Tag: سی این جی اسٹیشنز
-
کوئٹہ:دو ہفتوں سے بند سی این جی اسٹیشنز دوبارہ کھول دیئے گئے
کوئٹہ میں دو ہفتوں سے بند سی این جی اسٹیشنز دوبارہ کھول دیئے گئے ہیں جس کے بعد گھریلو صارفین کی جانب سے ایک مرتبہ پھر گیس پریشر میں کمی کی شکایات سامنے آنے لگی ہیں۔
شدید سردی کے باعث گیس پریشر میں آنے والی کمی سے نمٹنے کے لئے صوبائی حکومت کی ہدایت پر صوبائی دارلحکومت کے سی این جی اسٹیشنز اکتیس دسمبر کو بند کئے گئے تھے۔
جو سردی کی شدت کم ہونے کے بعد دوبارہ کھول دیئے گئے ہیں تاہم شہریوں کو سی این جی اسٹیشنز پر گھنٹوں گھنٹوں قطاروں میں کھڑا ہونا پڑ رہا ہے۔
کوئٹہ سمیت صوبے کے بالائی اور شمالی علاقوں میں سردی کی شدت قدرے کم ہوگئی ہے تاہم سی این جی اسٹیشنز کھولے جانے کے نتیجے میں ایک مرتبہ پھر گیس پریشر کم ہونے کی شکایات سامنے آرہی ہیں۔
سردی ہو یا نہ ہو،گیس بحران کسی نہ کسی شکل میں موجود ہے، سردی کی شدت میں اضافہ ہوتے ہی سی این جی اسٹیشنز دوبارہ بند کردیئے جائیں گے،اور یہ سلسلہ موسم سرما کے دوران برقرار رہنے کا امکان ہے۔
-
لاہورہائیکورٹ:سی این جی بندش کیخلاف درخواست مسترد
لاہور ہائی کورٹ نے سی این جی اسٹیشنز پر گیس کی بندش کیخلاف درخواست مسترد کردی، عدالت نے قرار دیا کہ گیس کے استعمال پر پہلا حق گھریلو صارفین کا ہے۔
لاہور ہائیکورٹ نے سی این جی اسٹیشنز پر گیس کی بندش کیخلاف درخواست مسترد کرتے ہوئے حکومتی پالیسی کو درست قرار دے دیا، درخواست گزار نے لاہور ہائی کورٹ میں درخواست جمع کرائی تھی کہ گیس کی بندش سے سی این جی اسٹیشنز کا کاروبار تباہ ہوکر رہ گیا ہے۔
مالکان کو خسارے کا سامنا جبکہ ہزاروں ملازمین بے روزگار ہوگئے ہیں جس پر عدالت نے یہ کہتے ہوئے درخواست مسترد کردی کہ گیس کے استعمال پر پہلا حق گھریلو صارفین کا ہے، گیس فراہمی پر حکومتی پالیسی ٹھیک ہے۔
-
آل پاکستان سی این جی ایسوسی ایشن کا ہفتے سے سی این جی اسٹیشنزبند کرنے کا فیصلہ
آل پاکستان سی این جی ایسوسی ایشن نے سی این جی کی بندش کے خلاف ہڑتال کااعلان کرتے ہوئے ہفتے سے غیرمعینہ مدت تک کے لیئے سی این جی اسٹیشنزبند کرنے کافیصلہ کیاہے، کراچی ٹرانسپورٹ اتحادنے بھی ہڑتال کی حمایت کرتے ہوئے ہفتے سے گاڑیاں کھڑی کرنے کااعلان کیاہے۔
ایسوسی ایشن کے چیئرمین شبیرسلیمان جی کاکہناہے کہ سوئی سدرن گیس کمپنی کی جانب سے گھریلوصارفین کوگیس کی بلاتعطل فراہمی کے لیئے مسلسل دوروزتک اڑتالیس گھنٹے کے لیئے سی این جی اسٹیشنزبندکرنے کاعمل قابل مذمت ہے۔
انہوں نے کہاکہ ہفتے میں تین روز متبادل دنوں میں 24،24گھنٹوں کے لیئے سی این جی اسٹیشن بندکیئے جائیں لیکن اڑتالیس گھنٹوں کے لیئے مسلسل اسٹیشنزبندرکھنے سے صارفین اور اسٹیشنزمالکان کوشدیدنقصان پہنچ رہاہے ۔دوسری جانب ایس ایس جی سی کے اقدامات کے خلاف ٹرانسپورٹ تنظیمیں بھی ہفتے سے غیرمعینہ مدت تک سڑکوں پر ٹرانسپورٹ نہیں لائینگے۔
-
کوئٹہ:گیس پریشر میں کمی،سی این جی اسٹیشنز کی بندش کو 6روز ہوگئے
شدید سردی میں گھریلو صارفین کے لئے گیس پریشر میں کمی کو دور کرنے کے لئے کوئٹہ میں سی این جی اسٹیشنز آج چھٹے روز بھی بند ہیں، گیس پریشر کی کمی کا مسئلہ تاحال جوں کا توں ہے۔
کوئٹہ میں گزشتہ ہفتے چلنے والی شدید سردی کی لہر کے ساتھ ہی شہر میں گھریلو صارفین کے لئے گیس پریشر میں کمی کو دور کرنے کے لئے حکومت نے شہر کے بارہ سی این جی اسیٹشنز کو گیس کی سپلائی غیر معینہ کے لئے بند کردی تھی۔
گزشتہ چھ روز سے سی این جی اسٹیشنز بند رہنے کے باعث سی این جی پر چلنے والی سینکڑوں گاڑیوں کا پہیہ رک گیا ہے لیکن سی این جی اسٹیشنز کو گیس سپلائی بند کرنے کے باوجود نواں کلی ‘ بروری روڈ اور سریاب روڈ کے مختلف علاقوں سمیت شہر کے نواحی علاقوں میں گیس پریشر میں کمی کا مسئلہ دور نہیں ہوسکا ہے۔
-
کراچی سمیت سندھ میں سی این جی اسٹیشنز کی بندش کا نیا شیڈول جاری
سندھ میں سی این جی اسٹیشنز کی بندش کا نیا شیڈول جاری کر دیا گیا، اب کراچی سمیت سندھ بھر میں منگل اور جمعرات کو سی این جی اسٹیشنز چوبیس گھنٹوں کیلئے بند رہیں گے۔
سوئی سدرن نے رواں ہفتے صرف دو روز سی این جی اسٹیشنز کو گیس نہ دینے کا اعلان کیا ہے، گزشتہ ہفتے صوبے بھر میں سی این جی سیکٹر کو چار دن گیس نہیں دی گئی تھی،ملک میں قدرتی گیس کی شدید قلت ہے۔
پنجاب، خیبرپختونخوا اور بلوچستان میں گھروں کے چولہے گیس نہ ہونے کی وجہ سے ٹھنڈے پڑے ہیں لیکن سندھ میں گاڑیوں کیلیے گیس موجود ہے، حکومت نے سندھ میں سی این جی اسٹیشنز اور ٹرانسپورٹ مافیا کے آگے گھٹنے ٹیک دیئے ہیں۔
سی این جی ایسوسی ایشن کے نائب چیئر مین محمد علی کا کہنا ہے کہ سوئی سدرن گیس، سی این جی ایسوسی ایشن اور ٹرانسپورٹ اتحاد میں مذاکرات کامیاب ہوگئے۔
جس کے بعد اب رواں ہفتے صرف دو دن گیس کی بندش کی جائے گی، محمد علی نے مزید کہا کہ سوئی سدرن سے مذاکرات کا دوسرا دور بدھ کو ہوگا۔
-
کراچی سمیت سندھ میں سی این جی آج صبح سے پھر 2روز کیلئے بند
کراچی سمیت سندھ بھر میں دو روز کی بندش کے بعد چوبیس گھنٹے کیلئے سی این جی فراہم کی گئی، جس کے بعد آج سے دوبارہ اگلے اڑتالیس گھنٹے کیلئے سی این جی بند کر دی گئی ہے۔
رواں ہفتے کے لئے کراچی سمیت سندھ بھر میں سی این جی اسٹیشنز کی بندش کا نیا شیڈول جاری کر دیا گیا ہے، دو روز کی بندش کے بعد کھلنے والے سی سی این جی اسٹیشن اب جمعہ تین جنوری صبح آٹھ بجے سے اتوار پانچ جنوری صبح آٹھ بجے تک اڑتالیس گھنٹوں کے لیے دوبارہ بند کر دیئے گئے۔
سی این جی اسٹیشن پر گاڑیوں کی لمبی قطاریں لگی ہوئیں ہیں، جس سے ٹریفک کی روانی بھی متاثر ہو رہی ہے ۔
