Tag: سی اے اے

کراچی: مشترکہ دشمن کرونا وائرس سے نبردآزما دنیا میں پاکستان ایئر ٹریفک نے اپنے روایتی حریف ملک بھارت کے طیاروں کو فراخ دلی کے ساتھ راستہ فراہم کر دیا۔

تفصیلات کے مطابق پاکستانی ایئر ٹریفک کنٹرولرز نے فراخ دلی کا مظاہرہ کرتے ہوئے کرونا متاثرین کے لیے امداد لے کر فرینکفرٹ جانے والے 2 بھارتی طیاروں کی رہنمائی کی، یہ طیارے کراچی ریجن کی فضائی حدود سے گزر رہے تھے۔

پاکستانی ایئر ٹریفک کنٹرولر نے بھارتی طیاروں کو خیر سگالی کا پیغام دیا، اہل کار نے بھارتی پائلٹ کو سلام بھی کیا، کراچی کے ایئر ٹریفک کنٹرولر نے بھارتی پائلٹ کو پیغام دیا کہ آپ اچھا کام کر رہے ہیں۔ جس پر بھارتی پائلٹ نے جواب دیا کہ آپ کا بہت بہت شکریہ!

ذرایع کے مطابق ایک بھارتی طیارے نے ممبئی، دوسرے نے نئی دہلی سے اڑان بھری تھی، بھارتی پروازیں کرونا وائرس ریلیف امدادی سامان لے کر جا رہی تھیں، تاہم بھارتی بوئنگ 777 اور 787 طیارے کا ایرانی ایئر ٹریفک سے رابطہ نہیں ہو رہا تھا، سول ایوی ایشن کے ایئر ٹریفک کنٹرولر نے بھارتی طیاروں کو مدد فراہم کی۔

پاکستانی اے ٹی سی نے ایران کے اے ٹی سی سے لینڈ لائن پر رابطہ کیا اور کہا کہ وہ انڈین طیاروں سے رابطہ قائم کریں، جس کے بعد ایرانی اے ٹی سی نے بھارتی طیاروں کو 1 ہزار کلو میٹر کا ڈائریکٹ روٹ فراہم کیا، بھارتی پائلٹ نے پاکستانی ایئر ٹریفک کنٹرولر کے تعاون کو سراہا اور شکریہ ادا کیا۔

خیال رہے کہ سی اے اے کے ایئر ٹریفک کنٹرولر بھارتی طیاروں کو ڈائریکٹ روٹ دیا تھا، جب کہ عام دنوں میں کسی طیارے کو براہ راست روٹ فراہم نہیں کیے جاتے۔

کراچی: سول ایوی ایشن اتھارٹی (سی اے اے) نے کرونا وائرس کے پھیلاؤ کی روک تھام کے لیے سی اے اے کا اہم اقدام سامنے آگیا۔

تفصیلات کے مطابق سول ایوی ایشن اتھارٹی (سی اے اے) نے کرونا وائرس کے پیش نظر ملازمین کے لیے نئی ایڈوائزری جاری کردی جس میں بتایا گیا ہے کہ سی اے اے ملازمین کی ڈیوٹی کے اوقات کار تبدیل کر دیے گئے ہیں۔

سول ایوی ایشن اتھارٹی کی جانب سے جاری نوٹیفکیشن کے مطابق ہیڈکوارٹرز، جنرل ڈیوٹی والے ملازمین 6گھنٹے کام کریں گے۔نوٹیفکیشن میں کہا گیا ہے کہ سی اےاے ملازمین صبح 10سے شام 4 بجےتک ڈیوٹی انجام دیں گے، جمعہ کوصبح 10بجےتا دوپہر ایک بجے تک ڈیوٹی ہوگی۔

حکومت پاکستان کا کرونا وائرس سے بچاؤ کے لیے بڑا فیصلہ

یاد رہے کہ دو روز قبل حکومت پاکستان نے کرونا وائرس کی وجہ سے بین الاقوامی پروازوں کی منسوخی کے بعد تمام علاقائی پروازیں بھی منسوخ کردی تھیں۔

ڈائریکٹر ائیر ٹرانسپورٹ نے علاقائی پروازوں کی منسوخی سے متعلق نوٹم جاری کیا تھا جس میں کہا گیا تھا کہ حکومت پاکستان نے تمام ایئر لائن آپریٹرز سے مشاورت کے بعد فیصلہ کیا۔

قبل ازیں حکومت پاکستان کی ہدایات کے بعد پاکستان انٹرنیشل ایئرلائنز (پی آئی اے) نے اپنی تمام بین الاقوامی پروازوں کو عارضی طور پر معطل کر دیا تھا۔

اسلام آباد: سول ایوی ایشن اتھارٹی کے غریب پورٹر نے ایمان داری کی مثال قائم کر دی، 1 لاکھ 30 ہزار روپے مالیت کی گم شدہ رقم مالک کو لوٹا دی۔

اے آر وائی نیوز کے مطابق ابوظبی سے پرواز پی کے 262 کے ذریعے اسلام آباد ایئر پورٹ پہنچنے والا مسافر محمد اختر اپنا وائلٹ ٹرالی میں چھوڑ کر چلا گیا تھا، جو سی اے اے کے پورٹر زار قریشی کے ہاتھ لگا۔

مسافر کے بٹوے میں 2940 یو اے ای درہم اور 1450 پاکستانی روپے موجود تھے، تاہم پورٹر زار قریشی نے ایمان داری کا مظاہرہ کرتے ہوئے بٹوہ ڈیوٹی ٹرمینل کے حوالے کر دیا۔ بعد ازاں ڈیوٹی ٹرمینل منیجر نے مسافر محمد اختر سے رابطہ کر کے اسے واپس بلایا اور امانت ان کو لوٹا دی۔

مسافر محمد اختر نے رقم واپس ملنے پر سی اے اے کے پورٹر اور افسران کا شکریہ ادا کیا۔

خاتون لاکھوں مالیت کے زیورات ایئرپورٹ ہی پر بھول کر دبئی پہنچ گئیں

یاد رہے کہ رواں ماہ 4 فروری کو بھی کراچی ایئر پورٹ پر ایک خاتون لاکھوں مالیت کے زیورات بھول کر دبئی پہنچ گئی تھیں، عائشہ اعجاز نامی خاتون مسافر اپنے شوہر کے ہم راہ پرواز EK 609 سے آسٹریلیا براستہ دبئی جا رہی تھیں، تاہم جہاز پر سوار ہونے سے قبل کراچی ایئر پورٹ کے کاؤنٹر پر بیش قیمت زیورات سے بھرا بیگ بھول گئیں۔

سول ایوی ایشن اتھارٹی کے عملے نے فرض شناسی اور ایمان داری کا مظاہرہ کرتے ہوئے مذکورہ بیگ اس کی مالک خاتون کے رشتہ داروں کو بلا کر حوالے کیا۔

کراچی: سول ایوی ایشن اتھارٹی نے فضائی سروسز سے متعلق اہم شعبے کو نظر انداز کر دیا، ائیر ٹریفک کنٹرولرز ٹوٹی پھوٹی کرسیوں پر اہم فرائض انجام دینے پر مجبور ہیں۔

تفصیلات کے مطابق جہازوں کو راستہ بتانے اور سنگین حادثات سے بچا نے والے ائیر ٹریفک کنٹرولرز خود بد حالی کا شکار ہیں، ائیر ٹریفک کنٹرولرز ٹوٹی پھوٹی کرسیوں پر بیٹھ کر اپنے فرائض انجام دینے پر مجبور نظر آتے ہیں۔

ذرایع کا کہنا ہے کہ اے ٹی سی کو دفاتروں میں بنیادی سہولت کے علاوہ چپڑاسی (آفس بوائے) بھی فراہم نہں کیا گیا، بین الاقوامی قوانین کے مطا بق ائیر ٹریفک کنٹرولر کو ڈیوٹی کے دوران 2 گھنٹے کا ریسٹ اور سہولت بھی فراہم کی جاتی ہے۔

ادھر گلڈ کی جانب سے حکام کو متعدد بار آگاہ کیا جا چکا ہے کہ موجودہ صورت حال سے ایئر ٹریفک کنٹرولز میں بے چینی پائی جاتی ہے، جس سے ان کی پیشہ ورانہ صلاحیت متاثر ہو رہی ہے، اور اس سے پاکستان کی فضائی حدود میں فلائٹ سیفٹی مسائل جنم لے رہے ہیں.

اے ٹی سی کے صدر نے کہا ہے کہ ائیر ٹریفک کنٹرولر اس سلسلے میں وفاقی محتسب کو خط ارسال کر چکی ہے۔

پاکستان ایئر ٹریفک کنٹرولرز گلڈ کے صدر کا کہنا ہے کہ فضائی سفر کو محفوظ بنانے کے لیے ائیر ٹریفک کنٹرولر کا کردار انتہا ئی اہم ہوتا ہے، فضاؤں میں کچھ دوری اور بلندی پر اڑنے والے جہازوں کو فضائی روٹ پر متحرک رکھنا مہارت کا کام ہے، جہازوں کی آمد و رفت بالخصوص ٹیک آف اور لینڈنگ کے دوران فضائی حدود کا خیال رکھنا ایک کنٹرولر کا کلیدی کردار ہوتا ہے۔