ARYNews.tv | Urdu – Har Lamha Bakhabar

Tag: سی سی ٹی وی فوٹیج

  • کراچی : گارڈن انٹر چینج کے قریب فائرنگ کی فوٹیج سامنے آگئی

    کراچی : گارڈن انٹر چینج کے قریب فائرنگ کی فوٹیج سامنے آگئی

    کراچی (30 اگست 2025) شہر قائد کے علاقے گارڈن میں لیاری ایکسپریس وے کے انٹرچینج کے قریب زیر تعمیر عمارت میں ہونے والی فائرنگ کی سی سی ٹی وی فوٹیج سامنے آگئی۔

    مسلح ملزمان نے زیر تعمیر عمارت کے مزدور کو بھتے کی پرچیاں دیں اور پھر فائرنگ کردی، سی سی ٹی وی فوٹیج میں ملزم کو بھتے کی پرچیاں دیتے اور اسلحہ کے زور پر یرغمال بناتے دیکھا جاسکتا ہے۔

    فائرنگ سے 2 افراد زخمی ہوئے، گارڈن تھانے میں واردات کا مقدمہ درج کرلیا گیا ہے جس میں بھتہ خوری، اقدام قتل اور انسداد دہشت گردی کی دفعات کو بھی شامل کیا گیا ہے۔

    فوٹیج فائرنگ

    مزید پڑھیں : گارڈن میں بھتہ نہ دینے پر فائرنگ سے 2 مزدور زخمی

    یاد رہے کہ گزشتہ روز صبح کے وقت ایک زیر تعمیر عمارت میں مسلح ملزمان نے ٹانگ پر گولی مار کر 2 مزدوروں کو زخمی کردیا تھا، عمارت کے مالک سے ایک سال پہلے بھی بھتہ طلب کیا گیا تھا۔

    زخمی مزدوروں کا اپنے بیان میں کہنا ہے کہ ملزمان آئے اور پرچہ دے کر کہا اس نمبر پر فون کرو۔ پولیس کے مطابق ملزمان نے سپروائزر کو گولی ماری جو اس کو لگ کر دوسرے مزدور کو جا لگی۔

    پولیس مقابلے کے بعد دو ڈاکو گرفتار

    علاوہ ازیں پولیس نے اجمیر نگری میں مقابلے کے بعد 2 ملزمان کو گرفتار کرکے اسلحہ و موٹر سائیکل برآمد کرلی۔

    پولیس حکان کے مطابق اہلکاروں نے موٹر سائیکل سوار 2 افراد کو مشکوک جان کر رکنے کا اشارہ کیا، ملزمان نے رکنے کی بجائے فائرنگ کرکے فرار ہونے کی کوشش کی۔

    جوابی فائرنگ سے موٹر سائیکل سوار ڈاکو موٹر سائیکل سلپ ہونے سے گرگئے، پولیس نے دونوں ملزمان کو اسلحہ اور موٹر سائیکل سمیت گرفتار کر لیا۔

  • صحافی خاور حسین کی گولی لگی لاش ملنے کا معاملہ، سی سی ٹی وی فوٹیج سامنے آگئی

    صحافی خاور حسین کی گولی لگی لاش ملنے کا معاملہ، سی سی ٹی وی فوٹیج سامنے آگئی

    (17 اگست 2025): کراچی کے صحافی خاور حسین کی لاش ملنے سے قبل کی سی سی ٹی وی فوٹیج سامنے آگئی ہے۔

    تفصیلات کے مطابق کراچی کے صحافی خاور حسین کی لاش ملنے کے معاملے پر ڈپٹی انسپکٹر جنرل (ڈی آئی جی) شہید بینظیر آباد فیصل بشیر میمن کا بیان اور فوٹیج سامنے آگئی ہے۔

    شہید بینظیر آباد فیصل بشیر میمن نے کہا کہ واقعے کی سی سی ٹی وی فوٹیج مل چکی ہے جس کا باریک بینی سے جائزہ لیا جارہا ہے، عینی شاہدین  گولی چلنے کی آواز کسی نے نہیں سنی۔

    ڈی آئی جی فیصل بشیر نے کہا کہ گاڑی کے شیشے چڑھے ہوئے تھے قریب کسی کے ہونے کے شواہد نہیں ملے اس کے علاوہ سی ڈی آر کا ڈیٹا چوبیس گھنٹے میں حاصل کر لیا جائے گا۔

    ڈی آئی جی فیصل بشیر نے بتایا کہ گاڑی سے ملنے والا پستول ڈان نیوز کے سینئر رپورٹر خاور حسین کا ہی تھا، خاور نے حفاظتی نکتہ نظر سے پستول رکھا ہوا تھا، خاور حسین گاڑی پارک کرکے 2 بار واش روم گئے۔

    سی سی ٹی وی کے مطابق خاور تنہا تھے، خاور نے ہوٹل کے منیجر سے جاکر واش روم کا پوچھا، پھر واپس گاڑی میں آکر بیٹھ گئے، خاور دوبارہ گاڑی سے اترے اور پھر چوکیدار سے واش روم کا پوچھا، خاور پھر واش کے پاس گئے اور واپس آکر دوبارہ گاڑی میں بیٹھ گئے۔

    ڈی آئی جی نے مزید بتایا کہ لاش کو حیدر آباد سرد خانے میں رکھا گیا ہے تاہم اب تک پوسٹ مارٹم رپورٹ موصول نہیں ہوئی ہے، پستول اور گاڑی فرانزک کے لیے بھیج دی گئی ہے۔

    https://urdu.arynews.tv/journalist-khawar-hussains-bullet-ridden-body-found-car/

  • کراچی کے شہری ہوشیار : قربانی کے جانور چھین اور چوری کرلیے گئے

    کراچی کے شہری ہوشیار : قربانی کے جانور چھین اور چوری کرلیے گئے

    کراچی : عید الاضحیٰ کے قریب آتے ہی قربانی کے جانور چوری کرنےکی وارداتیں بڑھنے لگی، تازہ واقعے میں اتحاد ٹاؤن میں ڈاکو قربانی کے 7 جانور چھین کر فرار ہوگئے۔

    اے آر وائی نیوز کی رپورٹ کے مطابق کراچی کے علاقے راجہ تنویر کالونی میں 9 مسلح ملزمان نے باڑے میں لوٹ مار کی، 7قربانی کے جانور لوٹنے کے واقعے کا مقدمہ اقبال مارکیٹ تھانے میں درج کرلیا گیا۔

    واردات کے دوران ڈاکوؤں نے اسلحے کے زور پر باڑے میں موجود افراد کو یرغمال بنایا، ملزمان 20 لاکھ روپے سے زائد مالیت کے جانور ٹرک میں ڈال کر فرار ہوگئے۔

    پولیس کے مطابق مسلح ڈاکوؤں نے اپنے چہرے ہیلمٹ پہن کر چھپائے ہوئے تھے۔متاثرین نے بیان دیا ہے کہ 4جانور باڑے کے اور 3 مقامی افراد کے تھے۔

    پولیس حکام کا کہنا ہے کہ سی سی ٹی وی فوٹیجز کی مدد سے ملزمان کو تلاش کیا جارہا ہے، جنہیں بہت جلد گرفتار کرلیا جائے گا۔

    ایک اور واردات میں شاہ فیصل کالونی نمبر ایک میں گھر کے باہر کھڑا بکرا چوری ہوگیا، بکرے چوری کی واردات کی سی سی ٹی وی فوٹیج سامنے آگئی۔

    فوٹیج میں دیکھا جاسکتا ہے کہ 2افراد موٹرسائیکل پر آئے بکرا اپنے ساتھ لے کر چلے گئے، سی سی ٹی وی فوٹیجز میں بکرا چوروں کے چہرے واضح طور پر نظر آرہے ہیں۔

    متاثرہ شہری کی درخواست پر پولیس نے مقدمہ درج کرکے قانونی کارروائی کا آغاز کر دیا ہے۔ شہریوں نے متعلقہ حکام سے اپیل کی ہے کہ عید کے پیش نظر سیکیورٹی بڑھائی جائے تاکہ جانوروں کی چوری کی وارداتوں پر قابو پایا جا سکے۔

  • اسلام آباد میں 2 خواتین کے بےدردی سے قتل کی سی سی ٹی وی فوٹیج سامنے آگئی

    اسلام آباد میں 2 خواتین کے بےدردی سے قتل کی سی سی ٹی وی فوٹیج سامنے آگئی

    اسلام آباد میں دو خواتین کے قتل کی واردات کی سی سی ٹی وی فوٹیج سامنے آگئی، ایک خاتون کو گھر کے باہر بھاگتے دیکھا جاسکتا ہے۔

    اے آر وائی نیوز کے مطابق اسلام آباد میں دو خواتین کو قتل کرنے کے واقعے کی سی سی ٹی وی فوٹیج اے آر وائی نیوز کو موصول ہوگئی، ملزم نے دو خواتین کو بے دردی سے قتل کرنے کے بعد تیسری خاتون پر بھی حملہ کیا۔

    فوٹیج میں دیکھا جاسکتا ہے کہ تیسری خاتون نے گلی میں بھاگ کر اپنی جان بچائی، مقتولین ماں بیٹی تھیں، ملزم واردات کے بعد فرار ہوگیا ہے۔

    پولیس نے واقعے کا مقدمہ درج کرلیا ہے، پولیس کے مطابق ملزم صداقت گھر کا ملازم تھا اس نے دونوں خواتین کو قتل کیا جو کہ ماں بیٹی ہیں، ملزم نے تیسری خاتون پر بھی حملہ کیا وہ زخمی ہوگئی۔

    بعدازاں شور شرابے پر لوگ آئے، فوٹیج میں دیکھا جاسکتا ہے کہ لڑکی موبائل پھینکتی ہے، اس کے بعد لڑکا اسے بلاتا ہے کہ میری بات سنو مگر لڑکی وہاں سے بھاگ جاتی ہے۔

    اس کے بعد ملزم صداقت آرام سے وہاں سے نکل کر چلا جاتا ہے، واقعے کے بعد محلہ داروں نے پولیس کو اطلاع دی اور اندر جاکر دیکھا تو گھر کے اندر ماں اور بیٹی کی لاش پڑی ہوتی ہے۔

  • حیدرآباد پولیس مقابلہ : 2 ڈاکو ہلاک، فوٹیج سامنے آگئی

    حیدرآباد پولیس مقابلہ : 2 ڈاکو ہلاک، فوٹیج سامنے آگئی

    حیدرآباد کے تھانہ راہوکی کی حدود میں پولیس مقابلہ کی فوٹیج سامنے آگئی، ملزمان کو گھر کی چھت سے پولیس پر فائرنگ کرتے دیکھا جاسکتا ہے۔

    حیدرآباد سے اے آر وائی نیوز کے نمائندے جام فرید لاکھو کی رپورٹ کے مطابق حیدرآباد کے نواحی علاقے راہوکی میں پولیس مقابلہ کے دوران دو ڈاکو ہلاک جبکہ ایک پولیس اہلکار زخمی ہوگیا،پولیس مقابلے کی فوٹیج اے آر وائی نیوز کو موصول ہوگئی۔

    گولیوں کی تڑتڑاہٹ سے گھبرا کر علاقہ مکین فائرنگ کے دوران کافی دیر تک گھروں میں چھپ کر بیٹھے رہے، پولیس مقابلے میں 2 ملزمان ہلاک،ایک پولیس اہلکار زخمی ہوا۔

    مقابلے میں ہلاک ہونے والے ملزمان کیخلاف شہر کے مختلف تھانوں میں سنگین الزامات کے تحت مقدمات درج ہیں۔

    فوٹیج میں ملزمان کو ایک گھرکی چھت سے پولیس پر فائرنگ کرتے دیکھا جاسکتا ہے جس کے بعد واقعے کی جگہ بھگدڑ مچ گئی۔

    پولیس حکام کے مطابق مختلف مقدمات میں ملوث روپوش ڈاکوؤں کی گرفتاری کے لیے کارروائی کی گئی تھی، ٹیم کے پہنچنے پر ڈاکوؤں نے پولیس پر فائرنگ کردی جوابی فائرنگ سے دو ڈاکو مارے گئے۔

    مزید پڑھیں : کراچی میں نئے سال کا پہلا مبینہ پولیس مقابلہ 

    یاد رہے کہ شہر قائد میں نئے سال کی خوشی میں ہوائی فائرنگ کے ساتھ پولیس کی سیدھی گولیاں بھی چل پڑیں، کراچی میں سال کا پہلا پولیس مقابلہ بھی ہوگیا۔

    کراچی کے علاقے مومن آباد الفتح کالونی میں پولیس اور ڈاکوؤں میں فائرنگ کا تبادلہ ہوا تھا، فائرنگ کے تبادلے کے نتیجے میں دو ملزمان زخمی حالت میں گرفتار کیے گئے تھے۔

  • گلشن اقبال میں انسانی بازو کس نے پھینکا؟ سی سی ٹی وی فوٹیج سامنے آگئی

    گلشن اقبال میں انسانی بازو کس نے پھینکا؟ سی سی ٹی وی فوٹیج سامنے آگئی

    کراچی : گلشن اقبال میں انسانی بازو پھینکنے کی سی سی ٹی وی فوٹیج سامنے آگئی، بازو رہائشی عمارت کے قریب دیوار کے ساتھ پھینکا گیا تھا۔

    تفصیلات کے مطابق کراچی کے علاقے شارع فیصل پر حادثے میں شہری کا بازو دھڑ سے الگ ہونے کے واقعے کی تحقیقات میں اہم پیش رفت سامنے آئی۔

    گلشن اقبال بلاک 19 میں شہری کا بازو کس نے پھینکا؟ اس حوالے سے سی سی ٹی وی فوٹیج سامنے آگئی ہے۔

    فوٹیج میں صبح 6 بجکر 30 منٹ پر 2 کالی گاڑیوں کو دیکھا جا سکتا ہے، شبہ ہے انسانی بازو پچھلی گاڑی سے پھینکا گیا۔

    مبینہ طورپردونوں گاڑیاں ایک ساتھ آئی تھیں اور کار سوار شخص نے گاڑی کی اسپیڈ ہلکی کی اور بازو پھینکا ، بازو رہائشی عمارت کے قریب دیوار کے ساتھ پھینکا گیا تھا۔

    مزید پڑھیں : کراچی: اپارٹمنٹ کی دیوار کے قریب سے ملنے والے انسانی بازو کی شناخت ہوگئی

    فنگر پرنٹ کے ذریعے پتہ چلاکہ بازوعبدالباسط نامی شخص کا ہے، ٹریفک حادثے کے بعد بازو گاڑی میں پھنس کر سفر کرتا رہا ، بازو کی اطلاع علاقہ مکینوں کی جانب سے پولیس کو دی گئی تھی۔

    گذشتہ روز کراچی کے علاقے گلشن اقبال بلاک 19 میں اپارٹمنٹ کی دیوار کے قریب سے ملنے والے انسانی بازو کی شناخت ہوگئی تھی اور بازو گزشتہ روز شارع فیصل نرسری کے قریب ٹریفک حادثے کے شکار شخص کا نکلا۔

    حکام کا بتانا تھا ٹریفک حادثےمیں بازودھڑسےجدا ہوکرگاڑی میں پھنس گیا تھا اور حادثےکے بعد ڈرائیور گاڑی لےکرفرار ہوگیا تھا۔ امکان ہے مفرور ملزم نے بازو گلشن اقبال بلاک انیس میں اپارٹمنٹ کے قریب پھینکا۔

  • شاہ فیصل کالونی میں موبائل شاپ پر ڈکیتی کی سی سی ٹی وی فوٹیج

    شاہ فیصل کالونی میں موبائل شاپ پر ڈکیتی کی سی سی ٹی وی فوٹیج

    کراچی کے علاقے شاہ فیصل کالونی میں گزشتہ روز موبائل شاپ پر ہونے والی ڈکیتی کی سی سی ٹی وی فوٹیج سامنے آگئی، ڈاکوؤں نے ایک خاتون کو بھی تشدد کا نشانہ بنایا۔

    اے آر وائی نیوز کی رپورٹ کے مطابق واردات کی سی سی ٹی وی فوٹیج میں دیکھا جاسکتا ہے کہ دو موٹر سائیکل سوار چار مسلح افراد نے ڈکیتی سے پہلے وہاں موجود ایک پردہ دار خاتون کا اسکارف کھینچ کر اتارا اور  تشدد کا نشانہ بنایا۔

    ڈاکوؤں نے دکاندار سے لوٹ مار کے بعد بھی اس پر بہیمانہ تشدد کیا اور دکاندار جیسے ہی دکان سے نکلا تو ملزمان نے اندھا دھند فائرنگ کردی تاہم خوش قسمتی سے وہاں موجود خواتین اور دکاندار فائرنگ سے محفوظ رہے۔

    سی سی ٹی وی فوٹیج میں دیکھا جا سکتا ہے کہ چار میں سے تین ڈاکوؤں کے چہرے واضح طور پر نظر آرہے ہیں، ڈاکوؤں نے دوران واردات دکان پر موجود خواتین اور ایک مرد سے موبائل فون چھینے اور دکان سے نقد رقم لے کر فرار ہوگئے۔

    اس حوالے سے پولیس حکام کا کہنا ہے کہ ڈاکوؤں کی گرفتاری کیلیے کوششیں جاری ہیں، ملزمان کی شناخت کے بعد انہیں جلد حراست میں لے لیا جائے گا۔

    واضح رہے کہ کراچی میں گزشتہ سال اپریل میں سائٹ ایریا میں ڈکیتی کے دوران 4 ڈاکو موبائل فون شاپ کے مالک سے ایک کروڑ اور موبائل فون لے کر فرار ہوگئے تھے۔

    پولیس کے مطابق ڈکیتی کے حوالے سے دکان کے مالک بخت شیر نے دعویٰ کیا تھا کہ 4 ڈاکو ایک کروڑ روپے اور موبائل فون لوٹ کرفرار ہوگئے، لوٹی جانے والی رقم ریکوری کی تھی۔

    https://urdu.arynews.tv/karachi-robbery-at-mobile-shop/

  • مصطفیٰ قتل کیس: مقتول کی آخری فوٹیج سامنے آگئی

    مصطفیٰ قتل کیس: مقتول کی آخری فوٹیج سامنے آگئی

    کراچی: مصطفیٰ عامر کے قتل کیس میں اہم پیش رفت ہوئی ہے، مقتول کی گھر سے آخری بار نکلنے کی سی سی ٹی وی فوٹیج سامنے آگئی۔

    کراچی کے علاقے ڈیفنس سے 6 جنوری کو لاپتہ ہونے والے مصطفیٰ کی لاش 14 فروری کے روز پولیس کو مل گئی تھی، مصطفیٰ کو اس کے بچپن کے دوستوں نے قتل کرنے کے بعد گاڑی میں بٹھا کر جلادیا تھا۔

    کراچی میں مصفطفیٰ عامر قتل کیس سے متعلق اہم انکشافات سامنے آگئے

    23 سالہ مصطفیٰ عامر کی لاش ملنے کے بعد ڈپٹی انسپکٹر جنرل (ڈی آئی جی) سی آئی اے مقدس حیدر نے پریس کانفرنس کرتے ہوئے بتایا تھا کہ مصطفیٰ عامر کو قتل کیا گیا، مصطفیٰ ارمغان کے گھر گیا تھا وہاں لڑائی جھگڑے کے بعد فائرنگ کرکے اس کو قتل کیا گیا۔

    تاہم اب مقتول کی گھر سے آخری  بار نکلنے کی سی سی ٹی وی فوٹیج سامنے آگئی ہے جس میں مصطفیٰ کو کالے رنگ کی گاڑی میں گلی سےگزرتے دیکھا جاسکتا ہے۔

     

    View this post on Instagram

     

    A post shared by ARY News (@arynewstv)

    فوٹیج کے مطابق مصطفیٰ 6 جنوری کو شام 6 بجکر 30 منٹ پر گھر سے نکلا تھا، والدہ کا کہنا ہے کہ گھر سے جانے کے ایک گھنٹے بعد ہی بیٹے کی نیٹ ڈیوائس بند ہوگئی تھی۔

    دوسری جانب پولیس کو قتل کے ملزم ارمغان کے بنگلے سے کروڑوں روپے مالیت کے بھاری ہتھیار ملے ہیں، حکام کا کہنا ہے کہ ملزم اور اس کے والد کسی بھی ہتھیار کا لائسنس پیش نہیں کر سکے ہیں جس پر برآمد ہتھیاروں کی محکمہ داخلہ سے تصدیق کرانے کا فیصلہ کیا گیا ہے۔

    تفتیشی حکام کا کہنا ہے کہ ملزم سے ممنوعہ بور کے ہتھیار بھی برآمد کیے گئے ہیں، حکام کے مطابق گرفتار ملزم ارمغان نے گھر میں 40 سے زائد سی سی ٹی وی کیمرے لگا رکھے تھے، ان سی سی ٹی وی کیمروں کی مدد سے ہی ارمغان 4 گھنٹے تک پولیس کے سامنے مزاحمت کرتا رہا تھا۔

  • سیف علی خان پر حملہ کرنے والے ملزم کی نئی فوٹیج سامنے آگئی

    سیف علی خان پر حملہ کرنے والے ملزم کی نئی فوٹیج سامنے آگئی

    ممبئی: بالی ووڈ کے چھوٹے نواب اداکار سیف علی خان پر حملہ کرنے والے ملزم کی نئی سی سی ٹی وی فوٹیج سامنے آگئی۔

    بھارتی میڈیا رپورٹس کے مطابق رواں ہفتے بدھ اور جمعرات کی درمیانی شب تقریباً 3 بجے کے قریب ممبئی شہر میں سیف علی خان کے باندرا والے گھر میں ڈکیتی کی کوشش کی گئی جسے اداکار نے مزاحمت کرکے ناکام بنایا جب کہ ملزم فرار ہوگیا۔

    تاہم اب بھارتی میڈیا کا کہنا ہے ہے کہ ملزم کی مزید ویڈیو سامنے آگئی ہے، ویڈیو  میں ملزم کو اپنی شناخت چھپانے کے لیے بدلے ہوئے کپرے میں بلیک بیگ کے ساتھ دیکھا گیا۔

    بھارتی میڈیا کا کہنا ہے کہ سیف علی خان پر حملے کے فوری بعد سامنے آنے والی ویڈیو مین مبینہ حملہ آور کو پیلے رنگ کی شرٹ میں دیکھا گیا تھا تاہم اب نئی فوٹیج میں اسے کپڑے بدلنے کے بعد باندرہ اسٹیشن کے قریب بھی دیکھا گیا۔

    تصویر سیف کے گھر اور باندرہ کے لکی ہوٹل علاقے میں لگے سی سی ٹی وی فوٹیج سے لی گئی ہے۔ تصویر صبح 8 بجے کی ہے۔ حملہ آور کا حُلیہ بدلا ہوا ہے۔ وہ آسمانی نیلے رنگ کی شرٹ پہنے ہوئے نظر آ رہا ہے۔

    بھارتی میڈیا پر ملزم کی ایک اور ویڈیو سامنے آئی ہے جس سے متعلق بتایا گیا ہےکہ یہ واقعے کے 6 گھنٹے بعد کی ہے، حملے کے بعد ملزم نے صبح 9 بجے کے قریب دادر کے ایک اسٹور سے ہیڈ فون خریدے جو سی سی ٹی وی میں ریکارڈ ہوگیا۔

    ویڈیو میں ملزم کو دکان پر ہیڈ فونز خریدتے ہوئے دیکھا جاسکتا ہے جب کہ اس نے نیلے رنگ کے کپڑے پہن رکھے ہیں۔

     

    View this post on Instagram

     

    A post shared by Viral Bhayani (@viralbhayani)

    بھارتی میڈیا کے مطابق سیف علی خان پر حملے کو 50 گھنٹے سے زیادہ کا وقت گزر چکا ہے لیکن پولیس ابھی تک مفرور ملزم کو پکڑنے میں کامیاب نہیں ہو سکی ہے۔

    ملزم کو پکڑنے کے لیے ممبئی کی مقامی پولیس اور کرائم برانچ نے 40 سے زیادہ ٹیمیں تشکیل دی ہیں، ملزم کی ممبئی تھانے اور پالگھر ضلع کے مختلف علاقوں میں تلاش جاری ہے۔

  • چالان کرنے پر ڈرائیور نے ٹریفک اہلکاروں پر گاڑی چڑھا دی، فوٹیج بھی سامنے آگئی

    چالان کرنے پر ڈرائیور نے ٹریفک اہلکاروں پر گاڑی چڑھا دی، فوٹیج بھی سامنے آگئی

    پشاور میں چالان کیے جانے پر ڈرائیور نے ٹریفک اہلکاروں پر گاڑی چڑھا دی، جس کی سی سی ٹی وی فوٹیج بھی سامنے آگئی۔

    تفصیلات کے مطابق پشاور کے نشتر آباد چوک میں چلان کیے جانے پر ڈرائیور نے ٹریفک اہلکاروں پر گاڑی چڑھادی، پشاور پولیس کے مطابق واقعے کی سی سی ٹی فوٹیج سامنے آئی ہے جس میں ملزمان کو ٹریفک اہلکاروں پر گاڑی چڑھانے کے بعد فرار ہوتے دیکھا جاسکتا ہے۔

    Challan karne par driver ne gari traffic ahelkaro par chara di (youtube.com)

    پولیس کا کہنا ہے کہ یہ واقعہ نشتر آباد چوک میں پیش آیا جبکہ زخمی ٹریفک پولیس اہلکار کو اسپتال منتقل کردیا گیا ہے، ملزم اس واقعے کے بعد سے فرار ہیں تاہم مقدمہ درج کرلیا گیا ہے۔

    مقدمے کے متن کے مطابق ٹریفک قوانین کی خلاف ورزی پر  چالان کیا گیا، ڈرائیور نے مارنے کی غرض سے گاڑی ہم پر چڑھائی، پولیس کا کہنا ہے کہ ملزمان کا موبائل فون نمبر ٹریس کررہے ہیں جلد تلاش کرلیا جائے گا۔