوئٹہ فائرنگ، ایس پی قائدآباد سمیت 4 پولیس اہلکارشہید

    یاد رہےکہ گزشتہ روزکوئٹہ میں نامعلوم مسلح افراد کی فائرنگ سےایس پی قائد آباد مبارک شاہ سمیت 4 پولیس اہلکار شہید ہوگئے تھے۔

    واضح رہےکہ پولیس کے مطابق فائرنگ کا یہ واقعہ کوئٹہ کےعلاقے کلی دیبہ میں پیش آیاتھاجب مسلح افراد نےعلاقےمیں گشت کرتی پولیس موبائل پرفائرنگ کی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • افغانستان سےپاکستان میں داخل ہونےوالی باروسےبھری گاڑی تباہ

    افغانستان سےپاکستان میں داخل ہونےوالی باروسےبھری گاڑی تباہ

    کرم ایجنسی : سیکورٹی فورسز نے کرم ایجنسی میں افغان بارڈر سے پاکستان میں داخل ہونے والی بارود سے بھری گاڑی کو تباہ کردیا۔

    تفصیلات کےمطابق وفاق کے زیرانتظام قبائلی علاقے کرم ایجنسی میں افغان صوبے پکتیا سے بارود سےبھری گاڑی نے پاکستان میں داخل ہونے کی کوشش کی جس پرسیکورٹی فورسز نے کارروائی کرتے ہوئے گاڑی کوتباہ کردیا۔

    اسسٹنٹ پولیتیکل ایجنٹ شاہد علی خان کےمطابق بارود سے بھری گاڑی کو پاراچنار پہنچانے کی کوشش کی جارہی تھی۔

    کرم ایجنسی دھماکا: 13 افراد جاں بحق، جماعت الاحرار نے ذمہ داری قبول کرلی

    خیال رہےکہ گزشتہ ماہ خیبر ایجنسی کے علاقے وسطی کرم میں سڑک کنارے ہونے والے دھماکے کے نتیجے میں13افراد جان کی بازی ہارگئے تھے۔دھماکے کی ذمہ داری جماعت الاحرار نے قبول کی تھی۔

    چمن : افغان فورسز کی گولہ باری و فائرنگ،10 شہری شہید، 45زخمی

    یاد رہےکہ گزشتہ ماہ صوبہ بلوچستان کےسرحدی شہر چمن میں افغان سرزمین سے گھروں پر گولہ باری اور فائرنگ سے 10 شہری شہید جبکہ خواتین اور بچوں سمیت 45افراد زخمی ہوگئے تھے۔

    پارہ چنار دھماکا‘ 24 افراد شہید‘ متعدد زخمی

    واضح رہےکہ رواں سال مارچ میں کرم ایجنسی کے صدر مقام، پارہ چنار میں ہونے والے بم دھماکے میں 24افراد جاں بحق جبکہ درجنوں افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • لاہور میں سیکورٹی اداروں کی کارروائی‘4افراد گرفتار

    لاہور میں سیکورٹی اداروں کی کارروائی‘4افراد گرفتار

    لاہور: صوبہ پنجاب کےدارالحکومت لاہور میں سیکورٹی اداروں نےدو مختلف علاقوں میں کارروائیوں کےدوران چار افراد کوگرفتار کرلیا۔

    تفصیلات کےمطابق لاہور میں سیکورٹی اداروں نے کارروائیوں کےدوران بیدیاں روڈ اور چئیرنگ کراس سانحات میں ملوث ہونے کےشبہ میں چارافراد کوحراست میں لےلیا۔

    سیکورٹی اداروں نے لاہور کے علاقےبھٹہ چوک سے دو مشتبہ افراد کو حراست میں لیا۔گرفتارملزمان میں ولی خان اوراس کا ساتھی شامل ہے۔

    دونوں افرادکوسانحہ چئیرنگ کراس میں ملوث ہونےکےشبہ میں حراست میں لیا گیا۔

    دوسری جانب سانحہ بیدیاں روڈ میں ملوث ہونےکےشبہ میں بھی دو افرادزیرحراست لیا گیا۔دونوں افرادکوکینٹ کےعلاقے سے گرفتارکیاگیاہے۔زیرحراست ملزمان میں رمضان خان اور ایک افغان باشندہ شامل ہے۔

    خود کش حملہ آور تنہا نہیں آیا،اس کے ساتھ 3ساتھی اور بھی تھے، ایف آئی آر میں انکشاف

    یاد رہےکہ رواں سال فروری میں لاہور میں خودکش دھماکے میں تیرہ افراد جاں بحق اورستر سے زیادہ زخمی ہوگئےتھے،جاں بحق ہونے والوں میں ڈی آئی جی ٹریفک
    اور ایس ایس پی آپریشن سمیت چار اہلکار شامل تھے۔

    لاہور: مردم شماری ٹیم پر خودکش حملہ،5 فوجی اہلکاروں سمیت 7 افراد شہید

    واضح رہےکہ رواں ماہ بیدیاں روڈ پر وین کے قریب دھماکے کے نتیجے میں 5 فوجی اہلکاروں اور مردم شماری کے عملے سمیت 7 افراد جاں بحق 20 کے قریب زخمی ہوگئےتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • آپریشن ردالفساد:قبائلی علاقوں میں کارروائیاں‘اسلحہ،گولہ بارود برآمد

    آپریشن ردالفساد:قبائلی علاقوں میں کارروائیاں‘اسلحہ،گولہ بارود برآمد

    راولپنڈی: آپریشن ردالفساد کے تحت کاروائی کےدوران سیکیورٹی فورسز نے قبائلی علاقوں اورکزئی، پارا چنار، اور دیگر علاقوں سے بڑی تعداد میں بارود،دیسی ساختہ بارودی سرنگیں اور مارٹر گولےبرآمد کرلیے۔

    پاک فوج کےشعبہ تعلقات عامہ کےمطابق سیکورٹی فورسز نےقبائلی علاقوں اورکزئی ایجنسی، پارا چنار، میں سرچ آپریشن کےدوران ہتھیاروں اور دھماکے خیزمواد کی بھاری کھیپ برآمدکی ہے۔

    آئی ایس پی آر کےمطابق برآمد کیے گئے اسلحے اور دھماکے خیز مواد میں راکٹ،دیسی ساختہ بم، بارودی مواد،دستی بم
    موٹر بم اور دیگر اقسام کے ہتھیار اور مواصلاتی آلات شامل ہیں۔

    آئی ایس پی آر کا کہنا ہے کہ اسلحہ،گولہ بارود کو غاروں اور زمین میں چھپایا گیا تھا جبکہ کلایہ میں قائم کالعدم تحریک طالبان پاکستان کے مرکز کو بھی تباہ کردیا گیا۔

    پاک فوج کے شعبہ تعلقات عامہ کےمطابق یہ اسلحہ ممکنہ طورپر تخریب کاری میں استعمال ہونا تھا تاہم اس کو ناکام بنا دیا گیا۔

    لاہورمیں ایسٹرپردہشت گردی کی بڑی کوشش ناکام،آئی ایس پی آر

    یاد رہےکہ گزشتہ روزانٹیلی جنس اداروں نے لاہورمیں ایسٹرکےموقع پردہشتگردی کی بڑی کوشش ناکام بناتےہوئے کارروائی میں ایک دہشت گرد کوہلاک اورخاتون کو گرفتارکیاتھا۔

    ڈی جی خان: رینجرز اورحساس اداروں کی بڑی کارروائی, 10 دہشت گرد ہلاک، 3 جوان شہید

    واضح رہےکہ دوروزقبل جنوبی پنجاب میں بڑے پیمانے پر دہشت گردی کا منصوبہ ناکام بنا دیا گیاتھا،آپریشن میں دس دہشت گرد ہلاک جبکہ تین جوان شہید ہوئےتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ڈی جی خان میں آپریشن‘1سیکورٹی اہلکار شہید‘ 5دہشت گردہلاک

    ڈی جی خان میں آپریشن‘1سیکورٹی اہلکار شہید‘ 5دہشت گردہلاک

    ڈیرہ غازی خان : صوبہ پنجاب کے شہر ڈیرہ غازی خان اور قبائلی علاقوں میں مشترکہ سرچ آپریشن کےدوران پانچ دہشت گرد ہلاک جبکہ 1سیکورٹی اہلکار شہیدہوگیا۔

    تفصیلات کےمطابق ڈیرہ غازی خان اور قبائلی علاقوں میں سیکورٹی اداروں کے مشترکہ سرچ آپریشن کےدوران فائرنگ کے تبادلے میں پانچ دہشت گردہلاک ہوگئے۔

    آئی ایس پی آر کےمطابق دہشت گردوں کی فائرنگ سے سپاہی کامران شہید جبکہ ڈپٹی سپرنٹنٹ ہارون زخمی ہوگئےجنہیں سی ایم ایچ ملتان منتقل کردیاگیا۔

    سیکورٹی ذرائع کےمطابق سرچ آپریشن کےدوران مارے جانے والے دہشت گرد سنگین وارداتوں میں مطلوب تھے۔

    خیال رہےکہ سیکورٹی فورسز کا آپریشن صبح 5بجےسےجاری ہےجس میں رینجرز،پولیس سمیت حساس ادارے حصہ لےرہے ہیں۔

    کوئٹہ میں سیکورٹی فورسزنےدہشت گردی کابڑامنصوبہ ناکام بنادیا

    یاد رہےکہ رات گئے پاک فوج نے کوئٹہ میں دہشت گردی کا بڑامنصوبہ ناکام بناتے ہوئے چمن کےقریب آپریشن کےدوران افغانستان سے پاکستان آنے والے بارود سےبھری گاڑی برآمد کرکے دو دہشت گردوں کوگرفتار کرلیاتھا۔

    آئی ایس پی آر کےمطابق گاڑی کے مختلف حصوں میں 80 کلوگرام دھماکا خیز مواد نصب تھا۔دھماکہ خیزمواد سے بھری گاڑی قندھار میں تیار کی گئی تھی۔

    سی ٹی ڈی کی کارروائی‘ مال روڈ دھماکےکےسہولت کارسمیت 10دہشت گرد ہلاک

    یاد رہےکہ گزشتہ روز لاہور کے علاقے مناواں میں پولیس کے محکمہ انسداد دہشت گردی کی کارروائی میں مال روڈ دھماکے کے سہولت کار سمیت کالعدم تنظیم کے10 دہشت گرد ہلاک ہوگئےتھے۔

    پاک فوج کی سرحد پار کارروائی، اہم کمانڈر سمیت 20 دہشتگرد ہلاک

    واضح رہےکہ رواں سال فروری میں پاک فو ج نے پاک افغان سرحد کے پار کارروائی کرتے ہوئے جماعت الااحرار کے کیمپ تباہ کردیے تھے۔پاک فوج کی کارروائی میں خودکش حملہ آور کو تربیت فراہم کرنے والا اہم کمانڈر رحمان بابا سمیت 20دہشت گرد ہلاک ہوگئےتھے۔

  • شوال میں بارودی سرنگ کا دھماکہ‘ 2اہلکار زخمی

    شوال میں بارودی سرنگ کا دھماکہ‘ 2اہلکار زخمی

    وانا: جنوبی وزیرستان کی تحصیل شوال میں بارود سرنگ کے دھماکے کے نتیجے میں دو سیکورٹی اہلکار زخمی ہوگئے۔

    تفصیلات کےمطابق وفاق کے زیرانتظام جنوبی وزیرستان کے علاقے شوال میں سڑک کنارے بارودی سرنگ کے دھماکے میں 2 سیکورٹی اہلکار زخمی ہوگئے۔

    پولیٹیکل انتظامیہ کےمطابق شوال میں بارودی سرنگ کادھماکہ فورسز کی گاڑی کے قریب ہوا۔

    پارہ چنار دھماکا‘ 24 افراد شہید‘ متعدد زخمی

    خیال رہےکہ دو روز قبل پارہ چنار دھماکے میں 24افراد جاں بحق اور درجنوں افراد زخمی ہوئے تھے،جبکہ پاک فوج کے ہیلی کاپٹر کی مدد سے شدید زخمیوں کو پشاور کے اسپتال متنقل کیاگیاتھا۔

    بعدازاں وزیراعظم نواز شریف نے پارہ چنار دھماکے کی شدید مذمت کرتے ہوئےکہاتھاکہ دہشت گردوں کا نیٹ ورک توڑ دیا گیا ہے‘ اور بچےکچھے دہشت گردوں کو بھی کیفرِ کردار تک پہنچایا جائےگا۔

    سیکیورٹی فورسز کی کارروائی، اہم دہشت گرد محمودالحسن ساتھی سمیت ہلاک،آئی ایس پی آر

    یاد رہےکہ دور روز قبل بلوچستان کے علاقے جنڈولہ میں خفیہ اطلاع پر سرچ آپریشن کیا گیا، ، کارروائی میں اہم دہشت گرد محمودالحسن ساتھی سمیت ہلاک ہوگیا تھا

    آئی ایس پی آر کےمطابق آپریشن میں ہلاک دہشت گردوں کا تعلق کالعدم ٹی ٹی پی سجنا گروپ سےتھا۔

    جنوبی وزیرستان میں بارودی سرنگ کا دھماکہ‘3اہلکارشہید

    واضح رہےکہ رواں سال فروری میں جنوبی وزیرستان کےضلع وانا میں بارودی سرنگ کےدھماکے کےنتیجے میں سیکیورٹی فورسز کے 3اہلکار شہید ہوگئےتھے۔

  • آپریشن ردالفساد : سیکورٹی فورسز کی کارروائیاں‘ درجنوں ملزمان گرفتار

    آپریشن ردالفساد : سیکورٹی فورسز کی کارروائیاں‘ درجنوں ملزمان گرفتار

    راولپنڈی : ملک بھر میں جاری رد الفساد آپریشن کےنتیجے میں قانون نافذ کرنے والے اداروں نےسترسےزائد ملزمان کوگرفتار کرکے اسلحہ برآمد کرلیا۔

    تفصیلات کےمطابق پنجاب سمیت ملک بھرمیں آپریشن ردالفسادکے دوران قانون نافذ کرنے والےاداروں نے70 سےزائدملزمان کو گرفتار کرکےبھاری تعدادمیں اسلحہ برآمدکرلیا۔

    قصورمیں پولیس اورحساس اداروں نے جرائم پیشہ افراد کےخلاف آپریشن کے دوران پچاس ملزمان کو حراست میں لےکر بھاری تعداد میں جدید اسلحہ اور گولیاں برآمد کرلیں۔

    بین المذاہب ہم آہنگی کانفرس میں آپریشن ردالفساد کی حمایت

    دوسری جانب لیاقت پورکےمختلف علاقوں میں سرچ آپریشن کےدوران چارملزمان گرفتار،مقدمہ درج کرلیاگیا۔ بہاولپورکےپانچ مختلف مقامات میں آپریشن ،ایک سواڑتیس مشتبہ افرادکی بائیومیٹرک تصدیق کی گئی۔

    مزید پڑھیں: آپریشن ردالفساد، درجنوں مشتبہ افراد گرفتار، اسلحہ برآمد

    ادھرکراچی کےعلاقےملیرکینٹ میں پولیس نےمقابلےکےبعد ایک ملزم کوگرفتارکرکےاسلحہ اورمسروقہ سامان برآمدکرلیاجبکہ درخشاں پولیس نےخیرپورپولیس کومطلوب دوملزم کوگرفتارکرلیا۔

    شہرقائدمیں خواجہ اجمیر نگری میں پولیس کی کارروائی کےدوران غیرقانونی طور پر مقیم افغان باشندہ گرفتارمقدمہ درج کرلیا۔گلبہار پولیس نےدوملزمان کوگرفتار کرکےاسلحہ اور مسروقہ موٹرسائیکل برآمدکرلی۔

    واضح رہےکہ دادو میں پولیس نےمدرسہ بدرالعلوم سمیت مختلف علاقوں میں سرچ آپریشن کےدوران قتل کےمقدمےمیں مطلوب ملزم سمیت بارہ ملزمان کوگرفتارکرکےاسلحہ برآمدکرلیا۔

  • کچھ لوگ مذہب کاغلط استعمال کرکےملک میں افراتفری چاہتےہیں‘ وزیرداخلہ

    کچھ لوگ مذہب کاغلط استعمال کرکےملک میں افراتفری چاہتےہیں‘ وزیرداخلہ

    لورالائی :وفاقی وزیرداخلہ چوہدری نثار کا کہناہےکہ کچھ لوگ ہیں جو بلوچستان اور پاکستان میں امن نہیں چاہتے۔

    تفصیلات کےمطابق بلوچستان کے علاقےلورالائی میں ایف سی کی پاسنگ آؤٹ پریڈ سے خطاب کرتے ہوئے وفاقی وزیرداخلہ چوہدری نثار علی خان کا کہنا تھا کہ یہ عام وردی نہیں اس یونیفارم کی آن بان میں شہیدوں کا خون شامل ہے۔

    چوہدری نثار علی خان نے کہاکہ کچھ لوگ نہیں چاہتے ہیں کہ ہمارے بچے خوش و خرم زندگی گزاریں۔انہوں نےکہاکہ خوشی ہے کہ ایف سی اپنی ذمے داری سے بڑھ کر کردار ادا کررہی ہے۔

    وفاقی وزیرداخلہ کا کہناتھاکہ بلوچستان کے عوام نے بڑے مسائل دیکھے ہیں اور بہت قربانیاں دی ہیں،انہوں نےکہاکہ جب سے منصب سنبھالاہے ہمیشہ کہاکہ یہ آپ کے لوگ ہیں ان سے محبت سے پیش آئیں۔

    مزید پڑھیں:خطرہ سرحدوں کے ساتھ اندر چھپے دشمن سے بھی ہے، چوہدری نثار

    چوہدری نثار علی خان نےکہاکہ سول فورسز پاک فوج کے ساتھ سرحد پر دشمن کا مقابلہ کرتی ہیں،سول فورسز اندرون ملک پولیس کے ساتھ کردار ادا کررہی ہیں، ایف سی اس اچھے کام کو جاری رکھے۔

    واضح رہےکہ وزیرداخلہ چوہدری نثار کا کہناتھاکہ ترقی بلوچستان اور پاکستان کو آواز دے رہی ہے اور حکومت نے 2سال میں عام بجٹ کے علاوہ بھی سیکیورٹی پر 70 ارب روپے خرچ کیے ہیں۔

  • آپریشن ردالفساد: سیکورٹی فورسز کی کارروائیاں‘ 31افرادگرفتار

    آپریشن ردالفساد: سیکورٹی فورسز کی کارروائیاں‘ 31افرادگرفتار

    راولپنڈی : ملک بھرنیشنل ایکشن پلان کےتحت سیکورٹی اداروں نےکارروائیوں کے دوران 31افراد کوگرفتار کرکے اسلحہ برآمد کرلیا۔

    تفصیلات کےمطابق دہشت گردوں کےخلاف ملک میں نیشنل ایکشن پلان کے تحت سیکورٹی اداروں نے کارروائیوں کےدوران فیصل آباد،شکار پورسمیت دیگر شہروں سے درجنوں افراد کو گرفتار کرلیا۔

    آپریشن ردالفساد کے تحت خانیوال میں سرچ آپریشن کے دوران سو سے زائد افراد کی بائیو میٹر ک تصدیق کی گئی،اس دوران پانچ مشتبہ افراد سےاسلحہ برآمد ہونے پر انہیں حراست میں لےلیا گیا۔

    دوسری جانب انسداد دہشت گردی پولیس نے فیصل آباد سے کالعدم ٹی ٹی پی کے خطرناک دہشت گرد کو گرفتارکرکے اس کے قبضےسےدو خودکش جیکٹس، ڈیٹونیٹر اورایک کلو بارودی مواد برآمد کیاہے

    آپریشن رد الفساد: ملک بھر سے درجنوں مجرمان گرفتار، اسلحہ برآمد

    سی ٹی ڈی حکام کے مطابق کالعدم تنظیم کا دہشت گرد حساس تنصیبات کو نشانہ بنانے کی منصوبہ بندی کر رہا تھا۔

    ادھر پنجاب کےشہرقصور میں سرچ آپریشن کےدوران سترہ مشتبہ افراد سمیت 33 ملزمان کو حراست میں لیا گیاجبکہ ٹوبہ ٹیک سنگھ سے2مشکوک افراد پکڑے گئے۔

    آپریشن ردالفساد کےتحت سیکورٹی فورسز کی جانب سے صوبہ سندھ کےشہرشکار پور میں سرچ آپریشن کے دوران چھ ملزم گرفتارکرلیےگئے۔

    واضح رہےکہ گزشتہ روز ملک کے مختلف شہروں میں آپریشن رد الفساد کے دوران درجنوں جرائم پیشہ افراد کو گرفتار کرکےملزمان سےاسلحہ، شناختی کارڈ، موبائل فون اور سمیں برآمد کرلی گئی تھیں۔