Tag: سیکیورٹی کے سخت انتظامات

  • کراچی: 12 ربیع الاوّل کے مرکزی جلوس کا ٹریفک پلان جاری، سیکیورٹی کے سخت انتظامات

    کراچی: 12 ربیع الاوّل کے مرکزی جلوس کا ٹریفک پلان جاری، سیکیورٹی کے سخت انتظامات

    کراچی: ٹریفک پولیس نے 12 ربیع الاوّل کے مرکزی جلوس کا ٹریفک پلان جاری کردیا، اور اس سلسلے میں نکالنے جانے والے جلوسوں کے حوالے سے سخت سیکیورٹی انتظامات کیے گئے ہیں۔

    ملک بھر میں جشن عید میلاد النبیﷺ آج مذہبی جوش و جذبے سے منایا جا رہا ہے اس موقع پر ملک بھر میں مساجد، اہم عمارتوں اور گلیوں بازاروں میں چراغاں کرنے کے ساتھ ساتھ اہم مقامات کو بھی سجایا گیا ہے اور کسی بھی ناخوشگوار واقعے سے نمٹنے کے لیے سخت سیکیورٹی انتظامات کیے گئے ہیں۔

    ترجمان کراچی پولیس کے مطابق مرکزی جلوس کے راستوں اور گزرگاہوں سمیت جلوس کی نگرانی و سیکیورٹی کیلئے پولیس کے 4 ہزار 332 پولیس افسران و جوان کو تعینات کیا گیا ہے۔

    پولیس اہلکار راستوں، گزر گاہوں سمیت مرکزی جلوس کی سیکیورٹی پر تعینات ہونگے، سیکیورٹی ڈویژن  اہلکاروں سمیت ایس ایس یو کے کمانڈوز بھی ڈیوٹی سر انجام دیں گے، ایس ایس یو کے ماہر اسنائپرز مرکزی جلوس کے اطراف، گزر گاہوں پر تعینات ہونگے۔

    ترجمان کراچی پولیس کے مطابق نشتر پارک کی سیکیورٹی ڈیوٹی پر449 اہلکار فرائض سر انجام دیں گے، ٹریفک کے متبادل روٹس پر ٹریفک پولیس کے افسران و جوان تعینات ہیں۔

    دوسری جانب ٹریفک پولیس کا کہنا ہے کہ ایک جلوس شہید مسجد اور دوسرا جلوس میمن مسجد سے برآمد ہوگا، ٹریفک کو ایم اے جناح روڈ کی جانب جانے کی اجازت نہیں ہوگی، ٹریفک کو متبادل راستوں پر موڑ دیا جائے گا۔

    ٹریفک پولیس کے مطابق کیماڑی سے جناح برج ٹاور کی جانب ٹریفک کو جانے کی اجازت نہیں ہوگی، جلوس کے راستے اور اس سے منسلک گلیاں ٹریفک کیلئے بند رہیں گی، یونیورسٹی روڈ سے نیو ایم اے جناح روڈ کیلئے جیل فلائی اوور کے نیچے سے جانے کی اجازت نہ ہوگی، ٹریفک کو جیل فلائی اوور، کشمیر روڈ کی جانب موڑ دیا جائے گا۔

    ٹریفک کو گرو مندر سے ایم اے جناح روڈ آنا چاہیے، ٹریفک کو بنوری ٹاؤن سے سینٹرل جیل کی جانب موڑ دیا جائے گا، ٹریفک کو لسبیلہ پرنس ریکارڈر روڈ سے ایم اے جناح روڈ کی جانب آنے کی اجازت نہیں ہوگی، ٹریفک کو جہانگیر روڈ، جمشید روڈ، بنوری لائٹ سگنل سے نیو ایم اے جناح یا جیل کی جانب موڑ دیا جائے گا۔

    ٹریفک پولیس کا کہنا ہے کہ تمام گلیاں، بہادر یار جنگ، گرو مندر مکمل طور پر تمام ٹریفک کےلئے بند رہیں گی، شارع قائدین سے آنے والی ٹریفک کو سوسائی سگنل سے آگے آنے کی اجازت نہیں ہوگی۔

    ایم آرکیانی چوک سے ٹریفک کو کورٹ روڈ چورنگی کی جانب جانے کی اجازت نہیں ہوگی، ٹریفک کو پریس کلب سےعبداللہ ہارون روڈ کی جانب بھیجا جائے گا، نشترروڈ، رنچھوڑ لائن سے کھارادر آنے والی ٹریفک کو لی مارکیٹ سے آگے جانے کی اجازت نہیں ہوگی، ٹریفک کو موسیٰ لین، کھڈہ مارکیٹ کی جانب بھیجا جائے گا، تمام ایس پی ٹریفک اپنے اضلاع میں نکلنے والے جلوسوں کی خودنگرانی کریں گے۔

  • شہدائے کربلا کا چہلم، کراچی میں سیکیورٹی کے سخت انتظامات، راستے  بند

    شہدائے کربلا کا چہلم، کراچی میں سیکیورٹی کے سخت انتظامات، راستے بند

    کراچی : چہلم شہدائے کربلا کے چہلم کے سلسلے میں کراچی میں سیکیورٹی کے سخت انتظامات کئے گیے ہیں، موبائل سروس بند ہے جبکہ مقررہ راستوں کو بند کردیا گیا ہے۔

    تفصیلات کے مطابق امام حسین اور ان کے رفقا کا چہلم آج منایا جا رہا ہے، اس موقع پر ملک بھر میں مجالس عزا منعقد کی جائیں گی اور جلوس نکالے جائیں گے، اس موقع پر ملک بھر میں سیکیورٹی ہائی الرٹ ہے۔

    کراچی میں امام حسین کے چہلم کا مرکزی جلوس دن بارہ بجے نشتر پارک سے برآمد ہوگا، مجلس صبح گیا رہ بجے شروع ہو گی ، علامہ شہنشاہ حسین نقوی خطاب کریں گے۔

    جس کے بعد جلوس مقررہ راستوں سے ہوتا ہوا نمائش چورنگی پہنچے گا جہاں دوپہر ڈیڑھ بجے نمازظہرین امام بارگاہ ومسجد علی رضا کے سامنےاداکی جائے گی اور اپنے روایتی راستوں سے ہوتا ہوا امام بارگاہ حسینیہ ایرانیہ کھارادر پر ختم ہوگا۔

    کراچی میں امام حسین چہلم کے سلسلے میں سیکیورٹی کے سخت انتظامات کیے گئے ہیں، پولیس کے مطابق چہلم شہدائے کربلا کے موقع پر پانچ ہزار سے زائد پولیس اہلکار تعینات ہوں گے جبکہ چودہ ایس پیز اور چھیاسٹھ ڈی ایس پیز سیکیورٹی پر تعینات ہوں گے۔

    پولیس کی ستاون موبائل، اناسی موٹر سائیکلیں اور پانچ بکتربند بھی سیکیورٹی پر تعینات ہوں گی اور ایک سو اٹھائیس خواتین پولیس اہلکاروں کو بھی جلوس کی گزرگاہ پر تعینات کیا جائے گا۔

    امام حسین چہلم پر آج سندھ کے متعدد اضلاع میں موبائل فون سروس بند ہیں جبکہ ڈبل سواری پر بھی پابندی ہے۔

    لاہور میں چہلم کا مرکزی جلوس حویلی الف شاہ سے برآمد ہوگیا۔ جلوس اپنے روایتی راستوں سے ہوتا ہوا کربلا گامے شاہ پر اختتام پذیر ہوگا۔۔

    راولپنڈی میں شہداء چہلم کا مرکزی جلوس امام باگارہ عاشق حسین اور کرنل مقبول سے دن ساڑھے 11بجے کمیٹی چوک سے برآمد ہوگا۔

    ماتمی جلوس پرانا قلعہ اور جامع مسجد روڈ سے ہوتا ہوا قدیمی امام بارگاہ پہنچ کر اختتام پذیر ہو گا۔

    چہلم کے ماتمی جلوس کی سیکورٹی کے لیے راولپنڈی پولیس کے 4600 سے زائد جوان تعینات کیے گئے ہیں جبکہ پولیس کے 215 افسران جلوس سیکورٹی کی نگرانی پر مامور کئے گئے ہیں۔

    ٹریفک پولیس کے 215 اہلکار ٹریفک کی روانی کو برقرار رکھنے کے لئے تعینات ہیں اور جلوس کے مقررہ روایتی روٹس میں موبائل فون سروس معطل ہیں۔

  • کراچی میں  اہم شاپنگ سینٹرز پر سیکیورٹی کے سخت انتظامات

    کراچی میں اہم شاپنگ سینٹرز پر سیکیورٹی کے سخت انتظامات

    کراچی : شہر قائد عید کے موقع پر اہم شاپنگ سینٹرز پر سیکیورٹی کے سخت انتظامات کردیے گئے اور ٹریفک جام اور پارکنگ کے مسائل کم کرنے کےلئے ٹریفک پولیس نے بھی جامع پلان تیار کرلیا گیا۔

    تفصیلات کے مطابق رمضان المبارک کا دوسرا عشرہ کے اختتام کے ساتھ ہی کراچی کے بازاروں میں رش بڑھ گیا، خواتین کے ساتھ ساتھ مرد حضرات نے بھی خریداری شروع کردی، ہر کوئی اپنی من پسند چیزیں خریدنے میں مصروف ہیں۔

    اس موقع پر کراچی کے تمام شاپنگ سینٹرز پر سیکیورٹی کے سخت انتظامات کئے گئے،ٹریفک جام اور پارکنگ کے مسائل کم کرنے کےلئے ٹریفک پولیس نے بھی جامع پلان بنالیا ہے۔

    شہریوں کو پرامن ماحول کی فراہمی کے لئے اہم مارکیٹوں کے اطراف اضافی نفری تعینات ہے جبکہ ٹریفک پولیس نے ہیوی ٹریفک اور پبلک ٹرانسپورٹ کو شاپنگ سینٹرز سےمتصل سڑکوں پرآنے سے روک دیا ہے۔

    شہریوں نے شاپنگ سینٹرز کے اطراف انتظامات کو سراہا، چاند رات تک کراچی پولیس کی اضافی نفری شاپنگ ایریاز میں تعینات رہے گی۔

  • افغانستان سے غیر ملکیوں کا انخلا،   اسلام آبادائیرپورٹ پرسیکیورٹی کے سخت  انتظامات

    افغانستان سے غیر ملکیوں کا انخلا، اسلام آبادائیرپورٹ پرسیکیورٹی کے سخت انتظامات

    اسلام آباد : اسلام آبادائیرپورٹ پرافغانستان سے غیر ملکیوں کے انخلا کے پیش نظر سخت سیکیورٹی کردی گئی اور غیر ملکیوں کیلئے خصوصی حفاظتی اسکواڈ تشکیل دیاگیا ہے۔

    تفصلات کے مطابق افغانستان سے غیر ملکیوں کے انخلا کے پیش نظر اسلام آبادائیرپورٹ پرسیکیورٹی کے انتظامات سخت کردیئے گئے، اس حوالے سے سیکورٹی انتظامات کو حتمی شکل دے دی گئی ہے۔

    ائیرپورٹ پر گاڑیوں کی آمدورفت،مسافروں کی جانچ پڑتال شروع کردی ہے اورغیرملکیوں کیلئےخصوصی حفاظتی اسکواڈ تشکیل دیاگیا ہے، پولیس اور رینجرز  غیر  ملکیوں کی حفاظت پر مامور ہوں گے جبکہ اہلکار وں کی اہم عمارتوں اور ہوٹلز پر تعیناتی کا عمل شروع کر دیاگیا ہے۔

    دوسری جانب افغانستان سے انخلا کے پیش نظر ڈی جی سی اےاےکی ہدایت پر افغانستان سے آنے والوں کیلئے انتظامات مکمل کرلئے گئے ہیں، اس سلسلے  میں پشاور،کراچی اور لاہور ایئرپورٹ پر ایف آئی اےکےخصوصی کاؤنٹر قائم کردیئے ہیں۔

    غیرملکیوں کومختص ہوٹلزمنتقل کرنےکیلئےٹرانسپورٹ کےبھی انتظامات مکمل کرلئے ہیں ، افغانستان سےآنےوالوں کوفوری 20دن کےویزےجاری کردیے جائیں گے۔

    گذشہ روز افغانستان سےغیرملکیوں کےانخلا کے معاملے پر اسلام آبادکےتمام ہوٹلزکونئی بکنگ سےروک دیاگیا تھا اور ہوٹلوں کےکمرےخالی کرائےجارہےہیں، انتظامیہ کی ٹیمیں ہوٹلز پہنچیں اور انتظامات کا جائزہ لیا۔

  • محرم الحرام : رینجرز کی جانب سے عوام کے تحفظ کیلئے سیکیورٹی کے سخت انتظامات

    محرم الحرام : رینجرز کی جانب سے عوام کے تحفظ کیلئے سیکیورٹی کے سخت انتظامات

    کراچی : قانون نافذ کرنے والے اداروں کی جانب سے محرم الحرام کے موقع پر صوبے بھر میں سیکورٹی کے سخت انتظامات کئے گئے ہیں، رینجرز حکام نے جلوسوں کے تحفظ کیلئے اقدامات کرلیے۔

    تفصیلات کے مطابق رینجرز نے سندھ بھر میں محرم الحرام کی مجالس اور جلوسوں میں کسی بھی دہشت گردی کے خطرے سے نمٹنے کے لئے فول پروف اقدامات کئے ہیں۔

    اس حوالے سے ترجمان رینجرز کا کہنا ہے کہ رینجرز کی جانب سے کراچی میں عوام کے تحفظ کو یقینی بنانے کیلئے انتظامات کیے گئے ہیں، شہر بھر کی مساجد،امام بارگاہوں اور دیگر عبادت گاہوں کے اطراف چیکنگ اور گشت میں اضافہ کردیا گیا ہے۔

    ترجمان کے مطابق رینجرز کی بھاری نفری کراچی اوراندرون سندھ مرکزی جلوسوں کی نگرانی کرے گی، کراچی میں جلوس کی سیکیورٹی پر رینجرز کے ساڑھے5 ہزار اہلکار تعینات ہوں گے جبکہ اندرون سندھ 5 ہزار رینجرز اہلکار سیکیورٹی کے فرائض سر انجام دیں گے۔

    علاوہ ازیں کراچی میں نو اور دس محرم کے جلوسوں کی نگرانی سی سی ٹی وی کیمروں کی مدد سے کی جائے گی۔ شہر قائد میں ڈبل سواری پر پابندی ہے اور کچھ حساس مقامات پر موبائل فون جیمرز بھی لگائے جائیں گے۔

    اس کے علاوہ ایم اے جناح روڈ اور صدر میں محرم الحرام کے جلوس کی گزرگاہوں سے ملحقہ سڑکوں کو کنٹینر لگا کر بند کرگیا ہے۔

  • آمدن سے زائداثاثہ جات کیس :  حمزہ شہباز 26 جون  تک جسمانی ریمانڈ پر نیب کے حوالے

    آمدن سے زائداثاثہ جات کیس : حمزہ شہباز 26 جون تک جسمانی ریمانڈ پر نیب کے حوالے

    لاہور : احتساب عدالت نے کرپشن کے مقدمات میں ملوث مسلم لیگ ن کے رہنما اور اپوزیشن لیڈر پنجاب اسمبلی حمزہ شہباز شریف کو 26 جون تک جسمانی ریمانڈ پر نیب کے حوالے کردیا، نیب نے عدالت سے حمزہ شہباز کے جسمانی ریمانڈ لینے کی استدعا کی تھی۔

    تفصیلات کے مطابق آمدن سے زائداثاثہ جات کیس میں مسلم لیگ ن کے رہنما اور اپوزیشن لیڈر پنجاب اسمبلی حمزہ شہباز شریف سخت سیکیورٹی حصار میں احتساب عدالت میں پہنچایا گیا، احتساب عدالت کے ایڈمن جج جوادالحسن آمدن سے زائداثاثے اورمنی لانڈرنگ کیس کی سماعت کی۔

    حمزہ شہباز نے وکلا کے ساتھ کمرہ عدالت میں مشاورت کی، نیب کی جانب سےحمزہ شہبازکے جسمانی ریمانڈکی استدعاکی جائےگی۔

    حمزہ شہباز کے خلاف کیس کی سماعت شروع ہوئی تو نیب پراسیکیوٹر نے کہا حمزہ شہبازنےآج تک نہیں بتایا پیسے کے ذرائع کیا ہیں، ان کے اثاثے ان کے ذرائع آمدن سے زیادہ ہیں اور ان کے اکاؤنٹس میں 500 ملین سے زائد جمع ہوئے۔

    نیب پراسیکیوٹر کا کہنا تھا حمزہ شہباز نے 2006 میں ایف بی آرمیں اسٹیٹمنٹ نہیں دی، انھوں نے 2009 میں اسٹیٹمنٹ دی جس میں اثاثے زیادہ تھے، حمزہ شہباز کے اکاؤنٹ میں باہر سے 18 کروڑ کی رقم آئی، انھوں نے یہ نہیں بتایا پیسہ کس نے بھیجا اور ذرائع کیاہیں۔

    پراسیکیوٹر نے کہا حمزہ شہباز سے 38 کروڑکی رقوم کی تفتیش کرنی ہے، باہر سے رقوم حمزہ شہباز اور فیملی کے اکاؤنٹ میں آئیں ، تحقیقات کے لیے حمزہ شہباز کا جسمانی ریمانڈ دیا جائے۔

    وکیل حمزہ شہباز کا کہنا تھا حمزہ شہبازکی کی گرفتاری کی وجوہات اورشواہد نہیں دیےگئے، آئین کے ذریعے شفاف ٹرائل ہر ملزم کا حق ہے، جس مواد پر نیب کا انحصار ہے، ملزم کو نہیں دیاگیا، ہمارے پاس مٹیریل ہی نہ ہو تو دفاع کیسے کریں، ایساکیس نہیں دیکھاجس میں ریمانڈ لیا جائے مگرشواہد نہ دیئے جائیں۔

    وکیل صفائی نے کہا حمزہ شہباز بڑے صوبے کے اپوزیشن لیڈرہیں، حکومت حمزہ شہبازاورخاندان کوانتقام کانشانہ بنارہی ہے، نیب نے پہلے 85 ارب کا الزام لگایا اب18 کروڑ کہہ رہی ہے، جس دور کا الزام لگایاگیا، اس وقت حمزہ شہبازیاخاندان اقتدارمیں نہ تھا۔

    حمزہ شہباز کے وکیل نے دلائل میں کہا نیب کہتی ہے 2005 سے 2009 تک منی لانڈرنگ کی، حمزہ شہباز کو اس دور میں شہر سے باہر جانے کی اجازت نہ تھی، نیب نمائندہ ٹی وی پرمنی لانڈرنگ کا کہتا ہے پھر اثاثوں کی بات ہوتی ہے۔

    وکیل کا کہنا تھا منی لانڈرنگ ایکٹ 2010 میں آیا پہلے کے معاملات پر اطلاق نہیں ہوتا، منی لانڈرنگ کا لفظ صرف سیاسی طور پر شریف خاندان کیخلاف لیا جارہا ہے، نیب نے آج تک کوئی ثبوت کسی عدالت میں پیش نہیں کیا، نیب خود تسلیم کرتا ہے حمزہ شہباز شامل تفتیش ہوتے رہے۔

    امجدپرویز نے کہا تمام ریکارڈ نیب کے پاس ہے اور گوشواروں میں ظاہر بھی کیاگیا، تمام ریکارڈ نیب کے پاس ہے مگر خاص وجوہات پر کل گرفتار کیاگیا، عدالت حمزہ شہباز کے جسمانی ریمانڈ کی درخواست مسترد کرے۔

    نیب پراسیکیوٹر کا کہنا تھا ہائی کورٹ میں ضمانت کیس میں تمام مٹیریل فراہم کردیاگیا ہے، جونوٹس جاری کیےان میں بھی مواد منسلک کیاجاتارہا، ٹرانزیکشن اور رقوم بھیجنے والوں کی تفصیل دے چکے ہیں، گرفتاری کی وجوہات کا کہاگیا جو فراہم کی جاچکی ہیں۔

    عدالت نے کہا تفتیشی افسرکوتفتیش کے معاملے پر حکم جاری نہیں کرسکتے، ہمیں اس معاملےمیں خاموش رہناپڑتاہے، جس پر وکیل حمزہ شہباز کا کہنا تھا عدالت خاموش تماشائی کا کردار ادا نہیں کرتی، عدالت تفتیشی کو شفاف تفتیش کا حکم دے سکتی ہے۔

    احتساب عدالت نے آمدن سے زائداثاثہ جات اور منی لانڈرنگ کیس میں حمزہ شہباز کے جسمانی ریمانڈ کی درخواست پر فیصلہ محفوظ کرلیا۔

    احتساب عدالت نے محفوظ فیصلہ سناتے ہوئے حمزہ شہباز کا 26جون تک جسمانی ریمانڈ منظور کرتے ہوئے نیب کے حوالے کردیا۔

    حمزہ شہباز کی احتساب عدالت پیشی کےموقع پر سیکیورٹی کے سخت انتظامات کئے گئے اور عدالتی کمپلکس کے اطراف راستوں کو کنٹینرز،خارداریں تار لگا کر بندکر دیا تھا۔

    مزید پڑھیں : نیب نے حمزہ شہباز کو گرفتار کرلیا

    یاد رہے گذشتہ روز نیب نے لاہور ہائی کورٹ کی عبوری ضمانت میں توسیع مسترد ہونے کے بعد حمزہ شہباز کو گرفتار کیا تھا ،حمزہ شہبازپرمنی لانڈرنگ اور غیر قانونی  اثاثےبنانے کے الزامات ہیں۔

    گرفتاری کے بعد حمزہ شہباز کا نیب میں طبی معائنہ کیا گیا، ان کے شوگر اور بلڈ پریشر کے ٹیسٹ کیے گئے اور ڈاکٹرز نے حمزہ شہباز کو صحت مند قرار دیا تھا۔

    نیب نے حمزہ شہباز کی گرفتاری کی وجوہ بھی جاری کیں تھیں، نیب نے کہا تھا 2003 میں حمزہ شہباز کے اثاثے 18 ملین تھے اور 2017 تک اثاثے 411.630 ملین ہوگئے، جب کہ ملزم نے 181 ملین روپے باہر سے آمدن کا دعویٰ کیا تھا۔

    خیال رہے منی لانڈرنگ اورآمدن سےزائد اثاثوں پر شریف فیملی کےخلاف مختلف زاویوں سےتحقیقات جاری ہے ، الزامات کے مطابق شریف فیملی کے انیس سو ننانوے میں اثاثہ جات پانچ کروڑچھتیس لاکھ تھے،اب ان کی دولت سواتین ارب کیسےہوگئی؟

    واضح رہے کہ 6 اپریل کو آمدن سے زائد اثاثہ جات کیس اور منی لانڈرنگ کیس میں نیب نے دو بار حمزہ شہباز کی گرفتاری کے لئے ان کے گھر پر چھاپہ مارا تھا تاہم نیب انھیں گرفتار کرنے میں ناکام رہی تھی۔

  • جعلی اکاؤنٹس کیس  :  وزیراعلیٰ سندھ مراد علی شاہ نے بیان ریکارڈ کرادیا

    جعلی اکاؤنٹس کیس : وزیراعلیٰ سندھ مراد علی شاہ نے بیان ریکارڈ کرادیا

    اسلام آباد : جعلی اکاؤنٹس کیس میں وزیراعلیٰ سندھ مراد علی شاہ نے بیان ریکارڈ کرادیا ، نیب کی 6رکنی ٹیم نے وزیراعلیٰ سندھ سے ٹھٹھہ، دادو شوگرملز کیس میں پوچھ گچھ کی۔

    تفصیلات کے مطابق جعلی اکاؤنٹس کیس میں وزیراعلیٰ سندھ مرادعلی شاہ ایک گھنٹےکی تاخیرسے نیب ہیڈکوارٹرز پہنچے، نیب کی 6رکنی ٹیم وزیراعلیٰ سندھ سے ٹھٹھہ، دادو شوگرملز کیس میں پوچھ گچھ کی ، تحقیقاتی ٹیم کےسربراہ ڈی جی نیب عرفان منگی خود بیان ریکارڈ کیا جبکہ مراد علی شاہ کو تحریری سوال نامہ بھی دیا گیا۔

    وزیراعلیٰ سندھ کی نیب پیشی کے موقع پر سیکیورٹی کے سخت انتظامات کئے گئے، نیب دفتر کے اطراف ایک ہزار اہلکار تعینات کر دیئے گئے ہیں جبکہ نیب دفتر کے اندر رینجرز کو تعینات کیا گیا ہے۔

    پولیس کے مطابق خاردار تاریں اور رکاوٹیں کھڑی کرکے نیب دفتر جانے والے راستے بند کر دیے، کارکنان کو نادرا چوک سے آگے جانے کی اجازت نہیں ہوگی۔

    مزید پڑھیں : جعلی بینک اکاؤنٹس کیس، وزیراعلیٰ سندھ کا کل نیب کے سامنے پیش ہونے کا فیصلہ

    خیال رہے نیب نے وزیراعلیٰ سندھ مرادعلی شاہ کو 26 مارچ کو طلب کیا تھا لیکن مراد علی شاہ نے 26 کی بجائے 25 مارچ کو پیش ہونےکافیصلہ کیا تھا،وزیراعلیٰ سندھ کو ٹھٹھہ، دادوشوگرملز کیس میں ریکارڈ سمیت طلب کیا گیا ہے۔

    یاد رہے نیب راولپنڈی نے 20 مارچ کو وزیراعلیٰ سندھ کی طلبی کا نوٹس جاری کیا تھا، ذرائع کا کہنا تھا کہ وزیراعلیٰ سندھ کو سکرنڈ،کھوسکی،دادو، ٹھٹھہ، پنگریو شوگرملز کو سبسڈی دیے جانے کے معاملے پر طلب کیا گیا۔

    ذرائع کے مطابق سندھ حکومت نےاومنی گروپ کی شوگر ملز کو اربوں روپے کی سبسڈی دی جس کے باعث قومی خزانے کو کروڑوں روپے کا نقصان پہنچا، قومی احتساب بیورو شوگر ملز کو دی جانے والی سبسڈی کےمعاملے پر بھی تحقیقات کررہا ہے، جس کے دوران بہت سی اہم باتیں سامنے آئیں۔

    واضح رہے 20 مارچ کو پیپلزپارٹی چیئرمین بلاول بھٹو اور شریک چیئرمین آصف زرداری نے پارک لین کمپنی کیس میں نیب میں پیش ہوکر بیان ریکارڈ کرادیا، تفتیشی حکام نے دونوں سے 45 منٹ سے زائد پوچھ گچھ کی جبکہ ویڈیو بیان بھی ریکارڈ کیا گیاتھا۔

    بلاول بھٹو اور آصف زرداری کی پیشی پر پیپلزپارٹی کے کارکنان نے نیب عدالت میں داخل ہونے کی کوشش کی تھی، جیالوں نے اہلکاروں پر پتھراؤ بھی کیا، جس کے باعث پانچ پولیس اہلکار زخمی ہوئے، بعد ازاں پولیس نے 100 سے زائد جیالوں کو گرفتار کر کے مختلف تھانوں میں منتقل کردیا تھا۔

  • چین کے صدر شی جن پنگ سے ملک کے سیاسی رہنماؤں کی ملاقات

    چین کے صدر شی جن پنگ سے ملک کے سیاسی رہنماؤں کی ملاقات

    اسلام آباد: چین کے صدر شی جن پنگ سے ملک کے سیاسی رہنماؤں نے ملاقاتیں کیں ، جن میں دوطرفہ امور پر تبادلہ خیال کیا گیا۔

     ملاقات میں چینی صدر نے کہا کہ چین دہشت گردی کے خلاف جنگ میں پاکستان کی مکمل حمایت کرتا ہے تاکہ خطے میں امن و استحکام ممکن ہوسکے ۔

    ملک کی سیاسی قیادت نے چین کےصدرشی چن پنگ سے ملاقاتیں کیں،جن میں سابق صدر آصف زرداری ،عمران خان ، مولانا فضل الرحمان،چوہدری شجاعت ،پرویزالٰہی،فاروق ستار،شاہ محمودقریشی ، شیری رحمان ، رحمان ملک ،لیاقت بلوچ اور دیگر شامل ہیں ۔

     سیاسی رہنماؤں سے ملاقاتوں میں صدر شی جن پنگ نے پاکستان کے ساتھ تعاون کو نئی بلندیوں تک پہنچانے کے عزم کا اعادہ کیا۔

    اس سے قبل چیرمین جوائنٹ چیفس آف اسٹاف کمیٹی جنرل راشد محمود کی سربراہی میں آرمی چیف جنرل راحیل شریف، چیف آف نیول اسٹاف ایڈمرل محمد ذکا اللہ اور ائر چیف مارشل سہیل امان نے چینی صدر شی چن پنگ سے ملاقات کی۔

  • چینی صدر کی پاکستان کی عسکری قیادت سے ملاقات

    چینی صدر کی پاکستان کی عسکری قیادت سے ملاقات

    اسلام آباد: چینی صدر نے پاکستان کی عسکری قیادت کو ہر قسم کے چیلنجز سے نبر دآزما ہونے کے لیے مکمل تعاون کی یقین دہانی کرادی ہے۔

    چیرمین جوائنٹ چیفس آف اسٹاف کمیٹی جنرل راشد محمود کی سربراہی میں آرمی چیف جنرل راحیل شریف، چیف آف نیول اسٹاف ایڈمرل محمد ذکا اللہ اور ائر چیف مارشل سہیل امان نے چینی صدر شی چن پنگ سے ملاقات کی۔

    ملاقات میں چینی صدر نے پاکستان کی دہشت گردی کے خلاف کوششوں کو سراہتے ہوئے اس امر کا اعادہ کیا ہے کہ ہر گھڑی میں چین پاکستان کے ساتھ ہے اور دہشت گردی کے خلاف جنگ میں پاکستان کی مکمل حمایت کرتا ہے تاکہ خطے میں امن و استحکام ممکن ہوسکے ۔

    انہوں نے کہا کہ آپریشن ضرب عضب امن کے قیام کے لیے گیم چینجر کی حیثیت رکھتاہے جس سے پاکستان میں اقتصادی ترقی ہوگی اور خوشحالی آئے گی۔

  • چینی صدر کی آمد پر سیکیورٹی کے سخت انتظامات

    چینی صدر کی آمد پر سیکیورٹی کے سخت انتظامات

    اسلام آباد: سیکیورٹی کی وجہ سے گزشتہ سال منسوخ کئے گئے چینی صدر کے دورے کو کومیاب بنانے کیلئے اسلام آباد میں سیکیورٹی کے فل پروف انتظامات مکمل کر لئے گئے ہیں ۔

    پاکستان میں نو سال بعد چینی صدر کی آمد پر سیکورٹی کے سخت انتظامات کئے گئے ہیں، چینی صدر اور ان کے وفد کی سیکیورٹی کی ذمہ داری فوج کے ٹرپل ون بریگیڈ کو سونپی گئی ہے جبکہ رینجرز اور اسلام آباد پولیس بھی فوج کی معاونت کرے گی۔

    سیکورٹی کے باعث اسلام آباد ایئرپورٹ صبح ساڑھے دس سے ساڑھے بارہ بجے تک بند رہے گا، جسکی مناسبت سے پی آئی اے نے تمام پروازوں کوری شیڈول کردیا۔

    وفاقی دارلحکومت میں ٹریفک پلان پر عملدرآمد شروع ہوگیا ہے۔ چینی صدر کے دوروزہ دورے کے دوران لاہور سے اسلام آباد آنے والا ٹریفک پی ڈبلیو ڈی سے بحریہ ٹاؤن موڑا جائے گا۔

    چینی صدرکےدورےمیں چار سو سولہ ٹریفک پولیس اہلکارڈیوٹی دیں گے، مری سے آنے والی ٹریفک کو سترہ میل پر روک دیا جائے گا، پشاور سے آنے والی ہیوی ٹریفک کو دو دن تک اسلام آباد میں داخلے کی اجازت نہیں ہوگی۔

    چینی صدر کے دورے میں اسلام آباد میں بڑی گاڑیوں کا داخلہ ممنوع ہوگا۔