کراچی : اندرون اور بیرون ملک جانے والے مسافروں کے لئے اہم خبر آگئی ، بڑا فیصلہ کرلیا گیا۔
تفصیلات کے مطابق ملک بھر کے بین الاقوامی ایرپورٹس پر مسافروں کی کڑی نگرانی کا فیصلہ کرلیا گیا۔
ڈی جی ایف آئی اے نے ملک تمام انٹرنیشنل ایئرپورٹس کے آرئیول اور ڈیپارچر کائونٹرز پر سی سی ٹی وی کیمرے لگانے کا حکم دے دیا۔
ایف آئی اے کی جانب سے کہا گیا کہ سی سی ٹی وی کیمرے لگانے سے مسافروں کی سخت نگرانی ہوگی۔
اس حوالے سے ڈی جی ایف آئی اے کی ہدایت پر ہیڈکوارٹرز سے تمام امیگریشن سربراہان کو مراسلہ موصول ہوگیا ہے، ایئر پورٹس پر سی سی ٹی وی کی نگرانی ایف آئی اے ہیڈکوارٹرز میں بھی ہوگی۔
ذرائع کا کہنا ہے کہ ایف آئی اے کا یہ اقدام اندرون وبیرون ملک آنے جانے والے مسافروں کی سخت نگرانی کے لیے کیا گیا ہے۔
انسانی اسمگلنگ اور گداگری روکنے کے لیے سخت نگرانی کے تحت بین الاقوامی ایرپورٹس پر سی سی ٹی وی کیمرے لگانے کا فیصلہ کیا گیا ہے، ایف آئی اے کااقدام سیکیورٹی نظام کو جدید بنانے کی کوشش ہے۔
