ARYNews.tv | Urdu – Har Lamha Bakhabar

Tag: سی ایم ایچ

  • بلوچستان کےعلاقے مستونگ سے 2 افراد کی لاشیں برآمد

    بلوچستان کےعلاقے مستونگ سے 2 افراد کی لاشیں برآمد

    کوئٹہ: صوبہ بلوچستان کےعلاقے مستونگ میں سیکورٹی فورسز کو سرچنگ کے دوران 2 افراد کی لاشیں ملی ہیں۔

    صوبہ بلوچستان کے ضلع مستونگ میں پہاڑی علاقے کابوکے سے 2 افراد کی لاشیں ملی ہیں۔ سیکورٹی فورسزکولاشیں علاقے میں سرچنگ کے دوران ملی ہیں۔

    ذرائع کا کہنا ہے کہ لاشیں کئی ہفتے پرانی ہونے کے باعث ڈھانچہ بن چکی ہیں۔ لاشوں کو شناخت کے لیے سی ایم ایچ منتقل کردیا گیا ہے۔

    بلوچستان میں سیکورٹی فورسز کی کارروائی‘ 10 دہشت گرد ہلاک

    خیال رہے کہ سیکورٹی فورسز نے بلوچستان کے ضلع ہرنائی کے قریب زندہ پیر کےعلاقے میں کارروائی کے دوران 10 دہشت گردوں کو ہلاک کردیا تھا۔

    بلوچستان : سیکیورٹی فورسزکے قافلے پرحملہ، کرنل سمیت تین اہلکارشہید

    یاد رہے کہ تین روز قبل دہشت گردوں نے سیکیورٹی فورسز کے قافلے پر حملہ کر کے ایف سی کے کرنل سمیت تین اہلکارشہید تین کو زخمی کردیا تھا۔

    بلوچستان، کالعدم تنظیم کے دوکمانڈرز سمیت 12 دہشت گرد گرفتار

    واضح رہے کہ گزشتہ ماہ بلوچستان میں سیکیورٹی فورسز نے کامیاب آپریشن کے دوران کالعدم تنظیموں کے دو اہم کمانڈرز سمیت 12 دہشت گردوں کو حراست میں لے کر بھاری مقدا میں اسلحہ برآمد کرلیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آرمی چیف کی چمن سانحے میں زحمی اہلکاروں سے ملاقات

    آرمی چیف کی چمن سانحے میں زحمی اہلکاروں سے ملاقات

    کوئٹہ: آرمی چیف جنرل قمر جاوید باجوہ نے چمن کے سی ایم ایچ اسپتال میں افغان فورسز کی فائرنگ سے زخمی ہونے والے سیکورٹی اہلکاروں سے ملاقات کی۔

    پاک فوج کے شعبہ تعلقات عامہ کے مطابق آرمی چیف نے کوئٹہ گیریژن میں مختلف تنصیبات کا دورہ کیا۔آرمی چیف نے اسکول آف انفینٹری میں مختلف کورسز میں شریک افسران سے ملاقاتیں اور کمانڈ اینڈ اسٹاف کالج کوئٹہ میں طلبا سے خطاب بھی کیا۔

    جنرل قمر جاوید باجوہ نے خطاب کے دوران ملک کی اندرونی و بیرونی صورت حال پر بات کی اور اسی حوالے سے پاک فوج کے کردار پر بھی روشنی ڈالی۔

    آرمی چیف نےسی ایم ایچ کوئٹہ کا بھی دورہ کیا جہاں انہوں نے چمن بارڈر پر افغان فورسز کی فائرنگ سے زخمی ہونےوالوں سے سیکیورٹی اہلکاروں کی عیادت کی۔

    چمن : افغان فورسز کی گولہ باری و فائرنگ،10 شہری شہید، 45زخمی

    یاد رہےکہ گزشتہ ہفتےچمن میں سیکورٹی اہلکاروں پر افغان بارڈر فورسز نے فائرنگ کردی تھی جس کے نتیجے میں 10افراد جاں بحق اور 45 زخمی ہوگئے تھے۔

    واضح رہےکہ واقعے کے بعد آئی ایس پی آر کی جانب سے جاری بیان میں کہا گیاتھا کہ افغان بارڈر پولیس نے مردم شماری ٹیم کی سیکیورٹی پر مامور ایف سی بلوچستان کے اہلکاروں کو فائرنگ کا نشانہ بنایا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم نواز شریف اور وفاقی وزرا کا جنرل ہیڈکوارٹرز راولپنڈی کا دورہ

    وزیراعظم نواز شریف اور وفاقی وزرا کا جنرل ہیڈکوارٹرز راولپنڈی کا دورہ

    راولپنڈی: وزیراعظم نواز شریف اور وفاقی وزرا نے جنرل ہیڈکوارٹرز راولپنڈی کا دورہ کیا، جہاں انھیں آپریشن ضرب عضب پر تفصیلی بریفنگ دی گئی۔

    وزیراعظم نوازشریف نےوزیردفاع، وزیرداخلہ،مشیرخارجہ کے ہمراہ پاک فوج کے ہیڈ کوارٹر کادورہ کیا،آرمی چیف جنرل راحیل شریف نے وزیراعظم کا جی ایچ کیوپہنچنے پر استقبال کیا، چاق و چوبند دستے نےوزیراعظم کو گارڈ آف آنر پیش کیا،ڈی جی ملٹری آپریشنز نے وزیراعظم کو آپریشن ضرب عضب پر بریفنگ دی اوربتایا کہ میران شاہ کو دہشت گردوں سےپاک کرالیاگیاہے،شمالی وزیرستان ہر طرف سے سیل ہے تاکہ کوئی دہشت گرد بچ نہ سکے۔

    وزیراعظم کوبتایاگیا کہ ابتدائی حملوں میں دہشت گردوں کوبھاری نقصان اٹھا نا پڑا،زمینی کارروائی میں لڑنے والےدہشت گردوں کاخاتمہ کیاجارہاہے، وزیراعظم کاکہناتھاامن کیلئےقوم جوانوں کے ساتھ کھڑی ہے، آپریشن کامقصد حکومتی عملدرداری قائم کرناہے ،اس موقع پرعدالتوں سےدہشت گردوں کے چھوٹ جانےپرتشویش کااظہارکیاگیااورپاک فوج کو مکمل قانونی حمایت فراہم کرنے پراتفاق کیاگیا، آپریشن میں اب تک چار سو پچاس سے زائد دہشت گرد مارے جا چکے ہیں جب کہ پاک فوج کے دو کیپٹنز سمیت چھبیس جوان جام شہادت نوش کرچکے ہیں، وزیراعظم یادگار شہداءپر بھی گئے اور پھولوں کی چادر چڑھائی۔

  • وزیراعظم نوازشریف کا آرمی چیف کے ہمراہ سی ایم ایچ کا دورہ

    وزیراعظم نوازشریف کا آرمی چیف کے ہمراہ سی ایم ایچ کا دورہ

    وزیراعظم نوازشریف نے آرمی چیف کے ہمراہ سی ایم ایچ کادورہ کیا اور راولپنڈی دھماکےکے زخمیو ں کی عیادت کی، وزیراعظم کا کہنا تھا قوم دہشت گردی کےخلاف جنگ میں متحد ہے دہشت گردحملے ہمارامورال کم نہیں کرسکتے۔

    وزیراعظم نوازشریف نے وزیردفاع اور آرمی چیف کے ہمراہ سی ایم ایچ کا دورہ کیا اور خودکش حملے کے زخمیوں کی عیادت کی، اس موقع پر وزیراعظم کاکہناتھا دہشت گردی کیخلاف پاک فوج کی قربانیوں کو فراموش نہیں کیاجاسکتا، جوانوں نےعظیم قربانیاں دیں قوم کے مستقبل کیلئے اپنا آج قربان کرنیوالے باعث فخر ہیں۔

    وزیراعظم فردا فردا زخمیوں کے پاس گئے اور ان کی خیریت دریافت کی،  پاک فوج کے سربراہ جنرل راحیل شریف نے بنوں کا بھی دورہ کیا ، آرمی چیف کے بنوں پہنچنےپر کور کمانڈر پشاور لیفٹنٹ جنرل خالد ربانی نے اُن کا استقبال کیا۔

    آرمی چیف سی ایم ایچ بنوں پہنچے اور چھاؤ نی دھماکے میں زخمی ہونے والے اہلکاروں کی عیادت کی، آرمی چیف نے زخمی جوانوں کے عزم اور حوصلے کو سراہا، آرمی چیف نے فوجی جوانوں کو گلدستے پیش کئے ، بنوں چھاؤنی دھماکےمیں تئیس سکیورٹی اہلکار شہید اور متعد زخمی ہوگئے تھے۔