Tag: سی آئی ڈی پولیس

کراچی میں نادرن بائی پاس کے قریب سی آئی ڈی پولیس سے مقابلے میں تین دہشت گرد مارے گئے، ملزمان کے قبضے سے بارودی مواد اسلحہ اور ہینڈ گرنیڈ برآمد ہوئے۔

کراچی میں نادرن بائی پاس کے قریب سی آئی ڈی پولیس کو خفیہ اطلاع ملی کہ ٹی ٹی پی کے کچھ دہشت گرد نادرن بائی پاس سے منگھو پیر دھماکہ خیز مواد منتقل کررہے ہیں جس پر سی آئی ڈی پولیس نے گاڑی میں سوار ملزمان کوروکنے کا اشارہ کیا تاہم ملزمان نے پولیس پر فائرنگ کردی جوابی فائرنگ میں تین دہشت گرد مارے گئے۔

ایس پی سی آئی ڈی چوہدری اسلم کے مطابق ہلاک ہونے والے تینوں دہشت گردوں کا تعلق کالعدم تحریک طالبان پاکستان سے تھا، جن کی شناخت عمران عرف لمبا، شہاب الدین اور صورت جان کے ناموں سے ہوئی ہے، ملزم شہاب الدین نے دو ہزار تیرہ میں لانڈھی کے علاقے میں دو پولیس اہلکاروں کو قتل کیا۔

ملزم لانڈھی کے علاقے میں امام بارگاہ پر دستی بم حملہ اور فائرنگ کے واقعات میں ملوث تھا جبکہ دیگر ملزمان قتل اقدام قتل بھتہ خوری دہشت گردی اور سنگین نوعیت کے جرائم میں ملوث تھے، ملزمان کے قبضے سے پچاس کلو گرام بارودی مواد، ڈیٹونیٹر، دس دستی بم، دو خودکش جیکٹ، ایک کلاشنکوف اور دو پستول برآمد ہوئے۔
   

کراچی میں دومبینہ دہشتگردوں سمیت چھ ٹارگٹ کلرز پکڑے گئے جبکہ ٹارگٹڈ آپریشن میں مختلف علاقوں سے پچیس سے زائد جرائم پیشہ افراد کو حراست میں لے لیا گیا۔

سی آئی ڈی پولیس نے سرجانی ٹاون میں پولیس مقابلے کے بعد کالعدم تنظیم سے تعلق رکھنے والے دو دہشتگردوں آصف اور شہادت حسین کو گرفتار کرلیا، سی آئی ڈی حکام کے گرفتار ملزمان فرقہ وارانہ ٹارگٹ کلنگ اور ڈکیتیوں کی وارداتوں میں ملوث رہے ہیں۔

سی آئی ڈی پولیس کی مختلف ٹیموں نے لیاری اور بلدیہ ٹاون میں کاروائیاں کرتے ہوئے لیاری گینگ وار اور سیاسی جماعتوں سے تعلق رکھنے والے4ٹارگٹ کلرز کو بھی گرفتار کیا، کورنگی صنعتی ایریا میں پولیس نے مقابلے کے بعد دو ڈاکووں کو زخمی حالت میں گرفتار کیا۔

نیوکراچی اور سپر مارکیٹ سے بھی پولیس نے قتل اور بھتہ خوری میں ملوث2ملزمان کو گرفتار کرلیا، شہر کے دیگر علاقوں میں بھی سیکورٹی اداروں نے چھاپہ مار کاروائیوں کے دوران22ملزمان کو حراست میں لیکر تفتیش کیلئے نامعلوم مقام پر منتقل کردیا ہے۔