بالی وڈ اداکار اور کترینہ کیف کے شوہر وکی کوشل نے سلمان خان کی سیکیورٹی کی جانب سے پیچھے دھکیلنے پر بالآخر خاموشی توڑ دی۔
گزشتہ روز اداکار وکی کوشل اور سلمان خان کی ایک ویڈیو سوشل میڈیا پر وائرل ہورہی تھی جس میں سلمان خان عرف سلو بھائی کی سیکیورٹی نے اداکار وکی کوشل کو ان کی آمد پر پیچھے دھکیل دیا تھا۔
بھارت کی سوشل میڈیا پیچ پر وائرل ہونے والی ویڈیو میں دیکھا گیا کہ جب سلمان خان آرہے تھے تو اس دوران وکی کوشل کے مداح ان کے ساتھ سیلفیز بنورہے تھے اور وہاں سے سلمان خان، وکی کوشل کی اہلیہ، کترینہ کیف کے سابق بوائے فرینڈ سلمان خان کا گزر ہوتا ہے۔
سلمان خان کی سیکیورٹی نے وکی کوشل کو پیچھے دھکیل دیا، ویڈیو وائرل
ویڈیو میں دیکھا جا سکتا ہے کہ وکی کوشل کو سلمان خان کی سیکیورٹی اہلکار پیچھے دھکیل دیتے ہیں جبکہ اس دوران وکی کوشل سلمان خان سے بات کرنے کی کوشش بھی کرتے ہیں تاہم ان کی سیکیورٹی وکی کو پیچھے کی طرف ہی رکھتے ہیں۔
View this post on Instagram
ویڈیو سوشل میڈیا پر وائرل ہونے کے بعد دونوں اداکار کے مداحوں نے مختلف تبصرہ کرنا شروع کردیا تاہم اب خود کترینہ کیف کے شوہر و اداکار وکی کوشل نے اس ویڈیو سے متعلق سوال پر ردعمل دیا ہے۔
اداکار وکی کوشل نے پاپرازی سے بات کرتے ہوئے ویڈیو کے بارے میں وضاحت کی اور کہا کہ ہمارے یہاں بہت سی ایسی چیزیں گردش کررہی ہوتی ہیں جس کی کوئی اہمیت نہیں ہوتی، تو اس بارے میں بات کرکے کوئی فائدہ نہیں ہے۔
View this post on Instagram
اداکارہ کترینہ کیف کے شوہر وکی کوشل نے کہا کہ چیزیں حقیقت میں ایسی نہیں ہوتی جیسی وہ ویڈیو میں نظر آتی ہیں تو اس پر بات کرنے کا کوئی فائدہ نہیں ہے۔
اسی دوران سلمان خان اداکار وکی کے پیچھے آتے ہیں اور دونوں ایک دوسرے کو گرمجوشی سے گلے لگاتے ہیں۔
