Tag: سی ای او پی آئی اے

  • ’’طیارہ حادثے میں جاں بحق افراد شہید ہیں، فرنٹ لائن مجاہد کھودئیے‘‘

    ’’طیارہ حادثے میں جاں بحق افراد شہید ہیں، فرنٹ لائن مجاہد کھودئیے‘‘

    کراچی: سی ای او پی آئی اے ایئرمارشل ارشد ملک کاکہنا ہے کہ طیارہ حادثے میں جاں بحق افراد شہید ہیں، میں نے اپنے فرنٹ لائن مجاہد کھو دئیے۔

    اے آر وائی نیوز کی رپورٹ کے مطابق سی ای او ارشد ملک نے نیوز کانفرنس کرتے ہوئے کہا کہ میرے کیبن کریو نے قربانیاں دیں، شہید اب واپس نہیں آسکتے، ان کےگھروں میں کہرام ہے۔

    انہوں نے کہا کہ این ڈی ایم اے، کورکمانڈر، گورنر سب میرےساتھ ہیں، شہدا کےلواحقین کےغم میں برابر کے شریک ہیں، پی آئی اےکے پائلٹ ہراول دستہ ہیں۔

    ارشد ملک نے کہا کہ جہازکی تمام سرٹیفکیشن مکمل تھی کوئی چیزمسنگ نہیں تھی، سانحہ کیسے ہوا اس کا ایک ہی مستند اصول انکوائری ہے، جہازتکنیکی لحاظ سے پوری طرح کلیئرڈ تھا کوئی خرابی نہیں تھی۔

    مزید پڑھیں: پی آئی اے کا طیارہ گر کر تباہ، جاں‌ بحق افراد کی تعداد 39 ہوگئی، 2 مسافرمعجزانہ طور پر بچ گئے

    سی ای او پی آئی اے نے کہا کہ میرےشہری شہید ہوئےہیں لہٰذا ایک شفاف انکوائری ہوگی، متاثرین کوشفاف معلومات دی جائیں گی، ہم نےایئرپورٹ ہوٹلز کوخالی کرالیا ہےتاکہ لواحقین رہ سکیں۔

    انہوں نے کہا کہ آپریشن مکمل کرنےمیں 2سے 3 دن لگیں گے، عوام سےدرخواست ہے فتنہ پھیلانے والےخود ساختہ ماہرین سے دور رہیں۔

    ایئر مارشل ارشد ملک نے کہا کہ 19 شہدا جناح اسپتال اور22 شہدا کی میتیں دیگراسپتالوں میں ہیں، پائلٹ نے لینڈنگ کی کوشش کی لینڈنگ گیئرنہیں کھلے، پائلٹ نےدوبارہ لیڈنگ کی کوشش کی جس دوران طیارہ کریش ہوا۔

    ان کا کہنا تھا کہ ظفرمسعود کےعلاوہ بچ جانے والوں سے متعلق تفصیلات ابھی موجود نہیں، پاکستان میں عالمی سطح پرسرٹیفائیڈ لوگ واقعے کی تحقیقات کرینگے، عالمی سطح کی تحقیقات کرائیں گے تاکہ شفاف معلومات سامنے آئے۔

  • اصولوں پر ڈٹ جانے اور جان کی پروا نہ کرنے کا نام ہی حسینیت ہے، ائیر مارشل ارشد ملک

    اصولوں پر ڈٹ جانے اور جان کی پروا نہ کرنے کا نام ہی حسینیت ہے، ائیر مارشل ارشد ملک

    کراچی : ائیر مارشل ارشد ملک نے کہا ہے کہ سچائی اور اصولوں پر ڈٹ جانے اور جان کی پروا نہ کرنے کا نام ہی حسینیت ہے، واقعہ کربلا اور شہادت حضرت امام حسینؓ نے تاریخ میں فتح اور شکست کا مروجہ روایتی مفہوم تبدیل کر کے رکھ دیا۔

    یہ بات انہوں نے یوم عاشو پر اپنے جاری پیغام میں کہی، صدر و سی ای او پی آئی اے ائیر مارشل ارشد ملک کا اپنے پیغام میں مزید کہنا ہے کہ شہادت امام حسینؓ نے اس لحاظ سے ایک نئی تاریخ رقم کی کہ سچائی کے اصولوں کی پاسداری کی خاطر ڈٹ جانا اور بڑی سے بڑی حتی کہ جان کی قربانی دینا سب سے بڑی فتح ہوتی ہے۔

    آج تقریبا چودہ سو سال کا عرصہ گزر جانے کے بعد بھی ان کی اس عظیم قربانی کو ساری دنیا کے لئے جرات و بہادری اور باطل کا بے خوفی سے مقابلہ کرنے کی ایک لازوال مثال کے طور پر تسلیم کیا جاتا ہے۔

    انہوں نے کہا کہ سچائی اور اصولوں پر ڈٹ جانے اور جان کی پروا نہ کرنے کا نام ہی حسینیت ہے۔ واقعہ کربلا اور شہادت حضرت امام حسینؓ نے تاریخ میں فتح اور شکست کا مروجہ روایتی مفہوم تبدیل کر کے رکھ دیا۔

    میرا یہ ایمان ہے کہ ہماری زندگی کا ہر شعبہ حسنیت کے اصولوں پر مبنی ہو جس میں باطل کے مقابلے میں حق کا ساتھ دینے میں کسی قربانی سے دریغ نہ کیا جائے۔ جو اللہ کریم پر ایمان رکھتے ہیں اور نبی آخر الزمان حضرت محمد صلی اللہ علیہ وسلم کی سنت طیبہ کی پیروی پر یقین رکھتے ہیں ان کے لئے کوئی مشکل ناممکن نہیں رہتی۔

    آئیے آج ہم اس بات کا اعادہ کریں کہ اسلام کی سربلندی کے لئے ہم اپنی زندگیوں میں حسنیت کے سچائی اور حق کے اصولوں کو ہمیشہ مقدم رکھیں گے۔ ہم اس بات کا بھی عہد کریں کہ اپنی قومی ائیر لائن پی آئی اے کے تحفظ اور ترقی کی خاطر اسے ہمیشہ اولین ترجیح دیتے رہیں گے۔

    میری اللہ کریم سے عاجزانہ التجا ہے کہ وہ ہم سب کو امام حسین کے نقش قدم پر چلنے کی توفیق عطا فرمائے ۔آمین۔

  • مہاتیر محمد سے سی ای او پی آئی اے ایئر مارشل ارشد ملک کی ملاقات

    مہاتیر محمد سے سی ای او پی آئی اے ایئر مارشل ارشد ملک کی ملاقات

    اسلام آباد : پی آئی اے کے سی ای او ایئر مارشل ارشد ملک نے ملیشیا کے وزیراعظم مہاتیر محمد سے ملاقات کی،اس موقع پر وزیراعظم عمران خان بھی موجود تھے۔

    ملاقات کے دوران ویزوں کے آسان حصول اور پی آئی اے کے فلائٹ آپریشن کو بڑھانے کیلئے تبادلہ خیال کیا گیا، وزیر اعظم عمران خان کا کہنا تھا کہ پی آئی اے قومی اثاثہ ہے، اس کو مزید ترقی دینے کیلئے اقدامات کررہے ہیں۔

    انہوں نے کہا کہ ملیشیا میں پی آئی اے کے آپریشن سے سیاحت کے ساتھ ساتھ تجارت کو بھی فروغ حاصل ہورہا ہے، اس موقع پر ملیشیا کے وزیراعظم مہاتیر محمد کا کہنا تھا کہ دونوں ممالک ہوابازی کی صنعت کے فروغ کیلئے اہم کردار ادا کررہے ہیں۔

    سی ای او پی آئی اے ارشد ملک نے کہا کہ ملیشیا اور پاکستان کے درمیان برادرانہ تعلقات ہیں، پی آئی اے ملیشیا کے شہر کوالالمپور میں اپنا فضائی آپریشن جاری رکھے ہوئے ہے۔

  • فضائی آپریشن کی بحالی کا کام جلد مکمل کیا جائے، ایئرمارشل ارشد ملک

    فضائی آپریشن کی بحالی کا کام جلد مکمل کیا جائے، ایئرمارشل ارشد ملک

    کراچی : سی ای او پی آئی اے ایئرمارشل ارشد ملک نے کہا ہے کہ پی آئی اے کارکنان و عملہ فضائی آپریشن کی بحالی کو جلد از جلد مکمل کرے، بیجنگ، کوالالمپور اور بنکاک کے لئے پروازیں عارضی طور پر بند رہیں گی۔

    تفصیلات کے مطابق پی آئی اے کا فضائی آپریشن ملک کے چار بڑے ایئرپورٹس پر معمول کے مطابق جاری ہے، سی ای او ایئرمارشل ارشد ملک نے ہدایات جاری کی ہیں کہ پی آئی اے کارکنان و عملہ بحالی آپریشن کو جلد از جلد مکمل کرے۔

    انہوں نے کہا کہ گزشتہ چار روز کے دوران فضائی بندش سے چار سو سے زائد پروازیں اور پچیس ہزار سے زائد مسافر متاثر ہوئے، پروازوں کی بحالی کے بعد تقریباً آٹھ ہزار مسافروں کو ان کی منزل مقصود تک پہنچا دیا گیا ہے۔

    ایئرمارشل ارشد ملک کا مزید کہنا تھا کہ فضائی حدود کی بندش کے دوران کراچی سے مسافروں کو زمینی راستے سے لاہور، پشاور، کوئٹہ اور اسلام آباد پہنچایا گیا۔

    بیرون ملک مختلف ممالک میں تعینات اسٹاف مسافروں کی سہولیات کے لئے ہر ممکن اقدامات کر رہا ہے، سی ای او کے مطابق پی آئی اے کی بیجنگ، کوالالمپور اور بنکاک کے لئے پروازیں عارضی طور پر بند رہیں گی،  انہوں نے کہا کہ ہم ایک ٹیم کے طور پر کام کر رہے ہیں، کم سے کم وقت میں مسافروں کو منزل مقصود تک پہنچائیں گے۔

  • ای سی ایل کے باوجود سی ای او پی آئی اے آبائی وطن جانے کیلئے کوشاں

    ای سی ایل کے باوجود سی ای او پی آئی اے آبائی وطن جانے کیلئے کوشاں

    کراچی: پی آئی اے کے قائم مقام سی ای او نے اپنا نام ای سی ایل میں شامل ہونے کے باوجود آبائی وطن جانے کی کوششیں شروع کردیں، انتظامیہ نے سی ای او کی چھٹی کی اجازت پرعمل درآمد مؤخر کردیا۔

    تفصیلات کے مطابق ایگزیکٹ کنٹرول لسٹ پر موجود پی آئی اے کے قائم مقام سی ای او برنڈ ہلڈن برنڈ نے ایک با ر پھر آبائی وطن جانے کی کوششیں تیز کردیں، برنڈ ہلڈن برنڈ کی چھٹی کے لئے دی گئی درخواست کو مجاز اتھارٹیز نے جاری انکوئریز کی تکمیل تک موخر کر دیا۔

    ذرائع کا کہنا ہے کہ سی ای او کیخلاف مذکورہ انکوائریز ایئر لائن کے لئے لیز پر حاصل طیاروں اور ایئر بس 310 کی مبینہ فروخت کے حوالے سے جاری ہیں، انکوائریز ایف آئی اے کے علاوہ پی آئی اے کی دو رکنی ٹیم بھی کر رہی ہے۔

    ذرائع کے مطابق ایف آئی اے کی تحقیقات کے ضمن میں قائم مقام سی ای او کا نام ای سی ایل میں شامل کیا گیا تھا، مذکورہ الزامات کی تحقیقات کے حوالے سے وفاقی وزیرداخلہ چوہدری نثارعلی پریس کانفرنس بھی کر چکے ہیں۔

    copy-post-01

    ہلڈن برنٍڈ کی روانگی کے لئے ای سی ایل سے عارضی طور پر نام نکلوانے کے لئے سفارتی ذرائع بھی متحرک ہیں۔ ہلڈن برںڈ نے قومی ایئر لائن کی انکوائری کمیٹی کے سوالنامے کے جوابات بھی کچھ روز قبل دئیے ہیں۔

    ذرائع نے بتایا کہ مجاز اتھارٹیز کو قائم مقام سی او کی جانب سے یورپ کے ایک ایئرپورٹ پر آپریشن کے مجوزہ آغاز پر بھی تحفظات ہیں، اس کے علاوہ مذکورہ ایئر پورٹ پر قومی ایئر لائن کے مجوزہ آپریشن کے لئے پڑوسی ملک کی ایک کمپنی کی مبینہ دلچسپی بھی سامنے آئی ہے۔

    ذرائع کے مطابق مذکورہ کمپنی کی انتظامیہ میں قائم مقام سی ای او کے قریبی عزیز کی موجودگی کے بھی شواہد سامنے آئے ہیں۔