Tag: سیکیورٹی فورسز

راولپنڈی : سیکیورٹی فورسز کی کارروائی میں ہلاک ایک اور افغان دہشت گرد کی شناخت ہوگئی، دہشت گرد کا تعلق افغان صوبے پکتیکا کے علاقے برمل سے ہے۔

تفصیلات کے مطابق شمالی وزیرستان اور رزمک میں فورسز نے آپریشن کرکےآٹھ دہشت گردوں کوجہنم واصل کیا، جس میں سے ہلاک ایک افغان دہشت گردکی شناخت ہوگئی۔

ذرائع نے بتایا کہ ہلاک دہشت گردوں میں ایک کا تعلق افغان صوبے پکتیکا کے علاقےبرمل سے ہے، ہلاک افغان خارجی دہشت گردکی شناخت جلال ولد نعمت کےنام سےہوئی۔

ذرائع کا کہنا تھا کہ ہلاک دہشت گردجلال سےبرآمد افغان شناختی کارڈافغان شہری ہونے کا ثبوت ہے۔

دوسرے ہلاک خارجی سیف ولددین فراز کا تعلق فتنہ الخوارج کے خارجی گل بہادر سے ہے، خارجی سیف سے برآمد افغان حکومت کا جاری اسلحہ لائسنس بھی واضح ثبوت ہے۔

مزید پڑھیں : سیکیورٹی فورسز کا شمالی وزیرستان میں آپریشن ، 8 خوارجی ہلاک

یاد رہے سیکورٹی فورسز نے 25 اور 26 ستمبر کی درمیانی رات خوارج کی موجودگی کی اطلاع پر شمالی وزیرستان کے علاقے رزمک میں انٹیلی جنس بیسڈ آپریشن کیا تھا۔

آئی ایس پی آر کا کہنا تھا کہ آپریشن کے دوران سیکیورٹی اہلکاروں اور خوارج کے درمیان شدید فائرنگ کا تبادلہ ہوا، جس کے نتیجے میں آٹھ خوارجی مارے گئے۔

ترجمان نے بتایا تھا کہ مارے گئے خوارج کے قبضے سے اسلحہ اور گولہ بارود برآمد ہوا، دہشت گرد سیکیورٹی فورسز کے خلاف دہشت گردی کی کارروائیوں اور بے گناہ شہریوں کی ٹارگٹ کلنگ میں بھی ملوث تھے۔

پشین : سیکیورٹی فورسز کی سرخاب مہاجر کیمپ میں کارروائی کے دوران پانچ دہشت گرد مارے گئے، دہشت گردشہرمیں تخریب کاری کا منصوبہ بنا رہے تھے۔

تفصیلات کے مطابق پشین میں سیکیورٹی فورسز نے دہشت گردی کی بڑی کارروائی ناکام بنادی۔

سرخاب مہاجر کیمپ میں سیکورٹی فورسز نے کارروائی کرتے ہوئے پانچ دہشت گرد کو ہلاک کردیا۔

پولیس حکام نے بتایادہشت گردشہرمیں تخریب کاری کا منصوبہ بنا رہے تھے، دہشت گردوں کے ٹھکانے سے اسلحہ اور بارود برآمد ہوا۔

یاد رہے سیکیورٹی فورسز نے بلوچستان میں انٹیلی جنس بیسڈ کارروائیاں کرتے ہوئے 5 دہشت گردوں کو جہنم واصل کیا تھا۔

ترجمان نے بتایا تھا کہ گزشتہ رات کارروائیوں کےدوران شدیدفائرنگ سے3دہشتگردزخمی بھی ہوئے، یہ آپریشنز چھبیس اگست کے معصوم شہریوں پر بزدلانہ حملوں کے تناظر میں کئے گئے، ان آپریشنز کا مقصد گھناونی کاروائیوں میں ملوث دہشت گردوں کو کیفر کردار تک پہنچانا ہے۔

ضلع خیبر میں فتنۃ الخوارج کیخلاف جاری آپریشن میں شامل پاک فوج کے گراؤنڈ کمانڈرزکے تاثرات سامنے آگئے، پاکستان کی سیکیورٹی فورسز فتنۃ الخوارج کیخلاف میدان عمل میں جانفشانی سے بر سر پیکار ہیں۔

بریگیڈ کمانڈر فرنٹیر کور کے مطابق وادی تیراہ میں خوارج کی بڑی تعداد بشمول نام نہاد لشکر اسلام، جماعت الاحرار افغانستان سے دراندازی کر کے پاکستان میں داخل ہوئی، 20 اگست سے خارجی دہشت گردوں کی سرزمین پاکستان پر موجودگی کیخلاف انٹیلیجنس بیسڈ آپریشن کا سلسلہ شروع کیا گیا ان انٹیلیجنس بیسڈ آپریشنز میں سیکیورٹی فورسز کو بڑی کامیابیاں ملیں ہلاک دہشت گردوں میں خوارج کا اہم سرغنہ ابو ذر عرف صدام بھی شامل ہے خوارج افغانستان سے کوہ سفید سے ہوتے ہُوئے پاکستان کی وادی تیراہ میں داخل ہوئے۔

بریگیڈ کمانڈر فرنٹیر کور نے کہا ہمارے جوانوں نے فتنۃ الخوارج کی دراندازی کا ڈٹ کر مقابلہ کیا، خارجی دہشت گردوں نے تیراہ میں مختلف مخفی ٹھکانے بنا رکھے تھے۔

بریگیڈ کمانڈر ایس ایس جی نے کہا پاک فوج کے متحرک دستوں نے خوارج کے خلاف مؤثر کارروائی شروع کی وادی تیرہ میں خارجی دہشتگردوں کی بڑھتی تعداد کے پیش نظر پاکستان آرمی کے اسپیشل سروسز گروپ کو اس علاقے کو دہشتگردوں سے پاک کرنے کا مشن سونپا گیا۔

بریگیڈ کمانڈر ایس ایس جی کے مطابق مربوط حکمت عملی کے تحت اس بات کو یقینی بنایا گیا کہ مقامی آبادی اور پاک فوج کا نقصان کم سے کم جبکہ دشمن کو زیادہ سے زیادہ نقصان پہنچایا جائے اللہ کے فضل و کرم اور جوانوں کی بہادری کی وجہ سے ہم نے خوارج کو زبردست نقصان پہنچایا اور ان کی اعلی قیادت کو ختم کر دیا۔

بریگیڈ کمانڈر ایس ایس جی کے مطابق ہمارا مشن ہے کہ آخری خارجی کی موجودگی تک ان کا پیچھا کرتے رہیں گے۔

کمپنی کمانڈر نے کہا ہمیں مشن سونپا گیا کہ وادی تیراہ میں موجود خوارج کے ٹھکانوں کو ختم کرنا ہے جس کے لئے ایس ایس جی اور لائیٹ کمانڈو کو وادی میں اتارا گیا یہ ایک مشکل مشن تھا جس میں موسم اور پیاس کی شدت کے باوجود پاک فوج کے جوانوں نے بہادری سے دشمن کو نقصان پہنچایا۔

پلاٹون کمانڈرنے کہا ہم نے اِن آپریشنز میں دشمن کو بھاری نقصان پہنچایا اللہ کے فضل و کرم، قوم کی دعاؤں اور جوانوں کے جوش و جذبہ سے ہمیں فتح حاصل ہوئی، فتنۃ الخوارج کیخلاف سیکیورٹی فورسز اپنی عوام کے جان و مال کے تحفظ کیلیے کوشاں اور پر عزم ہیں۔