Tag: سی ایس ایس

اسلام آباد : سی ایس ایس کرنے کے خواہمشمند افراد کے لیے عمر کی حد کے حوالے سے اہم خبر آگئی۔

تفصیلات کے مطابق سی ایس ایس کیلئے عمر کی حد 5 سال بڑھانے کی قرارداد قومی اسمبلی میں منظور کرلی گئی ، قرارداد مسلم لیگ ن کی رکن اسمبلی نوشین افتخار نے پیش کی۔

جس میں کہا ہے کہ کسی بھی امیدوار کو 5 بار مقابلے کےامتحان میں حصہ لینےکی اجازت دی جائے اور  زیادہ سے زیادہ عمرکی حد 30 کے بجائے 35سال کی جائے۔

بعد ازاں قومی اسمبلی اجلاس سوموار شام پانچ بجے تک ملتوی کردیا گیا۔

یاد رہے گذشتہ ماہ کے آخر میں سی ایس ایس کے تحریری امتحان 2024 کے نتائج کا اعلان کیا گیا تھا۔

تحریری امتحان 2024 میں صرف 395 امیدوار کامیاب ہوئے، امتحان میں 23 ہزار 100 امیدواروں نے اپلائی کیا اور 15 ہزار 602 نے امتحان دیا۔

سی ایس ایس امتحان میں15ہزار 602 میں سے 395 امیدوار کامیاب ہوئے اور امتحان میں 2 اعشاریہ 53 فیصد امیدواروں نے کامیابی حاصل کی۔

کامیاب 395 امیدواروں میں سے 157 امیدوار خواتین جبکہ 238 مرد ہیں۔

اسلام آباد : سی ایس ایس اور فیڈرل پبلک سروس کمیشن امتحانات میں انٹر پاس انویجیلیٹر لگانے کا انکشاف سامنے آیا۔

تفصیلات کے مطابق چیئرمین جنید اکبر کی زیر صدارت پبلک اکاؤنٹس کمیٹی کا اجلاس ہوا، اجلاس میں فیڈرل پبلک سروس کمیشن کے آڈٹ کا جائزہ لیا گیا۔

،آڈٹ اعتراض میں کہا گیا کہ سی ایس ایس اور ایف پی ایس سی امتحانات میں26ملین کی کیش ادائیگی کی گئی اور امتحانات میں اسکولوں میں انٹر پاس انویجیلیٹر مامور کئے گئے۔

آڈٹ اعترضات میں کہنا تھا کہ فیڈرل پبلک سروس کمیشن ممبران کی تقرری خلاف ضابطہ کی گئی۔

جس پر چیئرمین پی اے سی جنید اکبر نے کہا کہ آئندہ کیش ادائیگی نہ کی جائے اور سیکریٹری اسٹیبلشمنٹ اور سیکریٹری ایف پی ایس سی ممبران کی تقرری میں ضوابط کو یقینی بنائیں۔

یاد رہے لاہور ہائی کورٹ نے سینٹرل سپیریئر سروس 2025 کے امتحانات روکنے کی درخواست خارج کردی تھی اور کہا تھا کہ کسی کی خواہش پر پورے ملک میں امتحانات نہیں روک سکتے۔

اسلام آباد : فیڈرل پبلک سروس کمیشن کی سالانہ رپورٹ میں ملکی نظام تعلیم کا پول کھل گیا، جس میں بتایا سی ایس ایس کرنے والے امیدواروں کی کن مضامین میں کارکردگی بدترین رہی؟

تفصیلات کے مطابق سی ایس ایس کرنے والے امیدواروں کی تعداد میں ریکارڈ اضافہ مگر کارکردگی مایوس کن رہی۔.

فیڈرل پبلک سروس کمیشن کی سینٹ میں پیش کردہ 2022 کی رپورٹ 2022 میں ملکی نظام تعلیم کا پول کھل گیا۔

سالانہ رپورٹ میں بتایا گیا کہ سال 2022 میں لازمی مضامین میں 43٪ امیدوار ناکام ہوگئے ، انگریزی، انگریزی مضمون نویسی، جنرل نالج، اسلامیات میں بدترین کارکردگی رہی۔

رپورٹ میں کہنا ہے کہ انگریزی مضمون میں علم کی کمی، انگریزی کی کمزوری اور غیر ضروری الفاظ کا چناؤ شامل ہیں جبکہ انگلش پریسی میں رٹے، بے محل جملے اور خیالات کی بے ترتیبی عیاں ہوتی ہے۔

ایک ممتحن نے رپورٹ میں رائے دی ہے کہ کتاب، اخبار اور رسائل کے مطالعے کی کمی ہر جگہ نظر آتی ہے، تعلیمی نظام کو اسکول کی سطح پر مکمل طور پر بدلنے کی اشد ضرورت ہے۔

جنرل نالج میں 1947 سے 2022 تک کی سیاسی جماعتوں کے سوال پر کوئی ایک امیدوار صحیح جواب نہ دے سکا جبکہ پاکستان افئیرز میں پاکستان کی سیاست، خارجہ پالیسی پر کوئی امیدوار جامع جواب نہ دے سکا

اسلامیات میں کئ امیدوار اجتہاد کو جہاد لکھتے رہے اور کسی نے تو اسلام کے اصولوں کے بر خلاف لکھا۔

انگریزی مضمون میں 19440 اُمیدواروں میں 220 یا ایک فیصد امیدوار پاس ہوئے، پاکستان افئیرز میں 19445 امیدواروں میں ایک فیصد پاس ہوئے۔

پاس ہونے والوں میں پرائیوٹ تعلیمی اداروں کے 29٪، سرکاری اداروں کے گیارہ فیصد امیدوار شامل

غیر ملکی تعلیم یافتہ امیدواروں کی کامیابی کا تناسب تین فیصد رہا جبکہ سرکاری یونیورسٹیوں کے 15523 امیدواروں میں صرف 320 کامیاب قرار پائے اور پرایوئٹ یونیورسٹیوں کے 496 امیدواروں میں 12 کامیاب ہوئے۔