Tag: سیکیورٹی فورسز

ہنگو: اورکزئی اور خیبرایجنسی سمیت ہنگو میں سیکیورٹی فورسز کی کارروائیوں میں انتالیس شدت پسند ہلاک ہوگئے ہیں۔

دہشت گردوں کے خاتمے کےلئے سیکیورٹی فورسز کی کارروائیاں جاری ہیں، آئی ایس پی آر کے مطابق آج اورکزئی اور خیبرایجنسی میں سیکیورٹی فورسزکی کارروائیوں نے انیس دہشت گردوں کو موت کی نیند سلا دیا جبکہ بیس دہشت گرد زخمی ہوئے۔

سکیورٹی فورسز اوردہشت گردوں کے درمیان اورکزئی اورخیبرایجنسیوں کے بارڈر پر خزانہ کنڈاؤ اور شیریں درہ کے مقامات پرجھڑپیں ہوئیں، دہشت گردوں نے شدید مزاحمت کے بعد پسپائی اختیار کرلی اور نوساتھیوں کی لاشیں چھوڑ کر فرار ہوگئے۔

سیکیورٹی فورسز نے دو دہشت گردوں کو زخمی حالت میں گرفتار کرلیا گیا ہے، اس کارروائی میں چار سیکیورٹی اہلکار بھی زخمی ہوئے۔

اس سے قبل ہنگو خزینہ چوک کی چیک پوسٹ پرشدت پسند بھاری ہتھیاروں کے ساتھ حملہ آورہوئے تاہم سیکیورٹی فورسزنے شدت پسندوں بھرپورجوابی کارروائی کرتے ہوئے حملہ پسپا کردیا تھا، سیکیورٹی فورسز کی اس کارروائی میں بیس شدت پسند مارے گئے تھے۔