کراچی: (ویب ڈیسک) واٹس ایپ کے نئے فیچر پر کام جاری ہے ، واٹس ایپ پر جلد وائس کال بھی ممکن ہو سکے گی۔
حال ہی میں سامنے آنے والے کچھ دلچسپ اسکرین شاٹ میں اس ایپلی کیشن کے وائس فیچرز کے بارے میں دکھایا گیا ہے۔عین ممکن ہے کہ اس نئے فیچر کی ٹیسٹنگ بھی جاری ہو، اسکرین شاٹس سے جو بات سامنے آئی ہے وہ یہ کہ پوری کال کرنے کی فعالیت چیٹ فنکشن سے بالکل الگ ہے، ڈائلنگ، رابطوں اور کال اسٹیٹس کے لئے بھی الگ اسکرین ہو گی۔
سان فرانسسکو: سماجی رابطے کیلئے استعمال ہونے والی مقبول ایپ واٹس ایپ پہلی دفعہ صارفین کے پیغامات کو جاسوسی کے خطرے سے بچانے کیلئے انتہائی طاقتور سیکیورٹی نظام متعارف کروارہی ہے۔
واٹس ایپ کی مالک کمپنی فیس بک نے اس سلسلے میں انفارمیشن سیکیورٹی کمپنی کے ساتھ مل کر پیغامات کو انکرپشن کے ذریعے محفوظ کرنے کے پراجیکٹ پر کام شروع کردیا ہے۔
خبر رساں ایجنسی اے ایف پی نے بھی اس خبر کی تصدیق کردی ہے کہ واٹس ایپ کے روزانہ اربوں کی تعداد میں انٹرنیٹ پر سفر کرنے والے پیغامات کو انکرپشن ٹیکنالوجی کے ذریعے جاسوسی سے محفوظ بنایا جارہا ہے۔