Tag: سیکیورٹی فورسز

دتہ خیل : سیکیورٹی فورسز نے شمالی وزیرستان میں انٹیلی جنس بیسڈ آپریشن کے دوران 14بھارتی اسپانسرڈ خارجیوں کو ہلاک کردیا۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ شمالی وزیرستان کے علاقے دتہ خیل میں سیکیورٹی فورسز نے فتنہ الخوارج کی موجودگی کی اطلاعات پر انٹیلی جنس بیسڈ آپریشن کیا۔

آئی ایس پی آر کا کہنا تھا کہ دو اور تین جون کو کئے گئے آپریشن میں سیکیوٹی فورسز نے دہشت گردوں کے ٹھکانے کو مؤثر طریقے سے نشانہ بنایا۔

ترجمان نے کہا کہ آپریشن کے دوران شدید فائرنگ کے تبادلے میں چودہ بھارتی حمایت یافتہ خوارج مارے گئے، جس کے بعد علاقے میں ممکنہ خوارج کے خاتمے کیلئے کلیئرنس آپریشن بھی کیا گیا۔

آئی ایس پی آر کا کہنا ہے سیکیورٹی فورسز بھارتی سرپرستی میں دہشت گردی کے خاتمے کے لئے پرعزم ہیں ۔۔

وزیراعظم شہبازشریف نے بھارتی حمایت یافتہ فتنہ الخوارج کے چودہ دہشت گردوں کو جہنم رسید کرنے پر سیکیورٹی فورسز کو خراج تحسین پیش کیا۔

وزیراعظم کا کہنا تھا انسانیت کے دشمن دہشت گردوں کے مذموم عزائم خاک میں ملا دیں گے،سیکیورٹی فورسز کی پیشہ ورانہ مہارت کی بدولت ہم دہشت گردی کی عفریت کو جڑ سے اکھاڑ پھینکیں گے، حکومت اور سیکیورٹی فورسز ملک سے دہشتگردی کے مکمل خاتمے کے لیے پر عزم ہیں۔

وزیرداخلہ محسن نقوی نے بھی بھارتی اسپانسرڈفتنہ الخوارج کیخلاف کامیاب آپریشن پرفورسزکو خراج تحسین پیش کرتے ہوئے آپریشن پرفورسزکی پیشہ وارانہ صلاحیتوں کوسراہا۔

ان کا کہنا تھا کہ فورسز کو 14 بھارتی حمایت یافتہ دہشتگردوں کوجہنم واصل کرکےبڑی کامیابی ملی، دہشت گردوں کے ناپاک ارادوں کو ناکام بنانے پر فورسز کوسلام پیش کرتے ہیں۔

یاد رہے گذشتہ روز سیکیورٹی فورسز کے بلوچستان میں فتنہ الہندوستان کیخلاف مختلف علاقوں میں دو آپریشنز کے دوران 7 دہشتگردہلاک کر دیے گئے تھے۔

راولپنڈی : سیکیورٹی فورسز نے پاک افغان بارڈر پر کامیاب فالو اپ آپریشنز میں 17 خوارجی ہلاک کردیئے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا کہ سیکیورٹی فورسز کے پاک افغان بارڈر پر کامیاب فالو اپ آپریشنز میں 17خوارجی مارے گئے۔

آئی ایس پی آر کا کہنا تھا کہ ہلاک خوارج سے ہتھیار ،گولیاں اور دھماکا خیز مواد برآمد ہوا ہے۔

ترجمان نے کہا کہ گزشتہ روز پاک افغان بارڈر پر کارروائی میں 54 خوارج مارے گئے تھے جبکہ گزشتہ تین روز میں سیکیورٹی فورسز کی کارروائیوں میں 71 خوارج ہلاک ہوئے۔

مزید پڑھیں : پاک افغان بارڈر سے دراندازی کی کوشش ناکام، کارروائی میں 54 خارجی ہلاک

پاک ترجمان نے بتایا کہ فورسز دہشت گردی کی ہر کوشش کو ناکام بنانے کیلئے پرعزم ہیں ، سیکیورٹی فورسز ملکی امن وا ستحکام و ترقی کو سبوتاژ نہیں ہونے دیں گے۔

یاد رہے گذشتہ روز سیکیورٹی فورسز نے پاک افغان بارڈر سے خارجیوں کی دراندازی کی کوشش ناکام بنائی تھی، جس میں فوری جوابی کارروائی میں 54 خارجی مارے گئے تھے، ہلاک خارجیوں سے ہتھیار اور دھماکا خیز مواد بھی برآمد ہوا تھا۔

ترجمان کا کہنا تھا کہ دراندازی کی کوششیں ریاست اور اس کے شہریوں سے غداری ہے۔ ہلاک خارجی غیر ملکی آقاؤں کے حکم پر پاکستان میں بڑی دہشتگردی کرنا چاہتے تھے۔ قومی سلامتی کمیٹی اجلاس میں سیکیورٹی فورسز کی کوششوں سے متعلق بات ہوئی۔