ARYNews.tv | Urdu – Har Lamha Bakhabar

Tag: سیکیورٹی فورسز

  • شمالی وزیرستان میں سیکیورٹی فورسز کا آپریشن، دہشت گرد ہلاک

    شمالی وزیرستان میں سیکیورٹی فورسز کا آپریشن، دہشت گرد ہلاک

    پشاور: صوبہ خیبر پختونخواہ کے ضلع شمالی وزیرستان میں سیکیورٹی فورسز نے خفیہ اطلاع پر آپریشن کیا جس میں ایک دہشت گرد مارا گیا۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ سیکیورٹی فورسز نے شمالی وزیرستان کے علاقے بویا میں خفیہ اطلاع پر آپریشن کیا۔

    آئی ایس پی آر کا کہنا ہے کہ فائرنگ کے تبادلے میں ایک دہشت گرد مارا گیا، مارے جانے والے دہشت گرد سے ہتھیار اور گولیاں برآمد ہوئیں۔

    آئی ایس پی آر کے مطابق علاقے میں مزید دہشت گردوں کی ممکنہ موجودگی پر آپریشن جاری ہے۔

    یاد رہے کہ اس سے قبل 17 اور 18 اگست کی درمیانی شب جنوبی وزیرستان میں دہشت گردوں نے فوجی چوکی پر فائرنگ کی تھی، فائرنگ کے نتیجے میں نائب صوبیدار سونے زئی شہید ہوگئے تھے۔

    آئی ایس پی آر کا کہنا تھا کہ شدید فائرنگ کے تبادلے میں ایک دہشت گرد بھی ہلاک ہوگیا تھا۔

  • سیکیورٹی فورسز کا آپریشن ، 2 انتہائی مطلوب دہشت ہلاک ، ایک جوان شہید

    سیکیورٹی فورسز کا آپریشن ، 2 انتہائی مطلوب دہشت ہلاک ، ایک جوان شہید

    راولپنڈی: بلوچستان کے ضلع خاران میں سیکیورٹی فورسز کے آپریشن کےدوران2انتہائی مطلوب دہشت گرد مارےگئے جبکہ ایف سی بلوچستان کا ایک جوان بھی شہید ہوا۔

    پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان میں خاران کے علاقے ہلمرگ میں آپریشن کیا، آپریشن کے دوران2  انتہائی مطلوب دہشت گردمارےگئے جبکہ فائرنگ کے تبادلےمیں ایف سی بلوچستان کا ایک جوان بھی شہید ہوا۔

    آئی ایس پی آر کا کہنا ہے کہ دوران آپریشن بڑی تعدادمیں اسلحہ،گولیاں ودیگرسامان قبضےمیں لےلیاگیا ، شہیدہونےوالےسپاہی فداالرحمان چترال کےرہائشی تھے۔

    فورسزمادروطن کیخلاف ہرسازش ناکام بنانےکیلئےپرعزم ہیں ، بلوچستان میں قربانیوں سےحاصل امن واستحکام کوہرقیمت پر یقینی بنایا جائے گا۔

    یاد رہے گذشتہ ماہ سیکیورٹی فورسز کی جانب سے شمالی وزیرستان کے علاقے دوسلی میں آپریشن کے دوران 2 دہشت گرد مارے گئے تھے جبکہ دہشت گردوں سے فائرنگ کے تبادلے میں کیپٹن فہیم، سپاہی شفیع اور سپاہی نسیم شہید ہوئے تھے۔

  • سیکیورٹی فورسز کا آواران میں آپریشن، 4 دہشت گرد ہلاک ، کئی ٹھکانے تباہ

    سیکیورٹی فورسز کا آواران میں آپریشن، 4 دہشت گرد ہلاک ، کئی ٹھکانے تباہ

    کوئٹہ : سیکیورٹی فورسز نے آواران میں آپریشن کے دوران 4 دہشت گردوں کو ہلاک کردیا اور کئی ٹھکانے تباہ کرکے بڑی تعداد میں اسلحہ اور مواصلاتی آلات برآمد کرلیا۔

    پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے آواران میں خفیہ اطلاعات پر آپریشن کیا ، آپریشن وسطی مکران میں دہشت گردوں کی موجودگی کی اطلاع پر کیا گیا۔

    آئی ایس پی آر کا کہنا ہے کہ آپریشن کے دوران فائرنگ کےتبادلے میں4 دہشت گرد ہلاک ہوئے اور دہشت گردوں کے کئی ٹھکانے تباہ کردئیے گئے جبکہ ٹھکانے سے بڑی تعداد میں اسلحہ اور مواصلاتی آلات برآمد کرلیا گیا۔

    مزید پڑھیں : سیکورٹی فورسز کا شمالی وزیرستان میں بڑا آپریشن، 5 دہشت گرد ہلاک، 10 گرفتار

    یاد رہے رواں ماہ 7 ستمبر کو شمالی وزیرستان کے علاقے میر علی میں سیکورٹی فورسز نے دہشت گردوں کے خلاف انٹیلی جنس کی بنیاد پر آپریشن کیا تھا ، اس کارروائی میں دہشت گرد تنظیم کا وسیم زکریا 5 ساتھیوں سمیت ہلاک ہو گیا تھا۔

    پاک فوج کے شعبہ تعلقات عامہ کا کہنا تھا کہ انٹیلی جنس بیسڈ آپریشن کے دوران 10 دہشت گردوں کو گرفتار کرلیا ہے ، کمانڈر وسیم زکریا کا تعلق میر علی کے علاقے حیدر خیل سے تھا، مطلوب دہشت گرد وسیم 30 مختلف کارروائیوں کا ماسٹر مائنڈ تھا، وہ ٹارگٹ کلنگ کی مختلف وارداتوں میں بھی ملوث تھا۔

  • شمالی وزیرستان: سیکیورٹی فورسز کا آپریشن، 9 دہشت گرد ہلاک، 2 جوان شہید

    شمالی وزیرستان: سیکیورٹی فورسز کا آپریشن، 9 دہشت گرد ہلاک، 2 جوان شہید

    راولپنڈی: شمالی وزیرستان میں آپریشن کے دوران 9 دہشت گرد ہلاک ہوگئے جبکہ فائرنگ کے تبادلے میں 2 اہلکار شہید ہوگئے۔

    پاک فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقے دوسالی، خیسورہ میں خفیہ اطلاع پر آپریشن کے دوران فائرنگ کے تبادلے میں 9 دہشت گرد مارے گئے جبکہ ایک دہشت گرد گرفتار کرلیا گیا۔

    آئی ایس پی آر کا کہنا تھا کہ دہشت گردوں کی فائرنگ سے 2 اہلکار شہید اور 5 زخمی ہوگئے۔ شہید لانس نائیک عبدالوحید کاتعلق مظفرآباد سے ہے،شہید سپاہی سقم داد کا تعلق ایبٹ آباد سے ہے۔

    شمالی وزیرستان : دہشت گردوں کا چیک پوسٹ پرحملہ، 5 دہشت گرد ہلاک،ایک جوان شہید

    اس سے قبل گزشتہ ہفتے 20 اپریل کو آئی ایس پی آر کا کہنا تھا کہ شمالی وزیرستان کے علاقے میران شاہ سے دس کلومیٹر دور دہشت گردوں نے سیکیورٹی فورسز کی چیک پوسٹ پر حملہ کیا تھا جس کے نتیجے میں 5 دہشت گرد ہلاک جبکہ ایک جوان شہید اور 3 زخمی ہوئے تھے۔

    شمالی وزیرستان، سیکیورٹی فورسز کی کارروائی، 2 دہشت گرد مارے گئے

    یاد رہے کہ رواں ماہ 13 اپریل کو شمالی وزیرستان کے علاقے دتہ خیل میں کارروائی کے دوران سیکیورٹی فورسز سے فائرنگ کے تبادلے میں 2 دہشت گرد مارے گئے تھے۔

  • جب قوم متحد ہوتی ہے تو دہشت گرد خود بھاگ جاتے ہیں، شوکت یوسفزئی

    جب قوم متحد ہوتی ہے تو دہشت گرد خود بھاگ جاتے ہیں، شوکت یوسفزئی

    پشاور: وزیر اطلاعات خیبرپختونخوا شوکت یوسفزئی کا کہنا ہے کہ جب قوم متحد ہوتی ہے تو دہشت گرد خود بھاگ جاتے ہیں۔

    تفصیلات کے مطابق وزیراطلاعات خیبرپختونخوا شوکت یوسفزئی نے اسلامیہ کالج میں گفتگو کرتے ہوئے کہا کہ پشاور دھماکے میں 11 افراد زخمی ہوئے، 10 زیرعلاج ہیں۔

    شوکت یوسفزئی نے کہا کہ دہشت گردوں کے مقاصد کبھی پورے نہیں ہوسکتے ہیں، سیکیورٹی فورسز الرٹ ہیں، پہلے کی نسبت دہشت گردی میں نمایاں کمی آئی ہے۔

    صوبائی وزیر اطلاعات نے کہا کہ سانحہ اے پی ایس کو 5 سال پورے ہوگئے، مگر زخم نہیں بھرے، دہشت گردوں نے معصوم بچوں پر جو ظلم ڈھایا اسے نہیں بھولے۔

    وزیر اطلاعات شوکت یوسفزئی نے کہا کہ جب قوم متحد ہوتی ہے تو دہشت گرد خود بھاگ جاتے ہیں، دہشت گردی جہاں بھی ہو اس کا خاتمہ کر کے دم لیں گے۔

    واضح رہے کہ آج صبح پشاور ہائی کورٹ کی پارکنگ میں دھماکے سے پولیس اہلکار سمیت 11 افراد زخمی ہوگئے۔ بم ڈسپوزل یونٹ کی ابتدائی رپورٹ کے مطابق رکشے میں 4 کلو گرام دیسی ساختہ بارودی مواد نصب کیا گیا تھا۔

    پولیس حکام کے مطابق زخمیوں کو لیڈی ریڈنگ اسپتال منتقل کیا گیا، تمام زخمیوں کی حالت خطرے سے باہر ہے۔

  • سیکیورٹی فورسزکا بنیادی فوکس بلوچستان کی طرف ہے، ڈی جی آئی ایس پی آر

    سیکیورٹی فورسزکا بنیادی فوکس بلوچستان کی طرف ہے، ڈی جی آئی ایس پی آر

    واشنگٹن: ڈی جی آئی ایس پی آر میجر جنرل آصف غفور کا کہنا ہے کہ افواج پاکستان نے سرحدوں کا بہادری سے بھرپور دفاع کیا، پاکستان کی داخلی سلامتی صورت حال پہلے سے بہترہے

    تفصیلات کے مطابق واشنگٹن میں پاکستانی سفارت خانے میں میڈیا سے گفتگو کرتے ہوئے ڈی جی آئی ایس پی آر نے کہا کہ آرمی چیف وزیراعظم عمران خان کے ہمراہ وائٹ ہاؤس ملاقات میں شرکت اور پینٹاگون میں امریکی فوجی قیادت سے ملاقاتیں کریں گے۔

    میجر جنرل آصف غفور نے کہا کہ پاکستان کی داخلی سلامتی صورت حال پہلے سے بہت بہتر ہے، پاکستانی عوام اور سیکیورٹی فورسز کی کوششیں اور قربانیاں رنگ لا رہی ہیں۔

    انہوں نے کہا کہ پاک افغان سرحد پر باڑ لگانے سے سرحدی کنٹرول میں بہتری آ رہی ہے، سرحدی باڑ لگنے سے دہشت گردی کے واقعات بتدریج کم ہوں گے۔

    ڈی جی آئی ایس پی آر نے کہا کہ دہشت گردی سے متاثرہ علاقوں میں سول انتظامیہ کے ساتھ مل کر بحالی کا کام جاری ہے۔

    میجر جنرل آصف غفور نے کہا کہ بلوچستان میں حکومتی ترقیاتی منصوبے فوج کی مدد سے جاری ہیں، سیکیورٹی فورسز کا بنیادی فوکس بلوچستان کی طرف ہے۔

    ڈی جی آئی ایس پی آر نے مزید کہا کہ بیرون ملک پاکستانی میڈیا کا پاکستان کے مثبت امیج کو اجاگر کرنے میں اہم کردار ہے۔

  • بلوچستان میں سیکیورٹی فورسز کی کارروائی، بھاری مقدار میں گولہ بارود برآمد

    بلوچستان میں سیکیورٹی فورسز کی کارروائی، بھاری مقدار میں گولہ بارود برآمد

    اسلام آباد: پاک فوج کے شعبہ تعلقات عامہ (آئی ایس پی آر) کا کہنا ہے کہ بلوچستان میں سیکیورٹی فورسز کی جانب سے کارروائی کی گئی جس میں بھاری مقدار میں گولہ بارود، راکٹ، بارودی سرنگیں اور مارٹر گولے برآمد کیے گئے۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کا کہنا ہے کہ آپریشن رد الفساد کے تحت سیکیورٹی فورسز نے بلوچستان میں کارروائی کی۔ خفیہ اطلاعات پر کی جانے والی کارروائی سبی اور کوہلو کے درمیان بھمبر کی پہاڑیوں پر کی گئی۔

    آئی ایس پی آر کا کہنا ہے کہ کارروائی کے دوران بھاری مقدار میں گولہ بارود، راکٹ، بارودی سرنگیں اور مارٹر گولے برآمد کیے گئے۔

    خیال رہے کہ چند روز قبل ہی بلوچستان کے علاقے لورالائی میں سیکیورٹی فورسز کی کارروائی میں 2 خودکش بمباروں سمیت 4 دہشت گرد ہلاک ہوگئے تھے۔

    لورالائی میں سیکیورٹی فورسز نے خفیہ معلومات پر آپریشن کیا تھا جس میں 2 خودکش بمباروں سمیت 4 دہشت گرد ہلاک ہوگئے تھے۔ آئی ایس پی آر کے مطابق کارروائی میں بلوچستان میں حالیہ دہشت گردی کا ماسٹر مائنڈ بھی ہلاک ہوا۔

    ہلاک دہشت گردوں سے بھاری مقدار میں گولہ بارود بھی برآمد کیا گیا۔ آپریشن کے دوران 4 سیکیورٹی اہلکار بھی معمولی زخمی ہوئے۔

  • لورالائی میں سیکیورٹی فورسز کی کارروائی، 2 خودکش بمباروں سمیت 4 دہشت گرد ہلاک

    لورالائی میں سیکیورٹی فورسز کی کارروائی، 2 خودکش بمباروں سمیت 4 دہشت گرد ہلاک

    اسلام آباد: پاک فوج کے شعبہ تعلقات عامہ آئی ایس پی آر کے مطابق صوبہ بلوچستان کے علاقے لورالائی میں سیکیورٹی فورسز کی کارروائی میں 2 خودکش بمباروں سمیت 4 دہشت گرد ہلاک ہوگئے۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ آپریشن ردالفساد کے تحت صوبہ بلوچستان کے علاقے لورالائی میں سیکیورٹی فورسز نے خفیہ معلومات پر آپریشن کیا جس میں 2 خودکش بمباروں سمیت 4 دہشت گرد ہلاک ہوگئے۔

    آئی ایس پی آر کے مطابق کارروائی میں بلوچستان میں حالیہ دہشت گردی کا ماسٹر مائنڈ بھی ہلاک ہوگیا۔ ہلاک ماسٹر مائنڈ کا تعلق کالعدم تحریک طالبان پاکستان سے تھا۔

    آئی ایس پی آر کا کہنا ہے کہ دہشت گرد زیارت میں 6 لیویز اہلکاروں کو شہید کرنے میں ملوث تھے۔ ہلاک دہشت گردوں سے بھاری مقدار میں گولہ بارود بھی برآمد کیا گیا۔ آپریشن کے دوران 4 سیکیورٹی اہلکار بھی معمولی زخمی ہوئے۔

    سیکیورٹی فورسز کی جانب سے مذکورہ کامیاب کارروائی علی الصبح کی گئی جب خفیہ اطلاع پر لورالائی کے علاقے ناصر آباد میں مکان پر چھاپہ مارا گیا، اس دوران کمپاؤنڈ میں موجود دہشت گردوں نے سیکیورٹی اہلکاروں پر فائرنگ کی۔

    اے ایس پی عطا الرحمٰن کے مطابق دھماکے سے ساتھ والے گھر کی دیوار بھی گر گئی جس کے نتیجے میں 4 افراد زخمی ہوئے جنہیں ملبے سے نکال کر طبی امداد کے لیے سول اسپتال منتقل کیا گیا۔

    مزید پڑھیں: لورالائی حملے میں 3 اہلکاروں سمیت 9 افراد شہید

    یاد رہے کہ 29 جنوری کو بلوچستان میں ہی ڈی آئی جی ژوب رینج کے دفتر پر دہشت گردوں نے حملہ کیا تھا جس میں پولیس اہل کاروں سمیت 9 افراد شہید جب کہ 20 افراد زخمی ہوگئے تھے۔

    مزید پڑھیں: بلوچستان میں ایف سی کی کارروائی، 2 دہشت گرد ہلاک

    اس سے قبل 11 جنوری کو آپریشن ردالفساد کے تحت ایف سی نے قلات، خاران اور میواند میں مشتبہ ٹھکانوں پر کارروائی کرتے ہوئے 2 دہشت گردوں کو ہلاک کردیا تھا۔

  • پی ایس ایل میں شاندار کامیابی پر وزیراعظم عمران خان کی کوئٹہ گلیڈی ایٹرزکومبارکباد

    پی ایس ایل میں شاندار کامیابی پر وزیراعظم عمران خان کی کوئٹہ گلیڈی ایٹرزکومبارکباد

    اسلام آباد : وزیراعظم عمران خان نے پی سی بی منتظمین اور سیکیورٹی فورسز کو پی ایس ایل کے انعقاد اور شاندار کامیابی پر کوئٹہ گلیڈی ایٹرز کو مبارکباد دیتے ہوئے کہا انشاللہ اگلاپورااپی ایس ایل پاکستان میں ہوگا۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں پی سی بی منتظمین اور سیکیورٹی فورسز کو پاکستان میں پی ایس ایل کے انعقاد پر مبارکباد دی۔

    وزیراعظم نے کہا کوئٹہ گلیڈی ایٹرز ، ان کے منیجر اور میرے دوست ویوین رچرڈ کو شاندارجیت پر مبارکباد دیتا ہوں، انشاللہ اگلا پورا اپی ایس ایل پاکستان میں ہوگا۔

    یاد رہے آرمی چیف جنرل قمر جاوید باجوہ نے پی ایس ایل فائنل کے کامیاب انعقاد پر سیکیورٹی اداروں، ٹیموں اور کراچی کے عوام کو مبارک باد پیش کرتے ہوئے کہا ہے تھا کہ اللہ کے فضل و کرم سے یہ ممکن ہوا، اللہ پاکستان کو اپنی رحمتوں کے سائے میں رکھے اور اللہ ہمیشہ پاکستان پر اپنی نعمتیں نازل کرتا رہے، آمین

    مزید پڑھیں : پی ایس ایل کا کامیاب انعقاد، اللہ ہمیشہ پاکستان پر اپنی نعمتیں نازل کرتا رہے، آرمی چیف

    واضح رہے کہ پی ایس ایل فائنل میچ میں کوئٹہ گلیڈی ایٹرز کی ٹیم نے پشاور زلمی کو 8 وکٹوں سے شکست دے کر پی ایس ایل سیزن فور کا ٹائٹل اپنے نام کرلیا ہے۔

    خیال رہے کہ پاکستان سپر لیگ سیزن فور کے آٹھ میچز کراچی میں کھیلے گئے، غیرملکی کھلاڑیوں نے بھی پاکستان کو پر امن ملک قرار دیا اور کراچی میں کھیلے جانے والے میچز میں شرکت کی ، پی ایس ایل میچز کے دوران سیکیورٹی کے سخت انتظامات کیے گئے تھے۔

    اس سے قبل وزیراعظم پاکستان عمران خان نے اعلان کیا ہے کہ آئندہ سال پی ایس ایل کے تمام میچز پاکستان میں کھیلے جائیں گے۔

  • آپریشن ردالفساد : دو دہشت گرد اور تین سہولت کار گرفتار، ملزمان سے اسلحہ برآمد

    آپریشن ردالفساد : دو دہشت گرد اور تین سہولت کار گرفتار، ملزمان سے اسلحہ برآمد

    مانسہرہ : سیکیورٹی فورسز نے آپریشن ردالفساد کے تحت مانسہرہ میں کارروائی کے دوران دو دہشت گرد اور ان کے 3سہولت کاروں کو گرفتار کرکے ملزمان سے اسلحہ برآمد کرلیا گیا۔

    تفصیلات کے مطابق دہشت گردوں اور فسادیوں کے خلاف آپریشن ردالفساد ملک بھر میں کامیابی سے جاری ہے، اس سلسلے میں پاک فوج کے شعبہ تعلقات عامہ آئی ایس پی آر کا کہنا ہے کہ سیکیورٹی فورسز کو مانسہرہ میں کیے جانے والے آپریشن ردالفساد میں ایک بہت بڑی کامیابی ملی ہے۔

    سیکیورٹی فورسز نے پولیس کے ہمراہ مانسہرہ میں خفیہ اطلاع پر کامیاب کارروائی کی، اس دوراندو دہشت گرد اور ان کے 3سہولت کاروں کو گرفتار کرلیا گیا۔

    آئی ایس پی آر کے مطابق گرفتار ملزمان ضلع ہزارہ میں دہشت گردی کی متعدد کارروائیوں میں ملوث ہیں اس کے علاوہ گرفتار دہشت گرد پولیس اہلکاروں کی ٹارگٹ کلنگ اور ملٹری قافلوں پر حملوں میں بھی ملوث ہیں اور دہشت گردوں نے سیکیورٹی اہلکاروں کے علاوہ امام بارگاہوں پر بھی حملے کیے۔

    قبل ازیں رواں سال جنوری میں آپریشن ردالفساد کے تحت ایف سی نے قلات، خاران میواند میں مشتبہ ٹھکانوں پر اہم کارروائیاں کی تھیں، مذکورہ کارروائیوں کے دوارن دو دہشت گرد ہلاک جبکہ بھاری تعداد میں اسلحہ اور بارود مواد برآمد کیا گیا تھا۔

    مزید پڑھیں: آپریشن ردالفساد، فورسز کی اہم کارروائی، بھاری مقدار میں دھماکہ خیزمواد برآمد

    خیال رہے کہ گزشتہ سال ستمبر میں سیکیورٹی فورسز نے بلوچستان میں انٹیلی جنس بیسڈ آپریشن کیا تھا، جس کے نتیجے میں لشکر جھنگوی اور داعش کے 3 انتہائی مطلوب دہشت گرد مارے گئے تھے ۔

    علاوہ ازیں ماضی میں بلوچستان میں کارروائیوں کے دوران بڑی مقدار میں دھماکہ خیز مواد اور اسلحہ برآمد کیا جاچکا ہے جب کہ ایف سی متعدد دہشت گردوں کو گرفتار بھی کرچکی ہے۔