Tag: سیکیورٹی فورسز

وادی تیراہ میں سکیورٹی فورسز اور خوارج کے درمیان  فائرنگ کے تبادلے میں زخمی ہونے والے لیفٹیننٹ عزیر ملک شہید ہوگئے۔

ضلع خیبر کی وادی تیراہ میں تین مختلف مقامات پر سیکیورٹی فورسز اور خوارج کے درمیان ہونے والی جھڑپوں میں بہادری سے لڑتے ہوئے زخمی ہونے والے 24 سالہ لیفٹیننٹ عزیر محمود ملک کمبائنڈ ملٹری اسپتال پشاور میں شہادت کے رتبے پر فائز ہوگئے۔

آئی ایس پی آر کے مطابق 9 اگست کو ضلع خیبر کی وادی تیراہ میں تین مختلف مقامات پر سیکورٹی فورسز اور خوارج کے درمیان فائرنگ کا تبادلہ ہوا، باغ کے ایک مقام پر، لیفٹیننٹ عزیر محمود ملک نے اپنے جوانوں کی آگے بڑھ کر قیادت کی اور خوارجیوں کا بہادری سے مقابلہ کیا۔

آئی ایس پی آر کا کہنا ہے کہ، لیفٹیننٹ عزیر محمود ملک نے چار خوارج کو جہنم واصل کیا، تاہم شدید فائرنگ کے تبادلے کے دوران وہ شدید زخمی ہوئے، انہیں سی ایم ایچ پشاور میں علاج کیلئے منتقل کیا گیا، تاھم وہ زخموں کی تاب نہ لاتے ہوئے شہادت کے رتبے پر فائز ہوگئے۔

آئی ایس پی آر کا کہنا ہے کہ سیکیورٹی فورسز ملک سے دہشت گردی کی لعنت کے خاتمے کے لیے پرعزم ہیں اور بہادر افسروں اور جوانوں کی یہ قربانیاں ہمارے عزم کو مزید مضبوط کرتی ہیں۔

واضح رہے کہ لیفٹیننٹ عزیر محمود ملک شہید کی عمر 24 سال 8 ماہ تھی اور وہ ضلع اٹک کے رہائشی تھے، لیفٹیننٹ عزیر محمود ملک شہید نے 3 سال 7 ماہ تک وطن عزیز کے دفاع کا فریضہ سرانجام دیا، شہید نے سوگواران میں والدین اور بہن بھائی چھوڑے۔

راولپنڈی : پاک فوج نے دو ماہ کے دوران ملک کے مختلف علاقوں میں آپریشنز میں 181 دہشت گرد ہلاک کردیے۔

تفصیلات کے مطابق  2ماہ کے دوران پاک فوج کو دہشت گردوں کے خلاف بڑی کامیابیاں ملی۔

ملک بھر میں مختلف آپریشنز میں 181  دہشت گرد ہلاک جبکہ اکسٹھ کو گرفتار کیا گیا۔

سیکیورٹی فورسز نے بروقت انٹیلی جنس کارروائیوں سے کالعدم تحریک طالبان پاکستان کے ناپاک منصوبے ناکام بنادیئے۔

دہشت گردوں کے خلاف خیبرپختونخوا،بلوچستان اورسندھ میں سات ہزار سات سو پنتالیس آپریشن کئے گئے، باجوڑ،دیراورچترال میں کم از کم بیس گنا دراندازی کی کوششوں کو ناکام بنایاگیا۔

بشام میں چینی شہریوں کو نشانہ بنانے والا کالعدم ٹی ٹی پی کا نیٹ ورک پکڑاگیا، جس کے بعد بشام حملے میں ملوث دہشت گرد عدالتوں میں مقدمات کا سامنا کر رہے ہیں ۔

ژوب بارڈرسے دراندازی کرنے والےسات دہشت گردوں کوہلاک،دوکوگرفتارکیاگیا جبکہ ڈی آئی خان اور ٹانک میں آپریشن کے دوران بارہ دہشت گردوں کو ہلاک کیا گیا۔

شمالی وزیرستان میں انٹیلی جنس بیسڈ آپریشن کے دوران انیس، لکی مروت کے علاقے شیخ بدین میں گیارہ دہشت گردہلاک کئے گئے۔

پشین اورقلعہ عبداللہ میں در اندازی کی کوشش ناکام بناتے ہوئے پانچ دہشت گرد ہلاک اور ایک کو گرفتارکیاگیا، گرفتار دہشت گردوں سے خودکش جیکٹس، اسلحہ، گولہ بارود،آئی ای ڈیز برآمد کی گئی۔

کوئٹہ میں کالعدم ٹی ٹی پی کا محرم میں حملوں کا بڑا منصوبہ ناکام بناکردہشت گردنیٹ ورک کاخاتمہ کردیا گیا۔

دہشت گردتنظیم کالعدم ٹی ٹی پی شہری علاقوں میں اپنے مذموم عزائم میں ناکام رہی، ناکامی چھپانے کیلئے کالعدم ٹی ٹی پی نے قبائلیوں کو اغوا برائے تاوان اور ٹارگٹ کلنگ پر مجبور کیا گیا۔

پشاور: سیکیورٹی فورسز کے خیبر آپریشن کے دوران ہلاک دہشت گرد عظمتو سے متعلق تفصیلات سامنے آگئیں۔

تفصیلات کے مطابق خیبرمیں سیکیورٹی فورسز کی فائرنگ سے ہلاک دہشت گرد سے متعلق تفصیلات سامنے آگئیں۔

سینٹرل پولیس آفس گزشتہ روز خیبر آپریشن میں انتہائی مطلوب دہشت گردعظمتوماراگیا، ہلاک دہشت گرد عظمتو نے جمرود سے مدرسوں کے4 طالب علموں کواغواکیاتھا۔

سی پی او نے کہا کہ دہشت گرد نے طالب علموں کوکالعدم تنظیم میں شامل ہونےکی ترغیب دی تھی، چاروں طالب علموں کوافغانستان منتقل کیا گیا جس میں 2کو ٹریننگ دی جارہی ہے، ایک طالب علم کو افغانستان سے واپسی پر سیکیورٹی فورسز نے پکڑا،ایک اس وقت تشکیل میں ہے۔

دہشت گرد عظمتو نےاگست 2019کوایف سی پر حملےمیں ایک اہلکار کو شہید اور 4کوزخمی کیاتھا، اکتوبر 2022 میں ہلاک دہشت گرد نےجمرود میں سیکیورٹی فورسزکی گاڑی پرفائرنگ کی تھی۔

سینٹرل پولیس آفس کے مطابق 24 نومبر کو دہشت گرد عظمتو نے ضلع خیبر میں ایف سی گاڑی کو نشانہ بنایا، جون 2023 کو دہشت گرد عظمتو نے جمرود میں پولیس چوکی پر بھی فائرنگ کی تھی، ہلاک دہشت گرد نے کانسٹیبل مجیب کا قتل بھی کیا تھا،سینٹرل پولیس آفس

ہلاک دہشت گرد عظمتو کےسر کی قیمت لاکھوں میں مقرر تھی،ٹارگٹ کلنگ اورسیکیورٹی فورسز پرحملوں کی 12سےزائدایف آئی آر زتھیں۔