Tag: سی سی ٹی وی فوٹیج

کراچی: شہر قائد میں رینجرز پر حملے کی ایک اور سی سی ٹی وی ویڈیو سامنے آ گئی ہے۔

اے آر وائی نیوز کے مطابق کراچی کے علاقے اورنگی ٹاؤن میں گزشتہ روز رینجرز موبائل پر حملہ کیا گیا تھا، اس حملے سے چند منٹ پہلے کی فوٹیج بھی سامنے آ گئی۔

سی سی ٹی وی فوٹیج میں مشتبہ موٹر سائیکل سوار شہری کو دھماکے کی جگہ پر دیکھا جا سکتا ہے، مشتبہ شخص موٹر سائیکل کھڑی کرنے سے پہلے فون پر کچھ دیر بات کرتا رہا، اس دوران اس نے پیچھے مڑ کر بھی دیکھا۔

فون پر بات کرنے کے بعد مبینہ حملہ آور موٹر سائیکل وہاں کھڑی گاڑی کے سامنے پارک کر کے چلا گیا، کچھ ہی دیر بعد رینجرز کی گاڑی اسی مقام پر آ کر رکی اور دھماکا ہو گیا۔

کراچی: رینجرز موبائل پر حملے کی سی سی ٹی وی فوٹیج منظرعام پر آگئی

یاد رہے کہ اس دھماکے میں 2 رینجرز اہل کار جاں بحق جب کہ 8 افراد زخمی ہوئے تھے۔

اس سے قبل بھی رینجرز موبائل پر حملے کی سی سی ٹی وی فوٹیج سامنے آئی تھی، فوٹیج میں دیکھا گیا کہ جیسے ہی رینجرز موبائل آئی تو زور دار دھماکا ہوا، دھماکے سے رینجرز موبائل اور اطراف میں کھڑی گاڑیوں اور دکانوں کو نقصان پہنچا۔

تفتیشی حکام کا کہنا تھا کہ دھماکے سے چند منٹ قبل 2 حملہ آوروں نے موٹر سائیکل لا کر کھڑی کی تھی، ایک حملہ آور دور چلا گیا، دوسرا رینجرز موبائل آنے تک لوگوں کو وہاں سے ہٹاتا رہا، خیال رہے کہ دھماکے کے مقام سے کچھ ہی فاصلے پر رینجرز اور پولیس کی مشترکہ پکٹ لگی ہوئی تھی۔

تحقیقات میں دھماکے میں استعمال ہونے والی موٹر سائیکل کا ریکارڈ کلیئر نکلا۔

کراچی: شہریوں کو لوٹنے والے 2 مزید ملزمان سی سی ٹی وی فوٹیج کی مدد سے گرفتار ہو گئے۔

اے آر وائی نیوز کے مطابق رینجرز اور پولیس نے انٹیلی جنس بنیاد پر ایک کارروائی میں 2 ملزمان شاہ رخ عرف لیون اور وقار احمد کو گرفتار کر لیا۔

ترجمان رینجرز کا کہنا ہے کہ ملزمان کا تعلق انتہائی مطلوب ڈکیت گروہ سے ہے، ملزمان لوٹ مار، اسٹریٹ کرائم کی وارداتوں میں ملوث ہیں، جن کی گرفتاری سی سی ٹی وی فوٹیج کی مدد سے ہوئی۔

فوٹیج میں ملزم وقار کو شہری سے رقم لوٹتے دیکھا جا سکتا ہے، شاہ رخ عرف لیون نے ساتھی کے ہمراہ لوٹ مار کی تھی، ترجمان رینجرز کے مطابق شاہ رخ نے محمود آباد ماڈل پارک روڈ پر کار سوار کو لوٹا تھا۔

ملزم وقار احمد منشیات کا عادی اور پولیس سے بھگوڑا ہے، فوٹیج میں وقار احمد کے ہاتھ میں پستول واضح دیکھا جا سکتا ہے۔

سی سی ٹی وی فوٹیج کی مدد سے اہم ملزم گرفتار، فوٹیج بھی جاری

ترجمان رینجرز نے بتایا کہ ملزمان کے دیگر ساتھیوں کی گرفتاری کے لیے بھی چھاپے جاری ہیں، جب کہ گرفتار ملزمان سے اسلحہ برآمد ہوا اور تفتیش کے لیے انھیں پولیس کے حوالے کر دیا گیا ہے۔

یاد رہے کہ گزشتہ ماہ بھی کراچی میں رینجرز اور پولیس کی مشترکہ کارروائی میں جرائم کی متعدد وارداتوں میں ملوث انتہائی مطلوب ملزم کو سی سی ٹی وی فوٹیج کی مدد سے گرفتار کیا تھا، عابد علی شیدی ڈکیتی اور لوٹ مار کی متعدد کارروائیوں میں ملوث تھا۔

کراچی: رینجرز اور پولیس کی مشترکہ کارروائی میں جرائم کی متعدد وارداتوں میں ملوث انتہائی مطلوب ملزم گرفتار ہو گیا۔

تفصیلات کے مطابق سندھ رینجرز نے پولیس کی مدد سے انٹیلی جنس کی بنیاد پر کی گئی ایک کارروائی میں ڈکیتی اور اسٹریٹ کرائمز میں ملوث انتہائی مطلوب ڈکیت عابد علی شیدی عرف ڈاڈا کو گرفتار کر لیا۔

بے حسی کی ایک ایسی واردات جسے دیکھ کر دردمند دل تڑپ اٹھے (ویڈیو)

رینجرز کے ترجمان کے مطابق عابد علی شیدی ڈکیتی اور لوٹ مار کی متعدد کارروائیوں میں ملوث رہا ہے، ملزم کو سی سی ٹی وی فوٹیج کی مدد سے گرفتار کیا گیا۔

سندھ رینجرز نے گرفتار ملزم کی سی سی ٹی وی فوٹیج بھی جاری کر دی ہے، جس میں ملزم کو ساتھی کے ہمراہ اعظم بستی منظور کالونی میں لوٹ مار کی واردات کرتے دیکھا جا سکتا ہے۔

ملزم عابد شیدی نے درجنوں وارداتوں کا اعتراف بھی کر لیا، ترجمان رینجرز کے مطابق ابتدائی تفتیش میں ملزم نے اعتراف کیا کہ وہ کراچی کے مختلف علاقوں میں شہریوں کو لوٹنے، ڈکیتیوں اور اسٹریٹ کرائم کی متعدد وارداتوں میں ملوث ہے۔

موٹر سائیکل چوری کی واردات اتنی آسان کیوں؟ فوٹیج سامنے آ گئی

فوٹیج میں واضح نظر آنے والے ملزم کے ساتھی کی تلاش میں بھی چھاپے مارے جا رہے ہیں، رینجرز کا کہنا ہے کہ گرفتار ملزم کو مزید قانونی کارروائی کے لیے پولیس کے حوالے کر دیا گیا ہے۔