کراچی: ڈیفنس میں گاڑی پر فائرنگ سے رکن سندھ اسمبلی اسلم ابڑو کے بھائی اور بھتیجے سمیت 3 افراد کی ٹارگٹ کلنگ کے واقعے کی سی سی ٹی وی سامنے آگئی۔
تفصیلات کے مطابق کی ٹارگٹ کلنگ کی سی سی ٹی وی فوٹیج تحقیقاتی حکام نے حاصل کیں، حکام کا کہنا ہے کہ ابتدائی طور پر اس ٹارگٹ کلنگ میں موٹر سائیکل، کار سوار ملزمان کے ملوث ہونے کا شبہ ہے۔
تحقیقاتی حکام کا کہنا ہے کہ موٹر سائیکل پر 2 افراد گاڑی کے گھر سے نکلنے کے بعد سے مشکوک حالت میں قریب نظر آئے، فوٹیجز میں ایک کار بھی مشکوک انداز میں گاڑی کے پیچھے نظر آئی ہے۔
اکرم ابڑو قتل کے ہائی پروفائل کیس کی تفتیش کے لیے ہائی پروفائل تفتیشی ٹیم تیار
حکام کا کہنا ہے کہ تربیت یافتہ ملزمان نے مہارت سے گاڑی کو گھیر کر حملہ کیا اکرم ابڑو سمیت گاڑی میں سوار افراد جیکب آباد جانے کے لیے نکلے تھے۔
تحقیقاتی حکام نے اس ٹارگٹ کلنگ کے حوالے سے مزید بتایا کہ خصوصی ٹیم فوٹیجز اور شواہد کا جائزہ لے کر تحقیقات آگے بڑھائے گی۔
ایم پی اے اسلم ابڑو کی گاڑی پر فائرنگ، بھائی اور ان کا بیٹا جاں بحق
واضح رہے کہ گزشتہ روز فائرنگ سے محمد اکرم ابڑو اور شہریار ابڑو جاں بحق ہوئے تھے، جب کہ گولیاں لگنے سے دو افراد ارشاد علی اور محمد عبداللہ زخمی ہو گئے تھے۔